Doctor Atfal د.ادريس حسن زكي

16/10/2021

ويبينار سيكون رائع .. بالتوفيق Hamida El-emam

"أطفالنا ودوار الشمس "

أولادنا هم بهجة الحياة ..وعشان نمشى معاهم فى رحلة الحياة محتاجين نفهم نفسنا ونفهم إحتياجاتهم

عشان كده بدعوكم للويبنار المجانى الخميس القادم بحول الله وقوته عشان نفهم أولى احتياجات أطفالنا إيه ؟؟

""إلا ماقولتيلناش إيه العلاقة بين الأطفال ودوار الشمس " ده اللى هنعرفه مع بعض بإذن الله فة الويبنار المجانى .

كل اللى محتاجين تعملوه :

1- اضغطوا على الرابط التالى
👇
https://mailchi.mp/805565cbaca4/zm78ecblgu

2- تسجلو بالاسم والايميل ورقم التليفون عشان يوصلكم لينك اللقاء وتذكير قبل الموعد باذن الله

♥️يسعدنى ويشرفنى حضوركم ..شير ومنشن للمهتمين بالتربية وبالأطفال عامة ♥️

تحياتى

حميدة الامام

مدرب مرشح تربية ايجابية للوالدين من مؤسسة التربية الايجابية بأمريكا
معلم تربية إيجابية بالفصول المدرسية من مؤسسة التربية الايجابية بأمريكا
ميسر تأهيل فرق العمل بالمؤسسات المختلفة من مؤسسة التربية الايجابية بأمريكا
إستشارى تحفيزى ودعم نفسى

07/08/2021

صباح الخير .. التفوق سمة وعادة .. من اجمل واقوى العادات اللي نقدر نعلمها لاولادنا .. ونساعدهم يكتشفوا نفسهم ومواهبهم
ويارب ما ييجي يوم نشعر فيه اننا كنا مقبرة مواهب اولادنا

24/07/2021

هاتبيع حاجة .. وهاتشتري حاجة
من مهارات وهي مهارة بناء الثقة في النفس .. علشان نعلمها لاولادنا صح محتاجين نشتري حاجة ونبيع حاجة
- الحاجة اللي هانشتريها هي المصباح او الكشاف زي اللي في الصورة وهانسلط الضوء بتاعه على نقاط القوة والافعال الطيبة اللي بيعملوها الاولاد حتى لو بسيطة من وجهة نظرنا .. الانسان بطبعه بيحب المدح لانه بيعتبره تاكيد على حاجات كويسة بيقدر يعملها وبيتشجع يكررها تاني وتاني

- الحاجة اللي محتاجين نبيعها او نتخلص منها هي السجن اللي بنسجن فيه اولادنا لما بيعملوا غلط .. طيب يا دكتور ليه القسوة دي هو فيه حد بيسجن أولاده .. ايوا للاسف كلنا .. بنسجن اولادنا وحبابيبنا وبنسجن نفسنا فيه .. وهو سجن الخزي .. ارتحت وبوظت الموضوع ؟ ... بس بأه انتي خليتي رقبتنا اد السمسة ادام الناس .. هي عادتك ولا هاتشتريها ... الجمل دي بتسجن الانسان وتدخله في سجن جوا نفسه ومش بيعرف يطلع منه بسهوله وخصوصا لو تكررت ... عايز تنقد ابنك او بنتك انقد الفعل مش الشخص .. مافيش داعي تقولها انتي على طول مصدر اكتئاب لينا .. قولي تصرفك دا بيدايقنا لازم نلاقي طريقة نمنعه بيها
- لما يكون نظام البيت قائم على مدح المحسن وعدم تعذيب المذنب (احنا بشر) هايطلع منه اولاد وبنات ناجحين في حياتهم

طولت تاني برضه 🙈
شكرا ليكم

23/07/2021

من مهارات اللي اتكلمت في بوست امبارح عن اهميتها .. وازاي ان المهارة بنعلمها للابناء قبل 12 سنة لانه يصعب تعلمها بعد كده

وهي ان الابن او البنت يطلعوا عندهم قناعة انهم قادرين وكفؤ على مواجهة المشاكل وايجاد حلول لها .. اول سؤال بيسألوا الانسان لنفسه عند مواجهة اي مشكلة هو .. هل انا قادر (كفؤ) على المواجهة ؟ اذا كانت اجابته نعم يبقى هايعافر لغاية لما يحلها لكن لو اجابته لنفسه كانت (لأ .. انا ما اقدرش) يبقى مش هايحاول حتى لو كانت المشكلة بسيطة

وعلشان مهارة الكفاءة تتبني في اولادنا بتمر بثلاثة مراحل :
1- انه يعرف انه رأيه صح
2- انه بيقدر يواجه
3- انه بيتحمل المسؤولية
الخطأ التربوي بيكون بتدخلنا الخاطئ احيانا كالتالي :
1- انه يعرف انه رأيه صح : احيانا احنا ومن دافع التربية ومن دافع حمايتهم كل ما بيقول الابن رأي في اي حاجة نقوم احنا (نجود .. ونحط التاتش بتاعنا) على كلامه .. بالتدريج الابن بيشعر انه دايما رأيه ناقص مشورة بابا او ماما .. والحل > لما يقول رأي وافقه عليه مبدئيا .. حتى لو انت شايف انه مش احسن حاجة وخليه يكتشف انه مش صح بنفسه (طبعا دا مش في كل الامور - لكن ياريت نسمح بكدا)
2- انه يقدر يواجه : والخطأ التربوي انه فيه كتير من الاباء والامهات اكثر بيخافوا يسيبوا اولادهم يعملوا اي حاجة (اما خوفا على الابناء او خوفا من الخسائر) .. والنتيجة ايه ؟ رجالة في بيوتها ما بتعرفش تعمل لنفسها كوباية شاي .. وزوجات مستحملة قلة أدب ازواجها علشان خايفه تواجه وتاخد قرار لانه هي ما اتربتش على المواجهة بحكمه
3- انه يتحمل المسؤولية : والخطأ التربوي هنا انه لما بيحصل خطأ يبادر الاب والام الى توجيه اللوم للابن على النتايج الغير مرضية ثم يتولوا هم قيادة المشكلة وايجاد الحلول .. لكن الافضل والاصح > خليهم يعرفوا الغلط فين وقولولهم (ياللا بقى حل المشكلة .. انا ممكن اساعدك لكن انت اللي هاتحل) الجملة دي لها تاثير سحري على ثقة الابن في نفسه

- طولت عليكم .. لكن الموضوع هام
دمتم بخير

22/07/2021

صباح الخير .. وكل سنة وانتو طيبين



يمكن بعض مننا سمع قبل عن المرونة الحياتية .. في الحقيقة دي مهارة مهمة جدا .. وجدت الابحاث ان الناس اللي عندهم المهارة بيعرفوا يتجاوزوا الصعاب في حياتهم لما تحصل (مافيش حد خالي من المشاكل) لكن فيه ناس حياتها بتتوقف نهائي بعد المشاكل والصدمات وفيه ناس حياتها بتتحول الى الافضل وتحقق نجاحات .. وجدت الابحاث ان الناس اللي بتعرف تتجاوز الازمات الحياتية والصدمات وتكمل حياتها بيتمتعوا بمهارة اسمها المرونة الحياتية ..

✍️ سبب ان حبيت اشارككم الكلام عليها حاجتين :
1- ان المهارة بيتعلمها الانسان قبل سن 12 سنة وبعد كده بتكون صعب تعلمها (صعب وليس مستحيل)
2- ان المهارة دي ليها 7 مكونات (او 7 مهارات فرعية) لو قدرنا نعلمهم لاولادنا .. هايكون دا من اجمل واقوى ما يمكن ان نتركه لهم .. وهاييجي الوقت اللي يفتكروكم فيه ويدعولكم بسبب انكم علمتوهم الحاجات دي

😞 للاسف شفت الفترة الماضية كمية من الناس عندها كره وبغض داخلي لوالديها على انهم ما علموهمش امور حياتية معينة

بكرة ان شاء الله هانبدأ نناقش اول هذه المهارات السبعة .. وهي الكفاءة .. ازاي اعلم ابني او بنتي انها تشعر انها كفؤ (قادر) على التعامل مع متغيرات الحياة

دمتم بخير 🌹

19/07/2021

كل سنة وانتم بخير .. وسعداء .. ومحققين احلامكم وامنياتكم

30/05/2021

صباح الخير 🌹

مما ينصح به في تربية الابناء لكي تكون تربية فعالة هو عدم مفاجأة الاولاد بالقرارات .. لان الطفل (وحتى الكبير) بيستقبل دا على انه تعدي على مزاجه وحريته .. ازاي يا بابا تقوللي اقفل الموبايل دلوقت ؟ او قومي رتبي غرفتك الان ؟ .. ودا صحيح فعلا .. وكل مهارات التعامل مع الاولاد مبنية على الحوار ... ومن خلاله بنفهمهم القرارات تدريجيا ... عجبتني الام دي اوي 😆 فقلت اشاركها معاكم

12/05/2021

عيد فطر سعيد عليكم جميعا واولادكم 🌹

21/03/2021

🎂
كل سنة وكل الامهات طيبين .. كل سنة وكل الامهات سعداء و ناجحين في تأدية امانة التربية والرعاية لاولادهم ... وكل سنة وامهاتنا احنا طيبين 🌹

17/02/2021

📛 لو ابني وقع واتخبط في دماغه ..‼️
⬅️ امتى يحتاج أروح بيه لمستشفى؟⬅️ امتى أروح بيه لدكتور جراحة مخ وأعصاب ؟
⬅️وهل محتاج يعمل أشعة مقطعية على المخ ؟
كل الأسئلة دي هيجاوبنا عليها :
👈الدكتور/ عبدالحكيم عيسى استشاري جراحة المخ والأعصاب والعمود الفقري
👈والدكتور/ إدريس حسن استشاري طب الأطفال وحديثي الولادة