د. إسماعيل لطفي - أستاذ طب الأطفال وحديثي الولادة

29/12/2025

فيروس الهربس في الأطفال
فيه حالات هربس كتير في الفترة الأخيرة وموجودة في الأعمار المختلفة سواء سن المدارس أو حتى رضع في السنة الأولي
خلينا نعرف مع بعض بطريقة مبسطة أعراضه ونعمل إيه لو ظهر على ابنك:
أعراض الهربس عند الأطفال:
* قرح مؤلمة في الشفايف أو داخل الفم

* ارتفاع في درجة الحرارة وتعب عام

*صعوبة في الأكل او الرضاعة

*تورم في الغدد الليمفاوية بالرقبة

نعمل إيه لو ابني عنده الهربس؟

• متابعة مع دكتور الأطفال وأخذ العلاج في مواعيده
• كمادات باردة على الشفايف لتقليل الألم
• مشروبات باردة وراحة تامة
• تجنبي الأكل اللي فيه حمضيات
• حافظي على أدواته منفصلة عن باقي إخواته
• ممنوع لمس العين علشان العدوى ما توصلش ليها
• ممنوع منعا تاما تقبيل الأطفال من الفم
دمتم وأطفالكم دائما بألف خير
د إسماعيل لطفي محمد
أستاذ طب الأطفال وحديثي الولادة
استشاري العناية المركزة والحالات الحرجة
العيادة: ش يسري راغب - برج وجدي - الدور الرابع

02/12/2025

دايما بيحصل زيادة في حالات نزلات البرد والكحة في الفترة اللي بين الصيف والشتاء بس السنة دي أكتر وأشد من كل سنة وده ممكن يكون سببه الزحمة و المدارس .😷
المهم إنها فترة وهتعدي علي خير إن شاء الله 🤲
أعمل إيه لو إبني خد الدور يعني سخونة وبرد وكحة وممكن يكون معاه صداع وتكسير في العظم وألم في العضلات 💪🏻
طبعا لازم إستشارة دكتور والالتزام بالعلاج👩🏻‍⚕️
عزل الطفل المصاب عن إخواته و أخذ الأحتياطات اللازمة لمنع انتقال العدوي يعني يكون له أدواته الشخصية و ممكن ينام لوحده
أهم حاجة في العلاج السوائل الدافية والراحة التامة وخاصة الطفل اللي معاه إرتفاع في درجة الحرارة
الطفل ممكن يحتاج استنشاق بخار أو بعض الأدوية ودي يحددها الدكتور فلازم نفهم إن الإستنشاق علاج فعال و مهم ومفيد جدا و مالوش أثار جانبية كتيرة ولا الطفل هيتعود عليه زي ما بعضنا بيعتقد ده
الطفل اللي تعبان زيادة بلاش حضانة أو مدرسة كام يوم لغاية ما يخف منعا للعدوي وعلشان هو يخف
الأب و الأم ممكن ياخدوا العدوي فلازم ناخد بالنا
المهم الموضوع محتاج إهتمام وهيعدي علي خير إن شاء الله
ربنا يحفظ أولادنا وأولادكم من كل سوء

02/11/2025

مهم جدا
لو اشتكي طفلك من صداع متكرر مصاحب ليه ضعف في التحصيل الدراسي
لازم فحص نظر الطفل لأن ضعف النظر من أهم وأكتر الأسباب اللي ممكن تعمل الأعراض دي
طبعا فيه أسباب تانية كتير بس لازم ناخد بالنا من الموضوع ده علشان ما يحصلش مضاعفات
دمتم بخير

01/10/2025

فيه عدوي فيروسية منتشرة الأيام دي اسمها متلازمة اليد القدم والفم عبارة عن طفح جلدي يصيب باطن اليد والقدم و تقرحات في الفم
الموضوع بسيط وغالبا هيخف لوحده خلال أسبوع
المطلوب منك كأم منع اختلاط الطفل المصاب مع اخرين علشان نقلل العدوي
التغذية السليمة و السوائل الدافية و خافض حرارة عند اللزوم
غالبا الموضوع هيعدي علي خير فلا داعي للقلق

08/09/2025

موسم المدارس وتغيير الجو كل عام وأنتم بخير في الطريق وبناءا عليه مشاكل الكحة والرشح هتبدأ تزيد عند الأطفال وحتي الكبار 🤧
مهم جدا نفهم ونستوعب الأتي :
1- الكحة مش بتتعالج بمضاد حيوي فمش لازم تروحي للدكتور وتصري علي إعطاء إبنك مضاد حيوي في ظاهرة غريبة متكررة هذه الأيام من بعض الأمهات
2- الكحة بتاخد وقت في العلاج فبلاش نستعجل ونلف علي الدكاترة لأنه غالبا هتاخد الفترة بتاعتها وتخف ⏱
3- مش كل طفل دخل في دور كحة مرة أو مرتين يبقي عنده حساسية لأن تشخيص الحساسية موضوع كبير مش سهل ومحتاج مواصفات معينة
4- النوم المبكر و التغذية السليمة المبنية علي توفر كل العناصر الغذائية و العصائر الطبيعية و ممارسة الرياضة هم الاساس لحياة صحية مستقرة للاطفال و الكبار 🥝🍋🥗⛹️🚴‍♂️
5 مهم لنا جميعا كأطباء و أولياء أمور أن نعلم أن كتابة مضاد حيوي لطفل مش محتاجه هي جريمة وسلوك طبي مرفوض حتي تتغير الثقافة الغريبة في إدمان المضادات الحيوية بلا داعي.
كل عام وأنتم بخير وأدام الله عليكم الصحة والعافية💐

17/08/2025

حمو النيل مشكلة صيفية تؤثر في الكثير من الاطفال . نتعرف من خلال هذا المقال علي أهم طرق الوقاية والعلاج من حموالنيل :
الاستحمام اليومي: احرصي على تحميم طفلكِ يوميًّا في أثناء فصل الصيف بالماء الفاتر، إذ يتعرض الطفل للتعرق 5 مرات أكثر من الشخص الكبير، ما يزيد من نسبة الأملاح المتكونة على الجلد التي تسبب حمو النيل والطفح الجلدي.
تناول الكثير من السوائل لترطيب جسم الطفل: يفقد جسم الطفل كثيرًا من السوائل على هيئة العرق، لذلك يجب تعويض الكمية المفقودة من السوائل بشرب الماء والعصائر والأعشاب وغيرها من السوائل، حتى لا يصاب الجلد بالجفاف ويفقد رطوبته.
ارتداء الملابس القطنية: تحافظ الملابس القطنية على درجة حرارة جسم الطفل، وتمتص العرق وتساعد أيضًا على منع التسلخات، لذا احرصي على إلباس طفلكِ الملابس القطنية لأن الأنسجة الصناعية تسبب الحكة مع الحرارة الشديدة. ويفضل أن تغطي الملابس القطنية معظم الجسم عند الخروج في النهار، حتى لا يتعرض الجلد للالتهاب والاحمرار من أشعة الشمس الشديدة.
استخدام الفوط المبللة: استخدام الفوط المبللة بجانب المناديل المبللة من ضروريات العناية ببشرة طفلكِ في أثناء تغيير الحفاضات، فيمكنكِ أن تنظفي طفلكِ عن طريق الماء والصابون المخصص له، وكذلك استخدام الفوط المبللة في حالة عدم توافر الماء، حتى تحافظي على صحة جلد طفلكِ.
توفير جو مناسب للطفل: احرصي على إسدال الستائر في أثناء النهار لمنع أشعة الشمس عن طفلكِ، ويفضل عدم الخروج به في وقت الظهيرة، وعدم تغطيته في أثناء النوم والاكتفاء بالملابس القطنية المناسبة للطقس.
اختيار نوع جيد من الحفاضات: تتكون الحفاضات من أنسجة صناعية قد تسبب التسلخات للطفل بسبب البلل مع ارتفاع درجة الحرارة، لذا يجب أن تحرصي على اختيار نوع جيد من الحفاضات لطفلكِ ومقاس يناسبه، مع عدم تركة مبللًا وتغييره باستمرار في هذا الطقس الحار.

عيادة دكتور / إسماعيل لطفي محمد أستاذ طب الأطفال وحديثي الولادة جامعة أسيوط ش يسري راغب برج وجدي الدور الرابع .

04/08/2025

08/07/2025

•لو اخترت إني أنصح الأمهات نصيحة واحدة بس هقولهم بلاش ترضعي إبنك لبن صناعي
•لو تدرك الأمهات قيمة الرضاعة الطبيعية مفيش أم هترضع صناعي أبدا
•اللبن الصناعي مش علاج للصفرا
•المناعة القوية والوزن المناسب والنمو العقلي الطبيعي مش هنحصل عليهم غير عن طريق الرضاعة الطبيعية
•الأم اللي بترضع طبيعي بلاش تساعد بلبن صناعي لأن تشكيل اللبن بيزود المغص والطفل بعد فترة هيرفض اللبن الطبيعي
الموضوع مهم جدا وظاهرة رضاعة اللبن الصناعي بتزيد بشكل خطير مما يهدد صحة الأم وطفلها .
دمتم بخير
أ .د إسماعيل لطفي محمد أستاذ طب الأطفال
العيادة: أسيوط – ش يسري راغب – برج وجدي – الدور الرابع
ت : 01067353767

05/06/2025

كل عام والأمة الإسلامية بخير وأفضل حال اللهم انصر اخواننا في غzة وهون عليهم وثبتهم اللهم عجل لهم بالنصر اللهم اغفر لنا تقصيرنا يارب العالمين

15/05/2025

النزلات المعوية راجعة وبشدة😥
✅ الخطورة هنا مش بس بسبب الإسهال والترجيع ولكن في مضاعفاتها زي الجفاف 😓
✅ أهم حاجة لازم تبقوا عارفينها هي علامات الجفاف لو ظهر منها حاجة لازم نرجع للطبيب فوراً أو نروح للطوارئ...
ف ضروري تنتبهي على طفلك وتلحقيه من أول ظهور الأعراض مثل :
1️⃣ جفاف اللسان
2️⃣ العين تبقي داخله لجوه
3️⃣ ضعف الرضاعة عند الرضع
4️⃣ همدان شديد أو قريفة باستمرار
5️⃣ لو كمية البلول قليلة جداً أو مفيش
✅ الاسهال هايقف بالتدريج ومش هدفنا ابدا نوقفه مرة واحدة ..
✅ أهم حاجه نسيطر علي الترجيع عشان نقدر نعوض السوايل اللي الطفل بيفقدها ..
✅ محلول الجفاف هنا أهم حاجه ممكن تديها للطفل سواء الاكياس او اللي علي شكل عصير ..
احمي طفلك من اي مضاعفات و احمي اخواته من العدوى لأن النزلة المعوية معدية
و ارجعي للدكتور فورًا ، او ضروري تلجأي للطواريء
عشان يلحقوا طفلك بمحلول جفاف مناسب لحالته
لو طفلك بيعاني من اي أعراض نزلة معوية ابعتلنا علي رسائل الصفحة
او زورينا في العيادة..

15/04/2025

"الحَوَل عند الرضع… هل هو طبيعي؟ أم يحتاج زيارة الطبيب؟"
أمهاتي العزيزات 👋،
كطبيب أطفال، كثيرًا ما تُسألني الأمهات عن "الحَوَل" الذي يظهر عند أطفالهن الرضع، خاصة في الأشهر الأولى.
🔍 فكيف نفرّق بين الحَوَل الطبيعي والحَوَل المرضي؟
1. الحَوَل الطبيعي (الكاذب):
• يحدث بسبب انحراف بسيط في شكل أنف الرضيع أو طيات الجلد حول العين، مما يُعطي وهم الحول.
• غالبًا يختفي بعد عمر ٦ أشهر مع نمو عظام الوجه.
2. الحَوَل الحقيقي (المُقلق):
• إذا لاحظتِ أن إحدى العينين تنحرف للداخل أو الخارج باستمرار (حتى عند تركيز الطفل).
• عدم تحرك العينين معًا في نفس الاتجاه عند متابعة جسم متحرك.
• ظهور الحول بعد عمر ٦ أشهر.
🚨 متى يجب زيارة الطبيب فورًا؟
• إذا صاحب الحول ارتفاع في درجة الحرارة أو انتفاخ في العين.
• إذا كان الحول شديدًا ومستمرًّا حتى بعد عمر ٤ أشهر.
• إذا لاحظتِ عدم استجابة الطفل للضوء أو الأجسام المتحركة.

30/03/2025

كل عام وأنتم بخير بمناسبة عيد الفطر المبارك تقبل الله منا ومنكم صالح الأعمال . اللهم إنا نسألك فرحا وجبرا ونصرا وطمأنينة وسكينة و صبرا لإخواننا في فلسطين .