What are the opening hours?

Monday 12pm - 4pm 2pm - 9pm Tuesday 9pm - 11pm Wednesday 12:02pm - 4:06pm 2pm - 9pm Thursday 12pm - 4pm 2pm - 9pm Saturday 12pm - 4pm Sunday 12pm - 4pm

https://www.facebook.com/1371161476285814/

Child Care Clinic.د.أحمد عادل أنور

Home
Egypt
Asyut
Child Care Clinic.د.أحمد عادل أنور

HealthCare for children,HelpCare for parents

04/09/2025

❤️💐❤️

03/09/2025

السؤال رقم ١٠

ليه البيبي بيعمل أصوات غريبة وهو نايم؟

الأصوات دي ممكن تكون:

• شخير خفيف أو أنين: طبيعي لأن مجرى التنفس لسه صغير وبيتأقلم.

• أصوات هضمية: من المعدة والأمعاء وهي شغالة تهضم اللبن.

• تنهيدات أو حركات بالفم: جزء من دورة النوم العميق والسطحي عند الرضع.

أمتى نقلق؟

لو الأصوات معاها:

• صعوبة في التنفس أو توقف نفسه.
• زرقة في الشفايف أو الجلد.
• تنفس سريع جدًا أو مجهد.

في الحالات دي لازم فحص طبي فوري.

لكن في الغالب، الأصوات الغريبة هي
“موسيقى” البيبي الطبيعية في نومه، ومش دليل على مشكلة

وكده بنكون خلصنا اهم ١٠ اساله الامهات بتحتاجها
دمتم ودامت اطفالكم بكل خير وصحة

01/09/2025

السؤال رقم ٩
امتي البيبي ياخد شور

البيبي بعد الولادة في المستشفى بيتنضف بشكل أساسي،
لكن في البيت مش لازم أول يوم تدخليه الحمام.
القاعدة المهمة: اول يوم مفيش استحمام
الأفضل نعمله “تنضيف إسفنجي”، يعني بفوطة قطن أو شاش ومية دافية نمسح جسمه، ونتجنب تبليل السرة.

ليه؟ لأن المية حوالين السرة ممكن تزود فرصة العدوى أو تأخر سقوطها.

أول شاور كامل بمية وصابون أطفال يكون بعد سقوط السرة والتأكد إن مكانها ناشف ونضيف.
ولازم وقت الحمام يكون قصير (من 5 لـ 10 دقايق)، والمكان دافي، ونجهز كل حاجة قبل ما نفتحه عشان ما يبردش

30/08/2025

السؤال رقم ٨

إزاي أعرف إن البيبي تعبان؟ وإمتى أروح للدكتور؟

“إنتِ أكتر واحدة حاسة بيه.. اسمعي إحساسك”

علامات تقلق منها وتخليكي تروحي للدكتور:
❗ سخونية فوق 38
❗ رفض الرضاعة خالص
❗ خمول زيادة أو بكاء مستمر
❗ تغيّرات في لون الجسم أو النفس
❗ قلة التبول أو الجفاف

لو حسيتِي إن البيبي “مش شبه كل يوم”،
واسمعي إحساسك كأم – غالبًا هيكون صح.
متأخريش الكشف عند اقرب دكتور اطفال
لما الشك يزيد.

27/08/2025

السؤال رقم ٧

مش بينام بليل

“النهار لسه مش فارق معاه.. وده طبيعي”

في أول شهر، البيبي ملوش فرق بين ليل ونهار. بينام في أوقات عشوائية، وبيصحى كل شوية للرضاعة.
ده طبيعي جدًا، جسمه لسه بيتعلم الفرق.

💡 خطوات بسيطة تساعده ينظم نومه:
– خليه يعرّف إن ده “النهار”: نور وشغل وصوت
– وده “الليل”: هدوء ونور خافت
– خليه ينام في نفس المكان كل مرة، واعملي روتين بسيط قبل النوم

الصبر هو المفتاح في أول شهر 😂

25/08/2025

السؤال رقم ٦
يلبس اية؟!

“يلبس زيّك.. وزوّدي طبقة خفيفة”

القاعدة البسيطة:
لبّسي البيبي زيّك بالضبط، ومعاها طبقة خفيفة زيادة.
يعني لو انتي لابسة تيشيرت وجاكيت خفيف.. هو يلبس زيه مع بطانية خفيفة.

خلي بالك من السخونية أو العرق.. متغطيهوش بزيادة!
ولو رجليه وراسه دافيين، ومش بيعيط.. فهو مرتاح.

💡 استخدام الترمومتر يساعد: درجة الحرارة الطبيعية بين 36.5 و 37.5 مئوية

23/08/2025

السؤال رقم ٥

“القشط حاجة.. والارتجاع حاجة تانية”

لو البيبي بيرجع شوية لبن بعد الرضعة، وده بيحصل بدون تعب، ووزنه بيزيد.. يبقى ده “قشط” وده طبيعي جدًا في أول الشهور.

لكن لو بيرجع كتير، وبيبكي، أو مش عارف ينام،
أو وزنه مش بيزيد.. ممكن يكون في ارتجاع.
ساعتها لازم تراجعي الدكتور.

💡 نصايح بسيطة تقلل القشط:
– خليه يتجشأ بعد كل رضعة
– متقوميهوش بسرعة
– خليه رافع راسه شوية

20/08/2025

السؤال رقم ٤

🤱 عدد مرات الرضاعة الطبيعية في اليوم قد إيه؟

في أول أسبوعين، البيبي ممكن يرضع كل ساعتين لتلاتة، يعني من ٨ لـ١٢ مرة في اليوم (وأوقات أكتر).
وده طبيعي جدًا ومش معناه إن لبنك قليل.

كل ما البيبي يرضع أكتر، اللبن بيزيد أكتر 💪
فـ متقلقيش من الرضاعة الكتير، دي مش دلع، دي الطريقة اللي بيثبت بيها لبنك نفسه.

ولو البيبي بيرضع، وبيعمل بول وبراز، وبينام شوية – فإنتي ماشيه تمام.

متقيسي الموضوع بعدد الدقايق أو كمية اللبن، خليه على راحته ورضعيه “ع الطلب”.

⸻

17/08/2025

السؤال رقم ٣
البيبي بيعيط علشان حاجات كتير مش بس الجوع:
– ممكن عايز يرضع
– أو عايز يغير
– أو بردان
– أو سخن
– أو تعبان من المغص
– أو حتى عايز حضنك وحنانك 💞

لو البيبي شبعان، ونضيف، والدنيا حواليه هادية، ومفيش حرارة.. ساعتها العياط ممكن يكون محتاج حضن وسكينة.

تعودي تفهمي “لغة البيبي” وهتعرفي تفرقي مع الوقت.

14/08/2025

محلول جفاف
تكييف
دول اكتر اتنين مهمين للطفل ف الجو ده

محلول الجفاف مهم جدا حتي لو معندوش اسهال او قئ

13/08/2025

السؤال رقم اتنين 2

هل لبن السرسوب كفاية للبيبي في أول ٣ أيام؟ ولا لازم أديّه حليب صناعي؟”

سوال مهم جدا

في أول 3 أيام بعد الولادة، الطفل بيحتاج كميات صغيرة جدًا من الحليب، والمعدة بتاعته في حجم “حبة التوت” بس!

لبن السرسوب (اللبن الأصفر السميك اللي بينزل في أول الأيام) هو كنز حقيقي:

✅ غني بالأجسام المضادة
✅ سهل الهضم
✅ بيكفي احتياجات البيبي الغذائية
✅ وبيحميه من الالتهابات

💡 فـ متقلقيش من كميته القليلة،

لإنه معمول علشان يناسب معدة البيبي الصغيرة
💬 وأغلب الوقت.. الحليب الصناعي مش مطلوب خالص في البداية،
إلا لو الطبيب نصح بكده لسبب طبي واضح.

11/08/2025

هنحاول الفتره دي نتكلم عن
اهم
عشر اسألة بتدور ف ذهن الام الجديدة
وهنبدا النهرده ب

👶 في أول 30 يوم من عمر البيبي، البراز بيتغير شكله ولونه وعدده بسرعة، وده طبيعي جدًا!
بس مهم تعرفي إيه العادي… وامتى نقلق.

⸻

✅ إيه الطبيعي في براز حديثي الولادة؟

1. أول يومين: براز لونه أسود لزج (اسمه ميكونيوم) – طبيعي جدًا.
2. من يوم 3 ليوم 5: لونه يتحول أخضر غامق أو بني.
3. من بعد الأسبوع الأول:
• لونه أصفر ومائل للسيولة (زي الخردل).
• ممكن يكون فيه حبيبات صغيرة.
• عدد المرات من 3 لـ 8 مرات يوميًا (لو بيرضع طبيعي).

⸻

⚠️ امتى نقلق؟
• براز أبيض أو باهت جدًا → محتاج تقييم فوري.
• براز فيه دم أو مخاط كتير.
• إمساك شديد (خصوصًا لو البيبي لسه في أول أسبوعين).
• مفيش براز خالص لأكتر من يومين (مع قلة الرضاعة أو الخمول).

⸻

🎯 نصيحة للأم:
ما تقارنيش بين براز ابنك وأي طفل تاني…
كل طفل له طبيعته، المهم المتابعة مع دكتور الأطفال لو في حاجة غريبة.

Address

أسيوط/المنفذ/برج صبرة/الدور الثاني
Asyut
١٧٧٧٧

Opening Hours

Monday	12pm - 4pm
	2pm - 9pm
Tuesday	9pm - 11pm
Wednesday	12:02pm - 4:06pm
	2pm - 9pm
Thursday	12pm - 4pm
	2pm - 9pm
Saturday	12pm - 4pm
Sunday	12pm - 4pm

Telephone

01014260477

Website

facebook.com

Alerts

Be the first to know and let us send you an email when Child Care Clinic.د.أحمد عادل أنور posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Asyut?