
08/03/2025
الاوميجا 3 .. وهل هي فعلا مفيدة ولا مالهاش لازمة 🤔🤔؟؟
الأول علشان نجاوب على السؤال دا لازم نعرف ايه هي الاوميجا 3 ..
الاوميجا ثرى دي عبارة عن دهون غير المشبعة المتعددة .. ودى اللى بيطلق عليها (health fats) يعني الدهون الصحية 💪
يعني في دهون صحية وفى دهون غير صحية🤔 ؟؟ اه طبعا والفرق بينهم كبير هنبقي نحكي عنه في بوست منفصل👌
ودهون الاوميجا 5 أنواع .. المهم منهم نوعين (EPA)و(DHA) .. لان الاتنين دول من الدهون الاساسية الموجودة في اغشية خلايا الدماغ 🧠 ..
والاحماض الدهنية الى موجودة في الاوميجا ثرى .. احماض دهنية أساسية .. يعني الجسم مابيقدرش يصنعها ولازم تتاخد من مصدر خارجى .. عن طريق الغذاء وبتبقي موجودة بكثرة في الماكولات البحرية 🦐🐟🦀🦞🦑
فكده نقدر نجاوب على السؤال ونقول ان الاوميجا ثرى مفيدة جدا .. وممكن نلخص فايدتها ف
1-بتحسن من العمليات الادراكية والدماغية وتقلل من ال(Dementia) او الخرف 😵😵 .. و الخرف (Dementia) يعبر عن انخفاض الوظيفة الإدراكية والتدهور المعرفي وقدرات الذاكرة والتفكير للدماغ .. ودا لانه زي ما سبق قولنا انه من الدهون الأساسية الموجودة في اغشية خلايا الدماغ 🧠
2- ليها خواص مضادة للالتهابات 🤒 وخصوصا مع الالتهابات المزمنة !! .. هو في حاجة اسمها التهابات مزمنة والتهابات عادية 🤔؟!!!
اللى ممكن يكون جديد عليك ان في حاجة اسمها الالتهابات المزمنة ودي بتكون نتيجة امراض زي السمنة والقلب والكانسر 🤕..
3-لها دور في الوقاية من الكانسر : دا وجدوا كمان ان الاوميجا ثرى من اقوى الاحماض الامينية اللى قادرة على تقليل حاجة اسمها (OXIDATIVE STRESS) ودي معناها (الإجهاد التأكسدي) 🫨.. هو حالة بتحصل لما تتعرض الدفاعات الطبيعية لجسمك للضغط من الجزيئات الضارة المسماة الراديكالات الحرة (FREE RADICALS). الراديكالات الحرة دى ذرات غير مستقرة قادرة على تلف خلاياك والمساهمة في مجموعة كبيرة من المشاكل الصحية زى أمراض القلب والسكري والسرطان
4- بتقلل الكوليسترول : وفي دراسات اتعملت .. ان تناول الاوميجا 3 بشكل يومي قادر على تقلليل الدهون الثلاثية بشكل كبير .. وبيزود من معدلات ال (HDL) وده الكوليسترول النافع اللى بيبقي في الجسم .. و بيقلل من الكوليسترول الضار (LDL) 👌
5- - بيساهم في تظبيط ضغط الدم : لقوا ان الاوميجا 3 بتساهم في صحة الاوعية الدموية ودا لانه بيزودد وجود مادة اسمها (NITRIC OXIDE) المادة اللى بدورها بتعمل زي ريلاكسيشن للاوعية وبتساعد في حركة منتظمة للدم
6- بتقي من الإصابة بامراض القلب 🫀ودا نتيجة اللى بتعمله من تقليل الكليسترول والدهون الثلاثية وتحسين ضغط الدم
ازاى اختار نوع اوميجا ثرى كويس 🤔؟! ..