32 Chemistry Azhar Assiut

30/07/2025

شرف كبير لينا وجود حضراتكم معانا

🎓✨
في يوم فارق من تاريخ الدفعة 32 قسم الكيمياء …
قررنا إن الحكاية ما تكملش من غيركم.

ضيوفنا الكرام،
أنتم مش بس شهود على لحظة التتويج،
أنتم جسر الوصل بين حلم اتحقق…
ومستقبل بيبدأ من أول خطوة بعد التخرج.

وجودكم في حفلنا مش مجرد حضور،
دي رسالة واضحة لكل خريج:
إن العلم اللي اتعلمناه ، بقي اداه تقدر نغير بيها في الواقع
وإن كل تعب اتبذل… ليه صدى عند الناس اللي بتصنع الفُرَص.

نتشرف بيكم ،
ووجودكم معانا هو الدليل إن الحلم بقى له ملامح على أرض الواقع.

باسم Az Event، وباسم الدفعة 32 قسم الكيمياء كلية علوم جامعة الأزهر بأسيوط ،

أهلاً بكم في حفلٍ يليق بكم… وبنا.

26/07/2025

جزء من الاختلاف والتميز يظهر الآن 🤍❤️
كونوا معنا علي أتم الاستعداد لحفل تخرج مختلف ومميز✨🎓

22/07/2025

🎓✨
عباقرة الكيمياء... غيرنا كل التوقعات.
بس المرة دي، هنغيّر طريقة الاحتفال .
📺
في ليلة التتويج ، هتشوفوا حاجة لأول مرة في حفلات التخرج...
مسابقة العباقرة – Chemistry Edition
نفس روح البرنامج، نفس الحماس،
بس الجمهور؟ خريجين من قلب الحكاية ✨

🔬 هنسألكم... ونجمع حصاد سنين من الشغف والنجاح
🎁 وفيه هدايا خاصة جداً .....
للي يثبت إنه مش بس خريج كيمياء،
لكن من عباقرتها الحقيقيين.

🏆
استعدوا،
المسرح هيشهد علي مجد و حكايات نفضل فاكرينها العمر كله.

العباقرة هنا... مش مجرد فقره، دي محاكاة لرحلة أربع سنين.

08/07/2025

بسم الله نبدأ
الحدث الذي لا تهتز له قاهرة المعز فقط
بل شمال وجنوب الوطن
👨‍🎓🧪
😄
🎓

30/06/2025

كان لازم نظهر بعض من الأشياء المميزة خلف ستائر دفعة ٣٢ كيمياء خلينا نقول مايسترو الألوان لا لا ثواني خلينا نقول وحش الخيال صاحب جزء كبير من تصميمات الدفعة
مش عارف بقا الشطارة دي بسبب انه محترم وعلي خلق
ولا علشان شخص مجتهد ولا علشان الاتنين
هنعلن عنه من خلال شغله وشغله هيبين كل الصفات الحلوه الي فيه
انتظرونا في اقوي حفلة تخرج علي مستوي الجامعات
32 كيمياء= عتاولة المجال
32 كيمياء بتتخرج

🎨 في عالم الألوان… دايمًا في نغمة مميزة مش شبه حد.
ودي كانت بداية نغمتنا.

Artova
Weaving dreams into the fabric of reality. ✨🤍

📌 مين إحنا؟
Artova مش بس تصميم، إحنا صوتك البصري.
بنحوّل فكرتك لصورة… تحكي عنك قبلك.

بنقدّم:
🔹 لوجو مميز يعبر عن هويتك
🔹 هوية بصرية كاملة تبني شخصيتك
🔹 تصميمات سوشيال ميديا تشد الانتباه
🔹 سيرة ذاتية "تنطق" احتراف
🔹 تيشيرت؟ غلاف كتاب؟ بوستر؟ تعديل صورة؟ عندنا كل ده

✨ تابعنا، لأن الجاي أقوى
وخليك دايمًا جاهز… إنك تشكّل اللي جواك. 👌🏻🤍

#تصميم #ابداع

23/06/2025

لا ينتهي الأمر هنا ولكن من هنا بداية مختلفة لكل منا
مناقشة مشروع تخرج الدفعة 32 كيمياء علوم أزهر اسيوط
✨🎓🤍

17/06/2025

يوم من العمر! 📸🎓

وأخيرًا اللحظة اللي استنيناها سنين..
لبسنا تيشيرتات التخرج، واتجمّعنا، وضحكنا من قلبنا،
وخلّينا الصور تحكي عن لحظة هتفضل في القلب قبل الألبوم. 💙🫂
وخلاص خلصنا امتحانات، وعدّينا الليالي الطويلة،وادينا بنودّع فصل كبير من حياتنا..
بس بنودّعه وإحنا واقفين جنب بعض، زي ما بدأنا، ويمكن أقوى كمان. 🥰🎓

👨‍🔬🧪
😄
🎓

14/06/2025

بعد سنين تعب وسهر وضحك ودموع....أخيراً اللحظة اللى استنيناها جه وقتها! وعلشان نختمها صح، عملنا تيشيرت التخرج الرسمي للدفعة 🎉
مش مجرد تيشيرت....ده رمز لمشوارنا مع بعض، وضحكتنا، ومواقفنا اللى عمرنا ما هننساها.
لو شوفت التيشيرت ده، اعرف إن دي دفعة 32 كيمياء علوم أزهر اسيوط … 💪💫

التيشيرت جه… بس لسه الحفلة 🎉🎓
انتظرونا في اقوي حفلة تخرج للموسم🎓🚨

قولنا رأيك ككيمائي في تصميم التيشرت 😍 ✨
👨‍🎓🧪
😄
🎓

04/06/2025

سلاماً على دنيا وما فيها فقد وجدت من عجزت معادن الأرض أن تصفه في طريق لي خير رفيق وفي المسير لي خير صديق

وصديق رافقته في طريق صار بعد الطريق خير رفيق وخبر صديق وخير أمل وخير سند بعد الله وكم صديق لم يكن ذا قرابه ولكنه في القلب دوماً من الأهل ♥️♥️♥️♥️
حسين خاطر جمال
لما إسم حسين يتذكر في مكان ، لازم تعرف إنه هيتذكر في حاجه كويسه لانه عمره ما زعل حد ، ولا اتكلم في حق حد ، نضيف أوي من جوه ، بيحب الخير للناس ولزمايله ♥️
حسين من أشطر الناس اللي ممكن تعرفها ، عنده طريقه حلوه في توصيل المعلومه ، مهما كان مضغوط أو مش فاضي وانت محتاجه يشرحلك حاجه عمره ما يتأخر بجد ♥️، علشان كده ربنا بيكرمه دايما ً ♥️♥️.
حسين كتوم أوي ، مبيحبش يتكلم كتير ، ومكافح ومجتهد أوي ، بعيد عن إنه من بني سويف إلا إنه لافف محافظات مصر كلها بحكم شغله ، والاكتر بقا ، الاسكندريه ، حسين حافظها شارع شارع وحاره حاره 😅😅🫠، يكلمك في الموبايل يعرفك تعمل إيه من أول ما تخرج من بيتك لعند ما يوصلك المكان اللي إنت رايحه 😅😅، للدرجادي وإسأل أي حد يعرفه فعلاً ، حسين دايما في أول الجروبات بتاعة الدفعه فدايماً محطوط عليه في السكاشن والشفوي وكل حاجه 🤷😅😅، بس ربنا كرمه الترم ده وماشي معاه حلاوه والدنيا رايقه خالص ، شفوي وعملي ونظري وكل حاجه 😅😅
الله يسهلك يا عم حسين ، والعه معاك ، بيقولي يارب تولع معاك زي ما هي والعه معايا كده 😂😂😂😂😂♥️.
بالمناسبه أنا إتعرفت عليه في المسجد وشرحلي مادة التفاضل ، مش بقولك مبيتأخرش عن حد 🥰♥️، حسين بقا أكتر ماده بيخاف منها القرآن ميخافش من حاجه غير القرآن ، يعني العضويه بيدخل وهو حاطط رجل على رجل ، اي ماده مبيكونش خايف ،تيجي يوم القران تلاقيه تايه خالص 😂 فضحتك ي صاحبي ♥️🫢🤦
بيحب الكوره جداً ، بينزل البلد مبيخرجش من النادي 😂🤦 .
طلع عليه سمعه إن جوز خالته هيوظفه في البترول شويه ، وشويه هيسفره السعوديه ، بس بعد البحث والتقصي عرفنا إن جوز خالته ملوش علاقه بالحاجات دي بس معرفش مبيردش علينا ليه واحنا بنقوله كده بيضحك وخلاص 😂😂
بس شوفلنا أي حاجه معاك برضو يا عم حسين 😂😂😂😂.
حسين هتلاقيه ملازم حفني دايماً ، تحسهم إخوات من كتر ما بتلاقيهم مع بعض ، متنمرين جداً على فكره الاتنين😂😂🤷، هتعدي من عليهم لازم هيتنمروا عليك 😂.
الكلام كتير جدا جدا جدا في حقك يا حبيب ، لو فضلت أتكلم عنك والله ما هوفي حقك بجد ، ربنا يديم وجودك في حياتي ويكرمك وييسرلك أمورك وتتخرج على خير وأشوفك من أحسن الناس في الدنيا ويكرمك ببنت الحلال اللي تصونك وتقف في ضهرك يارب ♥️♥️

حبيبي يا أبو آيات 🥰♥️😂🤷

إنت اللي وقعت بلسانك وقولتلي 🤷😂.

شاركنا ذكرياتك والمواقف اللي جمعتك بيه في الكومنتات😄

👨‍🎓🧪
😄
🎓

04/06/2025

وَجَدْتُكَ كُنْتَ مَلَاذِي وَظِلِّي
رَفِيقًا يُوَاسِي وَيَمْحُو الْعَنَاءْ
"الصديق الحقيقي هو من يكون بجانبك في السراء والضراء وكم من صديقٍ لم يكن ذا قرابةٍ
ولكنه في القلب دومًا من الأهلِ"
حبيبي وصديقي احمد عصام🥰 أو معروف في الدفعه وبرا الدفعه اكتر بالشربيني🤩 اسم العائله باين🙂وابو عصام😘 ابن محافظة الشرقية تحديداً دولة ابو كبير🤗 اكيد عارف بلدياتي😍من أهدى الشخصيات الي ممكن تشوفها وتتعامل معاها 🤍
صديقنا من الناس الطيبه وأجملهم قَلبًا وقالبًا ،محبوب من الجميع لا يشقى فى صحبته أحد🌺.محافظ على فروضه دَمث الخُلق، جميل الطباع،حسن العشرة، بهي الملبس،نظيف المجلس،ظاهر المروءة والكرم فللهِ دره.
الشربيني الصاحب الجدع اللي عمره ما تأخر بحاجه 🤍حتي لو اجي علي نفسه
ديماًً متعاون وبيقدم مصلحة الجميع علي اي حاجه والكل بيحبه ♥️😇وبيحترمه لأنه شخص محترم صاحب مبدأ ومبيكرهش الخير لحد وبيساعد أي حد يطلب منه المساعدة لو في مقدرتو،العص يجمع بين الجدية والقلب الكبير ،الهزار الخفيف لا هو مبيهزرشي اصلاً 😁😅بينو وبين الهزار ده طار😂بيضحك وبشوش بسي ميهزرشي معك ابداً وميحبش يرخم علي حد خالص ولا يجي عليه،ومن الصحاب اللي لازم يكملو معاك ف حياتك بعيداً عن الجامعه
الشربيني فيه صفات كتير مميزه 🥰 بكتب شمال زي اللبلب ومعروف بكتوبتو بالشمال امضي يشول😄وكتوبتو سريعه جداً ده لو بيلخص .....
بيلعب كوره شمال وبيشجع ميسي ونادي برشلونه العريق 🥳
وطبعاً نجار موبيليا علي كيفك اوض نوم وكدا يعني ابوعصام استاذ في الطبخ يعنى يبختك لو سكنت معاه اكل تلاقى حلويات تلاقى يعنى متقلقشى على نفسك 😂😂 اه والله لو عاوز يعمل اكله علي السريع كدا تلقيه يحط الاكل اكل ني لسا قبل المغرب بنص ساعه ويصلي وتيجي تلقيه بياكل ازاي مش تعرف الله الوكيل فنان مبدع يعني كما تتسم الشرقيه كلها
» صاحبي وحبيبي ما رأينا منك إلا كل خير يا اخي
•كل التوفيق يا كيميائي فى حياتك القادمة وتتخرج على خير إن شاء الله ويرزقك عيش السعداء💐.

شاركنا ذكرياتك والمواقف اللي جمعتك بيه في الكومنتات😄

👨‍🎓🧪
😄
🎓

04/06/2025

*الحمد لله كما ينبغي لجلال وجهه وعظيم سلطانه...*
بعد ٤ سنين من التعب، الضغط، السهر، والخوف... بقولها أخيرًا:
*أنا خريج إن شاء الله* 🎓🧪

مشوار ماكانش سهل أبدًا...
امتحانات صعبة، تجارب معملية، محتوى ضخم، توتر مستمر، وإحساس بالإنهاك كل ترم.
أوقات فقدت فيها طاقتي، وأوقات حسّيت إني مش هقدر أكمل...
بس كنت بعدّي *بكرم ربنا سبحانه وتعالى*، وبلطفه اللي دايمًا بييجي في الوقت الصح.

اللي اتعلمته مش بس كيمياء، اتعلمت الصبر، والمسؤولية، وإزاي أقف على رجلي حتى وأنا تعبان.

*وشكر خاص لأهلي...*
أنتم السند الحقيقي، الدعوة الصادقة، والسبب بعد ربنا في إني أوصل للنقطة دي.
كل لحظة دعم، وكل كلمة تشجيع، كانت بتقويني وأنا بضعف.
وجودكم جنبي هو أعظم نجاح في حياتي.

لكل حد لسه في الطريق:
*اتعب، لكن ما تيأسش... التعب بيعدي، والفرحة بتفضل.*

شاركنا ذكرياتك والمواقف اللي جمعتك بيه في الكومنتات😄

👨‍🎓🧪
😄
🎓