What are the opening hours?

Monday 4pm - 10pm Tuesday 4pm - 10pm Wednesday 4pm - 10pm Thursday 4pm - 10pm Saturday 4pm - 10pm Sunday 4pm - 10pm

https://www.facebook.com/393384477904562/

عيادة د.محمد ناجح لطب الاطفال وحديثى الولادة

Home
Egypt
Az Zarqa
عيادة د.محمد ناجح لطب الاطفال وحديثى الولادة

صحة طفلك تهمنا

07/09/2025

الدراسة هتبدأ وعاوز تعلى التركيز لطفلك ⁉️يبقى تعملى اللى هقوله لان ⬅️ الاوميجا لوحدها مش هتعمل حاجه

02/09/2025

متاح حجز مصل الانفلونزا فى عيادة الزرقا وعيادة سيف الدين

افضل وقت للمصل من نص شهر ٩ لنص شهر ١٠

المصل متاح لاى طفل فوق ال٦ شهور

ولكن لو الطفل اول مرة يخد التطعيم وسنه من ٦ شهور ل ٩ سنين بياخد جرعتين ما بينهم شهر وبعد كده بياخد المصل مرة واحده سنويا

متاح ايضا جميع التطعيمات الاخرى ( الروتا - المكورات - الالتهاب السحائى - الجديرى المائى )

للحجز والاستفسار التواصل ع رقم
010 05054182

28/08/2025

الجو بدا يتغير والكحه بدات تزيد ⁉️ يبقى لازم تعملى اللى هقوله

22/08/2025

ازاى تستفيدى من فيتامين د

18/08/2025

انا : ممنوع الاكل قبل ٤ شهور
حماتها : استهدى بالله يابنتى وقومى اكلى ابنك طبق المحشى والريش ده عشان معدته تتفتح

04/08/2025

🍼 "بنتي ٧ شهور وبرازها ناشف جدًا.. وكل مرة بتزن وتتعب وهي بتعمل!"

يا ترى ده طبيعي؟ ولا لازم أروح للدكتور؟

✅ بصي يا ماما.. الإمساك شائع جدًا بعد ما نبدأ ندخل الأكل للطفل، وده ممكن يحصل لعدة أسباب، أهمها:

🔸 نوع الأكل (زي الموز، الجزر، الرز)
🔸 قلة شرب المياه أو اللبن
🔸 نوع اللبن الصناعي (لو بتاخد)
🔸 قلة الحركة عند الطفل

💡 نعمل إيه؟

زودي رضاعة وسوائل (مياه بكمية بسيطة).

قللي الأكل اللي بيمسك، وزودي أكل بيسهل زي: 🥦 كوسة – كمثرى – برقوق – شوفان – مشمش

اعمليلها تمارين الرجلين (زي ركوب العجلة).

ممكن تدهني فتحة الشرج بحاجة بسيطة زي فازلين.

⚠️ امتى تقلقي؟

لو فيه دم مع البراز

لو مش بتاكل كويس

لو الإمساك مستمر أكتر من ٣ أيام

لو البنت بتتعب جدًا ووشها بيحمر أو فيها شرخ

🩺 في الحالات اللي مش بتتحسن، بنوصف ملين بسيط وآمن… بس طبعًا تحت إشراف طبيب.

---

🖋️ د. محمد ناجح محمد السيد
أخصائي طب الأطفال وحديثي الولادة

📍 عيادة الزرقا : خلف مطعم البكوات - برج الاجدر

📍 عيادة سيف الدين : مقابل استديو الاهرام
اعلى صيدلية د.علاء الزينى

27/07/2025

طفلك بياكل طوب وورق وشمع وحاجات غريبه ⁉️ تعالى اقولك السبب

22/07/2025

👦 طفل عنده سنتين وشهرين.
جات بيه والدته وهي مفزوعة، بتقول:

> "كان بيلعب في الشنطة… ولقيته واكل ٣ أقراص من الفيروجلوبين بتاعي!!"

أول ما سمعت الكلمة دي، اتخضيت

لان أقراص الحديد بترفع الحديد في الدم بسرعة جدًا… لدرجة إنها
ممكن تسبب تآكل في المعدة، نزيف، صدمة، وتوقف أجهزة الجسم.

🩺 بدأنا بفحص الطفل بسرعة:

كان واعي لكنه شاحب جدًا.

فيه ترجيع متكرر، والبطن بدأ يظهر عليها علامات ألم شديدة وانتفاخ.

ضغطه بدأ ينزل، ونبضه سريع جدًا.

✳️ طلبنا تحاليل عاجلة:

مستوى الحديد في الدم طلع فوق المعدلات الطبيعية.

صورة الدم فيها علامات hemoconcentration.

أشعة بطن بينت أقراص الحديد في المعدة!

🎯 الحل؟
تحويل الطفل رعاية مركزة، لان دى حالة مستشفى مش عيادة وبدأنا في خطوات العلاج:

Deferoxamine كمضاد لسمية الحديد.

محاليل وريدية لتعويض الجفاف والصدمة.

⏱️ بعد 48 ساعة من الرعاية… بدأ يتحسن. الترجيع وقف، والحديد بدأ ينزل تدريجيًا.

---

🎯 الرسالة: مش كل دواء "فيتامين" يبقى آمن!
أقراص الحديد تحديدًا ممكن تكون قاتلة للأطفال لو اتكلت بالغلط.
خبّي الأدوية كويس، خصوصًا الأدوية اللي طعمها مسكّر… لأنها بالنسبالهم شكلها شيكولاتة.

🖊️
د. محمد ناجح محمد السيد – أخصائي طب الأطفال وحديثي الولادة

عيادة الزرقا : خلف مطعم البكوات - بجوار صيدلية د.احمد البجلاتى

عيادة سيف الدين : مقابل استديو الاهرام - اعلى صيدلية د.علاء الزينى

16/07/2025

❌ ممنوع العسل الأبيض للأطفال تحت سنة!

✅️ صحه ابنك اهم من زعل اى حد متسمعيش كلام مثوارث ممكن كان بيعدى معاهم بلطف ربنا لكن وارد يضر طفلك جدا

رغم إن العسل الطبيعي مفيد جدًا للكبار،
إلا إنه خطر جدًا على الأطفال الرُضع خاصة قبل سن سنة.
ليه؟ 👇

---

🦠 لأن العسل ممكن يحتوي على بكتيريا اسمها:

Clostridium botulinum
ودي بكتيريا بتفرز سموم ممكن تسبب:

🔴 تسمم خطير اسمه "Botulism" عند الرضع

---

👶 أعراضه:

خمول وضعف شديد

ضعف في الرضاعة والبلع

بكاء ضعيف أو بدون صوت

ضعف في الحركة

وفي الحالات الشديدة: صعوبة في التنفس

---

🧠 ليه العسل بيأثر على الأطفال بس؟

جهاز الهضم عند الرضيع لسه غير مكتمل
فما يقدرش يتعامل مع البكتيريا دي
عشان كده البكتيريا تنشط وتفرز سمومها بسهولة

---

🛑 الخلاصة:

> ✅ ممنوع منعًا باتًا إعطاء العسل الأبيض للطفل قبل عمر سنة

❗حتى لو من مصدر موثوق
❗حتى لو طبيعي 100%
❗حتى لو "كلنا أكلناه واحنا صغيرين"

سلامة ابنك أهم من أي نصيحة متوارثة!

13/07/2025

ايه قصة الالتهاب السحائى ⁉️ تعالى نشوف

11/07/2025

والله ياجماعه روشتات النت دى مصيبة ولو عدت مرة مع طفلك ممكن متعديش التانية

مفيش حاجه اسمها روشته من غير فحص ولو الظروف المادية مش احسن حاجه مفيش دكتور هيرفض يكشف عليك ف عيادته لو فهم ظروفك بالعكس هيهتم اكتر

ويا ست الكل مش لازم تيجى العياده فيه مستشفى حكومى بيكون متواجد فيها طبيب اطفال نحسبه ع خير

لكن الدكاترة اللى بتحط روشتات جاهزة ع النت دول هيتحاسبوا ادام ربنا لو طفل فيهم حصله اى مضاعفات لانك مفحصتش الطفل اصلا

ازاى اكتب روشته نزلة معوية والطفل ممكن عنده انسداد معوى ولو صبرنا عليه واخد الروشته هيروح فيها

ازاى نكتب روشتات نزلة شعبية والطفل ممكن يكون التهاب رئوى ويروح فيها

روشته من غير فحص معناها ضرر لطفلك ممكن يعدى بسلام او لا قدر الله يحصل ما لا يحمد عقباه اللهم بلغت اللهم فاشهد

09/07/2025

🔥 نرجع تانى لحالات العياده والمرادى شكوى مشهورة اوى بس بفضل الله التشخيص حاجه مختلفة 🔥

👦 الطفل: ٧ سنين، في تانية ابتدائي
الأم دخلت العيادة تقول:

"بقاله فترة بيشتكي من صداع في دماغه"

"راحت الصيدلية قالتلها ده انيميا ومحتاج فيتامين… جبنا له"

"بعد كده قالولي عينه… عملت له كشف نظر، طلع طبيعي!"

قالوا جيوب انفية وطلعت سليمه

"بيصحى من النوم تعبان، ساعات يرجع، وأوقات نفسه سريع شوية بعد اللعب"

"والأيام دي مش بيركز خالص في المذاكرة"

---

🧠 حاجة جت في دماغي وأنا باسمع:

> "هو حد في العيلة عنده ضغط؟"
قالتلي: "آه… جده"

قلت: "طب استني أقيسله الضغط كده… بالمرة"

---

💥 وكانت المفاجأة:
الضغط 145/95 😳
قلت:

> "يا مدام… الضغط ده عالي على طفل السن ده جدًا!
لازم نفهم سببه فورًا"

---

💡 أول حاجة جات في بالي:

> "لما طفل صغير ضغطه يعلى كده…
لازم نفكر في الكلى!"

---

🧪 طلبت شوية تحاليل وسونار:

تحليل بول

وظائف كلى (يوريا – كرياتينين)

سونار دوبلر على الكليتين

أملاح

متابعة الضغط في كذا وقت خلال اليوم

---

📊 النتيجة:

البول فيه شوية دم وبروتين بسيط

الكرياتينين كويس

بس الدوبلر قال الكلمة المهمة:

> فيه ضيق في شريان الكلية الشمال

= السبب: ضيق شريان كلوى ⬅️ادى الى ان ضغط دمه بيرتفع باستمرار ويعمل الصداع اللى الام جاية تسال عن سببه

---

🛠️ عملنا إيه:

بدأنا علاج ينزّل الضغط بأمان عن طريق

تحويل الطفل لأخصائي قلب أو أوعية دموية للأطفال

متابعة الضغط شهري

تعليم الأسرة يقيسوا الضغط في البيت

والولد اتحجز لفحص تاني متقدم عشان نشوف هنعمل توسيع للشريان ولا لا

---

⏳ بعد ٣ أسابيع:

> الطفل بقى صاحي… مش بيشتكي من صداع
بيذاكر
بيروح المدرسة مرتاح

🎯 الرسالة:

> ❗ كل طفل بيشتكي كتير من صداع – بيقوم من النوم تعبان – أو بيميل يرجّع من غير سبب…
لازم نقيّس له الضغط

مش بس الكبار عندهم ضغط…
الأطفال كمان، بس لو عرفناه بدري… بننقذه من مشاكل كبيرة!

---

🩺 د. محمد ناجح

أخصائي طب الأطفال وحديثي الولادة

✅️ عيادة الزرقا : خلف مطعم البكوات - برج الاجدر - بجوار صيدلية د.احمد البجلاتى

✅️ عيادة سيف الدين : مقابل استديو الاهرام - اعلى صيدلية د.علاء الزينى

📞 010 05054182

Address

� عيادة الزرقا : خلف البكوات بجوار صيدلية د.احمد البجلاتى ... �عيادة سيف الدين : مقابل استديو الاهرام اعلى صيدلية د.علاء الزينى
Az Zarqa

Opening Hours

Monday	4pm - 10pm
Tuesday	4pm - 10pm
Wednesday	4pm - 10pm
Thursday	4pm - 10pm
Saturday	4pm - 10pm
Sunday	4pm - 10pm

Telephone

+201005054182

Website

facebook.com

Alerts

Be the first to know and let us send you an email when عيادة د.محمد ناجح لطب الاطفال وحديثى الولادة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة د.محمد ناجح لطب الاطفال وحديثى الولادة:

Shortcuts

Address
Telephone
Opening Hours
Alerts
Contact The Practice
Claim ownership or report listing

Want your practice to be the top-listed Clinic in Az Zarqa?