22/08/2025
#مشعل
مشعل بقى ده حكايته حكايه
انا سميته مشعل الحوادث
عيل شقي.... وبيحب المغامرات والاكشن
من هو وفي بطن امه
كان مصر انه ينزل ويخرج من الشهر السادس
رعبنا حرفيا.... قعدنا نسايس فيه ونقنع فيه
يا ابني بره خطر..... يا ابني الدنيا مش مضمونه
وهو كان مصر يخرج بدري
جبنا له كل المثبتات
وكلمنا له كل قرايبه في (جبل تقوق)
واقنعناه يكمل لغايه الشهر التاسع
بس هو شرط علينا شرط
نعمل له زفه بلدي ملوكي لما يخرج
قلنا له ماشي ما فيش مشاكل
وفينا بوعدنا وحضرنا كل حاجه
فاجئنا السيد مشعل انه هيخرج.. على طول على الحضانه
وقلب الليله دراما
وكركب الجو وكركب الدنيا
ولغينا كل الترتيبات
هوب هوب هوب على الحضانه
اخذنا اسبوع
وخرجنا بس بعد ما شيب الجميع
وخرج بالسلامه وجه يسلم علينا
وسألته ليه يابني كل الشقاوه دي
ليه يامشعل مقطع بطاقتك بدري بدري
مع أني أبوك #ماجد مؤدب وشيخ عرب
وعنوان للهدوء
حمد لله علي سلامه إبن جبل تقوق
إبن مدام روميساء سيد
صحتنا وسننا متتحملش شغل السسبنس ده ياسيد مشعل
ورفقا بوالديك
إحنا عند وعدنا برضو عملنا لك فيديو
❤️❤️❤️❤️
