Mazen Clinic

14/12/2020

تعرف ان قرح الفم المتكررة هي أحد أعراض أمراض #مناعية كتير😟😟
وكتير جداً مرضي بيجيلهم #قرح في بقهم أو لسانهم ويعتبروه حاجة عادية
وبعض الناس بيبقوا فاكرينها من البرد 🤔🤔
أمراض مناعية كتير منها الذئبة الحمرا ، الروماتويد ، تيبس العمود الفقري ، التهاب القولون التقرحي المناعي ، الصدفية ، الروماتيزم التفاعلي ، ساركويد و طبعا مرض بهجت
وغيرهم كتير ممكن اول ما يبدأوا يظهر قرح متكررة بالفم
القرحه ما بتكدبش .... 🤓🤓🤓
لأنها بتقولنا في مشكله و روح دور عليها🥵
لو عندك قرح متكررة بالفم و مزهقاك تعالي شرفنا و ان شاء الله تلاقي عندنا حل اللغز👌💪💪
وعشان تعرفوا أكتر أبعتولنا أو تواصلوا معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market

14/12/2020

ايه علاقة السكر و المناعه 🧐🧐
أولا السكر ليه أسباب مناعية ....
زي م انتوا عارفين ان في نوعين مشهورين للسكر اللي هما النوع الأول و النوع التاني
طبعا في أنواع تانية للسكر بس مش مشهورين
🩺 النوع الأول للسكر ده لقوا انه زي ما ليه جزء وراثي كمان ليه جزء مناعي لأن المناعه بتهاجم خلايا بيتا في البنكرياس و دي اللي بتطلع الانسولين و بتتدمر خالص في النوع الأول علشان كده النوع الأول علاجه بس هو الانسولين و ده النوع اللي بييجي للأطفال
🩺 أما النوع التاني من السكر و ده اللي بييجي للكبار و ده غالبا احنا اللي بنجيبوا لنفسنا ...
طيب ازاي .... أقولك ازاي 🤔😎😎
الأكل بتاعنا بقي كله نشويات عالية و سكريات و الأكل ده بيسبب افراز الأنسولين بكثرة و ده بيعمل سمنة و كرش و بعد فترة بيحصل مناعه للانسولين اللي بتجيبلنا السكر في النهاية
طيب كمل بقية علاقة السكر بالمناعه ...🤗
زي ما انتو برضه عارفين ان السكر لو مش مظبوط و سكرك التراكمي عالي فا ده بالطبع بيعمل ضعف في جهازك المناعي و النتيجة بتبقي التهابات كتيرة و خراريج
😢😢
مرض السكر لما بييجي مع مرض مناعي بيبقي محتاج متابعه من نوع خاص و ده لأن علاج المرض المناعي بيلخبط السكر و علاجه و بتحتاج تفصيل زي بتاع الترزي كده للعلاج
في أمراض مناعية بتيجي مصاحبة لمرض السكر من النوع الأول أو التاني
أو ممكن علاج الأمراض دي يسرع بحدوث مرض السكر
مرض السكر ممكن يعمل أعراض شبه الأمراض المناعية زي التهابات بالأوتار و المفاصل كمان
🚨🚨 لو انت مريض سكر أو مريض بمرض مناعي و جالك سكر أو خايف يجيلك سكر
مستنيين استفساراتكم

سيب تعليقك وهنرد عليك
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market
دمتم بصحة و عافية

09/12/2020

في الفترة الأخيرة قابلني كذا حالة محولة من طبيب زميل بإختلاف التخصصات لوجود عرض غريب علي الطبيب اللي محول الحالة فقال للمريض بص عندك مشكلة في المناعه و محتاج دكتور مناعه علشان تتشخص 😟😟
و هنا سؤال بيلح عليا هو ليه في دكاترة بتعتبر المناعه #شماعه لو حاجة غريبة ظهرتله في المريض 🤔🤔
هو التعبير فعلا معبر شوية عن التخصص ده لان #الشماعه بيتعلق عليها كل الملابس باختلاف الوانها و اشكالها ،ملابس رجالي او حريمي او اطفال
كذلك المناعه تخصص بيضُم امراض كل مرض فيها هو #شماعه بتضم أعضاء و أجهزة كتيرة زي [ الجهاز العصبي ، القلب و الاوعية الدموية ، الكلي ، المفاصل و العضلات ، الصدر، الجلد و ده ليه دور كبير معانا ، الكبد ، العين و ما أدراك ما العين تقريبا مفيش مرض مناعي بيسيبها في حالها بيبقي دايما عينه منها ، الأنف ] بصوا هو تقريبا كل حتة في جسم الانسان ممكن تتأثر بمرض مناعي😳😳
يبقي لينا حق نقول عليها #شماعه بس مش أي حاجة برضه يتقال عليها مرض مناعي 🧐🧐
طيب امتي تروح لدكتور المناعه 🤔🤔🤔🤔
غالبا انت بتروح لدكتور المناعه و الروماتزم متحول من دكتور تاني و ده لانك دايما بتروح لدكتور من التخصصات اللي فوق دي👆👆
لما تكون مفاصلك بتوجعك أو مورمة روح لدكتور الروماتزم و المناعة
✅ لو بيجيلك التهاب قزحي في عنيك الاتنين أو حتي عين واحدة برضه دكتور المناعه هو مكانك 👌
✅ لوعندك تنميل و التهاب اعصاب في الاطراف و بيطلعلك نقط حمرا علي الجلد و دكتورالاعصاب مش عارف السبب و ده لأنه خارج تخصصه يبقي تروح لدكتور المناعه 👌
✅ لو بيطلعلك قرح بالفم و بتتكرر كتير برضه محتاج تزور دكتور المناعه 👌
✅ لو بيجيلك جفاف بالفم و العين مع وجع بالمفاصل محتاج دكتور مناعه 👌
الامراض المناعية دي أمراض عكس م انت فاهم مناعتك ما بتبقاش ضعيفة ، مناعتك بتكون قوية بس بتستقوي علي اللي منها بتيجي علي الجسم و أعضائه و أجهزته بتهاجمه بس غصب عنها لأنها شايفاه غريب عنها ، ده بيكون بسبب خلل جيني ثم حاجات من البيئة المحيطة بتنشطه زي التدخين مثلا ،زي أشعة الشمس الفوق بنفسجية في بعض الامراض 👌👌
المناعه مهمة لجسمك و سلامتك ، بس عاوزينها فاضية من غير امراض 💪💪
دمتم بصحه و عافية
اهتموا بصحتكم
وعشان تعرفوا أكتر أبعتولنا أو تواصلوا معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market

07/12/2020

كتير من السيدات أول ما بتعرف انها حامل بتروح علي طول لدكتور النسا و الولادة علشان تتابع الحمل بتاعها و ما يكونش فيه أي مشاكل 🤲🤲🙂, طبعا السيدات اللي عندهم أمراض #مناعية زيهم زي كل السيدات بيبقوا عاوزين يتابعوا الحمل علشان البيبي يكون في صحه و ينور للدنيا من غير أي مشاكل 👌👌 , علشان كده لازم أي ست بتعاني من أي مرض مناعي زي #الروماتويد أو انهم يتابعوا بانتظام مع طبيب الروماتيزم و المناعه طوال فترة الحمل 🤔🤔
مش بس كده لازم قبل الحمل يتابعو كويس علشان ما يكونش فيه نشاط للمرض قبل الحمل 😮
كمان بعض الأمراض المناعية زي الذئبة بيزيد نشاطها في الحمل فلازم متابعه بانتظام 😢😢
وكمان جرعات الأدوية ممكن تتغير عن قبل الحمل وفي أدوية كمان بتتوقف قبل الحمل بفترة زي حقنة الميثوتريكسات لمرضي الروماتيود علشان بتعمل تشوهات للجنين و بتحتاج تتوقف قبل الحمل بست شهور 😟😟😟
في كمان أمراض مناعية بتعمل اجهاضات متكررة و السيدات دول بيبقوا محتاجين متابعه مستمرة علشان الحمل يكمل 👌👌
عاوز أقول ان الحمل بيأثر علي الأمراض المناعية و الأمراض المناعية بتأثر علي الحمل كمان
وربنا يرزقكم جميعاً ... وأهتمي_بنفسك
عشان
دمتم بصحة وعافية
وعشان تعرفي أكتر أبعتلنا أو تواصلي معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market

07/12/2020

يا ماما الولد ده ضعيف كده و كل شوية يجيله التهابات في زوره و كحه و ساعات خراج في جلده.......😢😭😭
حاجبلك يا بنتي من الآخر الواد ضعفان من قلة الأكل افضلي اديله #توم و #بصل هيخف 😎 و لا أقولك ده حتلاقيه #محسود احنا ناخده للشيخ اللي جنبنا ده يرقيه و حيبقي اخر عال... 🧙‍♂️🧙‍♂️🧙‍♂️
المحادثة دي بيحصل زيها كتير و النتيجة ان الولد ده مش بيخف و يفضل يتعب و يجيله التهابات كتير مرة التهاب #رئوي مرة #اذن وسطي او #خراجات كتير تروح وتيجي 😟😟
أمراض بتصيب #الأطفال و #الكبار
لو من ساعه الولادة او بعدها بفترة بسيطة بتبقي غالبا نقص مناعه ذاتية بسبب خلل جيني و بتأثر علي جزء من خلايا المناعه 🙁🙁
و حسب وظيفتها بيحصل أمراض بسبب فيروسات أو بكتريا أو حتي فطريات
أما في الكبار فنادرا انها تكون نقص مناعة ذاتية و ده ما يمنعش انها ممكن تحصل عادي أو الأكثر حدوثا بيبقي نقص مناعه لأسباب ثانوية زي مرض السكر و الايدز و تليف الكبد أو الفشل الكلوي 🙁🙁
طيب امتي نشك اننا عندنا نقص في المناعه أو طفلنا عنده نقص مناعه 🤔🤔
لو بيجيلك التهابات بسبب بكتريا او فيروس و تخف بصعوبة او تكون متكررة كل شهر أو اتنين تلاقي التهاب غير الاولاني
طبعا ساعتها لازم تزور طبيب المناعه 👌👌
عاوز أقولك سيبك من الخرافات و الجهل , الفتايين كتير و احنا مش منهم
وعشان تعرف أكتر أبعتلنا أو تواصل معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market

06/12/2020

عشان تكون عارف امتى تروح لعيادة دكتور الروماتيزم والمناعة ..؟؟ 👇👇
وعشان تعرف أكتر أبعتلنا أو تواصل معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market

06/12/2020

06/12/2020

06/12/2020

06/12/2020

ناس كتير بتتشخص بمرض لمجرد انه حس بوجع 😢 في #ركبته وكشف عند 🙂 علشان ركبته بتوجعه وطلب منه دكتور العظام تحليل (الميكروب السبحي) ولما بيطلع إيجابي يقوله عندك #حمي #روماتيزمية 🤔
الكلام ده غلط تماما و اشبه ما يكون بمشهد هزلي مسرحي 😟😟 علشان المريض يخرج متشخص من عنده و يقوله انت حتمشي علي حقن #بنسلين #طويل #المدي و اللي طبعاً ما بيحسش بأي تحسن عليها و يفضل يلف علي الدكاترة باختلاف تخصصهم من غير حلول 🥵🥵
طيب ايه الحمي الروماتيزمية دي علشان نفهم و ما ناخدش علاج غلط 🤔🤔
#الحمي #الروماتيزمية مرض #مناعي بيهاجم مفاصل الجسم و صمامات القلب نتيجة التعرض لنوع من احد انواع الميكروب السبحي الكتيرة جداً التعرض ده بيكون غالبا في الفترة من( سن 5 الي 15 سنة )و نادر انه يحصل بعد سن 25
طبعا بعد انتشار استعمال المضادات الحيوية اصبحت معدلات الاصابة بيها قليلة جداً 😳
طيب ايه الأعراض بتاعتها 🤔🤔
✅ حدوث التهاب ✅ تورم باحد المفاصل ✅ سخونة بالمفصل✅ اللي بتتحسن لوحدها و تختفي ثم تظهر في مفصل تاني بنفس الشكل الاول
طيب ايه تاني ✅ التهاب بعضلة القلب او ✅ ببطانة القلب و الصمامات ده حيعمل ضربات قلب سريعه جداً كمان ممكن تعمل ✅ تورمات تحت الجلد او ✅ مشاكل بالجهاز العصبي و طبعاً بيكون فيه ✅ ارتفاع بدرجة الحرارة اللي بتوصل ل 39 أو أكتر 🥵
تحليل ASOT او مضادات المكروب السبحي ليس لها دور في التشخيص لانها بتكون موجودة في اي التهابات يسببها الميكروب السبحي في الجسم عموما
كتير للاسف بيتم علاجهم باعتبار ان عندهم #الحمي #الروماتيزمية و هم بعيدين كل البعد عن هذا التشخيص 😟😟
ممكن تزور دكتور الروماتيزم و المناعه لأنه أجدر واحد يفرق ويعرف ويشخص حالتك 👌👌
وعشان تعرف أكتر أبعتلنا أو تواصل معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market

06/12/2020

روماتويد ومش روماتويد ! ! يعني ايه ؟ 🤔🤔
بعض المرضي و خصوصا #كبار السن بيكون عندهم #وجع 😢😢 في المفاصل فبيروح للدكتور اللي بيطلبله تحليل #روماتويد و لما بيطلع ا #يجابي يقوله انت عندك روماتويد و يروح المريض و يبدأ رحلة علاجه للروماتويد و لكن للأسف مش بيلاقي أي تحسن 😟😟😟
بعد فترة طويلة من العلاج فبيرجع تاني يروح للدكاترة لأنه ما بيتحسنش😢
أغلب العيانين بيكون متشخص روماتويد غلط 🥵🥵لأن الدكتور اعتمد بس علي #التحليل و أهمل الكشف الطبي علي المريض و اللي بيبقي أعراضه لا تتماشي مع تشخيص الروماتويد 😳
طيب نيجي للغز ده طب ازاي🤔..؟؟
عاوز اقول ان مرضى كتير جداً بيبقي عندهم التحليل بتاع #الروماتويد إيجابي و ما عندهمش #روماتويد لأنه بيكون ايجابي في أمراض مناعية كتير
،كمان المرضي المصابين بفيروس سي لفترة طويلة بيكون عندهم ايجابي برضه😢😢
و كمان عندهم اعراض مشابهة للروماتويد غير ان تقريبا (25 %) من الناس بيكون عندهم ايجابي و لا يعانون من شيء، طيب و الحل؟؟ 🤔🤔🤔
ممكن تزور دكتور الروماتيزم و المناعه لأنه أجدر واحد يفرق بين اللي روماتويد و اللي مش روماتويد 👌👌
وعشان تعرف أكتر أبعتلنا أو تواصل معانا مباشرة على الرقم ده 👇
contact us
01008640171
أو تشرفنا بزيارة على العنوان ده 👇
أشمون - شارع سعد زغلول - بجوار مكتبة الكفاح - أعلى البرعي ماركت
Ashmoun - Saad Zaghloul St. - Beside El Kifah Stationery - Above El Borai Market