Kotb Kids Clinic د.محمود قطب

08/07/2025

اعتقد دي أهم معلومه طبيه مفروض كل الناس تعرفها علي الاطلاق ، كبير وصغير . أب وأم وجد وجده . عم وعمه ، خال وخاله

تعملي ايه لو لاقدر الله أبنك شرق في جسم غريب سواء أكل أو لعبة زى خرزة مثلا وحصله اختناق 🤔

📢 لازم تاخدي بالك إن كل ثانية بتضيع بتأثر على حياة ابنك..إنتي خايفة ومرعوبة بس إنتي الشخص الوحيد اللي قادر ينقذ ابنك في اللحظة دي..

↙️ نادي على حد يساعدك وعلطول اقلبي ابنك بحيث تكون راسه لتحت زي الصورة وخبطي على ظهره بين لوحي الكتف 5 مرات

↙️ لو مطلعش حاجه مباشرة اقلبيه وخلي وشه في اتجاهك وراسه لتحت واضغطي على صدره 5 مرات ( تخيلي خط وهمي بين حلمتين الصدر واضغطي بصباعين على عضمة القص تحت الخط ده ) زي الصورة

↙️ استمري مرة على ضهره ومرة على صدره لحد ما يطلع الجسم اللي شرق فيه أو لحد ما يجي حد ياخده ويطلع بيه على اقرب طوارئ.
↙️ لو الطفل أكبر شوية اقفي ورا الطفل واضغطي بايديكي الاتنين على بطنه لجوه ولفوق بحركة واحدة زي الصورة

❌❌ممنوع تدخلي صابعك داخل فم الطفل وتحاولي تطلعي الجسم لانك ممكن تدخليه لجوه ويرجع لورا ويبقى صعب خروجه

📢 📢 فخدي باااااااااالك انتي اللي تقدري تنقذي ابنك من نقص الاكسجين لحد ما توصلي لأقرب طوارئ
Copy dr adham

👌👌اعرفي الصح وطبقيه وانشريه عشان صحة افضل ليكي ولطفلك 👩‍👧‍👦

06/06/2025

كل عام وانتم بخير
متعكم الله بالصحه والعافيه

04/04/2025

https://www.facebook.com/share/r/1B2Sk655rM/

03/03/2025

25/12/2024

# # # المتحور الجديد لفيروس كورونا "XEC": معلومات مهمة
🚦 **هل هو خطير؟**
المتحور الجديد "XEC" يُظهر أعراضًا تشبه بشكل كبير أعراض الأنفلونزا الموسمية لدى البالغين والأطفال.
ولكن، عند الرضع، قد تتشابه الأعراض مع فيروس التهاب القصبات الهوائية.
# # # ⚠️ الأعراض الشائعة:
- **ارتفاع حرارة الجسم** 🌡️
- **تعب عام** 😩
- **كحة حادة** 🤧
- **إسهال أو قيء** 🚽
- **التهاب العين** 👁️
- **التهاب الأذن الوسطى** 🦻
# # # ⏳ فترة التعافي:
معظم المرضى يستعيدون صحتهم خلال أسبوعين، بينما قد تستمر حدة الكحة لفترة أطول قبل أن تتراجع تدريجيًا.
# # # 🛡️ نصائح مهمة:
- **تجنب نقل العدوى**: من الضروري اتخاذ الاحتياطات اللازمة لحماية الرضع والأطفال الصغار.
# # # ✔️ خلاصة:
المتحور "XEC" ليس خطيرًا بشكل خاص، ولكن يجب التعامل معه بحذر. الأعراض عادة ما تزول مع مرور الوقت، إن شاء الله.
COPY dr ezz

03/08/2024

https://www.facebook.com/share/r/k2YA7NBCiASgeEx1/?mibextid=oFDknk

10/06/2024

👈🕐 مواعيد العيادات بمستشفى طب الأطفال بجامعة أسيوط مواعيد قطع التذاكر من الساعه ٨ ص حتى ١٢ م
ما عدا العيادة المسائيةمن الساعه ٢ م حتى ٨ م

19/04/2024

🎄تخاريف ان الطفل اللى سخن مياكلش سمك و بيض و زبادي و عدس و موز 🍌

🎄تخاريف ان اللبن مع السمك يسمم و الدوا فى اللبن يموت🤔
🎄تخاريف الليمون والبرتقال ممنوعين مع الكحة مع ان علاج الكحة والبرد فتامين سى🍋 تحرميه ليه😭

🎄تخاريف ان الطفل لو ماكلش قبل ٣شهور حيطلع بيكره الاكل ده حيكره نفسه😠

🎄تخاريف ان الطفل لو اخد التطعيم و مش سخن يبقي معملش مفعول بتجيبوا الكلام ده من منين😏

🎄تخاريف انك تدي كالسيوم بدل فتامين د اللبن مليان كالسيوم يا جودعان والزيادة بتترسب فى الكلى مش بتطلع سنان
او انك تدى فتامين د النشط بدل فتامين د ده على اساس ان الغالى تمنه فيه وكده دى مش شنطة دى جسم انسان.

🎄تخاريف ان الطفل اللى عنده اسهال ميرضعش ومياكلش علشان الاسهال يقف كده عمره هو اللى حيقف 😲 عوضى بسوايل كتير و اكل مش سفن اب واستسهال.

🎄تخاريف ان الطفل بيتعود على جلسات البخار وان البخاخات رجس من عمل الشيطان 🙁 دى ا حدث وافضل علاج لحساسية الصدر.

🎄تخاريف ان علاج الصفرا لمبة نيون ودواء❌ علاجها ياما
دخول حضانة او يروح ويرضع وخلاص حسب نسبته وعمره
بالايام والسعات و اللى يقول غير كده اشتغالات.

🎄تخاريف ان اللبن مش بينزل قبل ٣ايام فتدى صناعى و ميه بسكر مفضلش غير انك تعمليله كوباية شاى🍵.
اللبن موجود بس قليل وده كافى لاحتياجاته وحجم معدته ده غير اهميته .

🎄تخاريف لو عدت عليكى واحدة بسلسلة او جوزها مزعلها لبنك ينشف ...كلام هبل وجنان
اللبن بيتفرزعن طريق هرمون فى المخ لازم الثقة فى نفسك لان حالتك النفسية هنا هى الاساس.

🎄تخاريف ان النيدو يخده قبل سنة لكن البقرى بعد عام
الاتينين واحد لبن و بقرى زى بالظبط كلمة سنة وعام.

🎄تخاريف انك متشيرش البوست لانك عارفة كل المعلومات. لا شيرى علشان تنشرى الوعى بين الناس😉

🎄كل سنة وانتم طيببن وياريت تشاركونا بتخاريف تانية فى الكومنتات ...... يلا مستني الابداعات🤗
منقول
😊