26/01/2026
لو حضرتك بتعاني من دهون :
🔸 مش متناسقة
🔸 شكلها متكتل
سواء التكتلات صغيرة… أو بتكبر مع الوقت
خصوصا فى الجزء السفلى من الجسم بشكل ملحوظ
ومعاها أعراض زي:
✅ ألم صعب يتوصف
✅ إحساس بثِقل أو وجع حتى من غير سبب واضح
✅ تجمّع مياه في الرجلين خصوصًا آخر اليوم
✅ يزيد مع الوقوف أو القعدة لفترات طويلة
✅ كدمات بسهولة أو نزيف سطحي بسيط
✅ ومع الوقت ممكن تبدأ تظهر دوالي…
📌 فده غالبًا بيخلّينا نشك إن الحالة دي اسمها: Lipedema (الليبيديما)
طيب… السؤال اللي بييجي فورًا في دماغ أي بنت:
أنا غلطت في إيه؟
هو أنا السبب؟
خلّيني أقولك بكل وضوح:
💚 إنتِ مش السبب.
الليبيديما في الأساس مشكلة جينية وهرمونية
وأهم مؤثر فيها هو هرمون الإستروجين
وعشان كده بنلاحظ إنها بتظهر أو تزيد بشكل واضح في مراحل معينة من حياة البنات والسيدات:
📍 وقت البلوغ (12–13 سنة)
📍 الحمل والرضاعة
📍 قبل أو بعد انقطاع الدورة (Menopause)
الجينات هنا بتكون مسؤولة عن تغيّرات في:
طريقة تكوّن الدهون
وجودة النسيج الضام والكولاجين حوالين الدهون
فبيحصل إيه؟
الدهون بتكبر… وبتزيد… وبتتكتل
وفي نفس الوقت الكولاجين اللي حواليها بيكون “أشد” ومش بيتمدد بسهولة
فيظهر الشكل المتكتل أو غير المعتاد ده.
ومع الوقت الضغط ده ممكن يعمل:
🔹 ألم بسبب الضغط على النهايات العصبية
🔹 تجمّع سوائل بسبب تأثيره على التصريف الليمفاوي
🔹 مشاكل بالأوعية وظهور دوالي
✨ المهم جدًا إنك تعرفي:
البداية مش غلطتك…
لكن استمرار وتفاقم الحالة ممكن يزيد بسبب عادات ونمط حياة مش مناسب للحالة.
وعشان كده…
أنا مش هسيبك 💚🩷
وفي البوستات والفيديوهات السابقة والجاية هنعرف مع بعض:
إزاي نقلل الألم… نقلل التورم… ونحسّن شكل الجسم وجودة الحياة خطوة بخطوة.
#التغذيةالعلاجيةوقايةوعلاج
