Dr. Reham Hassan

12/09/2025

أتوجّه بخالص الشكر والتقدير لموقع الجمهور الإخباري الموقّر ولسعادة رئيس التحرير الأستاذ محمد صبري ، على ما تبذلونه من جهود مخلصة وعطاء متواصل في خدمة الكلمة الهادفة وإثراء الساحة الإعلامية. لكم منّا كل الاحترام والدعاء بدوام النجاح والتوفيق.
https://www.facebook.com/share/1EGcJDgtjK/
https://www.algomhor.com/ #

الصفحة الرسمية لموقع الجمهور الإخبارى

12/09/2025

هل سألت نفسك يومًا لماذا يعيش البعض وكأنهم ضحايا طوال الوقت؟ لماذا يفتقدون القدرة على المواجهة، ويهربون من تحمل المسؤولية، ويتركون حياتهم رهينة لقرارات الآخرين؟ ه....

11/09/2025

الطيبة كلمة كتير من الناس بيخلطوا بينها وبين السلبية أو حتى السذاجة، مع إن الفرق بين الثلاثة كبير جدًا. الطيبة تعني إنسانية ورحمة ووعي، بينما السلبية معناها استسلام...

23/08/2025

في السنوات الأخيرة، انتشر مصطلح "التربية الإيجابية" انتشار النار في الهشيم. وأصبح يُستخدم كمرجعية تربوية دون مرجعية علمية دقيقة أو توثيق واضح. بل أصبح غطاءً فضفاضًا ...

22/08/2025

في حياتنا اليومية، نواجه ضغوطات وتحديات متعددة، خاصة في مجال العمل الذي يتطلب منا الكثير من التركيز والانضباط. ومع تزايد الضغوط، قد نجد أنفسنا ننساق وراء انفعالاتن....

21/08/2025

قيمتك مش برأي حد فيك… ولا بعدد اللي بيحبك
قيمتك في إحساسك بنفسك واحترامك لروحك
مادورش على القبول…
اللي بيحبك بجد هيشوف قيمتك من غير ما تثبت له حاجة💡
#وعي

13/08/2025

💡الحب مفيهوش تهديد
لو كل مرة تقول ‘مش عايز’ وتلاقي التاني بيهدد.. يزعل أو يبعد… ده ابتزاز عاطفي. بيستخدم مشاعرك ضدك عشان تتحرك على مزاجه. افتكر إن أي علاقة صحية مبنية على الاختيار، مش الخوف. لما توقف الابتزاز، يمكن تخسر حد، لكن هتكسب نفسك.
#تحفيز #وعي

12/08/2025

كلنا بنتعرض لضغط… شغل، دراسة، علاقات، مسئوليات.
لكن الفرق بين اللي بيكمل واللي بينهار… هو طريقة التعامل مع الضغط.
أحيانًا الحل مش إنك تشيل كل الحمل، لكن إنك توقف دقيقة… تتنفس… وتفتكر إنك إنسان مش ماكينة.
#تحفيز

07/08/2025

المرأة الناضجة عاطفياً في العلاقة الزوجية 🧑
بتكون عارفة إن الجواز مش بس مشاعر حلوة وكلام رومانسي، لكن كمان مشاركة ومسؤولية، بتكون شريكة حقيقية بتفهم إن في أوقات لازم تصبر، وأوقات لازم تتكلم، وأوقات لازم تسكت بحكمة.
هي بتعرف تعبّر عن مشاعرها من غير ما تجرح، وبتسمع من غير ما تحكم. لما تزعل، مش بتعمل دراما ولا تتهرب، لكن بتحاول تفهم السبب وتتكلم بهدوء. ووقت الخلاف، مش هدفها تكسب أو تنتقم، لكن تهدّي وتصلّح.
المرأة الناضجة عاطفياً بتدّي الأمان لشريكها، وبتخليه يحس إنه محبوب ومقبول حتى في ضعفه. هي مش بتدور على الكمال، لكن بتفهم إن كل واحد فيه عيوب، وإن النجاح في العلاقة بييجي من التفاهم، مش من المثالية. 💡
#احتواء

05/08/2025

الرجل الناضج عاطفيًا 💡
مش لازم يكون مثالي، بس هو صادق مع نفسه وبيحاول يفهمها ويفهم اللي حواليه. بيشوف في كل موقف فرصة إنه يتعلم ويتطور، وعنده الشجاعة إنه يغير من نفسه ويتحسن. هو راجل بيخلق إحساس بالأمان، مش بيستناه من غيره؛ بيعرف يسمع كويس، مش بيفرض رأيه؛ وبيعيش الحياة بكل تحدياتها ومشاعرها.

02/08/2025

"لا يوجد أبناء مشكلون و لكن يوجد أباء مشكلون "
مافيش حاجة اسمها "أطفال صعبين"، لكن فيه أهل مش بيعرفوا يحتويوا ولادهم. كام "طفل شقي" في الحقيقة بيكون انعكاس لبيت مش مستقر؟ كام "مراهق متمرد" ما هو إلا نتيجة لحرمان من الحنان، أو قسوة، أو إهمال؟ الأطفال مبتتولدش بمشاكل… لكن بتتعلم من اللي حواليها، من ردود أفعالنا، من وجود الاحتواء أو غيابه. قبل ما نزعّق للطفل أو نحكم عليه، نسأل نفسنا: كنا أهل بجد؟ سمعناه؟ حاولنا نفهمه قبل ما نحكم؟ حضناه قبل ما نلومه؟ التربية مسئولية مش سلطة. والحب عمره ما كان ضعف… ده أقوى وسيلة نبني بيها.
#تربية #علاقات #تطويرذاتي

30/07/2025

كلامك لنفسك... بيصنع فرق كبير!
عارف لما تبقى مضغوط أو متوتر، وتحس إنك خلاص مش قادر تكمل؟ ساعات الحل مش في اللي حواليك، لكن في اللي بتقوله لنفسك.
الحديث الذاتي مش مجرد كلام داخلي، دي مهارة. وكل ما تمرّن نفسك إنك تتكلم مع نفسك بطريقة إيجابية، كل ما زادت قوتك النفسية.
💬و افتكر أن ....
"ياما دقّت على الراس طبول!"
افتكر كل مرة افتكرت إنك مش هتقوم… وقومت! عدّيت أوقات أصعب، وخرجت منها أقوى.
🎯 خلاصة الكلام؟
إنت أقوى من اللي بتحس بيه دلوقتي. وكل مرة تتكلم فيها مع نفسك بإيجابية، بتقرب خطوة من الراحة والوضوح.