مركز أ.د سوزان سلامة - Prof. Suzan Salama for allergy , sleep and lung care

10/02/2026

🩺 ابني عنده التهاب رئوي بقاله فترة… هل ده مرض مزمن؟
📌 الإجابة باختصار: لأ.

1️⃣ الالتهاب مش مرض مزمن
الالتهاب الشعبي أو الرئوي
✔️ تشخيص مؤقت
✔️ وبيتحسن مع العلاج الصح والمتابعة
❌ مش حالة دائمة لوحده

2️⃣ إمتى نقول التهاب رئوي؟
لازم يتوفر 3 حاجات مع بعض:
🔥 سخونية
🟢 بلغم ملون
🩻 أشعة صدر توضح إصابة بالرئة

3️⃣ التهابات متكررة عند الطفل؟
غالبًا ده بيشير لوجود:
حساسية أنف
أو حساسية صدر
مش ضعف مناعة زي ما ناس كتير فاكرة.

4️⃣ علاج الحساسية بيعمل فرق
✔️ يقلل تكرار الالتهابات
✔️ يحمي الطفل من أدوية غير ضرورية
✔️ يحسّن النمو وزيادة الوزن

⚠️ الخلاصة:
الالتهاب مش المشكلة…
المهم نكتشف السبب الحقيقي ونعالجه صح.

14/09/2025

🩺 في جملة بنسمعها كتير في عيادات الصدر:
"الدكاترة قالولي هات جهاز.. بس نصحوني بلاش أتعود عليه"
الجملة دي زمان كانت بتتقال على بخاخة الحساسية،
ودلوقتي بقت بتتقال على أي جهاز له علاقة بأمراض الصدر، خصوصًا بعد جائحة كورونا.

لكن الحقيقة إن كلمة "جهاز" كلمة عامة.. والأجهزة ليها أنواع مختلفة وكل واحد له دور محدد:

جهاز البخار 🫧: لمرضى الحساسية سواء كبار أو أطفال للاستنشاق.

جهاز الأوكسجين 🫁: لتعويض نقص وظيفة الرئة في حالات زي التليف أو أورام الصدر أو آثار التدخين.

جهاز ضخ الهواء أثناء النوم (CPAP/سباب) 😴: بيضخ هوا باستمرار أثناء النوم لعلاج انسداد مجرى التنفس اللي بيعمل نقص في الأوكسجين.

⚠️ المهم:

استخدام الجهاز بيكون بقرار من الطبيب المعالج.

لازم خطة واضحة: عدد الساعات ⏱️، طريقة الاستخدام، والمتابعة المنتظمة.

✅ الخلاصة: الجهاز نفسه مش خطر.. الخطر الحقيقي هو استخدامه من غير إشراف ومتابعة طبيب متخصص.

05/09/2025

المدارس قربت🎒… وده معناه إن أولادنا هيبقوا في أماكن مزدحمة مع أطفال تانية، ومع تقلبات الجو بيزيد احتمال العدوى ومشاكل الجيوب الأنفية والصدر.
علشان كده مهم جدا ناخد خطوات وقاية من بدري 👇

1️⃣ فحص عند دكتور مختص
لازم نتأكد الأول هل الطفل عنده حساسية صدر أو أنف، لأن ده بيحتاج نظام متابعة ووقاية مختلف.

2️⃣ مصل الإنفلونزا وأمصال الحساسية
من أكتر الطرق أمانًا وفعالية في الوقاية، وسبتمبر هو التوقيت المثالي ليها.

3️⃣ التغذية الجيدة = مناعة قوية
لو في نحافة أو سوء تغذية، المتابعة مع أخصائي تغذية هتفرق كتير في مناعة الطفل.

4️⃣ تنظيم وقت الدراسة والرياضة
النشاط البدني بيقوي الجسم والمناعة، وده يقلل فرص الإصابة بالعدوى.

---

💬 لو طفلك بيعاني من مشاكل متكررة في الصدر أو الأنف، متسيبيش الموضوع يعدي.
التشخيص والمتابعة مع دكتور مختص هو أساس الوقاية والعلاج.

📍 في مركز د. سوزان سلامة بنوفر تقييم شامل للأطفال والكبار: من الفحص الإكلينيكي لحد التشخيص الدقيق والمتابعة المستمرة.

28/08/2025

📌 المركز الأول والأقدم في صعيد مصر لعلاج أمراض الصدر والحساسية
بأحدث الوسائل الطبية: الأمصال المناعية – تشخيص وعلاج السدة التنفسية أثناء النوم – علاج نقص الأكسجين

🏥 بدأ المركز في أسيوط منذ أكثر من 40 عامًا من العطاء وخدمة مرضى الصعيد،
ومنذ حوالي 9 سنوات تم افتتاح فرع أسوان لتسهيل الخدمة على أهلنا الكرام.

👩‍⚕️ المركز مجهز بالكامل لعلاج أمراض الصدر والحساسية للكبار والأطفال، ويقدم أحدث طرق التشخيص والعلاج.

🔹 أسس المركز:

العالم الجليل أ.د/ طارق محفوظ (رحمه الله)
مؤسس قسم الصدر بجامعة أسيوط ورائد مناظير الصدر في صعيد مصر.

أ.د/ سوزان سلامة
رئيس قسم الصدر بجامعة أسيوط، رائدة العناية المركزة للصدر وتشخيص وعلاج السدة التنفسية أثناء النوم،
والأولى في علاج الحساسية بالأمصال المناعية في صعيد مصر.

د/ عمر طارق محفوظ
استشاري أمراض الصدر والعناية المركزة.

🙏 ندعو الله أن يكون كل عمل في هذا المركز خالصًا لوجهه الكريم.

01/08/2025

🫁 الأشعة قالت في تليف؟ نستنى ولا نبدأ علاج؟

كتير بنقف في حيرة لما تقرير الأشعة المقطعية يشير لاحتمال وجود "تليف رئوي"
بس لازم نعرف إن:

1️⃣ تقرير الأشعة مش تشخيص نهائي
دور التقرير إنه يوصف الصورة… لكن التشخيص بيتحدّد من دكتور الصدر المتخصص.

2️⃣ في أمراض كتير تشبه التليف في الأشعة
علم الصدر اتطور جدًا، وبقينا نعرف أنواع أمراض رئوية كتير ليها نفس شكل التليف تقريبًا… لكن التعامل معاها بيختلف تمامًا.

3️⃣ تشخيص التليف مش بالأشعة بس!
ده بيتحدد من خلال ٤ خطوات أساسية:
🔹 التاريخ المرضي بالتفصيل
🔹 فحص المريض ومجهوده
🔹 قياس كفاءة الرئة بجهاز الكمبيوتر
🔹 قراءة دقيقة للأشعة من دكتور صدر متخصص

4️⃣ أخبار مطمئنة!
في تطور كبير في علاج التليف الرئوي، وبعض الأنواع ممكن تتحسن أو تُشفى تمامًا 🙌
---
💬 لو تقرير الأشعة زود قلقك، متاخدش قرار لوحدك
خلّي التشخيص والعلاج يكون دايمًا بخطوات علمية دقيقة.

📍 في مركز دكتورة سوزان سلامة، بنوفر التقييم الشامل من أول التاريخ المرضي لحد قياس كفاءة الرئة، مع متابعة دقيقة لحالتك.

25/07/2025

"نفَسي تقيل ووزني بيزيد… وحاولت كتير أخس بس فشلت!"🫁💭

ناس كتير بتقول الجملة دي من غير ما تعرف السبب الحقيقي!

❗ الحقيقة إن التنفس والوزن مرتبطين ببعض بشكل مباشر…
وكل ما قلّ الأوكسجين في الدم، معدل الحرق كمان بيقل!
وده بيفسّر ليه ناس كتير بتحاول تخس وبتفشل رغم المحاولات.

📌 قبل ما تبدأ في دايت أو حتى تفكر في تدخل جراحي، لازم تبدأ بخطوات بسيطة لكن ضرورية:

1️⃣ قياس نسبة الأوكسجين والعلامات الحيوية
سواء في النهار أو أثناء النوم.

2️⃣ اختبار كفاءة الرئة بالكمبيوتر
وده خطوة أساسية قبل أي تدخل جراحي لتفادي مشاكل التخدير ونقص الأوكسجين.

3️⃣ بدء علاج تنفسي لمدة 14 يوم على الأقل يساعد الجسم يستقر ويستجيب لأي نظام غذائي أو خطة طبية أو عملية جراحية.

📊 الدراسات أثبتت:
بمجرد ما يتحسن مستوى الأوكسجين في الدم…
بتبدأ تلاحظ فرق في التنفس، النوم، والمفاجأة: نزول واضح في الوزن!
---
📍في مركز د. سوزان سلامة
هنمشي معاك خطوة بخطوة بخطة علاجية آمنة ومناسبة لحالتك ✨

18/07/2025

"الحساسية ملهاش علاج!"🗣️
"الأنف دايمًا السبب!"🗣️

جمل كتير بنسمعها… لكنها مش صحيحة ✖️

👃🫁 الأنف والصدر مرتبطين ببعض، وده اتسمّى علميًا:
"الممرات الهوائية الموحدة – United Airways"

✳️ الحساسية مش درجة واحدة، وبتتغيّر من شخص للتاني، ومن وقت للتاني…
وعشان كده المتابعة المنتظمة ضرورية.

📊 بنقيس كفاءة الرئة بجهاز الكمبيوتر لتحديد مدى تأثير الحساسية.

💉 وفي بعض الحالات، الأمصال المناعية بتقدم نتائج فعّالة وآمنة جدًا.

☀️ فصل الصيف فرصة ممتازة لعلاج الحساسية
لأن مافيش تقلبات جو أو برودة زي الشتاء، وده بيخلّي الجسم أكثر استقرارًا واستجابة للعلاج.
---
في مركز دكتورة سوزان سلامة
جاهزين نساعدك بخطة علاجية آمنة ومناسبة لحالتك ❤️

31/01/2025

طفلي عنده حساسية في الأنف أو الصدر، هل ده هيروح ولا لأ؟

- الحساسية هي حالة مناعية بتأثر على الجهاز التنفسي سواء الأنف أو الصدر، والاتنين مرتبطين ببعض بشكل كبير. فيه عوامل بتخليهم متداخلين زي الإفرازات اللي بتنزل من الأنف على الصدر أثناء النوم.

👃الأنف بتتأثر بسرعة لما بتتعرض لمسببات الحساسية، زي الأتربة أو الروائح، وده بيأدي لظهور أعراض زي سيلان الأنف أو انسداده، وبعد شوية ممكن يتأثر الصدر بسبب نزول الإفرازات من الأنف للصدر.
⚠️ ⁠مهم نعرف إن الحساسية درجات، ومش كل شخص بيعاني منها بنفس الطريقة. كمان في نفس الشخص، أعراضها ممكن تكون أخف أو أشد حسب العلاج ومدى تعرضه للمسببات.

🗓 علاج الحساسية بيحتاج لخطة شاملة وبتعتمد على عدة خطوات مهمة:

١- تحديد درجة ومرحلة الحساسية عند طفلك.
٢- التعرف على مسببات الحساسية اللي بتأثر عليه.
٣- إجراء فحوصات لوظائف الرئة عشان نقدر نتابع الحالة بشكل دقيق.

وأخيرًا، لازم نهتم بعلاج الحساسية عند طفلك، لأنها ممكن تأثر على حاجات كتير زي:
- نموه الجسدي والعقلي
- ⁠جودة نومه وراحته
- ⁠تحصيله الدراسي
- ⁠قدرته على ممارسة الأنشطة والرياضات اللي بيحبها

22/01/2025

مشاكل التنفس أثناء الحمل وتأثيرها على صحتك وصحة الجنين 🤰💨

كتير من الحوامل بيعانوا من مشاكل في التنفس خلال فترة الحمل، وده بيكون نتيجة أسباب كتيرة، منها:

1️⃣ حساسية الأنف والصدر: بسبب تغير الهرمونات أثناء الحمل، الحساسية ممكن تزيد أو حتى تظهر لأول مرة وتختفي بعد الولادة، وده اللي بنسميه "pregnancy induced orthopnea".
2️⃣ انسداد مجرى التنفس العلوي أثناء النوم: ده عرض شائع جدًا خلال الحمل، وبيكون مرتبط بزيادة الوزن وضغط الجنين على الحجاب الحاجز مع تقدم الشهور.

---

🛑 الخوف من الأدوية أثناء الحمل؟
كتير من الأمهات بيقلقوا ياخدوا علاج خوفًا على الجنين، لكن الحقيقة إن العلم أثبت إن في أدوية معينة آمنة تمامًا في كل مرحلة من الحمل، ودي بتساعد على تحسين صحة الأم من غير أي تأثير على البيبي.

---

💡 نصائح مركز دكتورة سوزان سلامة ليكي خلال الحمل:
✔️ اهتمي بالمواظبة على علاج الحساسية تحت إشراف طبيبك، لأن إهمالها ممكن يأثر على الجنين.
✔️ اعملي ((اختبار وظائف التنفس)) قبل الولادة عشان تحددي نوع المخدر المناسب ليكي.
✔️ تجنبي التعرض للأتربة أو أي مسببات للحساسية، خصوصًا في فترات تغيير الفصول.

احنا في "مركز دكتورة سوزان سلامة" موجودين لدعمك وتقديم أفضل الحلول الآمنة ليكي ولطفلك ❤️

10/01/2025

تليف الصدر مش مجرد اسم... ده مرض بدأ يظهر أكتر في #أسوان الفترة الأخيرة، وناس كتير مش واخدين بالهم من خطورته! 🔎

🟥 إيه هو تليف الصدر؟
● تليف الصدر هو حالة بتصيب نسيج الرئة وبتخليه يتصلب، وده بيخلي التنفس أصعب مع الوقت.

🟥 ليه انتشر مؤخرًا خصوصًا في أسوان؟
● وجود مصانع زي مصنع كيما، السكر، والخشب الحبيبي بيساهم في انتشار الغازات والمواد الكيميائية اللي بتسبب تليف الرئة.
● تربية الطيور كمان من الأسباب اللي بتزود احتمالية الإصابة بسبب استنشاق الريش والأتربة.

🟥 إيه علاقة تليف الصدر بجائحة كورونا؟
● ناس كتير بعد التعافي من الكورونا بدأ يظهر عندهم تليف في الرئة، وده بسبب التأثير المباشر للفيروس على الجهاز التنفسي.

🟥 نصائح من مركزنا:
❌ما تعتمدش على الأشعة المقطعية بس!
● التشخيص الصح مش بالأشعة بس، لازم دكتور مختص يشوف الأشعة ويفحصك كويس لأن التليف ساعات
● بيبان زي أمراض تانية في الأشعة.
التشخيص بيعتمد على الأشعة والتحاليل السريرية، فلازم تلجأ لطبيب صدر متخصص

🫁 أعراض تليف الرئة:
1- كحة مستمرة ومتعبة – الكحة مش بتروح بسهولة وبتزيد مع الوقت، وبتكون ناشفة.
2- نهجان من أقل مجهود – بتحس إنك بتنهج حتى لو عملت حاجة بسيطة زي طلوع السلم أو المشي شوية.
3- وجع في الصدر – أوقات بتحس بوجع أو ضيق في الصدر، خصوصًا مع التنفس العميق.
4- فقدان الوزن من غير سبب واضح – بتلاحظ إن وزنك بينزل وأنت مش عامل دايت أو مجهد نفسك.
5- تعب عام وإرهاق مستمر – بتحس إنك مرهق حتى لو نايم كويس، وده بيأثر على نشاطك اليومي.
6- أطرافك تبقى زرقا أو شفايفك تزرق – نتيجة نقص الأكسجين في الدم.
7- تورم في الأطراف (خصوصًا الرجلين) – بسبب نقص الأكسجين وتعب الرئة.
8- صوت صفير أثناء التنفس – أوقات بتحس بصوت زي الصفير أو أزيز في الصدر.
9- التهابات صدرية متكررة – بتصاب بالتهابات في الجهاز التنفسي كتير وبتاخد وقت طويل عشان تخف.

متتحبطش🤷🏼‍♂️... الحل موجود!
● مع تطور العلم بقى فيه طرق علاج حديثة بتساعد على السيطرة على المرض وتخفيف الأعراض بشكل كبير.
● صحتك تهمنا، وخطوة صغيرة ممكن تغير حياتك

28/12/2024

👶 حساسية الصدر عند الأطفال مش بس كحة وزيارة سريعة للطبيب... ممكن تأثر بشكل كبير على نموه وحياته اليومية!

🟥 إيه هي حساسية الصدر؟
▪️حساسية الصدر بتظهر لما الجهاز التنفسي يتفاعل بشكل مبالغ فيه مع حاجات زي الأتربة، الدخان أو حتى التغيرات في الجو.
▪️الطفل ممكن يحس بضيق نفس، كحة مستمرة، وصفير في الصدر.

🟥 تأثيرها على النمو:
▪️لما الطفل يبقى عنده صعوبة في التنفس بشكل مستمر، ده ممكن يقلل نشاطه وحركته، وده يأثر على النمو الجسدي.
▪️النوم المتقطع بسبب الكحة أو نوبات الحساسية ممكن يأخر التركيز والتعلم عند الأطفال.

🟥 ليه العلاج المبكر مهم؟
▪️لو بدأنا العلاج من بدري، بنقدر نتحكم في نوبات الحساسية ونقلل من تأثيرها على حياة الطفل اليومية.
▪️الكشف المبكر بيساعد الطفل إنه يكبر ويتحرك بشكل طبيعي زي بقية الأطفال.

🟥 مضادات حيوية؟ مش دايماً الحل!
▪️الاستخدام المفرط للمضادات الحيوية ومضادات الالتهاب ممكن يضعف مناعة الطفل مع الوقت.
▪️العلاج الصح هو اللي بيحدد الطبيب بعد تشخيص دقيق.

نصائح من مركز دكتورة سوزان سلامة:
✅ خليك بعيد عن التدخين قدام الطفل.
✅ الاهتمام بالعلاج الوقائي لحساسية طفلك لتجنب الالتهابات المتكررة
✅ حافظ على تهوية كويسة في البيت.
✅ التغذية السليمة بتقوي المناعة وبتقلل من نوبات الحساسية.
✅ زيارة الطبيب لو لاحظت إن طفلك بيعاني من أعراض مستمر

31/08/2024

مريض حساسية الصدر مش بيتحسن بالعلاج ‼️⁉️

تم إكتشاف أنه مريض الحساسية مش بيتم علاجه أو تحسنه بالكامل في ظل وجود أمراض أو أعراض أخرى زي :
- صعوبة التنفس أثناء النوم
- ارتجاع المرئ
- افرازات الأنف الخلفية
- تضخم اللوزتين في وجود لحمية (خصوصا عند الاطفال )

لابد من علاجهم لتحسن الحساسية في ظل وجود طبيب صدر لعلاج المرض المصاحب🙏

مركز أ.د/سوزان سلامة لتشخيص و علاج أمراض الصدر و الحساس?