12 Steps

Home
Egypt
Asyut
12 Steps

أول و أكبر
منتجع للطب النفسي و علاج الإدمان
في صعيد مصر
🌴🌾

و عشان رقم ١٢ هو رقم مميز جداً بالنسبة لينا
تعالي نحكيلك الحدوتة بتاعتنا في ١٢ خطوة...

الخطوة الأولى: ما قبل الحلم
ملل - إحباط - قلق - مفيش فايدة...

الخطوة الثانية: الزمان
١٨ مارس 2018 يوم ما اتولد الحلم

الخطوة الثالثة: المكان
طريق أسيوط القاهرة الصحراوي الشرقي على بعد 10 دقائق من اسيوط الجديده

الخطوة الرابعة: الحلم
اول واكبر منتجع للطب النفسي وعلاج الإدمان في الصعيد بيقدم فرصة تع

افي حقيقية لكل مريض إدمان و حياة طبيعية لكل مريض نفسي.

الخطوة الخامسة: الاسم
مستشفى 12Steps للطب النفسي وعلاج الادمان

الخطوة السادسة: احنا مين
احنا مجموعة بنشتغل في مجال الطب النفسي من زمان بيجمعنا نفس الحلم والرؤية

الخطوة السابعة: فريق العمل
فريق العمل في 12 steps بيتكون من دكاتره شباب، أساتذة جامعة
معانا كمان أخصائيين نفسيين وفريق تمريض محترف مشرفين علاجيين عندهم خبره طويله في مجال علاج الإدمان.

الخطوة الثامنة: طب اشمعنا الاسم دة ؟
تقدر تعرف عن برنامج 12Steps العلاجي من هنا :

الخطوة التاسعة: ليه تختار 12Steps ؟

الفرق في خطة علاجية فعالة هدفها تغيير حقيقي مش مجرد منع وحرمان
خطة مش مبنية على الحبس وجلسات الكهرباء وأدوية كثير ينام بيها المريض علشان نسهلها على نفسنا.
لكن احنا عندنا ادوات تاني كتير زي العلاج في جلسات فردية ومجموعات علاجية وعلاج بالرسم والمزيكا والعمل ومساحات خضراء وملاعب كورة وركوب خيل وبرنامج محدد يملى يوم المريض من اوله لاخره.

الخطوة العاشرة: الخدمات اللي بنقدمها في 12Steps
بنقدملك داخل مستشفى 12Steps خدمات العلاج الداخلي للأمراض النفسية ومرضى الإدمان من خلال إقامة فندقية فاخرة وبرنامج غذائي صحي في اقسام خاصة للرجال ولأول مرة في الصعيد أقسام خاصة للسيدات.

الخطوه الحادية عشر: 12Steps Clinic
شوفنا انه من المهم يكون عندنا عيادة في قلب اسيوط نقدم فيها خدمات مش محتاجة لدخول المستشفى زي جلسات العلاج النفسي الفردي و المجموعات العلاجية وجلسات التخاطب وتعديل السلوك للأطفال وكمان نقدر نتابع فيها المرضى بتوعنا بعد تعافيهم وخروجهم من المستشفى.

الخطوه الثانية عشر :
"بعد أن إستيقظنا روحيًا كنتيجة لهذه الخطوات حاولنا نقل هذه الرسالة للمدمنين وممارسة هذه المبادئ في جميع شؤوننا"
دا اللي بتقوله الخطوة ال ١٢ في برنامج ال ١٢ خطوة ل علاج الإدمان و هي خطوة مبنية على مبدأ روحي مهم وهو نقل الرسالة لغيرك.
عندنا في الصعيد مشكلة حقيقية في عدم الوعي بالمرض النفسي وخطورة السلوك الإدماني
خليك جزء من الحل...
خد الخطوة...
انقل الرسالة...

10/06/2025

اليوم الاخير من "12 يوم من الأمل"

العلاج النفسي التكاملي Integrative Psychotherapy
- لما كل إنسان حالة خاصة

خلاص وصلنا لليوم الاخير من رحلتنا!
النهاردة هنتكلم عن حاجة مهمة جداً في عالم العلاج النفسي وهي العلاج التكاملي

إيه هو العلاج التكاملي؟ 🤔

في رحلة التعافي، ساعات بنحس إن كل واحد فينا عنده حكاية مختلفة واحتياجات مش شبه حد تاني. هنا بييجي دور العلاج النفسي التكاملي—اللي بيجمع أكتر من مدرسة علاجية في خطة واحدة، عشان تلاقي اللي يناسبك بالظبط.

يعني ممكن تلاقي نفسك بتستفيد من شوية من العلاج السلوكي، مع شوية من الديناميكي، أو حتى تمارين استرخاء أو دعم جماعي... كله بيتوظف حسب ظروفك أنت واحتياجاتك اللي بتتغير مع الوقت.

بدل ما المعالج يستخدم طريقة واحدة بس، بيدمج أكتر من منهج علاجي مع بعض عشان يوصل لأحسن نتيجة لكل شخص.

ليه التكامل مهم؟

• كل إنسان فريد : مفيش حد يشبه التاني في المشاكل اللي بيواجهها أو الطريقة اللي يتعامل بيها مع الحياة

• المشاكل متداخلة: أحياناً القلق والاكتئاب والإدمان كلهم موجودين مع بعض، فمحتاجين أدوات متنوعة للتعامل معاهم

• مرونة أكتر: لو طريقة معينة مش نفعت، في بدائل تانية جاهزة

إزاي بيشتغل؟
المعالج بيبدأ بفهم الشخص كويس جداً - إيه اللي مضايقه، إيه نقاط قوته، إيه اللي نجح معاه قبل كده. وبعدين بيختار من "صندوق الأدوات" بتاعه أحسن الطرق اللي تناسب الحالة دي.

ممكن يستخدم:
- شوية علاج معرفي سلوكي لتغيير الأفكار السلبية
- تمارين اليقظة الذهنية للهدوء
- علاج أسري لو المشكلة بتأثر على العائلة

الهدف واحد - الشفاء الكامل

في النهاية، الموضوع مش بس إننا نخلص من المشكلة، لكن إننا نساعد الإنسان يفهم نفسه أكتر ويبقى عنده أدوات يقدر يواجه بيها تحديات الحياة.

العلاج التكاملي بيقول:"مفيش طريقة واحدة صح لكل الناس، لكن في طريقة صح لكل شخص"

---
و متنساش دايما فى امل

08/06/2025

اليوم الحادى عشر من "12 يوم من الامل "

العلاج النفسي الإيجابي
(Positive Psychotherapy)

في رحلة التعافي، فيه طرق كتير بتساعدنا نرجع نعيش حياتنا بشكل أفضل، ومن ضمنها العلاج النفسي الإيجابي. العلاج ده فكرته بسيطة: بدل ما نركز بس على المشاكل أو الألم اللي مرينا بيه، بنحاول نكتشف جوانب القوة اللي جوانا، ونشوف إزاي ممكن نستغلها علشان نعدّي الصعوبات ونبني حياة فيها معنى وأمل.

يعني مثلاً، ممكن تلاقي نفسك بتتعلم إزاي تفرح بالحاجات الصغيرة، أو تكتشف مواهب كانت مستخبية جواك. وده بيخلي رحلة التعافي مش بس خروج من الأزمة، لكن كمان بداية جديدة مليانة طاقة وإيجابية.

الجميل كمان إنك لما تلاقي حد بيساعدك تركز على الحاجات الحلوة اللي فيك، بتلاقي نفسك مع الوقت بتتغير للأحسن من غير ما تحس، وبتبدأ تشوف الدنيا بشكل مختلف. وده دور مهم في أي رحلة علاج أو تعافي، لأن الأمل دايمًا موجود، حتى لو الطريق كان صعب في الأول.

العلاج النفسي الإيجابي ثبتت فاعليته في تقليل الاكتئاب وتحسين الحالة النفسية لمدمني المخدرات، وده بيخلي الشخص يحس بتغيير حقيقي في حياته بعد العلاج
و متنساش دايما فى امل

07/06/2025

اليوم العاشر من "12 يوم من الأمل"

النهاردة هنتكلم عن طريقة علاج يمكن تكون غريبة شوية على ودن البعض، بس ليها مفعول السحر في رحلة التعافي:
العلاج بالفن (Art Therapy).

تخيل كده إن جواك مشاعر كتير متلخبطة، أفكار متشابكة، وذكريات ساعات بتكون موجعة. الكلام ممكن ميكونش كفاية عشان تعبر عن كل ده. هنا بيجي دور الفن، سواء كان رسم، نحت، تلوين، كتابة، أو حتى موسيقى. الفن بيفتح باب تاني للتعبير عن اللي جوانا، بطريقة يمكن متتخيلهاش.

مش لازم تكون فنان موهوب عشان تستفيد من العلاج بالفن. المهم إنك تمسك القلم أو الفرشة أو الصلصال وتسيب إيدك تعبر. ساعات الألوان أو الأشكال اللي بنختارها بتكون لغة خفية بتعبر عن حالة نفسية معينة، أو عن جزء من المشكلة اللي بنمر بيها. بتلاقي نفسك بتطلع اللي جواك على الورق أو في شكل معين، وده في حد ذاته بيكون نوع من التنفيس والراحة.

العلاج بالفن بيساعدنا نفهم نفسنا أكتر، ونشوف مشاكلنا من زاوية مختلفة. ممكن تكتشف حاجات عن نفسك مكنتش واخد بالك منها، أو تلاقي طريقة جديدة تتعامل بيها مع المشاعر الصعبة. ده كمان بيزود الإبداع وبيحسن المهارات، وبيخلي الواحد يحس إنه قادر يعمل حاجة مفيدة ومنتجة. الأهم من كل ده، إنها مساحة آمنة للتعبير بدون حكم أو ضغط، وده بيساعد في بناء الثقة بالنفس وفي رحلة التعافي بشكل عام.

و متنساش دايما فى امل

06/06/2025

اليوم التاسع من "12 يوم من الأمل"

العلاج الأسري
(Family Therapy)

الأسرة مش بس أشخاص ساكنين مع بعض... دي شبكة مترابطة، لما حد فيها يتألم، كلها بتحس بالألم

إيه هو العلاج الأسري؟
ده نوع من العلاج بيشوف المشكلة مش في شخص واحد بس، لكن في طريقة تعامل العيلة كلها مع بعض. زي الأوركسترا، لازم كل الآلات تعزف بنفس النغمة.

ليه العلاج الأسري مهم للي بيواجهوا الإدمان أو مشاكل نفسية؟

فهم جذور الإشكالية وتأثيرها على الكل

لو في حد في العيلة مدمن أو يعاني من اكتئاب وضغوط نفسية، ده غالبًا ليه جذور مرتبطة بالتفاعلات الأسرية (زي سوء تفاهم، ضغوط مادية أو رموز سلوكية متوارثة).

الجلسة دي بتكشف لكل واحد في البيت إزاي آراءه أو أفعاله بتأثر على باقي الأفراد، وبتمسك الكل بشوية مسؤولية إيجابية في التغيير.

تقليل العقبات عند طلب المساعدة

أحيانًا المدمن بيبقى خجول أو خايف يقول لأهله إنه محتاج علاج – وده بيخلي المشكلة تكبر.

لما يجي بنفسه وسط العيلة في مكان آمن، الإحساس بالذنب والخجل بيخف، وبيبقى في دعم مباشر من قريبينهم بدل ما الكل يقعد متفرج أو ناطريينهم يتصرَّفوا لوحدهم.

تعزيز الدعم العاطفي

مش بس “تعرف إن حد وراك”، لكن كمان العيلة هنا بتتعلم تقنيات التعامل – مثلاً إزاي يسمعوا من غير ما يقاطعوا، إزاي يحدّوا من الانتقادات المفرطة أو العتاب اللي ممكن يضغط على الشخص أكتر.

الدعم ده بيخلي المدمن/المحتاج للعلاج يحس إنه مش وحيد وإن في حد مستعد يصحبه خطوة بخطوة.

ليه مهم نعالج الأسرة كلها؟

الإدمان أو المرض النفسي بيأثر على كل فرد في البيت أحياناً الأسرة بتساعد من غير ما تدري في استمرار المشكلة الشفاء بيكون أسرع وأقوى لما الكل يشارك بيعلم العيلة إزاي تدعم بعض صح

إزاي بيشتغل؟
المعالج بيجمع الأسرة ويساعدهم يفهموا إزاي كل واحد بيأثر على التاني. بيعلمهم طرق تواصل صحية ويساعدهم يكسروا الدايرة المفرغة من اللوم والغضب.

و متنساش, دايما فى امل

04/06/2025

اليوم الثامن من "12 يوم من الأمل"

العلاج الجماعي
لما نتشارك نتعافى أكتر

النهارده هنتكلم عن حاجة مهمة جداً في رحلة التعافي والشفاء النفسي... العلاج الجماعي.

إيه هو العلاج الجماعي؟
العلاج الجماعي ده لما مجموعة أشخاص (عادة من 6-12 شخص) بيجتمعوا مع بعض في مكان آمن ومريح، ويتكلموا عن مشاكلهم وتجاربهم تحت إشراف متخصص خبير في المجال ده.

تخيل كده إنك قاعد مع ناس عدت بنفس اللي بتعدي بيه، أو حاسين بنفس المشاعر. كل واحد بيحكي تجربته، مشاكله، وإزاي بيحاول يتخطاها. هنا بتحس إنك مش لوحدك، بتلاقي دعم وتفهم من ناس مرو بنفس التجربة، وده بيخليك تشوف إن فيه أمل وتتعلم من خبراتهم.

ليه العلاج الجماعي مفيد أوي؟
"إنت مش لوحدك"
لما تسمع حد تاني بيعاني من نفس اللي بتعاني منه، بتحس إنك مش وحش ومش ش*ذ عن القاعدة.
"التعلم من تجارب الآخرين"
كل واحد في المجموعة عنده تجربة مختلفة وطرق مختلفة للتعامل مع المشاكل.
"الدعم الحقيقي"
المجموعة بتبقى زي العيلة اللي بتفهمك وتدعمك من غير ما تحكم عليك.
"ممارسة المهارات الاجتماعية"
بتتعلم إزاي تتكلم عن مشاعرك وإزاي تسمع للآخرين وتتعامل معاهم.

إزاي بيشتغل؟
في المجموعة، كل واحد بيشارك قصته وتجربته، والمتخصص بيساعد الجميع يفهموا المشاعر والسلوكيات دي ويلاقوا حلول مشتركة. مش بس كده، الأعضاء بيدوا لبعض نصايح عملية من واقع تجربتهم.
أنواع مختلفة للمجموعات

مجموعات الدعم: للأشخاص اللي بيواجهوا نفس المشكلة
مجموعات المهارات: لتعلم مهارات جديدة للتعامل مع الضغوط
مجموعات العلاج النفسي: للتعامل مع مشاكل نفسية أعمق
مجموعات الإدمان: للأشخاص في رحلة التعافي

الجو العام في الجلسات دي بيكون داعم ومحفز، وبيساعدك تشوف الدنيا بمنظور مختلف. مش بس بتستفيد من كلامك، لكن كمان من كلام غيرك وتفاعلهم مع بعض. وده بيقوي إحساسك بالانتماء وبيقلل من الشعور بالوحدة اللي ممكن يكون بيسيطر عليك في أوقات كتير.

و متنساش دايما فى امل

03/06/2025

اليوم السابع من "12 يوم من الامل "

المقابلة التحفيزية (Motivational Interviewing)

مفتاحك للتغيير من جوه!

تخيل كده إن جوا كل واحد فينا فيه حتة عايزة تتغير للأحسن، بس ساعات كتير بنكون متلخبطين أو مترددين. ولما نكون في رحلة علاج أو بنحاول نغير سلوك ضار، ساعات الإحساس بالذنب أو الخجل بيخلي الواحد يهرب من فكرة التغيير خالص.

عارف لما تبقى حاسس إنك مش قادر تاخد أول خطوة؟ أو حتى مش عارف تبدأ منين؟ ساعات كتير بنبقى محتاجين حد يسمعنا من غير حكم، يشجعنا نكتشف بنفسنا ليه التغيير مهم لينا. هنا بييجي دور "المقابلة التحفيزية".

الأسلوب ده مش بيقولك تعمل إيه، لأ، هو بيساعدك أنت بنفسك تكتشف ليه عايز تتغير، وإزاي تقدر تعمل كده. الموضوع كله قائم على إنك أنت اللي تلاقي الإجابات جواك. المعالج هنا مش بيأمرك أو يديك أوامر، بالعكس، هو بيسمعك كويس أوي وبيساعدك ترتب أفكارك وتطلع الدوافع اللي جواك عشان توصل للقرار الصح ليك. كأنك بتتكلم مع حد فاهمك وبيساعدك تشوف الصورة كاملة، وتحدد الخطوات اللي هتمشي عليها عشان توصل لهدفك.

يعني لو حاسس إنك محتاج تغير حاجة في حياتك بس مش عارف تبدأ منين، أو متردد وخايف، المقابلة التحفيزية ممكن تكون طريقتك إنك تلاقي قوة الدفع اللي محتاجها من جواك. هي رحلة اكتشاف بتساعدك تلاقي الإمكانيات اللي عندك وتقوي رغبتك في التغيير للأحسن.

الحلو في الطريقة دي إيه؟
مفيش إجبار: محدش بيفرض عليك حاجة، أنت اللي بتوصل لقرار التغيير بنفسك

كلامك مهم: أفكارك ومشاعرك هي اللي بتقود المحادثة، مش العكس.

مفيش أحكام: المساحة آمنة تماماً تقول فيها اللي جواك من غير خوف.

بتشوف الحلول اللي جواك: كل واحد فينا عنده قوة وحكمة، بس أحياناً محتاجين نكتشفها مع حد.

مثال:

بدل ما نقول: "انت لازم تبطل التدخين عشان صحتك"

نقول: "إيه اللي يخليك تفكر في تقليل السجاير؟ وإيه اللي هيخليك تحس بالفخر لو عملت كده؟"

النتيجة؟ لما الشخص يكتشف دوافعه بنفسه، التغيير بيبقى حقيقي وبيستمر أكتر.

وزي ما اتقال في فيلم Peaceful Warrior
"People are afraid of what's inside, and that's the only place they're ever gonna find what they need."

و متنساش دايما فى امل

02/06/2025

في اليوم السادس من “12 يوم من الأمل”
هنتكلم عن علاج IFS (Internal Family Systems)،
أو بالعربى نظام الأسرة الداخلي”.
ببساطة، العلاج ده بيقول إن جوا كل واحد فينا في أكتر من “جزء” أو شخصية صغيرة، وكل جزء ليه دور ومشاعر وأفكار.

- فيه مثلاً أجزاء بتحاول تدير حياتنا وتحمينا (الـ “Managers”).
-وفيه أجزاء بتحاول تطفي نار الألم بأي طريقة، حتى لو سببت مشاكل (الـ “Firefighters”).
- وكمان فيه أجزاء جوايا حزينة أو متألمة (الـ “Exiles”).

الهدف إننا نتعرف على الأجزاء دي ونفهمها ونتواصل معاها بدل ما نخبيها أو نحاربها. يعني بدل ما الجزء اللي بيخاف من الوحدانية يسيطر علينا ومنعنا نريح، بنفتح حوار بينا وبين الجزء ده ونطمنه إنه مش لوحده وإننا نخش معاه حتة حتة نسمع منه ونعرف إيه اللي مضايقه فعلًا.

العلاج ده بيساعدنا نفهم الأجزاء دي، ونشوف إيه اللي بيخليها تتصرف بالطريقة دي. ساعات جزء بيكون عايز يحمينا من ألم قديم، فبيخلينا نعمل حاجات مش كويسة دلوقتي. زي مثلاً الجزء اللي بيخليك تهرب للمخدرات أو أي إدمان، ممكن يكون بيحاول ينسيك وجع معين.

المهم في العلاج ده إننا نتعلم إزاي نتكلم مع الأجزاء دي، مش نحاربها أو نحاول نلغيها. لما بنفهم الجزء اللي بيصرخ ده ليه بيصرخ، أو الجزء الخايف ده ليه مرعوب، بنقدر نتعامل معاه بطريقة أهدى وأحسن. الموضوع بيبقى عامل زي ما بتقعد مع طفل صغير زعلان أو خايف، بتسمعه وتهديه وتفهمه، مش بتزعق فيه أو تسكته بالعافية.

إيه الفايدة؟

لما بنقدر نعمل ده، الأجزاء دي بتهدى، وبنقدر نطلع الجزء الحكيم اللي جوانا، أو اللي بنسميه "الذات". الذات دي هي مركز الوعي والهدوء والرحمة اللي جوانا، وهي اللي بتقدر تاخد القرارات الصح وتوجه حياتنا بطريقة أحسن.

الموضوع بجد يستاهل نفكر فيه، كل واحد فينا جواه عالم كامل محتاج بس نفهمه ونتصالح معاه. تفتكر إيه الأجزاء اللي جواك ومحتاجة تفهمها أكتر

و متنساش دايما فى امل

01/06/2025

اليوم الخامس من “١٢ يوم من الأمل”:

العلاج بحركة العين (EMDR)

كتير مننا عندنا ذكريات وجعتنا... صدمات، مواقف صعبة، أو تجارب مؤلمة لسه بتأثر علينا لحد دلوقتي. أحياناً نحس إن الذكرى دي عايشة جوانا وبتتكرر قدامنا كإنها حاصلة دلوقتي.

في EMDR بتعتمد الفكرة على إنك وأنت مسترخي بتتذكر الحدث الصادم في دماغك، وفي نفس الوقت بتتبع حركة معينة للعين. الفكرة إن الحركة دي بتنشط نصفي المخ مع بعض وبتخلي المخ يعالج الذكريات المزعجة بطريقة مختلفة. يعني بدل ما تكون الذكرى عالقة ومولعة في قلبك، المخ بيقدر يعيد “تخزينها” بشكل أقل ألم وقلق.

إزاي الجلسة بتم؟
أول حاجة فيه واحد بيرشدك ويركز معاك خطوة بخطوة: يخليك تسترخي كويس، يسألك عن الحدث اللي مضايقك، وبعدين يبدأ يوجه حركة العين. وإنت بتتذكر التفاصيل المؤلمة في ذهنك، وبينتقل التمرين ده في دفعات صغيرة—عشان المخ يقدر يمتص ويفكك المشاعر السلبية بشكل تدريجي.

هو ده معناه إنك هتنسى المشكلة؟
لأ. مش غرضه مسح الذكرى، لكن الهدف إنه يقلل من حدة الألم النفسي لما بترجع للتفاصيل دي. يعني كل مرة بتعمل التمرين، جزء من التوتر والقلق بيتفك، وبيبدأ دماغك يشوف الذكرى على إنها حدث ماضي بس مش كابوس حي بيطاردك.

ليه EMDR ممكن يكون مناسب؟

غالبًا بيستخدموه الناس اللي عانوا من صدمات قوية، أو عندهم كوابيس ومخاوف مش بتسيبهم.

مناسب لأي حد حسّ إن الكلام عن المشكلة بس مش كفاية، وعايز طريقة مختلفة تخليه “يتقبل” الحدث ويبطل يخاف منه كل ما ييجي على باله.

الجلسة قصيرة نسبيًا، وبتعتمد على تركيزك الداخلي ومشاركة الذكريات بدل ما تركز على الأدوية أو التنويم.

دور المعالج اللي بيعمل الجلسة؟
هو زي “شدّ الضلوع” في الجلسة: بيرشدك للتمرين، ويساعدك تتعامل مع المشاعر اللي بتطلع لوحدة. مش بيعطيك حل جاهز، لكنه بيخليك تمشي الخطوات دي بشكل آمن عشان المخ يتعلم يشيل الضغط النفسي عن نفسه.

في لبنان، بعد انفجار مرفأ بيروت، اتعالج ناجيين من الكارثة بـ ، وظهرت نتائج إيجابية كبيرة في تخفيف أعراض التوتر والقلق خلال شهور قليلة 11.
منظمات إنسانية ومعالجين نفسيين بدأوا يستخدموا التقنية دي مع ناجين من الانفجار – أطفال، أمهات، شباب، وأشخاص عاديين كانوا فجأة في قلب المأساة. والنتائج؟ كانت ملحوظة بشكل كبير في فترة قصيرة!

الناس اللي كانت بتعاني من:

كوابيس متكررة

نوبات هلع

رجفة وتوتر عند سماع أي صوت عالي

ذكريات بتتفجر في عقلهم كل يوم

بدأت تشعر براحة، واستقرار، وقدرة على استيعاب اللي حصل من غير ما ينهاروا كل مرة يتذكروا التفاصيل.

الجلسات دي ما كانتش سحر، لكنها كانت أمل حقيقي.

و متنساش دايما فى امل

30/05/2025

اليوم الرابع من "12 يوم من الأمل"

العلاج الديناميكي... رحلة اكتشاف الذات من جوه

كتير مننا بيحس إن فيه حاجات جواه مش فاهمها، إيه اللي بيخلينا نتصرف بطريقة معينة؟, أو إن ردود أفعاله في مواقف معينة غريبة عليه.

بنزعل من مواقف معينة، بنخاف من حاجات، أو بنلجأ لسلوكيات مضرة عشان نهرب من مشاعر معينة

العلاج الديناميكي بيساعدنا نفهم الحاجات دي.

إيه هو العلاج الديناميكي؟
دا نوع من العلاج بيركز على فهم الأفكار والمشاعر اللي مش واعيين بيها، واللي بتأثر على تصرفاتنا من غير ما نحس. بيساعدنا نشوف إزاي تجاربنا من زمان (خاصة في الطفولة) لسه بتأثر علينا النهارده.

إزاي بيشتغل؟

الكلام الحر: إنك تقول أي حاجة تيجي في بالك من غير تفكير أو رقابة

فهم الأنماط: نشوف إزاي بنكرر نفس السلوكيات في علاقاتنا

استكشاف الماضي: نفهم تأثير التجارب القديمة على حاضرنا

العلاقة العلاجية: المعالج بيبقى زي المرايا اللي بتساعدنا نشوف نفسنا أوضح

دور المعالج هنا مختلف شوية...

المعالج مش بيدي نصايح مباشرة، لكن بيساعدك تكتشف الإجابات بنفسك. بيسألك أسئلة تخليك تفكر أعمق، وبيساعدك تربط بين مشاعرك وأفكارك والأحداث في حياتك. هو موجود عشان يوفرلك مساحة آمنة تقدر تستكشف فيها ذاتك براحة.

مناسب لمين؟

اللي عايز يفهم نفسه أكتر

اللي بيكرر نفس الأخطاء في العلاقات

اللي حاسس إن فيه حاجات من ماضيه بتأثر عليه

اللي عايز يشتغل على جذور المشاكل مش بس الأعراض

جربت تمنع فكرة أو عاطفة معينة من كتر ما بتحاول تتجاهلها؟ العلاج الديناميكي بيساعدك تطلعها للسطح بدل ما تسيبها تمشي في دماغك في الخفاء. وده بيخليك تحس بنوع من التحرير الداخلي يديك دفعة نحو التغيير الحقيقي.

العلاج الديناميكي رحلة طويلة شوية لكنها بتوصلك لفهم عميق لنفسك وبتديك أدوات تقدر تواجه بيها تحديات الحياة.

و متنساش دايما فى امل ☺️

29/05/2025

اليوم التالت من “12 يوم من الأمل”

العلاج بالقبول والالتزام (ACT)

“ساعات مش بنحتاج نقاوم المشاعر الصعبة، بس نتعلم إزاي نعيش معاها ونكمل المشوار.”

العلاج بالقبول والالتزام (ACT) هو نهج علاجي مبتكر بيركز على تعلم ازاى تتعايش مع الأفكار والمشاعر الصعبة بدلاً من محاربتها.

بدلاً من محاولة التخلص من الألم النفسي، يعلمنا ACT ازاى نقبل المشاعر دى ونتحرك نحو حياة ذات معنى وفقاً لقيمنا الشخصية

ACT بيعلّمك إزاي

تقبل: تتعرف على الأفكار والمشاعر الصعبة من غير ما تحكم عليها أو تهرب منها.

الوعي باللحظة: تركّز على دلوقتي، وتستمتع باللحظات البسيطة اللي بتدي لحياتك معنى.

قيمك الشخصية: تعرف إيه اللي يهمك فعلاً (عيلتك، هواياتك، صحتك…) وتمشي في طريقه.

الالتزام: تحط أهداف صغيرة تناسب قيمك، وتستمر فيها رغم المصاعب.

ليه ACT مهم للي بيعاني من الإدمان؟

بيقلل تأثير الرغبات الشديدة، وبيخليك تتعامل معاها بدل ما تستسلم.

بيزود مرونتك النفسية، فتبقى أقوى قدام الضغوط والتوتر.

بيقلل فرص الانتكاس، لأنك بتبني مهارات تأقلم صح.

بيحسّن جودة حياتك، وبيخليك تعيش وفق قيمك الحقيقية.

إزاي بنطبق ACT؟

في الجلسة:

المعالج يساعدك تكتشف قيمك من خلال تمارين ممتعة وتفاعلية.

بتعلّمك إزاي تفصل بين أفكارك الصعبة وبين تصرفاتك.

جلسات تأمُّل (Mindfulness) في جو هادي وآمن.

بيساعدك تحط خطة عملية عشان تعيش زي ما إنت عايز.

مهارات تاخدها معاك:

تمارين تنفس بسيط تقدر تلجأ لها في اللحظات الصعبة.

طرق للتعامل مع المشاعر من غير أحكام.

خطوات عملية تساعدك تاخد قرارات تناسب قيمك.

ومتنساش دايماً إن الأمل موجود

28/05/2025

اليوم الثانى من "12 يوم من الامل"

هنتكلم انهاردة عن ال DBT
(Dialectical Behaviour Therapy)

ايه هو DBT ؟

ده أسلوب بيجمع بين الانتباه لللحظة وتنظيم المشاعر وتحمّل الضيق، لو الـ CBT بيعلمنا إزاي نفكر صح، يبقى الـ DBT بيدّينا عدة شغل، أو صندوق أدوات مليان مهارات عملية نستخدمها عشان نعرف نتعامل مع مشاعرنا الصعبة وسلوكياتنا اللي ممكن تضرنا لما نكون متوترين أو زعلانين قوي. تخيل كده إنك معاك مفتاح لأي موقف صعب، ده بالظبط اللي بيعمله الـ DBT!

أركان العلاج السلوكي الجدلي:

الانتباه لللحظة (Mindfulness):

إنك تبقى مركز في الحاضر من غير أحكام، وتبدأ تلاحظ أفكارك ومشاعرك كأنك بتتفرج عليهم.

تحمّل الضيق (Distress Tolerance):

حيل سريعة تساعدك تصمد وقت الضغط بدل ما تندفع برد فعل مضر.

تنظيم العواطف (Emotion Regulation):

تعرف إزاي المشاعر بتطلع وإنك تقدر تهديها أو توجهها لشيء مفيد.

التواصل الفعّال (Interpersonal Effectiveness):

مهارات تخليك تعبر عن نفسك بوضوح وتحافظ على علاقاتك دون ما تضغط على حد أو تضغط عليك.

إزاي بيتم التطبيق؟

بيكون في جلسة دورية؛ حد فاهم يراجع معاك ضغوطك ويورّيك خطوات التمرين خطوة خطوة.

كل مرة تركز على مهارة معينة، وتروح تطبّقها في يومك، وترجع تفتكر معاه إيه اللي نجح وإيه اللي محتاج تعزيز.

الملاحظات والمتابعة المستمرة هي اللي بتخلي المهارة تترسخ وتكبر معاكي.

الـ DBT مش مجرد علاج، ده طريقة حياة بتساعد الناس إنهم يبنوا حياة تستاهل إنهم يعيشوها. سواء كنت بتتعافى من الإدمان، أو بتعاني من تقلبات في المزاج، أو حتى بس عايز تعرف تتعامل مع ضغوطات الحياة اليومية بشكل أفضل، المهارات اللي بيعلمها الـ DBT ممكن تكون هي البوصلة بتاعتك اللي توصلك للتعافي والنمو.

ومتستناش, دايما فى امل

27/05/2025

اليوم 1 – العلاج المعرفي السلوكي (CBT)
(Cognitive Behavioral Therapy)

العلاج المعرفي السلوكي هو واحد من أنجح أساليب العلاج النفسي، ويُستخدم في التعامل مع القلق، الاكتئاب، الإدمان، واضطرابات كثيرة.

فكرته ببساطة:

أفكارنا تؤثر على مشاعرنا، ومشاعرنا تؤثر على سلوكياتنا.

بتغيير الأفكار السلبية، نستطيع تغيير السلوكيات الضارة.

ال CBT هو رحلة علاجية مُنظمة تتعلم فيها

- كشف الأفكار المُعيقة التي تُسيطر عليك دون وعي.

- تحويل المشاعر السلبية إلى طاقة للتغيير.

- تعديل السلوكيات عبر خطوات عملية تُمارسها يوميًّا.

ال CBT رحلة علاجية عميقة

مش مجرد نصائح على الإنترنت، هى جلسات علاجية منظمة تقودك فيها معالج لاستكشاف:

أفكارك السلبية – ازاى تنشأ؟

مشاعرك المتكررة – ايه جذورها؟

معتقداتك المحورية عن نفسك والآخرين – ازاى تشكّلت؟

مثال عملي:

فكرة سلبية: "أنا فاشل ولا أستحق التعافي".

فكرة بديلة: "التعافي يحتاج وقتًا، وأنا قادر على المحاولة"."

ال CBT مش مجرد "تفكير إيجابي"… ده تدريب منتظم على الوعي بالذات، وإعادة برمجة ذهنية بتساعدك تتعامل مع الحياة بشكل أهدى

ازاى ممكن يساعدك الـ CBT؟

الـ CBT هو علاج قائم على الأدلة ويستخدم بنجاح في علاج مجموعة واسعة من الحالات، زى مثلا :

القلق والاكتئاب: يساعدك على كسر حلقات التفكير السلبي والقلق المزمن.

اضطرابات الإدمان: يدعم التعافي من خلال تحديد محفزات الانتكاس وتطوير مهارات التأقلم.

اضطرابات الأكل: يساعد في تغيير الأفكار والسلوكيات المرتبطة بالطعام والجسم.

اضطراب ما بعد الصدمة (PTSD): يعالج الأفكار المؤلمة والذكريات الناتجة عن الصدمة.

مشاكل الغضب وإدارة التوتر.

متستناش, دايما فى امل

Address

45 شارع الجلاء برج الزهراء اعلى عمرافندي الزهراء الدور التاني/شقة 212
Asyut
17511

Telephone

+201203777778

Website

http://12steps.hospital/

Alerts

Be the first to know and let us send you an email when 12 Steps posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to 12 Steps: