27/03/2023
السلام عليكم يا دكاترة … ورمضان كريم عالجميع ❤️
- طبعا كلنا عارفين أهمية البحث العلمي في حياتنا العملية خصوصا في المجتمع الطبي.
! لا مش عارفين 😁
- مش مشكلة يا صديقي احنا هنقولك 😉❤️
! احنا اللي هم مين ؟ 🤔
- قبل ما اقولك احنا مين خليني اجاوب على سؤالك الاول واقولك نبذة مختصره عن اهمية البحث العلمي سواء على المستوي الشخصي او العام وبعدها قرر اذا كنت عايز تعرف احنا مين او لا 😁👌
البحث العملي وخصوصا ال medical research أهميته وصلت لدرجة انه اصبح من "الاساسيات" اللي مفروض اي دكتور ناجح وشاطر لازم يكون عنده خلفيه عنها لاسباب كتير:
اولا (الأهمية بوجه عام) تكمن فأن الطب اصلا علم قائم على التجارب والابحاث، ولذلك لولا وجود البحث العلمي مكنش هيبقي فيه طب ولا دكاترة ممكن الكلام دا ميكنش على هوا الكثير والاغلب هيقول "هو انا يعني اللي هغير فالعالم" احب اقولك اه انت بتغير وبيكون ليك دور فتغير العالم تخيل كدا شاركت فبحث واتنشر وحد استعمل البحث دا لاثبات او نفي نظرية ما وبفضل البحث اللي انت شاركت فيه انت كدا كان ليك دور ولو بسيط في تغير العالم.
ثانيا (الأهمية بشكل شخصي): سيبك يا عم من كلام التنميه البشرية اللي فوق 😏 وقولي انا كواحد شغال في المجتمع الطبي هستفااد ايه 👨⚕️🙄
تعالي اقولك هتستفاد ايه عالمستوي الشخصي من انك تتعلم ال research:
١- انك تعرف تقرا paper وتطلع منها معلومة وتكون up to date فتخصصك مستقبلا دا هيخلي منك شخص شاطر وعنده awareness بكل جديد في مجاله
٢- تعلمك لل research هيساعدك جدا في رسالة الماجستير او الدكتوراه مستقبلا لانك هتبقى محتاج تكون مُلم عالاقل باساسيات ال Scientific research فلو مكنش عندك فكره عنها من دلوقت هتتعب قدام وهتاخد وقت.
٣- كمان ان يكون عندك papers منشوره باسمك دى هتبقى نقطه قوة وحاجة عظيمه فال CV بتاعك وهتخليك qualified بالمنافسة مع غيرك ع مستوي العالم لو حبيت تسافر اي دوله برا مصر وخصوصا برا بيهتمو جدا بالريسيرش وبيصرفو عليه جامد لانهم عارفين اهميته كويس.
ودا باختصار بعض النقاط عن اهمية الريسيرش وكل دا هنساعدك فيه احنا تيم ART وجه الدور اللي احكيلك فيه مين "احنا" وهدفنا ايه 😍😍
تيم ART هو اختصار ل Assiut Research Team ودا فريق بحثي تطوعي (غير ربحي),
الهدف الأساسي من المبادرة دي هو الارتقاء بمستوي طلبه الكليات الطبية عن طريق تكوين منظومة تعليميه متكاملة (غير ربحية) في كل جامعات مصر المختلفة لنشر ثقافة البحث العلمي وتطبيقها بين الطلبة.
وبالتالي هدف تيم ART الاساسي في جامعة أسيوط إننا نوصل لكل طالب مهتم بالبحث العلمي في نطاق جامعتنا ونوفرله materials ونظام تعليمي ممنهج ومنظم بيتشرح فيه أساسيات البحث العلمي بشكل سهل ومبسط وبنتعلم فيه كل المهارات البحثيه المطلوبة بداية من ازاي تكون فكره بحثيه انتهاءً بالنشر في المجلات العلمية
والاهم من دا اننا بنوفر لكل طالب ينتهي من البرنامج التعليمي أكثر من فرصة للمشاركة في مشاريع بحثيه فعلية عشان يبدا طريقه العملي في مجال البحث العلمي.
عشان تعرف ازاي تنضم لينا تابع البيدج بتاعتنا باستمرار هينزل عليها لينك فورم التقديم 😉
😌
