معالج نفسي / دينا هلالي

30/01/2026

فى مرحله بتجيلك بعد الزعل من شخص غالى عليك و بعد العتاب مره واثنين وعشره إسمها #براحتك ودى المرحله اللى بتسيبه فيها تشوفه هيتغير ولا لأ هيراعى مشاعرك ويبطل اللى بيزعلك ولا لأ وانت ساكت وبتتفرج وبس
ودى المرحله اللى قبل ما بتمشى نهائى
بتبقى زى فرصه أخيره له إنك تحسسه وتأكدله لأخر لحظه إنك مش عايز تخسره وباقى عليه ف ياريت متيضعوش الفرصه دى عشان متوصلوش لمرحله الندم ✋💌



#كتاباتى 📝❤️

21/01/2026

غالباً أكثر ناس بتتأذى فى حياتها هما الناس اللى مشاعرها وأحاسيسها صادقه أوى أوى
اللى مش بيدوا مشاعر الا وهما حاسنها وواثقين منها جدا
مش بس مجرد مبادله أو كلام وخلاص
عشان كدا لما الطرف الثانى بيبدأ يصدمهم بحقيقه مشاعره المزيفه اللى بتبان فى الأفعال الحاسمه مش الكلام السهل ، بيلاقوا نفسهم اتوجعوا واتهزوا أوى وبيبقوا ندمانين على كل إحساس صادق خرج منهم للشخص الغلط
وعليه بيفضلوا كثير بيحاولوا يرمموا قلبهم عشان يقدروا يحسوا من تانى ويدوا مشاعر لأهل ثقه عشان لا يظلموا ولا يتظلموا ... 🤚



#كتاباتى ✍️❤️

19/01/2026

طب جرب إنت كدا تبعد شويه وتشوف هيدوروا عليك ويفتكروك ولا هيختفوا
وبعدها قرر يستاهلوا يفضلوا فى حياتك ولا توفر طاقتك وحبك لناس شارينك !



#كتاباتى 📝❤️

17/01/2026

قالت أنا محتاجه أفوق ، محتاجه أخذ موقف بجد ،
محتاجه مضعفش ثانى ، محتاجه أبدأ حياه جديده من غير ناس مؤذيه
محتاجه قلبى يتطمن .. 💔

15/01/2026

صحيح كل حاجه بتعدى ✔️ بس مش كل حاجه بتتنسى ❌

زى ما الجروح بتعلم فينا بأثر ، أذى المشاعر والنفس وكسر الخواطر بتعدى مواقفها بس بتسيب جوانا أثر سلبى 💔😥



#كتاباتى✍🏻❤️

12/01/2026

تأثير الخلافات الزوجية على الأبناء ✋😞

يستمد الأبناء شعورهم بالأمان من الإستقرار الأسري الذي ينشؤون فيه، ولكن الخلافات الزوجية تتعارض مع هذا الشعور، وينتاب الأبناء شعور بخطر ما يهدد استقرار الأسرة
أن الأطفال الذين ينشؤون بين مشكلات الأبوين المتكررة من المحتمل أن يتأثروا في مرحلة البلوغ بالاكتئاب والقلق ومخاطر الفشل في العلاقات الشخصية والحياة المهنية
وقد يؤثر التوتر العاطفي لدى الطفل على تحصيله الدراسي، فيعاني من قلة التركيز والانتباه والإصابة بنوبات الغضب، فيبدأ بداخله صراع عن مدى حب والديه له، أو قلق من انفصالهما وكيف سيواجه حياته دونهما.



#أدمن ESraa

09/01/2026

أعراض بدايه الاكتئاب الحاد ⬇️

الاندفاع ..
التعصب على اتفه الاسباب ..
كتمان المشاعر ..
الجلوس وحيدا لاوقات كثيره ..
الاحساس بالتوتر اغلب الاوقات
الصداع المستمر ..
الارق عند النوم
الجلوس في الأماكن اكثر عتمه والانزعاج من الاضواء
البعد عن الضوضاء

- اي من الاعراض هذه بدأت الظهور عليك؟!!

06/01/2026

05/01/2026

نغزه القلب اللى بتجيلك فجأه من حد غالى وإنت بتحبه بس بيأذيك ، بتخلق جواك إحساس قفله منه مع الوقت والمواقف الوحشه اللى بيعملها
القفله دى بتيجى غصب عنك مبتقدرش بعدها تتحكم فى إحساسك ناحيته أو تغيره لإحساس جميل زى ماكان ، لإنك ببساطه مبقتش قادر تعديله الوجع تانى
وللأسف وقتها الشخص دا مبيصدقش إنك فعلا اتغيرت اتجاهه وقلبك جمد ناحيته وبيلاقى نفسه ندم وعاجز و هو بيخسرك بالبطئ ✋🏻



#كتاباتى ✍🏻❤️

04/01/2026

03/01/2026

متخليش الحنين يضحك عليك ، مش كل اللى فات يستاهل ترجعه 💔

01/01/2026

هتعيـش حيـاتك مرتـاح نفسـياً 🔽

لو قررت من جواك تنهى أى علاقات بتسببلك أذى و وجع كل يوم

لو قررت تقول لأ لأى موقف مش حابه أو أى طلب مش قادر تعمله .

لو قررت ترتب أولياتك وتحط كل شخص فى مكانته اللى يستحقها بأفعاله .

لو قررت تهتم بيك أنت وبأحتياجاتك قبل ما تفكر وتعمل حساب لكل حد وتيجى على نفسك .

لو قررت تبدأ ترضى بحياتك ظروفك وبنصيبك أيا كان أيه ربنا قاسمهولك هتعيش مرتاح نفسياً 🙏🏻❤️



#كتاباتى ✍🏻❤️