دكتور مصطفي نصرالدين أستاذ م امراض النساء والتوليد Maternity Clinic

  • Home
  • Egypt
  • Asyut
  • دكتور مصطفي نصرالدين أستاذ م امراض النساء والتوليد Maternity Clinic

دكتور مصطفي نصرالدين أستاذ م امراض النساء والتوليد Maternity Clinic "دكتور مصطفي نصر الدين استاذ م أمراض النساء والتوليد كلية الطب جامعة أسيوط "

الف مبروك مناقشة وقبول رسالة الدكتوراة 🎓 في أمراض النساء والتوليد للزميلة الدكتورة الشيماء حسن ✨ بجامعة أسيوطتشرفت بكون...
09/04/2026

الف مبروك مناقشة وقبول رسالة الدكتوراة 🎓 في أمراض النساء والتوليد للزميلة الدكتورة الشيماء حسن ✨ بجامعة أسيوط

تشرفت بكوني عضو في لجنة الأشراف علي الرسالة مع اد محمود ذخيرة و اد عصاد الدين رشاد 🎓📕

بالتوفيق والنجاح الدائم إن شاء الله

محاضرة الدكتور مصطفي نصر الدين بمؤتمر Gyne Assiut ✨✨ بجامعة أسيوط بحضور مجموعة كبيرة من اساتذة واطباء امراض النساء والتو...
06/04/2026

محاضرة الدكتور مصطفي نصر الدين بمؤتمر Gyne Assiut ✨✨ بجامعة أسيوط بحضور مجموعة كبيرة من اساتذة واطباء امراض النساء والتوليد 🗓️

وقد تناولت المحاضرة موضوع الافراط في استخدام الأدوية اثناء الحمل بدون داعي وكذلك بعض الفحوصات الغير مطلوبة بصورة روتينية ‼️📝
وتم عرض التوصيات العالمية الخاصة ببعض الادوية مثل الاسبرين وحقن الكليكسان والمثبتات وكذلك الفحوصات المختلفة ✨

نتشرف بدعوة كل الزملاء اطباء النساء والتوليد لحضور مؤتمر قسم امراض النساء والتوليد بجامعة أسيوطGyne Assiut 2026 🌿غدا ال...
29/03/2026

نتشرف بدعوة كل الزملاء اطباء النساء والتوليد لحضور مؤتمر قسم امراض النساء والتوليد بجامعة أسيوط
Gyne Assiut 2026 🌿
غدا الاثنين بالقاعة الثمانية بالمبني الاداري للجامعة

واتشرف بإلقاء محاضرة 🎙️ عن بعض الممارسات الخطأ في أمراض النساء والتوليد والافراط في استخدام الادوية اثناء الحمل ✨

17/03/2026

Celebrating my 7th year on Facebook. Thank you for your continuing support. I could never have made it without you. 🙏🤗🎉

الحمد لله النهاردة العيادة والصفحة كملوا ٧ سنين بالظبط مع حضراتكم يارب نكون دايما عند حسن ظنكم وبنفيدكم ✨🤲

16/03/2026

⚠️ قبل أن تخططي للحمل… اعرفي هذه الحقيقة المهمة

كثير من السيدات يعتقدن أن مشكلة السكر تبدأ بعد الحمل…
لكن الحقيقة الطبية أن أخطر تأثير للسكر يكون قبل اكتشاف الحمل نفسه.

🧪 تحليل HbA1c (السكر التراكمي) يعكس مستوى السكر خلال آخر 3 شهور،
وهو أهم تحليل قبل التخطيط للحمل.

📊 ما الرقم الآمن؟

- يفضل أن يكون HbA1c أقل من 6.5% قبل الحمل.

❗ إذا كان HbA1c مرتفعًا (خصوصًا ≥ 8%)
فالأفضل تأجيل الحمل مؤقتًا حتى ضبط السكر.

لماذا هذا مهم؟
لأن ارتفاع السكر في أول 6–8 أسابيع من الحمل (فترة تكوين أعضاء الجنين) قد يزيد خطر التشوهات الخلقية.

📈 نسبة التشوهات حسب مستوى HbA1c تقريبًا:

• سكر طبيعي: حوالي 2–3% (مثل أي حمل طبيعي)
• HbA1c ≈ 7% → حوالي 5%
• HbA1c ≈ 8% → حوالي 8–10%
• HbA1c ≈ 9–10% → حوالي 10–20%
• HbA1c > 10% → قد تصل إلى 20–25%

⚠️ أشهر التشوهات المرتبطة بارتفاع السكر:

🫀 تشوهات القلب الخلقية

- Ventricular septal defect (ثقب بين البطينين)
- Transposition of great arteries
- Tetralogy of Fallot

🧠 تشوهات الجهاز العصبي

- Spina bifida
- Anencephaly

🦴 تشوهات العمود الفقري

- Caudal regression syndrome
(وهو من التشوهات المميزة لسكري الأم)

🟡 تشوهات أخرى

- عيوب الكلى والمسالك البولية
- عيوب الجهاز الهضمي

💡 الرسالة الأهم:
الحمل الصحي يبدأ قبل حدوث الحمل وليس بعده.

📌 إذا كنتِ تخططين للحمل:
اعملي تحليل HbA1c أولًا، واضبطي السكر للوصول إلى أقل من 6.5% قبل محاولة الحمل.

👨‍⚕️ د. مصطفى نصر الدين
استشاري أمراض النساء والتوليد وعلاج تأخر الإنجاب



16/03/2026

يبقي متروحيش ومتضحكيش فعلا 😁

👶 هو ينفع #نحدد #نوع الجنين ولد ولا بنت؟السؤال ده بقى بيتكرر كتير جدًا في العيادة…والإجابة ببساطة: أيوه ينفع وبنسبة دق...
13/03/2026

👶 هو ينفع #نحدد #نوع الجنين ولد ولا بنت؟
السؤال ده بقى بيتكرر كتير جدًا في العيادة…
والإجابة ببساطة: أيوه ينفع وبنسبة دقة عالية جدًا.

بس الطريقة الوحيدة لتحديد نوع الجنين هي ومفيش اي طرق او وصفات تانية

دلوقتي مع تطور الحقن المجهري بقينا نقدر نحدد نوع الجنين قبل ما يرجع للرحم.
🔬 بيتم الموضوع إزاي؟
1️⃣ بننشط المبيض ونحصل على البويضات.
2️⃣ يتم تلقيح البويضات في معمل الأجنة بالحقن المجهري.
3️⃣ بعد تكوين الأجنة بنعمل #فحص جيني للأجنة.
4️⃣ ومن خلال الفحص ده بنعرف الجنين ولد ولا بنت.
5️⃣ بنرجّع للرحم الجنين السليم بالنوع المطلوب.
✅ نسبة الدقة في تحديد النوع بتوصل لأكتر من 99٪.

⏺️ بالنسبة #للتكلفة لان ده سؤال بيتكرر كتير جدا طبعا ده بيفرق من حالة لحالة حسب كمية ونوع المنشطات اللي حضرتك بتحتاجيها بناء علي عوامل كتير منها العمر ومخزون المبيض والوزن ـ وكمان علي عدد الأجنة اللي هتتفحص وهل هو فحص لتحديد النوع فقط ولا كمان فحص لامراض وراثية ‼️

بس طبعا في احتمال إن كل الاجنة تطلع نفس النوع لإننا طبعا مش بنقدر نحدد الحيوان المنوي X او Y لكن بس بنقدر نعرف نوع الجنين بعد ما يتكون اذا كان ولد او بنت وهنا طبعا إرادة ربنا هي اللي هتفضل متحكمة في كل حاجة 🎗️
﴿يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ﴾

اكتر عامل مهم في نجاح عملية الحقن المجهري لتحديد النوع هو عمر الزوجة لان كل ما كان عمرها اقل كل ما كان مخزون المبيض اكتر وكان عدد البويضات اكتر وجودتها افضل وبالتالي عدد اجنة اكتر وفرص اكبر ‼️

📌 المهم إن العملية تتم في معمل أجنة مجهز وفريق متخصص.
لو حابب تعرف:
هل الحالة مناسبة لتحديد النوع؟
خطوات العملية بالتفصيل؟
نسبة النجاح في حالتك؟

شرفينا في العيادة والحمد لله العملية بتتم ف مراكز ليها كفاءة عالية ونسب نجاح جيدة بفضل الله 🤲

👨‍⚕️ د. مصطفى نصر الدين علي
استاذ مساعد واستشاري أمراض النساء والتوليد
دراسات ما بعد الدكتوراة كليفلاند الولايات المتحدة

التواصل علي رقم
01007390902

البرنامج التدريبي للأطباء المقيمين الجدد بقسم أمراض النساء والتوليد مستشفي صحة المرأة الجامعي ✨🏢ومحاضرة عن اساسيات الولا...
12/03/2026

البرنامج التدريبي للأطباء المقيمين الجدد بقسم أمراض النساء والتوليد مستشفي صحة المرأة الجامعي ✨🏢

ومحاضرة عن اساسيات الولادة القيصرية 🎗️
الثلاثاء ١٠ ابريل ٢٠٢٦ 📝

⚠️ أشياء في #روتين العناية #بالبشرة ممكن #تضر بالحمل من غير ما تعرفي ‼️كثير من البنات والسيدات بيستخدموا كريمات لعلا...
12/03/2026

⚠️ أشياء في #روتين العناية #بالبشرة ممكن #تضر بالحمل من غير ما تعرفي ‼️
كثير من البنات والسيدات بيستخدموا كريمات لعلاج حب الشباب أو لتجديد البشرة…
لكن بعض المنتجات دي ممكن تكون خطيرة جدًا أثناء الحمل.
أهمها 👇
❗ الريتينويد (مشتقات فيتامين A)
وهي مواد شائعة في كريمات البشرة وعلاج حب الشباب مثل:
• Isotretinoin
• Tretinoin Net look
• Adapalene
• Retinol الموجود في بعض كريمات التجميل
📌 المشكلة أن المواد دي ممكن تسبب تشوهات خلقية للجنين إذا استُخدمت أثناء الحمل.

❓ امتي #اوقفها قبل الحمل؟
🔹 الأقراص مثل Isotretinoin
يجب إيقافها قبل الحمل #بشهر على الأقل مع استخدام وسيلة منع حمل خلال هذه الفترة.
🔹 الكريمات الموضعية مثل Tretinoin أو Adapalene
يفضل إيقافها قبل محاولة الحمل #بشهر أيضًا كإجراء احتياطي وان كان تأثير الكريمات الموضعية اقل خطورة من الاقراص
❓ معلومة ممكن متعرفهاش كثير من السيدات
بعض كريمات التجميل و"مضادات التجاعيد" تحتوي على Retinol
لذلك أي سيدة:
✔️ تخطط للحمل
✔️ أو تعمل حقن مجهري
✔️ أو تتابع تبويض
يجب أن تخبر طبيبها بكل الأدوية والكريمات التي تستخدمها.
💬 سؤال مهم:
هل العلاجات دي بتسبب #عقم؟!
الاجابة لا
مش بتسبب عقم ولا تأخر انجاب ولكن بتسبب تشوهات للاجنة
عشان كده لو حضرتك متزوجة وبتاخديها لازم تستخدمي وسيلة منع حمل فعالة ‼️
👨‍⚕️
د/ مصطفى نصر الدين علي
استشاري أمراض النساء والتوليد وتأخر الإنجاب
أسيوط ابراج النصر برج ا٢ امام مديرية الصحة
التواصل واتس اب علي رقم
01007390902

احلي هدية من ناس بسيطة وجميلة 🌹🙏 عشان كده ربنا بيكرمنا معاهم الحمد لله🤲( عيش , بيض بلدي , سمن بلدي, سجادة صلاة , برفيوم...
10/03/2026

احلي هدية من ناس بسيطة وجميلة 🌹🙏 عشان كده ربنا بيكرمنا معاهم الحمد لله🤲
( عيش , بيض بلدي , سمن بلدي, سجادة صلاة , برفيوم)
بمناسبة نجاح حقن مجهري بفضل الله وكرمه من اول محاولة بعد تأخير ٥ سنين 🙏✨

البيبي الجميل ده ليه قصة طويلة مش مجرد حالة ولادة وخلاص ✨ ✨مامته جتلنا من #سنتين تقريبا عشان تأخر حمل ٥ سنين بعد الطفل ...
06/03/2026

البيبي الجميل ده ليه قصة طويلة مش مجرد حالة ولادة وخلاص ✨ ✨
مامته جتلنا من #سنتين تقريبا عشان تأخر حمل ٥ سنين بعد الطفل الأول وكانت كشفت كتير عشان يحصل حمل اتشخصت انها تكيسات علي المبيض وزيادة في الوزن ‼️

عملنا كل التحاليل ووصلنا ان تحليل الغدة الدرقية عالي ↗️↗️ بالأضافة للتكيسات ⏺️

وجهتها لدكتور متخصص وظبطنا الغدة وخدنا تنشيط ومن تاني شهر بعد تظبيط الغدة حصل حمل الحمد لله ✨

لكن المفاجأة الصعبة 🙂 انه كان حمل خارج الرحم 😬 الحمد لله اكتشفناه في الوقت المناسب 👌
وقررنا نعمل منظار والحمد لله قدرنا نحافظ علي الانبوبة وفي نفس المنظار عملنا تثقيب للمبيضين عشان التكيسات وده كان في رمضان 🌙 اللي فات 🙏

والحمد لله حصل حمل بعدها ♥️ وفي رمضان 🌙 ده معاها البيبي الحمد لله ✨ - حمل كان صعب لانها عندها ارتفاع في ضغط الدم من قبل الحمل مع زيادة الوزن وكنا معرضين لحدوث تسمم حمل وزلال لكن بفضل الله الحمل تم علي خير وولدنا في الشهر التاسع بيبي جميل ربنا يباركلها فيه 🙏✨

🤦 ⁦✍️⁩📌 #امتي ابدء اكشف ؟! 🤔_لو سنك تحت ال ٣٥ ومعندكيش انتي وزوجك اي مشاكل يبقي بعد مرور #سنة علي الزواج ووجود علاقة...
02/03/2026

🤦

⁦✍️⁩

📌 #امتي ابدء اكشف ؟! 🤔
_لو سنك تحت ال ٣٥ ومعندكيش انتي وزوجك اي مشاكل يبقي بعد مرور #سنة علي الزواج ووجود علاقة زوجية #منتظمة

📌 #يعني ايه علاقة زوجية #منتظمة ؟! 🤔
_يعني حدوث علاقة زوجية بمعدل مرتين لتلات مرات في الاسبوع وخصوصا فترة التبويض

📌اعرف #معاد التبويض ازاي ؟! 🤔
_احسب دورتي من اول يوم لاول يوم واطرح منها ١٤ بمعني لو هي مثلا ٢٨ يوم يبقي التبويض هيبقي ف اليوم ال ١٤ ....لو ٣٠ يوم هيبقي ف ال ١٦ وهكذا

📌 #امتي ممكن يكون عندي #مشكلة ومنستناش سنة ؟! 🤔
_بالنسبة #للزوجة عدم انتظام الدورة الشهرية .....بمعني انها بتيجي كل فترة اقل من ٢١ يوم او اكتر من ٣٥ يوم ....عمليات سابقة في الحوض زي الزايدة او عمليات بالمبايض او الرحم
_بالنسبة #للزوج وجود دوالي بالخصية او عمليات سابقة بالخصيتين او تاريخ مرضي لخصية معلقة او امراض متعلقة بالخصوبة

#الدكتور عملي سونار ع #البطن وقالي التبويض كويس؟!
_مفيش متابعة تبويض او سونار عشان تاخر الحمل بيتعمل ع البطن ....سونار متابعة التبويض وتاخر الحمل سونار مهبلي

📌 #يادكتور انا كشفت وتابعت #التبويض وكان #كويس بس مش بيحصل حمل ؟! 🤔
_الزوج عمل تحليل ....لا .....يبقي لازم يعمل تحليل

📌 #انا روحت للدكتور وكتبلي #منشطات ومحصلش حمل ؟! 🤔
__الزوج عمل تحليل ....لا .....يبقي لازم يعمل تحليل
_حضرتك عملتي تحاليل ....لا.....يبقي لازم تعملي

📌 #الدكتور اداني #منشط وقالي اخده تلات شهور ولو محصلش حمل ابقي ارجعله ؟! 🤔
_مفيش منشط بيتاخد بدون #متابعة تبويض شهريا

📌 #التبويض كويس وتحليل الزوج كويس بس الزوجة معملتش تحاليل هرمونات؟! 🤔
_لازم تتعمل تحاليل هرمونات كاملة

📌 #التبويض كويس وتحليل الزوج كويس وتحاليل الهرمونات كويسة بس محصلش حمل؟! 🤔
_اشعة الصبغة مهمة جدا عشان نطمن علي الانابيب

📌 #الدورة مش منتظمة والمنشط مش جايب نتيجة ؟!
_تحاليل الهرمونات وتحليل مخزون المبيض مهم جدا AMH

📌 #المنشط واحد من ضمن العلاجات ولكن مش العلاج الوحيد .....!!
📌 سبب من اسباب عدم انتظام الدورة وتأخر الإنجاب ومش السبب الوحيد برضه 👌

📌 كويسة والتبويض كويس ومفيش حمل؟! 🤔
- يبقي عندنا حالة اسمها تأخر حمل غير مفسر او غير معلوم السبب
_يجي دور #منظار البطن والرحم التشخيصي #والتلقيح الصناعي لو فشلوا يبقي

📌 ليه دور ف العلاج بشرط اختيار الحالة المناسبة 👌👌 وخطوة قبل اللجوء للحقن المجهري
_____________________________________________

دكتور مصطفي نصر الدين
دكتوراه ومدرس التوليد وامراض النساء كلية الطب جامعة اسيوط
دراسات بعد الدكتوراه في علاج العقم كليفلاند الولايات المتحدة
ابراج النصر امام مديرية الصحة برج ا ٢ بجوار صيدلية الثورة
تليفون ⁦☎️⁩ ٠١٠٠٧٣٩٠٩٠٢
اتصال او واتس اب

Address

ابراج النصر _برج ا٢ _امام مديرية الصحة _بجوار صيدلية الثورة
Asyut
0000

Opening Hours

Monday 5pm - 8pm
Tuesday 5pm - 8pm
Wednesday 5pm - 8pm
Saturday 5pm - 8pm
Sunday 5pm - 8pm

Telephone

+20 100 739 0902

Website

Alerts

Be the first to know and let us send you an email when دكتور مصطفي نصرالدين أستاذ م امراض النساء والتوليد Maternity Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share