21/04/2026
السلام عليكم ورحمه الله وبركاته
مش تنبيه ده رجاء شخصي مني لحضراتكم
الحجز بيبقي بالتليفون بمجرد مايكتمل العدد الفون بيتقفل طيب حجوزات العياده مش هقدر اخدها لان بكده هبقي بظلمكم وبظلم نفسي معاكم كل اللي طالبه نحترم سياسه المكان يعني لو استاذ احمد قالك النهارده مفيش حجز احجزلك بكره قدام حضرتك يااما القبول او الرفض اللي يريحك علشان اقدر اقدم الخدمه المطلوبه مني لان انا المريض بيطول في الكشف عندي وده حقه بس في نفس الوقت انا كإنسان ليا طاقه بردو علشان والله الواحد تعب من المشاكل وانه يفهم الناس ان كده ميصحش وانا مش هتخانق مع ستات ميصحش كل واحده معرفتش تحجز تيجي تتخانق وتشتم الموضوع غير مقبول بالمره
الحاله لو طارئه باخدها عادي جدا من غير حجز يعني حراره عاليه وخلافه من الحالات المتعارف عليها انه طارئه عادي مفيش مشكله ....بقولها تاني ده رجاء اخوي لان والله والله الواحد تعب وزهق
وماينفعش مكان في اطفال تعبانه نضيع الوقت في مشاكل كل شويه ... الواحد محتاج ينزل شغله بكل طاقه مش كل يوم مشاكل
تحياتي واحترامي للجميع
دكتور محمود القريوي
