01/03/2026
(كبسولة نفسيه)
انهرده كان عندي جلسة مع سيده منفصله
وابنها بيعاني من مشاعر خوف وقلق ظاهر في صوره تبول لاإرادي ليلي
الحقيقة الجلسة كانت صعبة جدا
لان الولد كان شديد التعلق بوالده اللي قرر الانفصال والبعد والسفر للارتباط بزوجه اخري
ونسي او تناسي ابنه الطفل لا يتعدي عمره الست سنوات
كل ما اسئل الولد عن أمور حياته اليومية لازم يجيب سيره ان بابا هو اللي كان بيجيبلي الحاجه دي
ان بابا هو اللي كان بيساعدني في الحاجه دي
ان بابا هو اللي كان بيلعب معي اللعبه دي
طبعا انا في الجلسه الاولي مش بتكلم كتير عشان اعرف اكون علاقه طيبه مع الطفل بسال بس وهو يجاوب ويتكلم ويشرح وهكذا
مش بقاطع الطفل نهائيا
هو في آخر الجلسه بدأ يفكر أنا بسأله كتير ليه عن بابا
وهو اللي سألني هو انت تعرفي بابا ؟
هو انت بتشوفيه؟
طبعاً اكيد عرفتوا سبب مشكله الولد
انه بغياب الاب اللي كان مصدر الأمن والامان له ظهرت مشكلته العضويه
اللي عايزه أوصله لحضراتكم ان الاولاد هم من يدفعوا ثمن قرارتنا
ونحن من نقوم بتحديد مصيرهم بتصرفاتنا
لازم نعرف كلنا اننا هانحاسب علي ما زرعنا من مشاعر حزن وفقد وخزلان داخل اولادنا
اولانا امانه في أيدينا
عندما يتحول الاستقرار الي تهديد
ويتحول الدعم الي مؤامرات وأحزاب
وتتحول الطمأنية خوف وقلق
لازم تكون دي النتيجة
