د.احمد العمده - Dr.Ahmed Alomda

30/01/2026

لو عاوزة تعرفي اية هي اسرار نزول الوزن في رمضان الفيديو دة علشانك👇🏻
#تغذية #رمضان #تخسيس

26/01/2026

● لو بدأتي رمضان زي كل سنة…📆
هتطلعي بنفس الوزن، ويمكن أكتر.⏳️

● دي حقيقة بشوفها كل سنة مع حالات كتيير
رمضان بيبدأ بحماس 💯
وبنقول:
الصيام هيخسسني و أول كام يوم ..⬅️
◇ احساس بالتعب
◇ جوع زيادة
◇ صداع
◇ نفخة
◇ لخبطه في الأكل
وبعدها نبتدي نعوض :🗯
◇ حلويات
◇ أكل تقيل
◇ سحور دمار شامل

والميزان؟
يا ثابت ... ↔️
يا طالع ... ⬆️
المشكلة فين ؟__🤔

مش في رمضان❎️
ومش في الصيام❎️

● المشكلة إنك داخلة رمضان بنفس الأخطاء :🚫

• أكل عشوائي
• سكر كتير
• مواعيد ملخبطة
• معدة تعبانة
• نوم مش مظبوط
وبنطلب من جسمنا فجأة يصوم 13 ساعة…🆗️

● الصيام في حد ذاته قوة كبيرة جدا
الصيام من أقوى الادوات إلى ربنا وهبها لنا 💌

• يريح لجهاز الهضمي
• ينظم السكر
• يهدي للشهية
• ويساعد الجسم يحرق الضعف.

لكن بشرط واحد : يتطبق صح ✅️

لما الجسم يدخل الصيام وهو ...

• متقل
• متلخبط
• معدته تعبانة
• وسكره طالع ونازل

الجسم بدل ما يستفيد يقفل ويقاوم 🔏
عشان كدا فرصة نزول الوزن في رمضان محتاجه🔍
• تهيئة
• تنظيم
• فهم للجسم

● اللي بيخس في رمضان… عمل إيه؟📢💥

ما دخلش فجأة
دخل وهو:
✔ مهدي معدته
✔ مظبط مواعيد أكله
✔ مغير عادات بسيطة

فجسمه استفاد بالصيام مش قاومه.⚡️

فلو حاسة إن رمضان كل سنة بيعدّي من غير النتيجة اللي نفسك فيها ..⚖️

لسه في وقت قبل رمضان👌⏰️
✔️نهدّي الجسم
✔️نظبط العادات
وندخل الصيام وهو في صالحنا مش ضدنا.🆓️

الأيام الجاية هنتكلم عن ازاي نعمل تجهيز وتهيئة للجسم
(Body Reset) عشان نجهز جسمنا لرمضان 🌙 ..
بشكل بسيط، واقعي، ومن غير حرمان ♨️

#تغذية #رمضان

21/01/2026

نجاحاتكم هي أكبر دليل إن التغيير مش مستحيل 💚
كل رأي بنسمعه منكم بيأكد إن أي مجهود بيتبذل بيبان أثره، وإن القرار الصح يقدر يغير كتير.
إحنا فخورين بكل شخص اختار يهتم بنفسه، وثق في الرحلة، وكمل رغم التحديات.

مش دايماً الطريق بيكون سهل، بس اللي يفرق إنك مش ماشية لوحدك… دعمنا معاكي من أول يوم لحد ما تشوفي النتيجة بعينك🥰
ولو لسه مترددة، خليكي فاكرة إن البداية دايمًا بتبدأ بخطوة واحدة.

مستعدة تبدأي رحلتك الصحية مع فريق مؤمن بيكي؟ 💪✨

18/01/2026

كل خطوة صغيرة بتفرق🥰
وأهم خطوة إنك تبدأي🤍
وهي بدأت … وهتكمل لحد ماتوصل لهدفها إن شاء الله💪
وانتي كمان تقدري ❤️

15/01/2026

15/01/2026

هنتكلم النهاردة عن واحد من اهم المواضيع اللي بتأثر علي نزول الوزن وثباته جهز مشروبك الدافي واسئلتك ونتقابل الساعة 10 إن شاء الله 🥰❤️

14/01/2026

جسمك مش عنيد…هو بس محتاج يسمع🤍

13/01/2026

لو إنتي حاسة إن جسمك بيعاندك
ولو كل محاولة تخسيس بتبدأ بحماس
وتنتهي بتعب
ولو دايمًا السؤال في دماغك:
“ليه غيري بيخس وأنا لأ؟”
خليني أوقفك هنا لحظة.
المشكلة مش في انك بتأكلي كتير
ولا في إرادتك
ولا في التزامك.

المشكلة إنك كنتِ بتحاولي تغيري ..وجسمك مش فاهم ومش جاهز للتغيير.

⸻

خلّينا نفك الخلطة اللي حصلت

اتقالك سنين إن التخسيس =
تاكلي أقل ...وتتحركي أكتر ... وتشدي على نفسك.

بس محدش قالك
إن في مرحلة قبل أي دايت
اسمها:
مرحلة الأمان
الجسم اللي حاسس بالخطر…ما بيحرقش .. هو بيحمي نفسه

الجسم لما يكون:
• مضغوط
• متوتر
• محروم
• نايم قليل
• شايل هم أكتر من طاقته

بيفهم رسالة واحدة بس:
“مش وقت نزول وزن”
حتى لو:
• الأكل قليل
• النظام مظبوط
• الميزان ثابت

مش لأنك غلطانة
لكن لأن الجسم في وضع دفاع
مش في وضع تغيير.

عشان كده بيحصل الآتي:
• جوع بالليل
• شراهة مفاجئة
• ثبات غريب
• ملل سريع
• إحساس بالفشل

وإنتِ تقولي: "أنا المشكلة فيا "

لا.
انتي مش المشكلة ... المشكلة في الطريقه الي بتبدأ بيها

الحقيقة المؤلمة شوية

كل مرة تبدأي دايت
وانتي لسه:
• متوترة
• مستعجلة
• خايفة
• محرومة
الجسم يتعلم درس جديد:
“في خطر… لازم أتمسك”
وده يخلي:
• الدهون تتمسك بالجسم
• الشهية تعلى
• الحرق يكون ابطأ

طيب… نعمل إيه بقى؟

خلينا نغير السؤال.
بدل: “آكل إيه؟”

نسأل:

“هل جسمي جاهز يبدأ نزول صحي ؟”

لأن في 3 حاجات
لو ما حصلوش
أي دايت هيبقى تقيل
حتى لو مظبوط.

✳️ أول 3 حاجات لازم تحصل قبل أي دايت

1️⃣ الجسم يحس بالأمان

مش كل جوع محتاج أكل.
في جوع بيطلع لما الجسم تعبان
ومحتاج تهدئة
مش حرمان.

الأمان هنا
مش دلع
ده أساس أي تغيير.

2️⃣ نوقف الحرب اليومية

الحرب اللي اسمها:
• “ أنا بوظت”
• “أنا ضعيفة”
• “هبدأ من بكرة”
• “لازم أعاقب نفسي”

الكلام ده
بيرفع التوتر
ويقفل أي باب للتغيير.
الجسم
مش محتاج قسوة
محتاج يهدى .

3️⃣ نبدأ بالوقت… مش بالأكل

أكتر مشاكل التخسيس
مش في كمية الأكل
لكن ناكل ايه ؟ إمتى ؟

أول ساعة في اليوم
وآخر ساعتين بالليل
لو اتلخبطوا
الجوع والحرق يتلخبطوا معاهم.

الخلاصة اللي تفرق

التخسيس مش سباق ... ولا عقاب ... ولا إثبات قوة.

التخسيس:
علاقة صحية مع جسمك.. تبدأ بالفهم ..مش بالضغط.

ولو إنتي
• زهقتي
• تعبتي
• أو فقدتي الأمل

ده مش ضعف
ده علامة إنك محتاجة
تبدئي بالطريقه الصح.

12/01/2026

18 كيلو من غير أدوية ولا حرمان😍
ندى بدأت وقدرت تحقق هدفها 👏
إنتي كمان تقدري تبدأي وتوصلي لجسم أحسن وصحة أفضل 💪
البداية قرار… خدي القرار وإحنا هنساعدك🥰

07/01/2026

بطلي تحاربي جسمك ...وابدئي تفهميه 💚

05/01/2026

قصصكم الملهمة هي اللي بتخلينا نكمل💚
كل تجربة نجاح بنسمعها منكم بتأكدلنا إن التعب ليه نتيجة، وإن التغيير الحقيقي ممكن لأي حد أخد القرار.

إحنا بنفتخر بكل خطوة أخدتوها ناحيتكم ونحية صحتكم، وبكل شخص وثق فينا وقرر يبدأ رحلة مختلفة.
يمكن البداية ما تكونش سهلة، بس الأهم إنك مش لوحدك… إحنا معاك خطوة بخط لحد ما توصل للنتيجة اللي تتمناها.

لو لسه بتفكر تبدأ، خليك مطمن
رحلتك الصحية ممكن تبدأ دلوقتي، ومع ناس بتؤمن بيك 💪✨

جاهز تاخد أول خطوة؟

04/01/2026

لو جسمك بيعاندك…اقري ده للآخر👇🏻
مشكلتك مش ضعف…

مشكلتك إنك كنتي بتحاربي جسمك.

خلّيني أقولك حاجة يمكن أول مرة تسمعيها كده:

لو إنتي زهقتي من الدايت
لو تعبتي
لو فقدتي الأمل
لو حاسة إن جسمك بيعاندك

ده مش فشل منك
وده مش ضعف شخصية
ومش قلة التزام.

ده تعب حقيقي.

إنتي مش أول واحدة:
• تقلّل أكلها
• تمشي على نظام
• تلتزم شوية
• وبعدين كل حاجة تقع

وفي الآخر تقولي:
“أكيد أنا المشكلة "

بس الحقيقة مختلفة تماما

الجسم اللي:
• متوتر
• مضغوط
• محروم
• نايم قليل
• شايل هموم وضغوط أكتر من طاقته

مش هيحرق.
حتى لو أكل قليل.
حتى لو النظام “مثالي”.

الجسم ده في وضع دفاع
مش في وضع تغيير .

يعني إيه دفاع؟
يعني:
• يمسك في الدهون
• يزود الشهية
• يلخبط الإشارات
• ويقاوم أي محاولة نزول

مش لأنه وحش…
لكن لأنه خايف.

وأكتر حاجة بتدمّر العلاقة بينك وبين جسمك
إنك تفضلي تضغطي عليه
وتستني نتيجة.

كل دايت جديد
وإنتي لسه متوترة
بيوصل لجسمك رساله واحده وهي ان :
“في خطر… خليك ماسك في الدهون اكتر ”.

عشان كده:
• في بنات و ستات أكلها قليل
• وبتتعب أكتر
• وميزانها ثابت

مش لأنهم غلط
لكن لأن الطريقة الي جرّبوها غلط بالنسبة لحالتهم.

نزول الوزن والوصول للجسم الصحي مش عقاب.
والجسم مش عدو.

الجسم محتاج:
• أمان
• فهم
• ترتيب

مش ضغط أكتر.

وأول خطوة حقيقية
مش إنك تسألي:

“أعمل دايت إيه؟”

أول خطوة إنك تعترفي:

“انك مش فاشلة…
وإنك محتاجة تبدأي صح”.