18/02/2026
بوست كل رمضان ❤️
أصوم يا دكتور ولا لأ ؟🤔
🌙 ايام قليلة ويهل علينا شهر رمضان المبارك 🌙
كل عام وأنتم بخير وأعاده الله علينا وعليكم بالخير واليمن والبركات وتقبل الله منا ومنكم صالح الأعمال 😇
صيام الحامل دايما بيكون موضع تساؤلات كثير كل سنة واحنا هنا ان شاء الله هنوضح شوية نقط مهمة بخصوص الموضوع ده
⏺السؤال المتكرر كل سنة اصوم يا دكتور ولا افطر؟ 🤔
اولا لازم تستشيري الطبيب الاول واذا اكدلك ان وزنك كويس ووزن جنينك كويس وضغطك تمام ومفكيش اي مشاكل صحية عندك ساعتها ممكن تصومي عادي ان شاء الله
بس خلي بالك في شوية علامات تحذيرية لو حصلت يبقى الأحسن تفطري وتعوضي في ايام تانية ان شاء الله
⏺ طيب ايه هي العلامات التحذيرية دي؟ 🤔
🚨حدوث علامات الجفاف زي العطش الشديد غير المحتمل ونقص كمية وعدد مرات التبول وان البول يبقى داكن وريحته نفاذة
🚨الصداع الشديد غير المحتمل
🚨الشعور بالهبوط الشديد والدوخة والاغماء
🚨الشعور بالقئ والغثيان
🚨نقص ملحوظ في وزنك
🚨نقص وزن الجنين عند المتابعة
🚨نقص حركة الجنين او توقفها تماما
ولو حصل اي حاجة منهم لازم تستشيري الطبيب فوراً
⏺حالات الصوم ليها ممكن يضر الام والجنين :😱
🔥القئ بإستمرار
🔥وجود صديد وأملاح عالية في البول
🔥مرضى الكلى
🔥مرضى القلب
🔥مرضى الضغط العالي وتسمم الحمل
🔥سكر الحمل
🔥الانيميا الحادة
🔥الحمل في توأم
🔥إنخفاض وزن الجنين
⏺نصائح هامة للحامل اللي ناوية تصوم رمضان :🛡
👈شرب كميات كبيرة من المياه خلال فترة الإفطار والسحور
👈لازم وجبة الإفطار تحتوي على خضروات وفواكه وبروتين ويفضل الابتعاد عن الاطعمة الدسمة والدهنية
👈تأخير وجبة السحور لحد قبل أذان الفجر
👈الإلتزام بتناول الادوية والفيتامينات في المواعيد اللي يحددها الطبيب
👈يفضل التقليل من الحلويات والمياه الغازية والسكريات العالية لان الحاجات دي بترفع سكر الدم بشكل مفاجئ وبينزل بسرعة فبيسبب العطش والهبوط
👈تقليل الشاي والقهوة قدر الامكان
👈تجنب الحر الشديد
👈الراحة وعدم القيام بالاعمال المنزلية الشاقة
🏁 وفي النهاية نتمنى نكون أفدناكم ولو لسة في اي استفسارات لا تترددوا في إستشارتنا وحنكون دايما معاكم ❤
🌹 وكل عام وانتم بخير 🌹
💥 د/ محمد حسين كبار 💥
أخصائي أمراض النساء والتوليد و علاج تأخر الإنجاب
🔹العنوان : أسوان - تقاطع شارع الحدادين مع شارع المطار - مقابل لمسجد المطار ومطعم الجنيدي
◽للحجز والاستعلام : 01023141388
🔸واتساب : 01023141388
