Dr in3ash - دكتور إنعاش

29/04/2024

👌👌

16/04/2024

05/04/2024

https://www.facebook.com/share/p/nUhFS2swRLhdh6B4/?mibextid=qi2Omg
تطعيم الروتا من أهم التطعيمات اللى طفلك لازم ياخدها علشان النزلات المعويه والجفاف
بادر بحجز التطعيم لطفلك
دمتم سالمين
العصارة بحرى البلد أعلى معرض اسماعيل يونس للاجهزه الكهربائية
٠١٢٠٤٥١٤٥٥١

13/11/2023

يعانى بعض الأطفال من الإصابة بلين العظام، نتيجة أسباب وعوامل مختلفة منها ما يتعلق بالتغذية، وعوامل أخرى تتعلق بالوراثة، كما تساهم إصابة الطفل بلين العظام فى حدوث تأثير على شكل عظامه.
مرض لين العظام هو عبارة عن نقص فيتامين "د" وعنصر الكالسيوم عند الأطفال مما يتسبب فى حدوث بعض المشاكل الصحية بشكل عظام الطفل خاصة بمراحل النمو.
أهم علامات وأعراض إصابة الطفل بلين العظام
1)تغير فى شكل عظام الطفل "تقوس الساقين".
2) تأخر الأطفال فى المشى.
3)أنحاء فقرات العمود الفقرى.
4) بروز عظام الصدر وظهور ما يسمى بالنتوءات العظمية.
5) تأخر زحف الطفل عن ميعاده الطبيعى .
دمتم سالمين

للاتصال والحجز ٠١٢٠٤٥١٤٥٥١

13/11/2023

تزامنا مع دخله الشتاء اللى بجد الايام دى ..
الواحد بقى يشوف العجب
ايشى أمهات بتجيب وصفات طبية م صفحه بطوط وازاى تخلى العيل مبسوط .... وايشى م اعطاء علاج طفل للتانى بدون مراعاة سن او حالة صحية.... وايشى سؤال اى حد كان ابنه بيكح من يومين على سبيل اسأل مجرب
لذا وجب التنويه.... ممنووووووع منعااااا باتااااا ...
⚠️١. ادوية البرد والرشح🤧:
- وان تو ثرى - دولودى - كونجستال.....
ممنوعين منعا باتا🚫 قبل عمر سنتين وبيستخدموا من عمر ٢-٦ سنوات بوصفة طبيب👨‍⚕️ فقط ودول ممكن يعملوا آثار جانبية كبيرة جدا ممكن توصل لموت الرضع لو استخدمت بشكل غلط وجرعات كبيرة.
💊وكمان ممنوعين منعا باتا فى اثناء الحمل🤰 والرضاعة🤱 وممكن يعملوا تشوهات فى الاجنة وبتنزل فى اللبن وتضر الطفل زى ما قولنا قبل كدا.
⚠️٢. مضادات الاحتقان الموضعية بالأنف:
زى اوكسميت - بالكيس- اوتروفين اطفال وكبار......
🚫ممنوع استخدامها لفترة اكثر من ٥ ايام متتالية لأن ممكن تسبب التهاب كيميائى فى الأنف👃 وكمان فيه حالات اتسجلت بفقدان لحاسة الشم🌹 بسبب الادوية دى...
وكمان نخلى بالنا الادوية دى يفضل الابتعاد عنها قدر الامكان فى الأطفال اقل من سنة.
✅فنخلى بالنا نستخدمها لمدة ٥ ايام او اقل فى الاطفال اكبر من سنة او نستبدلها بنقط محلول ملح زى اوتروفين بيبى سالين او لايس او سالينكس.
⚠️٣. خوافض الحرارة المحتوية على مادة ديكلوفيناك:
زى دولفين - فولتارين - ديكلوفين - بيبى رليف - كاتفلاى.....
❌ممنوعين قبل عمر سنة منعا باتا ودول ممكن يعملوا اعراض جانبية خطيرة على المعدة والكلى والكبد.
وكمان اوعى تستخدميها فى حالة الكحة الشديدة لطفلك لأن هتزود⬆️ الكحة جدا.
✅فنخلى بالنا نستبدلهم بمادة الباراستامول زى سيتال وبارامول وتيمبورال ونعمل كمادات زى ما قولنا قبل كده.
⚠️٤. اسبرين الأطفال:
زى اسبوسيد....
تعرفى انه اصلا مش للاطفال وانه معمول فى الاساس علشان يحافظ على سيولة الدم فى مرضى القلب❤ وتصلب الشرايين؟
⛔اوعى تديه للاطفال اقل من ١٢ سنة لان لو اتاخد مع عدوى فيروسية فى الاطفال دول ممكن يسبب متلازمة راى واللى ممكن تموت الطفل.
وكمان فى الكبار لو عندك حساسية صدر اوعى تاخديه بيعمل ضيق فى الشعب الهوائية وخطير جدا.
⚠️٥. حقن المضاد الحيوي:💉
✅لازم تعملى اختبار حساسية قبل ما تبدأى كورس العلاج وكمان متديش من نفسك ولا بوصفة زميل صيدلى.
⚠️٦. المراهم المحتوية على نسبة عالية من الكورتيزون:
زى كيناكومب - كوادريديرم.......
✅متستخدمهاش غير للضرورة ويبقى دهان خفيف لمنطقة صغيرة من الجلد ولأقل مدة ممكنة لأن ممكن يحصله امتصاص داخل الجسم ويسبب مشكلات كبيرة.
⚠️٧. ادوية التقلصات:
زى فسرالجين - تيموجين - فيسرا....
❌ممنوع اعطائهم قبل عمر سنة وممكن يعملوا شلل فى حركة الامعاء ده غير ان لهم تأثير دوائى على الدورة الدموية والقلب❤.
✅عالجى المغص فى الرضع بالتكريع بعد الرضاعة واعطاء ادوية آمنة زى سايميثكون ودينتونكس عند اللزوم.
⚠️٨. الادوية المحتوية على الكورتيزون:
زى زيلون - بريدسول - ابيدون - فينادون.....
✅متستخدمهمش من نفسك ولا من حق الصيدلى يوصفهم وكمان متديش اكتر من ٥ ايام متتالية ولو اكتر بتوقفهيم بالتدريج
الموضوع ده مهم جدا جدا جدا.....
انشره🤙 فى كل مكان على صفحتك وفى اى صفحة او منتدى مشترك فيه.... جايز تكون سبب فى انقاذ حياة طفل
دمتم سالمين

للتواصل ٠١٠٠٣٥٩٤٥٩٩
٠١٢٠٤٥١٤٥٥١

13/11/2023

⚠️ دلوقتى تقدر تطعم طفلك بالتطعيمات الاضافية فى العيادة عندى بدون اى رسوم اضافية 🧑🏻‍⚕️
ولو عندك أي إستفسار سيب سؤالك والدكتور هايرد عليك فى أقرب وقت
بنوفرلك كل التطعيمات
وكل الخدمات اللى محتاجها
متابعه النمو ..قياس الصفراء ....تركيب المحاليل ...جلسات الاستنشاق .....قياس الانيميا ...سحب جميع التحاليل والاشاعات ....
وانتظروا مفاجأت كتيرة الفترة اللى جايه
العصارة بحرى البلد أعلى معرض اسماعيل يؤنس للأجهزة الكهربائية
اهميه التطعيمات الإجبارية والأضافية لطفلك 👩🏻‍🍼
⁦1️⃣⁩ تطعيم فيروس الروتا
يعطي للأطفال حديثى الولادة من عمر ٤٥ يوم عن طريق الفم
والجرعة الثانية بعد شهرين
والفاصل بينه وبين التطعيم الحكومي اسبوعين أو ممكن فى نفس اليوم
✅ أهمية التطعيم:
بيقول كتير جدا من النزلات المعوية الفيروسية الخطيرة، والتي تصيب الأطفال في الأعوام الخمسة الأولى من عمرهم والتى من الممكن تؤدى للوفاه
2️⃣ تطعيم المكورات الرئوية
👈🏼 العمر:
تطعيم يعطى حقن عضل من عمر الشهرين - 4 أشهر - 6 أشهر
ثم جرعة منشطة عند بلوغ سنه ونصف .
✅ أهمية التطعيم:
بيقلل من عدوى الجهاز التنفسي والإلتهاب الرئوي والإلتهاب الشعبي المزمن
3️⃣ تطعيم الجديري المائي
👈🏼 العمر:
وهو عبارة عن حقنة تحت الجلد عند بلوغ الطفل عامه الأول،
ثم الجرعة المنشطة بعد ٣شهور من الجرعة الأولي
✅ أهمية التطعيم:
الوقاية من المرض المنتشر بين الأطفال ويتسبب فى ظهور حبوب بالجسم والظهر،
يساعد أيضاً في الوقاية من مرض الحزام الناري الذي قد يصيبهم فيما بعد عند الكبر .
4️⃣ تطعيم الحمى الشوكية
👈🏼 العمر:
حقنة عضل عند بلوغ الطفل العامين.
✅ أهمية التطعيم:
الوقاية من الأمراض، والتي قد تتسبب في إلتهاب المخ وتلف خلاياه والاعاقه الذهنية
5️⃣ تطعيم الالتهاب الكبدي الوبائي( أ )
👈🏼 العمر:
عبارة عن حقنة عضل عند بلوغ الطفل عمر العام،
وجرعة أخرى منشطة عند بلوغ العام والنصف.
✅ أهمية التطعيم:
يقي التطعيم من الالتهاب الكبدي أ ، والذي يصيب الأطفال نتيجة الطعام الملوث.
6️⃣ تطعيم الأنفلونزا الفيروسية الموسمية
👈🏼 العمر:
حقنة عضل تعطى من عمر ستة أشهر، وتؤخذ جرعة منشطة بعد شهر لمن هم أقل من تسعة أعوام، ولم يسبق لهم أخذ تطعيم الإنفلونزا من قبل.
✅ أهمية التطعيم:
يحمي التطعيم من الأنفلونزا التي تنتشر كل عام في فصل الشتاء.
ـــــــــــــــــــــــــــــــــــــــــــــــــــــــــــــــــــ
01204514551 ...01003594599

13/11/2023

بمناسبه الكلام عن حمى الضنك أو Dengue fever الايام دى 🥼🥼🥼 فى صعيد مصر وبالتحديد محافظه قنا
كلمتين بساط هنقولهم عن الحمى👍
طب ايه هى الحمى دى 🤔🤔؟
هى عدوى فيروسيه تنتقل للانسان عن طريقه لسعات البعوض🦟🦟 المصاب
لا تنتقل من إنسان لانسان 🤝
اكتر من ١٠٠ -٤٠٠ مليون حاله سنويا بتحصل فى مختلف البلاد 🌏
طب وبالنسبه للاعراض ؟!
ارتفاع فى درجه الحرارة يصل إلى ٤٠ 🤒🤒
صداع 🤕🤕
ألم وتكسير بالجسم والمفاصل 🥵🥵
غثيان🤮🤮
ألم خلف العين
انتفاخ الغدد
وممكن طفح جلدي
طب وعلاجها ايه ؟
الحمد لله اغلب الحالات بتتحسن بأبسط أنواع العلاج
زى خوافض الحرارة ( الباراستامول ) بلاش اسبرين لانه ممكن يزود احتمال حدوث نزيف
ممنوع استخدامها مضادات حيويه
سوائل كتير 🍵🍵🍵
طب امتى ألجأ فورا للطبيب🥼🥼🥼؟؟
لو حصل ألم شديد فى البطن
ترجيع مستمر على الاقل ٣ مرات يوميا
نزيف من الفم أو دم بالبراز🩸🩸
ترجيع دم 🥵🤮

مع تحيات دكتور ايمن زاهر
العصارة بحرى البلد أعلى معرض اسماعيل يؤنس للأجهزة الكهربائية
٠١٢٠٤٥١٤٥٥١
٠١٠٠٣٥٩٤٥٩٩

13/11/2023

مش كل طفل شقى يبقى عنده فرط حركه واضطراب الانتباه؟!!!!!🔊🔊🔊
فى اسئله لازم تجاوبي عليها الاول انتى والمدرس بتاعه فى الفصل 🤔🤔🤔وبعد كده بنقرر وبنحط سكور معين علشان شخص ...ودرجه فرط الحركه
زى مثلا هل إبنك عنده
عدم المشاركه فى الانشطه بهدوء🙅🙅‍♀️
التملل وعدم الجلوس لفترة🏃‍♂️🏃‍♂️🏃‍♂️🏃‍♂️🤸‍♀️🤸‍♀️🤸‍♀️🤸‍♀️🧎‍♀️🏇
عدم انتظار دورة للمشاركه فى الانشطه 🙋🙋🙋🙋
التحدث المفرط 🗣🗣🗣🗣
عدم القدرة على التركيز 🤦🤦‍♀️🤦🤦‍♀️
مواجهه صعوبه في الانشطه التى تتطلب الجلوس 🧎🧎‍♀️🧎‍♂️
وطبعا بيتم وصف العلاج الملائم لحالته اللى بيختلف من حاله لحاله
دمتم سالمين


العصارة بحرى البلد أعلى معرض اسماعيل يؤنس للأجهزة الكهربائية
٠١٢٠٤٥١٤٥٥١
٠١٠٠٣٥٩٤٥٩٩

28/06/2023

28/06/2023

شوية حجات عايزك تخلي بالك منها لما تخلفي كدا وتبقي واحدة من الامهات الحلوين مش من الماميز😄😄 بتوع الايام دى....
١_حمي الواد يا جماعه مش معقول ياجماعه والله بييجي اطفال مستحمتش بقالها شهر بحجة ان الاهل خايفين عليه لايبرد طيب والدكتور الغلبان دا مين يخاف عليه لما يشم الروايح دي .....حمى الواد ابوس ايدك
٢_اعرفي وزن ابنك اول لما يتولد وعلشان مش كل شويه تسالي عالوزن الطبيعي انه يكون بين ٢.٥ ل ٣.٥ كيلو عند الولاده وممكن يخس من عشره ل عشرين فى الميه من وزنه وف اول اربع شهور بيزيد كل شهر ٧٥٠ جم وتاني اربع شهور يزيد ٥٠٠ جم وتالت اربع شهور يزيد ٢٥٠ جم بحيث انه على 8 شهور 8 كجم و السنه يكون كمل تقريبا ١٠ كيلو مش ٥٠ زي ماانتي بتكوني عايزه....حمى الواد
٣_الرضاعه الطبيعيه اهم حاجة لاي طفل ف الكون مش معقول بتجيلي امهات معندهمش اي مشاكل ولا اي موانع للرضاعه بيطلبو ألبان صناعية لاطفالهم حرام عليكي والله ولو الحجة ان اللبن قليل اشربي لبن كتير كلي حلاوة طحينية وممكن تاخدي كبسولات هيرباانا واعشاب ادرار اللبن
٤_اول يومين تلاته ف العمر الطفل مش لازم تلاقيه بيرضع اتنين كيلو لبن لا خالص اصلا كمية اللبن اللي بتيجي من الام اللي هيا اسمهاcolostrum وبتتفرز ف اول تلات او اربع ايام قليله لكنها مهمة جداا ومفيدة جدا والطفل مش محتاج اكتر منها...ممكن فى حالات معينه نضطر نكتب البان
٥_حمي الواد
٦_تطعيم اول يوم هو تطعيم فيرس B ولو الام لا قدر الله مصابة اصلا بالفيرس بيتاخد التطعيم ومعاه كمان حاجة اسمها اميونوجلوبيولون ماعليكي اصلا غير انك تبلغي الدكتور وهو هيعمل اللازم
٧_عينة الكعب بتتاخد من اليوم التالت لليوم السابع بعد الولادة في الوحدات الصحية ايام السبت والتلات
٨_التطعيم بتاع الكتفBcgمش لازم يورم ويعلم ويجيب اعاقه ف كتف العيل علشان نقول انه سليم على فكره والله
٩_مشكلة العياط متقوليش عليها عادي الا لما تستبعدي شوية حجات اهمها ان الطفل ميكونش جعان ميكونش في التهابات حفاظات ميكونش في مغص ميكونش في التهاب ف الإذن ميكونش لابس تقيل او خفيف،،الحجات دي كلها لو تمام يبقى الواد طالع زنان لحد فيكم ياانتي ياابوه وغالبا هتبقى انتي 😄
١٠_لو حسيتي في التهابات ف صدرك والحلمة نزلت بقعة دم مترضعيش الواد منها واكشفي لحد لما تبقى كويسه وابدئي رضاعه منها تاني مش هتبقى حجة انك مترضعيش يعني اللبن الصناعي غالي وابو العيال طفحان الدم
١١_خلي عندك ف البيت دايما حاجة زي simethicone drops وادي عشر نقط قبل الرضاعه عند اللزوم لو ابنك عنده انتفاخ ولو مش بيجيب نتيجة ال dentinox غالي شويه بس ممتاز
١٢_اسمعي كلام حماتك وكرعي الواد عشان متجيلوش انتفاخات وممكن تنيميه ع بطنه ربع ساعه مفيش مشكلة
١٣_البامبرز مش بيتغسل ويستخدم تاني حضرتك ومن واقع التجربه لو غيرتي بكريم zinc olive باذن الله الواد مش هيلتهب ويحمر من تحت
١٤_لو حسيتي ابنك بعد الولادة ع طول او حتى بعد اسبوع او لغاية شهر دايما متنح كدا ومفيش رضاعه ومفيش حركة وفي سخونية روحي للدكتور فورا علشان بنخاف من حاجة اسمها sepsis وممكن يتحجز ف الحضانة
١٥_الدراسات اثبتت ان لبن الام مفيش فيه فيتامين دال كافي للطفل علشان كدا المفروض ف اول سنه ياخد يوما اربع نقط من vi drop
١٦_عند اربع شهور ممكن نزودله حديد
١٧_حمي الواد ابوس ايدك
١٨_مفيش حاجة اسمها بيبي درينك مهم دا كلام فاضي وملوش لزمة ولا ينفع ببصلة....لا منه ولا كفايه شره ...زى واحد جعان وانت عماله تقوله اشرب ميه
١٩_العيال بني ادمين زينا بيحسو بالحر برضو يعني متبقاش درجة الحراره اربعين وانتي ملبساه الدولاب كله ولافاه ببطانيه حضرتك ساعتها ممكن الواد نفسه يتبرى منك
٢٠_بلاش تكحلو العيال لا العين بتفتح ولا نيلة دي بتلتهب وبتتبهدل والواد لاحول له ولا قوة😡😡
٢١_الصفرا مهم جدا نخلي بالنا منها خصوصا لو ظهرت ف اليوم الاول او التاني ساعتها نكشف وهيتعمل تحليل لنسبة الصفرا وفصيلة للطفل والام وع اساسهم الدكتور يحدد الطفل محتاج حضانة او لا وغالبا طبعا هيحتاج
ولو ظهرت بعد اليوم التالت والدنيا مستقرة وبيرضع كويس ومفيش اي مشاكل دي تبقى صفرا طبيعيه بتحصل لاطفال كتير جدا هتاخد من اسبوع لعشر ايام وهيبقى زي الفل تاني عادي
٢٢_لو المولود ولد حاولي تحسي الخصيتين موجودين وفتحة اخراج البول ف مكانها ولا لا ولو حسيتي بشيء غلط اعرضي ع دكتور ولو بنت اتاكدي من وجود فتحة المهبل
٢٣_بقايا الحبل السري عادي جدا تطول شوية معاكي لحد ٤٥ يوم ع فكرة مش لازم تقع بعد اسبوع
٢٤_بلاش غربلة ف السبوع هتجيبو للعيال نزيف الله مايسامحكو shaken baby syndrom
٢٥_حمي الواد وارحميه وارحمينااااا.حمي الواااااااد

07/06/2023

لما تقابلي دكتور الاطفال بيجيب شيبسي و عصائر معلبة ل ولاده😂😂😂