30/11/2025
سؤال اليوم وكل يوم 📢📢📢
👈 ليه وزني ثابت رغم اني عاملة دايت ؟؟
ببساطة عشان الميزان بيقول جزء صغير جدا من الحقيقة ومش العامل الوحيد للحكم على تقدمك فى الدايت..
أنا كدكتورة بهمني “جسمك من جوا” قبل الرقم اللي بيظهر قدامي
🟢 إنت ممكن تنزلي دهون من غير ما الرقم يتحرك، لأنك في نفس الوقت ممكن تكوني
👈 بنيتي شوية عضل ( وده مهم للحرق بتاعك بعد كدا)
👈 جسمك بيقلل الالتهاب مع الدايت وبيتحسن الهضم.
👈 القياسات بتنزل والنقطة دي بتفرق جدا
👈 نومك وطاقتك ومزاجك بيبقوا أحسن مع الإلتزام
👈 شهيتك بتتظبط ومعدلات الحرق بتعلى بالتدريج
فلو الميزان ثابت ده مش معناه إنك فشلتي
و اللي بيهمني دايما 👈👈 هل نسبة الدهون فى الانبادي بتقل؟ قياساتك بتتحسن؟ جسمك أقوى؟
لو الإجابة آه… يبقى انتي ماشيه صح حتى لو الميزان ثابت 💪
