https://www.facebook.com/102959638678988/

عيادة د.محمود سعيد رشوان-Dr.Mahmoud Rashwan clinic, ناصية شارع عباس فريد-برج آل خليفة-أعلى ماركت الراية, Aswan (2025)

07/03/2025

الأدوية التي لا تسبب انخفاض السكر
يمكن تناولها مع وجبة الإفطار أو السحور

05/03/2025

الأدوية اللي بتسبب انخفاض السكر
يفضل تناولها مع وجبة الإفطار لتجنب انخفاض السكر أثناء الصيام

01/03/2025

كل عام وانت بخير بمناسبة حلول شهر رمضان المعظم

مواعيد العيادة خلال رمضان
السبت والأحد والاثنين
من ١ الي ٣ ظهرا
من ٨.٣٠ الي ١١ مساءا
الخميس فتره مسائيه فقط
من ٨.٣٠ الي ١١ مساء
الاجازه الاسبوعيه الثلاثاء والأربعاء والجمعه
===============
العنوان/أسوان-برج آل خليفة-ناصية عباس فريد-أعلى ماركت الراية.
للحجز والاستعلام/01101120552

28/02/2025

استشر طبيبك قبل رمضان لضبط جرعات الأدوية وتحديد أفضل مواعيد لتناولها

23/02/2025

ممارسة التمارين الرياضية المعتدلة لمدة 30 دقيقة على الأقل معظم أيام الأسبوع مهم لصحة قلبك

22/02/2025

مستعد لرمضان؟

البوست دا مهم لكل اللي بيعاني من أمراض مزمنة عشان يقدر يستفيد من رمضان وكمان يتجنب الاخطاء والاضرار الصحية اللي ممكن تحصل.
شهر رمضان معروف انه دايما بيكون تحدي كبير لأصحاب امراض القلب ودا سواء في التغير اللي بيحصل ف العادات الغذائية او النشاط البدني اللي بيبذله الصائم للقيام بالفرائض والعبادات اعانني الله واياكم.
بالنسبة لمريض القلب سبحان الله العديد من الدراسات اثبتت ان الصيام صحي للقلب من جميع النوحي فهو يقلل مستوى السكر، وضغط الدم، والكولسترول، ويقلل سرعة التوتر، والغضب، والانفعال، ويساعد على طرق التحكم بها، وهو مناسب 90% من مرضى القلب.
اما ال10% الباقية هما المرضى المصابين بجلطات القلب الحادة ، وفشل القلب من المرحلتين الثالثة والرابعة، والذبحة الصدرية غير المستقرة، وضيق الشرايين الشديد من المرحلتين الثالثة والرابعة، والضغط المرتفع غير المتحكم فيه. وفي الحالات دي لابد يستشير المريض الطبيب الخاص بيه قبل الصيام لانه ممكن يكون خطر على صحته.
وممكن نقدم مجموعة نصائح مهمة خلال رمضان وهي :
عدم تناول أدوية الضغط بعد الإفطار مباشرة
ننصح بتقسيم الوجبات على مدار فترة المساء بكميات قليلة ومتنوعة.
اتباع توجيهات الطبيب المعالج فيما يخص تناول أدوية القلب في رمضان
الإكثار من تناول الخضراوات والفاكهة، والابتعاد عن الأطعمة عالية الدهون والأملاح والسكريات
عدم إهمال ممارسة الرياضة خلال شهر رمضان.
وكل عام وانتم بخير

16/02/2025

تعرف ان الميزان ده أكبر كذبة في عالم الدايت!
زي ما سمعت كدا، هتقعد تبص على الرقم اللي بينزل وتقول لنفسك "أنا كده ماشي تمام"، بس الحقيقة غير كده خالص. اللي بيحصل إنك بتخسر عضلات، مش دهون، وده هيأثر على جسمك بالسلب.
ودا لان النزول الطبيعي للدهون بيكون من 200 جرام لحد كيلو في الأسبوع.
يعني لو نزلت 200 جرام دهون، يبقى أنت كده ماشي زي الفل.
ولو نزلت كيلو، يبقى أنت بطل، بس ده معناه إنك ملتزم بدايت قوي جداً وبتلعب رياضة جامدة.
اما بقا لو بتخس أكتر من كده، يبقى للأسف أنت بتخسر من عضلاتك، ودي مشكلة كبيرة.
هتحس إنك بتخس على الميزان، بس شكلك مش بيتغير للأحسن، وكمان معدل الحرق عندك هيقل.
نصيحة مني، ارمي الميزان ده خالص وركز على المقاسات، وخصوصاً مقاس البطن.
زدا علشان الدهون حجمها كبير ووزنها خفيف، فبتبان في المقاسات أكتر.
اما العضلات وزنها تقيل وحجمها صغير، فممكن تفرح بالميزان بس شكلك مش بيتغير.
ومتنساش ان نزول الوزن مهم جدا بالنسبة لأصحاب الأمراض المزمنة زي الضغط والسكر. وتعالى أقولك ليه.
ليه الضغط بيتحسن لما بنخس؟
ببساطة، لما وزننا بيزيد، القلب بيضطر يضخ دم أكتر عشان يوصل الأكسجين والغذاء لكل أجزاء الجسم. ده بيزود الضغط على جدران الشرايين. لما بنخس، الحمل على القلب بيقل، وبالتالي الضغط بيقل.
وكمان نزول الوزن بيقلل خطر الإصابة بمضاعفات الضغط، زي أمراض القلب والسكتة الدماغية.

طيب ليه السكر بيتحسن لما بنخس؟
الوزن الزايد، خصوصاً الدهون المتراكمة في منطقة البطن، بيقلل حساسية الجسم للأنسولين وبالتالي السكر بيتراكم في الدم. نزول الوزن بقا بيحسن حساسية الأنسولين، وبالتالي السكر بيرجع لمستواه الطبيعي.
وحتى لو الشخص مصاب بالسكر، نزول الوزن بيساعد في السيطرة على مستويات السكر في الدم، وممكن يقلل الحاجة للأدوية.
ونصيحة مني أهم حاجة إنك تلتزم بنظام صحي وتراقب مقاساتك وهي بتتغير.
هتحس ساعتها إنك ماشي صح وهتوصل لهدفك.

08/02/2025

تعرفي إن أعراض النوبة القلبية عند النساء بتكون أخف نسبياً من الرجال؟ طيب تعرفي إن النساء ممكن متحسش بأي أعراض؟
بسبب التغيرات الحيوية بين جسم الراجل والست ممكن يكون ظهور الأعراض المصاحبة للنوبة القلبية أخف عند الستات وممكن يحدث مشاكل اكثر خطورة للأسف لانها ممكن تتعامل معاها على إنها أعراض عادية ومتطلبش المساعدة وبالتالي مشاكل أكتر
ولكن في العموم الأعراض العامة اللي ممكن تحسي بيها هي:
ألم في العنق أو الظهر أو الكتفين أو الفك - ضيق النفس ألم البطن أو "حرقة في فم المعدة" - تورم في أحد الذراعين أو كليهما الغثيان أو القيء - الدوخة أو الإغماء - إرهاق غير معتاد أو غير مبرر.
حتى لو حسيتي بالأعراض دي بشكل خفيف اطلبي المساعدة واطمني على نفسك. ومتنسيش شير عشان تفيدي غيرك.

دكتور محمود سعيد رشوان
أخصائي أمراض القلب والباطنة
ماجستير أمراض القلب جامعة أسيوط.
د. دكتوراه أمراض القلب جامعة أسيوط
======================
أسوان-برج آل خليفة-ناصية عباس فريد-أعلى ماركت الراية.
للحجز والاستعلام/01101120552

31/01/2025

حسيت قبل كدا بنغزة مفاجئة في قلبك؟
طيب ياترى دي علامة خطر ولا حاجة بسيطة ؟وياترى بتحصل ليه؟
اول حاجة نغزة القلب بتختلف شدتها من مجرد ألم بسيط بيختفي خلال لحظات ولحد ألم كبير بيشمل القلب والكتف والفك وممكن يستمر لساعات وبتحصل لأسباب كتير جداً منها:
- التدخين
- بذل مجهود شديد
- الحالة النفسية
- الإصابة بمشكلات صحية
- تناول أطعمة غير صحية
- تناول بعض الأدوية
- المكملات الغذائية
- تناول المشروبات التي تحتوي الكافيين
طيب يا دكتور أنا كدا خوفت أكتر هي النغزة دي خطر ؟
نغزة القلب القوية اللي بتشمل الكتف والفك مينفعش ابداً تسكت عليها ولازم تزور الدكتور فوراً. أما نغزة القلب البسيطة بتعتبر من الأمور الشائعة والمنتشرة جداً بلاش تقلق منها أوي ولكن لو اتكررت معاك كتير مينفعش تسكت ولازم تتجه للدكتور عشان يعملك الفحص اللازم ويطمنك.
لانها ممكن تسبب مضاعفات خطيرة زي جلطات القلب والزبحات الصدرية. ومتنساش تعمل شير عشان ناس كتير متعرفش المعلومة دي
=====================
دكتور محمود سعيد رشوان
أخصائي أمراض القلب والباطنة والسكر
ماجستير أمراض القلب جامعة أسيوط.
د. دكتوراه أمراض القلب جامعة أسيوط

24/01/2025

السكر وفقدان الوزن
يعتبر فقدان الوزن من الأعراض الشائعة لدى بعض مرضى السكر، خاصة في النوع الأول. هذا يحدث لأسباب عدة، منها:
•ارتفاع نسبة السكر في الدم: عندما لا يستطيع الجسم استخدام الجلوكوز (السكر) بشكل صحيح بسبب نقص الأنسولين أو مقاومة الأنسولين، يتم التخلص منه عبر البول ومع الجلوكوز يخرج جزء كبير من السعرات الحرارية، مما يؤدي لفقدان الوزن.
•فقدان السوائل: مع ارتفاع السكر في الدم، يزداد التبول، مما يؤدي لفقدان كمية كبيرة من السوائل والأملاح المعدنية، وهذا بدوره يؤثر على الشهية ويقلل من الوزن.
•قلة الشهية: قد يشعر بعض مرضى السكر بقلة في الشهية بسبب التغيرات الهرمونية أو الآثار الجانبية للأدوية، مما يؤدي إلى نقص في تناول الطعام وفقدان الوزن.
•القيء والغثيان: قد يعاني بعض المرضى من الغثيان والقيء، خاصة عند ارتفاع السكر بشكل كبير، مما يؤدي إلى فقدان السوائل والعناصر الغذائية وفقدان الوزن.
ويعتمد علاج فقدان الوزن لدى مرضى السكر على تحديد السبب الأساسي لهذا الفقدان. ومع ذلك، هناك بعض الخطوات العامة التي يمكن اتباعها لمساعدة مرضى السكر على الحفاظ على وزنهم الصحي:
1.التحكم في مستوى السكر في الدم:
متابعة مستويات السكر بانتظام: يساعد ذلك على اكتشاف أي ارتفاعات أو انخفاضات مفاجئة في السكر واتخاذ الإجراءات اللازمة.
التزام بخطة العلاج: اتباع وصفات الطبيب للأدوية والأنسولين يساعد في الحفاظ على استقرار مستوى السكر.
2.نظام غذائي صحي ومتوازن:
وجبات صغيرة ومتكررة: تساعد على الحفاظ على مستوى السكر ثابتًا وتمنع حدوث انخفاضات حادة.
التركيز على الكربوهيدرات المعقدة: مثل الخضروات والحبوب الكاملة والفواكه، فهي توفر طاقة مستدامة ولا تسبب ارتفاعًا سريعًا في مستوى السكر.
البروتينات الصحية: تساعد على الشعور بالشبع وتقليل الرغبة في تناول الطعام.
الدهون الصحية: مثل تلك الموجودة في الأفوكادو والمكسرات والأسماك، تساعد على امتصاص الفيتامينات وتحسين صحة القلب.
3.النشاط البدني المنتظم:
ممارسة الرياضة بانتظام: تساعد على تحسين حساسية الجسم للأنسولين وحرق السعرات الحرارية الزائدة.
الأنواع المناسبة من التمارين: المشي، السباحة، ركوب الدراجة، وغيرها من الأنشطة التي تناسب الحالة الصحية للمريض.
4.الراحة الكافية:
الحصول على قسط كاف من النوم: يساعد على تنظيم الهرمونات التي تتحكم في الشهية والشعور بالجوع.
5.متابعة دورية مع الطبيب:
الفحوصات الطبية المنتظمة: تساعد على اكتشاف أي مشاكل صحية أخرى قد تؤثر على الوزن.
تعديل خطة العلاج: قد يحتاج الطبيب إلى تعديل خطة العلاج الغذائي أو الدوائي بناءً على نتائج الفحوصات.
====================
العنوان/أسوان-برج آل خليفة-ناصية عباس فريد-أعلى ماركت الراية.
للحجز والاستعلام/01101120552

عيادة د.محمود سعيد رشوان-Dr.Mahmoud Rashwan clinic

07/03/2025

05/03/2025

01/03/2025

28/02/2025

23/02/2025

22/02/2025

16/02/2025

08/02/2025

31/01/2025

24/01/2025

Address

Telephone

Website

Alerts

Shortcuts

Share

Category