Dr.Fatma Badry clinic

10/11/2025

03/11/2025

يوم الأربعاء القادم إن شاء الله
في انتظاركم❤❤❤

16/09/2025

بمناسبة إقتراب الدراسة كل عام وأنتم بخير هتكون مواعيد العيادة من ٣ ل ٦ مساء إن شاء الله على أن يكون الحجز متاح من الساعة ١٢ بالعيادة
ت: 01127461533

04/09/2025

لو شعرك ناشف ، هايش، باهت، ده مش معناه إنك تحطي زيوت خام وكريمات تقيلة عليه ؛ زي ديسكو، وبالمرز، وتلاقيه بعد كدة متشابك وعمره مابيترطب ده لإن روتينك الغلط هو اللي وصله لكدة ❎
شعرك محتاج فحص علشان نعرف سبب التلف ونعالجه صح وبخطة علاج لو التزمتي بيها توصلي لنتيجة كويسة ✅
وماتنسيش قبل ما تيجي تكشفي على شعرك تغسليه قبلها بيوم بالشامبو بس وماتحطيش زيت او كريمات او سيروم عليه ويبقى جاف وقت الفحص

01/09/2025

تاني هكلمكم عن العدوى البكتيرية لإنها أكتر حاجة في الصيف سواء دمامل أو حصف أو خراريج مش معنى وجودها خلل مناعي! لأنهابتيجي لأي حد،،،
بس مع مرضى السكر بتكون الإستجابة للعلاج أقل ومرتبطة بتظبيط السكر في الدم وبيعمل المريض تحليل سكر تراكمي لو طلع عالي بيرجع لدكتور الباطنة علشان يظبط له جرعة علاج السكر علشان يخف من العدوى البكتيرية عنده وبيكون سبب إستمرارها وجود الجلوكوز في الجلد وده اللي بيطول مدة بقاء البكتريا وعدم إستجابتها للعلاج
✅وأأكد دايما لازم علاج مظبوط لمدة كافية من ٧ ل ١٠ أيام قبل ما نفكر إنه فيه خلل مناعي، الإلتزام ف العلاج أهم خطوة فيه
✅ طبعا لازم برضوا التأكيد على عدم مشاركة الأدوات الشخصية والإهتمام بغسيل الأيدي وقص الاظافر لمنع العدوى أو إستمرارها
✅ وكمان الابتعاد عن السخونة والشمس والاستحمام بماء فاتر أو بارد ضروري جدا
دمتم بخير وصحة

17/08/2025

في إنتظاركم إن شاء الله يوم الأربع اللي جاي

16/08/2025

كتير للأسف البنات اللي بياخدوا كورتيزون علشان يتخنوا والمؤسف أكتر إن فيه منهم اللي مش ناوية تبطل أبدا لإنها مقتنعة إنه الحاجة الوحيدة اللي جابت معاها نتيجة وإياً كانت مشاكله هتكمل عليه أحسن بالنسبة لها من التنمر اللي شافته من القريب والبعيد .

البنات ال عايزة تتخن بالله عليكم خدوا بالكم .. البنوتة دى كشفت عندى

بنت عندها 23 سنة اتجوزت من سنة وبقالها 3 شهور بتلف عالدكاترة لان عندها وجع بمفصل فخدها

عملت اشعه عالفخد كويسه

عملت اشعه على الفقرات كويسه

عايشه على المسكنات وبس

ويشاء القدر ان دكتور سئلها هل اخدت اى ادوية قبل كده ...

وكانت الاجابة انها اخدت برشام عشان تتخن قبل ما تتجوز ومشت عليه فترة

للاسف كانت بتاخد اقراص هوستاكورتين ( كورتيزون )

وطبعا كده الموضوع اتحل بالنسبه لينا كدكاترة فطلب الدكتور منها تعمل اشعه رنين على مفصل الفخد وكانت المفاجاة المتوقعه للدكتور طبعا

البنت بتعانى من تاكل بمفصل الفخد نتيجة عدم وصول الدم للمفصل

وطبعا اهل البنت وجوزها انزعجو جدا لان الحل صعب اووووووى

بنت في بدايه حياتها محتاجة عملية تغيير مفصل الفخد ومش بس كده لا كمان المفصل ده بيكون عمره 10 ل 15 سنه اقصى تقدير ويحتاج يتغير تانى

يعنى البنت ال لسه متحوزة من سنه هتعمل عمليه مفصل صناعى وكل عشر سنين هتحتاج عمليه تانى لتغييره وكل ده عشان عايزة تتخن

وللاسف الموضوع ده منتشر جدا واى تركيبات بتتعمل للتخن بيكون فيها كورتيزون وفي صيدليات بتدى حقن ديكسا كل اسبوع

يا جدعان ال عايزة تتخن تتابع مع حد تغذيه تلعب رياضه تتابع مع مختص لكن ال بيحصل ده تهريج وهبل

انقذوا البنات ال عايزة تتخن ....

شير فالخير .....

اب وانت معدى خلى كل البنات تقراه

محدش يمش ورا دعايا الصيدليات

15/08/2025

بمناسبة الأجازة خصم خاص على جلسات الهيدرافيشيال حتى منتصف شهر سبتمبر

01/08/2025

يعني إيه روتين علاجي ؟
يعني حاجة بتحقق لك أهداف دلوقت وكمان اكتر بعدين 🤔
✅كل بشرة محتاجة ترطيب، وغسول مناسب لنوعها ،لو فيه تصبغات تحتاج تفتيح ،وكل نوع بشرة له واقي شمس مناسب لطبيعته 👍
ماينفعش ❎ توقفي الروتين وتشتكي إن بشرتك رجعت زي الأول دي ممكن تسوء اكتر كمان 😱
لإن أهداف المحافظة على شباب البشرة وتأخير ظهور التجاعيد وغيرها بتعتمد أساسا على روتين دائم مناسب👍✅

24/07/2025

18/07/2025

من أكتر الحاجات اللي تفرحني إن ربنا يجعل الشفاء لحالاتي على إيدي
شكرا على الفيدباك الحلو ده
الحالة اللي دخلت المستشفى كان بسبب مضاعفات الحزام الناري لإنه كان واخد العصب البصري عندها وكمان سنها كبير ومفيش حد مقيم معاها والحمد لله بقت كويسة . ربنا يشفي كل مريض❤

18/07/2025

في انتظاركم إن شاء الله ❤ يوم السبت ٢٦ يوليو