Dr/ Ehab Hamed Child Clinic

09/08/2025

سيتم العوده الي العمل من يوم الاحد غدا الموافق 10/8/2025

مواعيد العمل من الساعه 3 عصرا الي 5 عصرا
ومن الساعه 8 مساء الي الساعه 11 مساء

🩺👨🏻‍⚕️د/ايهاب احمد حامد
استشاري طب الاطفال وحديثي الولاده

العنوان ؛🏨شارع ابطال التحرير بجوار مول فيرست اعلي صيدليه ثروت
واتساب الدكتور 📲:01096815632
هاتف الحجز :01156111955

03/04/2025

سيتم العوده الي العمل من يوم السبت الموافق 5/4/2025

مواعيد العمل من الساعه 3 عصرا الي 5 عصرا
ومن الساعه 8 مساء الي الساعه 11 مساء

🩺👨🏻‍⚕️د/ايهاب احمد حامد
استشاري طب الاطفال وحديثي الولاده

العنوان ؛🏨شارع ابطال التحرير بجوار مول فيرست اعلي صيدليه ثروت
واتساب الدكتور 📲:01096815632
هاتف الحجز :01156111955

19/01/2025

الحساسية من بعض الأطعمة مشكلة شائعة بين الأطفال، بس بشوية نصائح ممكن نتجنبها:
- قبل 6 شهور:
الرضاعة الطبيعية المطلقة هي أفضل غذاء للطفل وبتقلل من خطر الإصابة بالحساسية.

- بعد 6 شهور:
إدخال الأطعمة الجديدة تدريجيًا: نوع واحد كل 3 أو 4 أيام، وراقبوا أي أعراض تحسس، وفي حالة الحدوث التوجه فورًا للطبيب.

ابدأوا بأطعمة قليلة الحساسية زي الأرز والبطاطا والجزر والتفاح والكمثرى.

تجنبوا الأطعمة عالية الحساسية: زي الفول السوداني، البيض، القمح، الصويا، الحليب، السمك، المحار

اهتموا بقراءة ملصقات الطعام للتأكد من خلوها من أي مكونات تسبب حساسية للطفل.

🩺👨🏻‍⚕️د/ايهاب احمد حامد
استشاري طب الاطفال وحديثي الولاده

العنوان ؛🏨شارع ابطال التحرير بجوار مول فيرست اعلي صيدليه ثروت
واتساب الدكتور 📲:01096815632

هاتف الحجز :
01156111955

15/01/2025

فترة امتحانات وعايزين أطفالنا يزيد تركيزهم.😫🫠
عليكم بالأكلات الغنية بالفيتامينات المهمة.
واتأكدوا إنهم بيشربوا كمية كافية من المياه وبياخدوا قسط كافي من النوم ليلاً.😴😴

🩺👨🏻‍⚕️د/ايهاب احمد حامد
استشاري طب الاطفال وحديثي الولاده

العنوان ؛🏨شارع ابطال التحرير بجوار مول فيرست اعلي صيدليه ثروت
واتساب الدكتور 📲:01096815632

هاتف الحجز :
01156111955

02/07/2024

سيتم العوده الي العمل من غدا الموافق الاربعاء3/7/2024
مواعيد العمل من الساعه 3 عصرا الي 5 عصرا
ومن الساعه 8 مساء الي الساعه 11 مساء

🩺👨🏻‍⚕️د/ايهاب احمد حامد
استشاري طب الاطفال وحديثي الولاده

العنوان ؛🏨شارع ابطال التحرير بجوار مول فيرست اعلي صيدليه ثروت
واتساب الدكتور 📲:01096815632

هاتف الحجز :
01156111955

09/09/2023

من الاخطاء الطبيه والشائعة بين الامهات :🔻🔻

١.🟢أول ما إبنك يسخن بتترعبى وبتبقى عاوزه تنزلى الحرارة فى أسرع وقت وأحيانًا بتجيبي مضاد من نفسك من الصيدلية.❌

الصح: خافض حرارة مناسب لسنه، تهوية المكان، كمادات أو دش ماء فاتر مهمين لكن أقل أهمية من الخافض، الكشف للاطمئنان، معظم الحالات بتخف فى ٧-١٤ يوم وحدها.✅

٢.🟢أول ما الطفل يجيله وجع بطن أو إسهال بتديه فلاجيل أو أنتينال.❌

الصح: وجع البطن لوحده ليه أسباب كتير مش من علاجها المضادات دى، الإسهال فيروسي فى معظم الحالات بيخف لوحده ومحتاج الأهم ؛ محلول جفاف.✅

٣.🟢لما الطفل يجيله برد ويرجّع مع الدور بنضغط عليه عشان ياكل.❌

الصح: شئ طبيعي جدًا مع التهاب المعده يكون مش مستحمل الأكل فكل ما تضغطى أكتر هيرجّع أكتر ، فنهتم بالسوايل والشوربة والأكل الخفيف المسلوق، بالعكس لو نفسه فى حاجة هيرضى ياكلها ومش هيتقيأها وكنتى مانعاها منه لأسباب تانية ( حلويات، بيتزا،غيرها) مفيش مشكلة مؤقتًا ياكلها طالما هتقعد في بطنه.✅

٤.🟢لما الدكتور يقولك إبنك محتاج جلسة أو بخاخ صدر عشان عنده حساسية بتخافى وتطلعى على دكتور يقولك اللى يريحك.❌

الصح: الأصل إنك بتختارى الطبيب الثقة قبل ما تروحى، والأصل فى علاج الحساسية( وده ضيق صدر وكحة متكررة بتتحسن بموسعات الشعب) إنه يمشى على علاج وقائى وأحدث وأأمن شئ فى العالم الجلسات والبخاخات؛ بالعكس أدوية الشرب المزمنة تأثيرها على أجهزة الجسم أشد وأخطر.✅

٥.🟢تدويرك على أدوية وفيتامينات لرفع المناعة للأطفال اللى تعبهم متكرر❌💉💊

الصح: إن دى غلطة مجتمع وثقافة نظام طبى بوصم الطفل كثير التعب بإن "مناعته ضعيفة" والحقيقة إن فى معظم الحالات العكس هو الصح، بيكون عندهم حساسية( فرط مناعة) ضد الجراثيم وتقلبات الجو فالجسم يتفاعل بأعراض البرد العنيفة أو الحرارة المتكررة، ده غير متلازمات الحرارة الدورية الى بتخفى عن كثير زى حمى المتوسط ومارشال.✅

🩺👨🏻‍⚕️د/ايهاب احمد حامد
استشاري طب الاطفال وحديثي الولاده

العنوان ؛🏨شارع ابطال التحرير بجوار مول فيرست اعلي صيدليه ثروت
واتساب الدكتور 📲:01096815632

هاتف الحجز :
01156111955

29/08/2023

طرق لفتح شهية الطفل 😋🍴🍇🍊🍽

👈👈هناك عدة طرق يمكن للآباء استخدامها:

1- 💫عدم إجبار الطفل على إنهاء وجبته أى عدم إجبار الطفل أن يأكل كل ما في الطبق حيث أن الطفل عادة ما يتوقف عند الشعور بالشبع فلا داعي لإجباره على تناول المزيد لأن ذلك يشعره بالتوتر لذلك من المفضل وضع كميات صغيرة من الأكل فى طبق الطفل وزيادتها عند الحاجة أو الطلب
2- 💫إشراك الطفل فى الأنشطة التى تخص الطعام كالتسوق وشراء الطعام وإشراكه فى طهيه أو التخطيط المسبق لنوع الطعام الذى يعد للوجبات فذلك يشجع على تناول الطعام الذى قام بإعداده او التخطيط له

3- 💫أفضل طريقة لتشجيع الطفل على الأكل هى أن يكون الأهل قدوة للطفل وذلك عن طريق الجلوس معه وتناول الطعام بمختلف أنواعه وجعله يشعر بأن الطعام شهي مع تجاهل أى آراء سلبية عن الطعام

4- 💫التنوع في الطعام بتقديم أنواع مختلفة وجديدة على الطفل تدريجيا وعند رفض الطفل لأى نوع جديد يجب المثابرة وتكرار المحاولات دون الإجبار أو العنف ومع تكرار المحاولات نجد أن الطفل يبدأ في تقبل الطعام الجديد

5- 💫استخدام القوالب فى صنع الطعام وتغيير شكله واستخدام خيال الطفل وذلك بجعله يخترع تسميات لأنواع الطعام

6- 💫تنظيم أوقات تناول الوجبات وذلك بتحديد ثلاث وجبات رئيسية وبينهم وجبتين خفيفتين بحيث تكون هذه الوجبات متباعدة فيما بينها لأن الطفل لا يتناول كل ما يحتاجه فى مرة واحدة

7- 💫تحديد وقت كاف لتناول الوجبة مثلا حوالي عشرين إلى ثلاثين دقيقة وليس أكثر حتى لا يشعر الطفل بالملل أو عدم المبالاة

8- 💫الطفل يحب أن يطعم نفسه سواء بيده أو بالمعلقة لذا يجب ألا ترفض الأم ذلك بل تتركه وتكون فى يدها معلقة أخرى لإطعامه بها

9- 💫تقديم الوجبات التى يحبها الطفل و قد يفيد خلطها بنوعيات مفيدة

10-💫 الفيتامينات والمعادن بعد استشارة الطبيب إذا كان هناك علامات تبين نقص نوع معين فيحدد الطبيب النوع والجرعة والمدة وقد يطلب بعض التحاليل

🩺👨🏻‍⚕️ د/ ايهاب احمد حامد
استشاري طب الاطفال وحديثي الولاده

رقم الواتس آب 📲:01096815632
رقم الحجز 📱:01156111955

العنوان 🏨: شارع ابطال التحرير بجوار فرست مول اعلي صيدليه ثروت

28/08/2023

مواعيد عمل العياده بعد رجوع الدكتور من السفر 👨🏻‍⚕️🩺
🕑💫من الساعه 1 ظهرا الي الساعه 5
🕖💫ومن الساعه 7 مساء الي الساعه 11 مساء

العنوان 🏨 : شارع ابطال التحرير بجوار فرست مول اعلي صيدليه ثروت

للتواصل والحجز :

واتس آب 📱الدكتور : 01096815632
للحجز 📲رقم العياده :01156111955

01/01/2023

نهنئكم ونبارك لكم بقدوم عام 🎉 جديد وندعو من الله ان يجعله عاما سعيدا بدون وباء 😷🤒 وبلا شقاء بدون فقد وبدون خذلان عاما مليئا بالخير والبركة والأمان 🍃
كـــل عـــام وأنــــتــم بألـــف خـــيــر 🦋
مع تحياتي
د/ ايهاب احمد حامد
استشاري طب الاطفال وحديثي الولاده
للحجز يرجي التواصل علي
واتساب 📱: 01096815632
او
📲📞01156111955
العنوان: 📌 ش ابطال التحرير فوق صيدليه ثروت بجوار فيرست مول
المواعيد من 3⬅️5 عصرا
ومن 9 مساء ⬅️11مساء يوميا ماعدا الجمعه اجازه اسبوعيا

22/12/2022

📌📌خلاصة البرد فى ١٠ نصايح 📌📌

١. جميل جداً لما الأم تكون ناصحة وفاهمة طبيعة ابنها ،، في أطفال بيجيلهم برد عادى - وفي أطفال حساسة (حساسية أنف أو صدر) ،، يعنى لما البرد بييجى بيطووووول سواء رشح أو كحة . 😯😷
مهم كمان تلقطى ايه اللي بيتعب طفلك ؟🤒💊💉
#هوا ساقع 🌬️؟؟ يبقى خروج الصبح بدرى بكوفية وغطا رأس ..👶🏻👧🏻
#شهر ٣-٤ ؟؟ يبقى حساسية ربيع وحبوب لقاح نبعد عن الجناين الوقت دا..🏕️
#قطط وكلاب وريش حيوانات 🐈🐕؟؟ نخلص منهم ..
#حشرة فراش 🐜؟؟ لأ كل الأمهات أصلاً لازم تغلى الملايات واكياس المخدات وغطا الفرش على ٧٠ درجة اسبوعياً !🛏️

٢. الأحلى لما نبقى فاهمين أكتر طبيعة التعب ...🤕😷🤒
هل هوا على مستوى الأنف (رشح ، خنفرة،زكام ، هرش ، عطس ) وهل هوا بسيط محتاح تسليك بس بمحلول ملح أو ماء بحر ،، ولا متوسط محتاج أدوية ،، ولا شديد معاه حساسية محتاج بخاخات كورتيزون !👌🏻
ولا هوا أصلاً البرد نزل على الصدر ومحتاج ادوية كحة زى موسعات الشُّعب أو الكورتيزون أو حتى جلسات بخار بال Nebulizer ..👌🏻

٣. النقطة المهمة هنا جداً ...‼️‼️
ان ناس كتير بتحكم ابنها محتاج مضاد من عدمه بوجود حرارة ... سخن = مضاد ..
لأ ممكن جداً يكون مش سخن ولازم ادى مضاد ،
تعالوا نشوف البروتوكولات الأمريكية في إعطاء المضاد لأطفال "حساسية الأنف ":😷

#١. لو الحرارة ٣٩ 🥵 مع رشح أصفر (مش أخضر) ٣ ايام متتالية .🔺

#٢. لو الطفل اتحسن وبعدين حصل انتكاسة فى الاعراض (رشح وكحة) بنسبة ٥٠٪ حتى لو يوم واحد .🤒🔺

#٣. لو الاعراض (زكام ، كحة ، رشح) استمرت ٧ ايام متتالية رغم العلاج .🔺

الفكرة هنا ان الكلام ده محتاج "تقييف" عالطفل "وتظبيط" على الحالة !! ودكتور صبور ميبدأش بالمضاد . 👶🏻

#٤. أخطاء قاتلة تخلى البرد يستمر مع طفلك !🔺
( من واقع حالات العيادة)
* استمرارك فى مرواحه للمدرسه أو الحضانه رغم الكحة والرشح .🎒
* الخروج بيه بدرى جداً أو بالليل فى الهوا المباشر 🌧️🌬️❄️
* الاستحمام والخروج في مكان بارد او هوا من غير ما نلبس الطفل .🌡️
* ترك الرشح والبرد والكحة فترة طويلة بدون علاج او كشف باعتبار ان دا ال Default بتاع ابنك ،، لأ يا مدام دي حساسية !

* التقبيل من الفم ، السماح للغير أصلاً بالتقبيل وانتى مش عارفه عنده برد ولا جاى منين وجايب معاه ايه !😙

* التواجد ربع ساعه في غرفة مغلقة مع أى شخص بيكحّ ، او القرب مسافة ١٥ سم من الفم !

* اعطاء مضاد حيوى بدون أى تلاتين لازمة وبالذات سبترين اللى كل الأمهات اتفقوا مع بعض انه مطهر للحلق 😡 وزثروسين وزثروماكس اللى برضه الأمهات أجمعوا انه مضاد "خفيف" 😁 وانتو عارفين طبعاً الأمهات لا تجتمع على ضلالة 😂

* " الآراء الخزعبلية " في تخفيف وتتقيل الهدوم خصوصا مع الجو المتقلب ده !! الحسبة بسيطة ،، متخففيش الا لو في البيت او خارجة بالنهار وضامنه ترجعى بالليل ، لو هتليلّ عليكى خدى حاجة تقيلة !!

*"هوس الحموم" ٣ مرات يومياً بحجة النضافة المبالغة وتعريضه للهوا بعدها وحاجات كده استغفر الله العظيم تودى ف التهاب رئوى عدل 😭

#٥. الرشح اللي بيطوّل ..!!🔺

دفيتى الواد ؟؟
عالجتي الرشح ؟؟🤧
غيبتيه من الحضانة أو المدرسة ؟؟
اتأكدتى انها مش حساسية أنف واستخدمتى بخاخات الأنف ؟؟
عملتى آشعة عاللحمية واتأكدتى أنها مش لحمية؟؟
بعدتيه عن أى "حدّ" بيكح او عنده برد ؟؟؟

#٦. الكحة اللى بتطوّل ..!! 😯🔺

اتأكدتى انها مش سببها "الحنفية اللى فوق" الأنف ؟؟
قفلتى الحنفية ؟؟
لسه في كحة ؟؟
الدكتور اداكى موسعات شعب ومهدئات سعال ومفيش فايدة ؟؟
الكحة بتتكرر ومعاها نهجان او تزييق والدكتور سامع الصدر مقفول وبدأ علاج حساسية الصدر ؟
برضه مستمرة ؟؟
الطفل تحت السنة وشاكين فى ارتجاع داخلى للبن على الصدر وخدنا مضادات ارتجاع وكمان مستمرة ؟؟
الدكتور اتطمن على القلب ؟؟
الدكتور شكّ فى التهاب بكتيرى واداكى مضاد وكمان مستمرة ؟؟
لأ كده X-ray وممكن مقطعية على الصدر ونكشف تانى ونجيب استشاريين صدر أطفال يكشفوا معانا !!

#٧. متلازمة الخناق ( Croup )🔺

*ببساطة صوت غليظ مميز للكحة ساعات مع الشهيق اختناق -الفيديوهات جوجل -.

* معناه التهاب في الحنجرة أوالاحبال الصوتيه وهنحتاج كورتيزون يا ولدى ..!

* جلسات بخار بماء مغلي وتانتم أخضر مرتين يومياً بتريح ،، اى والله بتريح الحنجرة جداً ..!

* المضاد مش واجب الا لو فى علامات التهاب بكتيرى وده ناااااادر جداً فى الكروب ..

* اوعى تعالج التهاب الحنجرة ده وتسيب الأنف بتنزل افرازات كل شوية تلهبها تانى ،، معظم حساسية الحنجرة معاها حساسية انف .. نركز هاه 😉

#٨. أيوا متخرجيش بالطفل تحت السنة والسنتين كتير فى الجوّ ده !!🔺
متخرجيش الا لو الخروج مفيد والله !
ولو عالفسح نختار النهار ، اليوم الدافى ، المشمس ،، ونعمل حسابنا لو اتأخرنا واخدين معانا لبس تقيل عشان منعياش ..

#٩. مش معنىٰ كده انك تقعدى في البيت كاتمه العيال ،، لأ التهوية مهمة جداً ومطلوبة جداً ،، الخروج بحساب وفى أوقات صح مهم طبعاً ..🔺

#١٠. للمرة المليار بعد الدشليوون ...🔺

مفيش حاجة اسمها رشح متكرر جداً من غير ما نفكر في حساسية الانف واللحمية !
مفيش حاجة اسمها كحة متكررة ومعاها نهجان وصفارة من غير ما نفكر فى حساسية الصدر!
مفيش حاجة اسمها أدوية من غير ما تدى سوايل دافية وتسلكى الأنف كويس - الفيديوهات ماليه جوجل - وتدفي الطفل ولو هتبدأى إدّى أعشاب.
مفيش حاجة اسمها كحة مبتتعالجش ...اعرفى السبب يبطل العجب ..!
مفيش حاجة اسمها علاج حساسية بدوا شرب بس لازم بخاخ الا المستوى البسيط من حساسية الأنف !
مفيش حاجة اسمها هيتعود عالبخاخات الا لو كان العيا والمرض والكحة عندك أحلى من البخاخات !

مفيش حد هيستنجد بربنا ويخذله ولا يلجأ ليه ويكسفه ،، ولا يتصدق بنية الشفاء ولا يستجيب له ..🙏❤️

مع تحياتي
د/ ايهاب احمد حامد
استشاري طب الاطفال وحديثي الولاده
للحجز يرجي التواصل علي
واتساب 📱: 01096815632
او
📲📞01156111955
العنوان: 📌 ش ابطال التحرير فوق صيدليه ثروت بجوار فيرست مول
المواعيد من 3⬅️5 عصرا
ومن 9 مساء ⬅️11مساء يوميا ماعدا الجمعه اجازه اسبوعيا

21/07/2022