د. شيماء نبيل سلامة للاطفال و حديثى الولاده

26/01/2021

06/07/2020

عملية شد البطن🤰
عملية شد البطن هي عملية جراحية تهدف إلى إعادة شكل البطن لوضعها الطبيعي 💃
من خلال إزالة الدهون الزائدة والترهلات والزوائد الجلدية 😊
واستعادة شكل عضلات البطن للحصول على بطن مشدود🏃‍♀️
بالإضافة إلى ذلك يمكن عن طريق عملية شد البطن تعديل ترهلات البطن 🙀 التي لا تتأثر مع ممارسة التمارين الرياضية 😟 أو الحمية الغذائية وعلاج تمدد الجلد بعد الحمل والولادة.👍

📢 تابع معانا الصفحة علشان تعرف أكتر عن كل ما يتعلق بالجراحة العامة او جراحات الاورام والثدي

🗯فى حالة وجود اي استفسار برجاء التواصل من خلال الرسايل على الصفحه 👍

🕹 السنبلاوين - ميدان القنطرة - بجوار مطعم البغل - برج عمران
🕹الحجايزه. الطريق العام. أعلى معمل دار الشفا
📞01027908920

15/06/2020

الف مليووووون مبرووووك يا د.احمد فايز وبالتوفيق باذن الله

https://www.facebook.com/Dr.AFayez/

مرحباً بك فى صفحة الدكتور أحمد فايز إستشاري الجراحة العامة والأورام.

08/06/2020

حالات (الاشتباه _المؤكده ) الاصابه بفيرس الكرونا المستجد والمقرر لها العزل المنزلي

13/05/2020

أي شخص في هذه الفترة
يعتبر نفسه ايجابي و يعمل كل الاحتياطات لتقليل عدوي الاخرين
و في نفس الوقت يعتبر كل اللي حواليه ايجابي و برضه يتخذ نفس الإجراءات الوقائية لمنع انتقال العدوي إليه

٩٠٪ من الحالات بتخف لوحدها دون علاج أو مستشفي

اروح المستشفى فقط لو فيه نهجان او ضيق نفس في أي وقت مفيهوش حرارة ( لأن الحرارة بتعمل نهجان و ممكن ضيق نفس )

ال ١٠٪ الباقيين منهم ٧ ٪ بيحتاجوا فقط المستشفيات علشان الأوكسجين ( أهم شئ في العلاج و بعض الأدوية المساعدة أهمهم دواء السيولة )
٣٪ بيحتاجوا جهاز تنفس صناعي و دول للأسف نسب الوفاة بتوصل ل ٩٩٪ في مصر

29/03/2020

اخر تعريف لحالات الكرونا

14/03/2020

14/03/2020

امته أشك أن دي كرونا COVID-19 مش التهاب رئوي ولا دور برد عاااادي....
ركزوا اوي فالكلام لأن احنا في موسم البرد اصلاااا 🙈🙈
ولو لاقدر الله وحصل لازم القطاع الوقائي يا جماعه

09/03/2020

نخلي بالنا

01/03/2020

🔴 الاعراض اللي عند ابني دي كورونا ولا برد عادي ؟! اعرف ازاي ؟!

نركز بقى في اللي جاي :

✋🏼 اولا عشان نطمن الامهات :

1. فيروس الكورونا بالذات و على عكس باقي الفيروسات التنفسية بيجي بصورة اخف جدا في الاطفال مقارنة بكبار السن

2. حالات الاصابة في الاطفال اللي اقل من ٥ سنوات نادرة جدا ،، و ده معناه ان الاطفال في المرحلة العمرية دي محميين بصورة طبيعية (السبب غير واضح حتى الان) و مش بيلقطو العدوى بسهولة زي الكبار

3. معدل الوفيات في الاطفال اقل من ١٠ سنوات بسبب الكورونا = صفر ،،

صفر فعلا ،، لم يسجل اي حالات وفيات بين الاطفال في العالم بسبب الكورونا (عكس الانفلونزا العادية و غيرها من الفيروسات الاخرى المسببة لعدوى الجهاز التنفسي) ،، مش بس كده .. شوف رقم ٤

4. الفيروس لما اصاب طفل حديث الولادة (عنده ١٣ يوم بس) ماحتجش اي علاج نهائي و لم تظهر عليه اي اعراض تقلق ،، و خف منه من غير اي تدخل طبي
يبقى مبدأيا نطمن كده على ولادنا لأن ان شاء الله معدل الخطورة عليهم منخفض جدا حتى مقارنة بالانفلونزا العادية

🔴 طيب نجاوب على السؤال : كورونا ولا مش كورونا ؟

1. اهم عرض لازم يصاحب مريض الكورونا اللي هتظهر عليه اعراض المرض (مش الحاملين اللي مش هتظهر عليهم اعراض اصلا) هو ارتفاع درجة الحرارة ،، (٩٨.٩٪؜ من مصابي الصين - ١٠٠٪؜ من بمصابي باقي دول العالم)

مفيش كورونا من غير سخونية ،، طفلك اللي مخنفر و بيكح طول ما هو مش بيسخن يبقى ان شاء الله منقلقش

2. اهم تاني عرض هو الكحة الجافة (Dry cough) اللي موجودة في ٧٥٪؜ من المصابين ...

التاريخ المرضى لمعظم المصابين بيكون عبارة عن ارتفاع في درجة الحرارة لمده كام يوم ،، يليه كحة جافة ،، كحة ببلغم حاجة نادرة نسبيا مع مريض الكورونا و عمرها ما تكون هي اول الاعراض ،،

3. عكس دور البرد و الانفلونزا لسبب مش معروف تأثير الفيروس اقوى ما يكون بيكون على اغشية الرئة فقط و اكثر بكتير من تأثيره على باقي اغشية الجهاز التنفسي ،،

فاعراض الرشح و الخنفرة و المناخير السايبة بتطمنا اكتر و تقول ان الطفل غالبا عنده برد عادي جدا ،، في واحدة من الدراسات بتقول ان الرشح كان موجود في ٤٪؜ فقط من المصابين !

ابنك اللي بيخنفر و يبربر ان شاء الله عنده برد عادي جدا زي اللي بيجيله كل سنة ،، اطمني ،، مش كورونا

4. إلى الان ،، الغالبية العظمى من المصابين بيه لازم يتوفر فيهم شرطين : ١.كان ليهم تاريخ مرضي بالسفر للدول الموبؤة أو: ٢.الاختلاط مع اشخاص مصابين ،، عدد الحالات اللي اكتشفوها بدون ما يتوفر فيهم الشرطين دول نادرين جدا و يعدو على اصابع اليد الواحدة ،،

فلو حضرتك مش بتاخدي كل فترة جولة سياحية (tour) بتلفي فيها على الصين تطلعي منها على كوريا و تقضيلك بعديها يومين استجمام في ايطاليا او فرنسا ،، يبقى نسبة ان الاعراض اللي بيعاني منه ابنك دي تبقى كورونا تقترب من الصفر ،، الكلام ده الى الآن ،، و ان شاء الله تفضل كده و ان كان مش اكيد هتفضل

طيب انا كده اطمنت ،، اقلق امتى بقى ؟!

⛔️ اعراض الخطر :

1. كحة جافة مستمرة اكتر من ٥ ايام و معندناش حاجة تفسرها يصاحبها ارتفاع في درجة الحرارة

2. صعوبة في التنفس و نهجان

3. تغير في لون الشفايف الطبيعي الى اللون الازرق

4. همدان شديد و عدم القدرة على بذل اي مجهود مع تكسير في الجسم

5. فقدان شديد للشهية مع صعوبة في البلع

6. اضطراب في درجة الوعي

الخلاصة ،، الموضوع بالنسبة للاطفال مش مقلق خالص ،، انتي تقلقي على ابنك من الانفلونزا العادية اكتر بكتير من الكورونا ،، خنفرة و رشح زي الموجودة عند كل الاطفال طول السنة و لا نحطها في بالنا ،،

نغسل ايدينا كويس بالصابون باستمراو و نداري بقنا و مناخيرنا و احنا بنكح و نعطس (المفروض ان كلنا بنعمل كده) و نبعد عن التجمعات في الاماكن المغلقة و ان شاء الله كلنا هنبقى في السليم


اخصائي الاطفال وحديثي الولاده

22/02/2020

مساء الخير 🌜🌜

موضوع مهم جدااا ناس كتير سالتني عليه

👁 الأطعمة التي يجب تجنبها أثناء فترة الرضاعة الطبيعية:

1- المكسرات
تعد المكسرات من أكثر أنواع الطعام المثيرة للحساسية بما فيها الفول السودانى .

2- الأسماك
لا يفضل تناول بعض أنواع الأسماك مثل سمك القرش وسمك ابوسيف والماكريل وسمك تيلى لاحتوائها على مادة الزئبق بنسبه عاليه الذي ينتقل للطفل عن طريق حليب الأم ويؤثر على نمو الطفل. ويمكن للمرضعة تناول أنواع أخرى من الطعام البحري كسمك السالمون أو الجمبرى والتونه وسمك البلوق والقراميط قليله الزئبق.

3- الأطعمة المسببة للغازات
كالخضروات المسببة للغازات مثل الفلفل والملفوف والقرنببيط والبروكلى والبصل وغيرها من الألياف التي قد تسبب ظهور الغازات عند طفلك.

4- المشروبات التي تحتوي على الكافيين
مثل القهوة والشاي والصودا والشيكولاته لأنها تسبب عصبيه عند الطفل فتجنبيها هام جداً وذلك للمحافظه على انتظام مواعيد نوم الطفل.

5- الثوم
قد يتسبب مذاق الثوم في حليب الأم في امتناع بعض الأطفال عن الرضاعة بشكل نهائي الأمر الذي يؤدي إلى شعورهم بالجوع والمرض.

6- الحمضيّات
كما هو الحال مع المكسّرات، قد تتسبب الحمضيات مثل البرتقال والليمون والجريب فروت في إصابة طفلك بالحساسية وأعراض أخرى مثل الطفح الجلدي وتهيّج المعدة.

7- الأطعمة الغنية بالتوابل
كالفلفل الحار والتوابل حيث يجب على الأم المرضعة الإقلال أو الامتناع عن تناولها لأنها تسبب تغيراً في طعم حليب الثدي مما ينفّر الرضيع من الرضاعة بجانب أنها تتسبب في تهيج أنسجة المعدة. وإذا رغبتِ في إضافة القليل من التوابل يمكنكِ الاستعانة بقليل من الليمون بديلاً للصلصة الحارة أو إضافة القليل من الزنجبيل بديلاً عن الفلفل الحار