Dr Hager Kids Clinic عيادة الدكتورة هاجر شعبان لطب الأطفال وحديثي الولادة

02/04/2026

‎🧠 الالتهاب السحائي… بدون تهويل!
بمناسبة قلق كل الامهات والامهات الكتير اللي بتسألني في العيادة وعلي الواتس آب
بمناسبة
‎فيه قلق كتير الفترة دي…
‎
بس الحقيقة ببساطة 👇

‎✔️ فيه حالات بتحصل كل سنة أيوه وبنشوفها في شغلنا ايوه. بنشوف وبنتعامل وموجود زيه زي اي عدوي بتحصل
‎ولكن
‎❌ مفيش حتي الآن انتشار وبائي مرعب

━━━━━━━━━━━━━━━

‎🧠طيب يعني إيه التهاب سحائي ؟

‎التهاب بيصيب الأغشية المحيطة بالمخ
‎وغالبًا سببه ميكروب

‎🔹 فيروسي
‎🔹 بكتيري

ممكن يحصل كعدوي اوليه او كمضاعفات وانتشار لعدوي ثانويه

━━━━━━━━━━━━━━━

‎👶 أهم الأعراض:
‎حرارة عالية – قيء – خمول
‎صداع شديد – تيبس الرقبة

‎🚨 تروح المستشفى فورًا لو:
‎فقدان وعي / تشنجات / الطفل مش واعي

━━━━━━━━━━━━━━━

‎💉 نحمي أولادنا إزاي؟
‎✔️ الالتزام بالتطعيمات
‎✔️ الكشف بدري عند أي أعراض
‎✔️ مانستهونش بأي تغيير على الطفل

━━━━━━━━━━━━━━━

‎💡 الخلاصة:
‎لا نرعب نفسنا… ولا نتهاون

‎✔️ الوعي + التطعيمات = أفضل

ومننساش دائما الوقاية خير من العلاج
#وللحديث #بقية
#تطعيمات
#سحائي #عيادة
#أطفال
للاستعلام
📞 011 55166195

23/03/2026

تُعلن عيادة Hager Kids Clinic
عن استئناف العمل بالعيادة ابتداءً من غدا :

🗓️ الثلاثاء 24 / 3 / 2026

🕕 مواعيد العمل:
من الساعة 6 مساءا حتى 9 مساءا

📅 يوميًا ما عدا الجمعة

💙 في انتظاركم لتقديم أفضل رعاية لأطفالكم 👶🩺
📍 مع د. هاجر شعبان



للاستعلام 011 55166195

19/03/2026

🌙 Dr Hager Kids Clinic عيادة الدكتورة هاجر شعبان لطب الأطفال وحديثي الولادة 🌙

تهنئكم بقدوم عيد الفطر المبارك

كل عام وأنتم بخير

أعاده الله عليكم بالخير واليمن والبركات

عيد سعيد 🎉🎊🎁🎈🎈🎈🎈🎈🎈

19/02/2026

🌙✨ مواعيد عيادة DR Hager Kids Clinic خلال شهر رمضان المبارك ✨🌙

🕒 مواعيد العمل:
من 8:00 مساءً إلى 10:00 مساءً

━━━━━━━━━━━━━━━

📅 أيام العمل
السبت — 8م : 10م
الأحد — 8م : 10م
الثلاثاء — 8م : 10م
الخميس — 8م : 10م

🚫 الإجازة:
الاثنين — الأربعاء — الجمعة

━━━━━━━━━━━━━━━

👶💙 نتمنى لكم دوام الصحة والعافية
🌙 كل عام وأنتم بخير
للتواصل والاستفسار 📞011 55166195

18/02/2026

أهنئكم بقدوم شهر الرحمة والمغفرة، شهر رمضان المبارك، تقبل الله طاعاتكم ، وجعل الله أيامكم فيه عامرة بالذكر
كل عام وانتم بخير
رمضان كريم
🌙🏮

20/12/2025

العياده النهارده السبت 20/12 مغلقه لظروف قطع التيار الكهربائي

إخماد حريق اندلع في مول جابر عوض بأسوان. مع وجود ١١ حالة اختناق ووصولهم للمستشفى الجامعي لتلقي العلاج.

كتب خالد شاطر

السيطرة على حريق اندلع فى مول جابر عوض بأسوان بمدخل ومحل ملابس بمول سيتي سنتر والمعروف بمول(جابر عوض) بأسوان ١١ حالة اختناق من بينهم ٧ طالبات من المدينة الجامعية للبنات المجاورة للمول و لا توجد إصابات .

اندلع حريق هائل، في الساعات الأولى من اليوم، داخل مول جابر عوض بمنطقة وسط مدينة أسوان، فيما تواصل قوات الحماية المدنية جهودها المكثفة للسيطرة على النيران ومنع امتدادها إلى العقارات والمنشآت المجاورة.

ودفعت قوات الحماية المدنية بعدد من سيارات الإطفاء إلى موقع الحادث، وسط تصاعد كثيف لأعمدة الدخان وألسنة اللهب، ما تسبب في حالة من الذعر بين الأهالي والمتواجدين بالمنطقة.

وفي إجراء احترازي، قررت إدارة مستشفى الهلال إخلاء عدد من المرضى ونقلهم إلى أماكن آمنة، خشية تأثرهم بالدخان أو امتداد الحريق إلى محيط المستشفى، مع التأكيد على أن عملية الإخلاء تمت دون تسجيل أي إصابات حتى الآن.

كما فرضت الأجهزة الأمنية كردونًا أمنيًا بمحيط موقع الحريق لتأمين المنطقة وتيسير حركة سيارات الإطفاء والإسعاف، فيما تم فصل التيار الكهربائي عن محيط المول كإجراء احترازي.

ولا تزال محاولات السيطرة على الحريق وإخماد النيران مستمرة حتى الآن، بينما لم تُعلن الجهات الرسمية عن أسباب اندلاع الحريق أو حجم الخسائر، وجارٍ اتخاذ الإجراءات القانونية اللازمة.

19/12/2025

⏰‼️🕰️🔔المواعيد الشتويه ابتداءا من السبت القادم
للحجز والاستفسار

011 55166195📞
Dr Hager Kids Clinic عيادة الدكتورة هاجر شعبان لطب الأطفال وحديثي الولادة

15/12/2025

🐰🥰

20/10/2025

سؤال❓❔ : إيه هو مصل الأنفلونزا ده ⁉️

جواب🌸 ده مصل ضد الإنفلونزا (الفيروسية) وبينزل سنويا عشان يحصن ضد الميكروبات المسببة للإنفلونزا واللى ممكن تتحور سنوياً ، وضد أكثر السلالات إنتشاراً 💫

سؤال ❓❔ : هو فى إنفلونزا فيروسى وإنفلونزا بكتيرى ⁉️

جواب🌸 : آه طبعا الإنفلونزا الفيروسى سببها فيروس ؛ وهى اللى كلنا نعرفها وجاتلنا قبل كده وأعراضها زى البرد بس على أشد ومعاها كحة وسخونة وتكسير فى الجسم 🤒

إنما البكتيرى دى أخطر شوية سببها بكتريا 👿🏴 Haemophilus Influenzae
وممكن تسبب إلتهاب رئوى 🫁 وإلتهاب أذن وسطى 👂 أو لا قدر الله إلتهاب سحائي 🧠 ودى تطعيمها بيتاخد من ضمن التطعيمات الأجبارية فى الصحة عند شهرين و4 و6 شهور (التطعيم الخماسي) 5️⃣
إنما تطعيم الإنفلونزا الفيروسى ده مش فى جدول التطعيمات الإجبارية 🙃 😌

سؤال❓: يعني إبنى لو أخده يا دكتور مش هيجيله بعدين دور برد 👶🤔🌝

جواب 🌸 : حضرتك هو مش بيمنع أدوار البرد إنما بيدى حماية بنسبة 80٪ و بيقلل شدة ومدة التعب والأهم إنه بيمنع المضاعفات 🤲

سؤال ❓ : يعنى مين من أطفالنا اللى لازم ياخده ؟
جواب 🌸 : بصراحة بنصح بيه كل الآباء و الأمهات ان
كل الأطفال بصفة عامة تاخده خصوصا اننا داخلين علي موسم الشتا والمدارس واحنا فى وقت صعب
الأطفال بصفة خاصه زى 👶👦👧
✓ الطفل الذي يعاني من حساسية الصدر لإن دور الإنفلونزا والبرد من مثيرات الجهاز التنفسي وممكن تدخله في أزمة تنفسيه لا قدر الله 🫁

✓الأطفال اللى بيعانوا من حساسيةالأنف 👃

✓الأطفال اللى مناعتهم ضعيفة اللى مجرد ما بيتعبوا بدور برد بيقلب معاهم بسخونة وجيوب انفية وكحة وإلتهاب فى الأذن 😫 أو اللى أعراض البرد بتطول معاهم أكتر من إسبوع مثلاً وعلطول في الشتا تعبانين 🤧🤧

سؤال ❓ : طيب مواعيد اعطاؤه امتى يا دكتور⁉️

جواب 🌸 : يفضل اعطاؤه قبل دخول فصل الشتا ( افضل توقيت شهر سبتمبر وأكتوبر ونوڤمبر )
ليه بقي⁉️🤔 عشان مفعوله يبدأ يظهر عند بداية موسم الشتا لأنه بيستغرق من إسبوعين إلي ثلاثة أسابيع لظهور تأثيره

ولا ينصح بإعطاءه أثناء أدوار البرد 🚫

سؤال ❓:هل ينفع لكل الأعمار⁉️ والجرعة إيه يادكتور⁉️
⁦
ينفع لكل الأعمار من عمر ال 6 شهور فيما فوق
يعني الطفل اللي عمره اقل من ٦ شهور مش هياخد المصل ❌❌
نتكلم في الجرعة بقي
صحصحوا معايا في الكلام اللي جاي بقي 🤩😀
إذا كان عمر الطفل بين ٦ شهور و9 سنوات واول مره يتلقي اللقاح فهو يحتاج جرعتين بينهما شهر اما إذا كان قد سبق له تلقي اللقاح فهو يحتاج لجرعه واحده فقط هذا الموسم
اذا كان اكبر من ٩ سنوات فإن الجرعه مره واحدة حتى وان لم يسبق له أخذها من قبل

⁦الجرعه لجميع الاعمار هي نصف مل تحقن في عضلة الفخذ الاماميه أو في عضلة الكتف حسب العمر💉💉وتكرر سنويا

سؤال ❓ :هل فيه موانع للتطعيم ❔

جواب🌸
• الاطفال اقل من ٦ شهور

• الذين يعانون من حساسية مفرطة من اكل البيض او حساسيه مفرطه من اللقاح أو أحد مكوناته

• يؤجل التطعيم بلقاح الانفلونزا في حالة الإعياء الحاد أو العدوي المصحوبه بارتفاع بدرجة حرارة الجسم

سؤال ⁉️⁉️إيه هى الأعراض يا دكتور❓

جواب 🌸🌸🌸 بالنسبة للاعراض الجانبية

#فى بعض الحالات وجع بسيط وإحمرار أو تورم مكان الحقنة 💉
#نادرا ما يسبب سخونة أو صداع وآلام بالجسم
#وحالات نادرة جدا جدا يحدث حساسية أو طفح جلدى ❕

و بالمناسبة مفيش اى تعارض بين تطعيم الانفلونزا الموسمى و اى تطعيمات أخري

وخلى بالك لازم التطعيم يكون محفوظ فى الثلاجة علشان ميبوظش
يعنى تتأكد انه بارد قبل ما تاخده من اى مصدر

💐💐💐💐💐💐💐💐💐💐💐💐💐💐
دكتورة / هاجر شعبان نجدي
أخصائي طب الأطفال وحديثي الولادة
ماجستير طب الأطفال وحديثي الولادة
للحجز والاستعلام 01155166195
مواعيد العمل يوميا من السبت الي الخميس 6 مساءا :10 مساءا ماعدا الجمعه
أسوان. ابراج سيتي مول . الدور الثاني علوي. بجوار مستشفي الهلال الأحمر

17/10/2025

09/10/2025

هرش الطفل ليلا بمنطقة الشرج او هرش من الامام خصوصا في البنات هو علامة للدودة الدبوسية مش محتاجين تحليل براز لانه حتى لو كان كويس لا ينفي وجود الدودة الدبوسية
🐛🪱


#بيبي
#طفل
#صحة