دكتور/ صابر عبد الجواد ــ أبناؤكم فى أيدي أمينة

  • Home
  • Egypt
  • Badr
  • دكتور/ صابر عبد الجواد ــ أبناؤكم فى أيدي أمينة

دكتور/ صابر عبد الجواد ــ أبناؤكم فى أيدي أمينة استشارى طب الأطفال وحديثى الولادة
عضو الجمعية المصرية لحساسية ومناعة الأطفال
دبلومة التغذية جامعة القاهرة
عضو الجمعية العربية للتغذية الإكلينيكية للأطفال

28/04/2026

بما إنه أمهات كتير بتبعت على الواتس هو البيض غلط على الأطفال ولا إيه 🤔🫡
فبيكون الرد طبعاً أكيد غلط وقفى البيض وشربيه سجائر 😭😭
عشان كده نشوف الفيديو ده👌⬇️⬇️

ماما نمبر ون 💪 عشان عارفه أنه الصفراء الوظيفية بتتحسن مع الرضاعة الطبيعية بس. بما إنها مش رقم عالى خالص ومحتاج حضانه وا...
27/04/2026

ماما نمبر ون 💪
عشان عارفه أنه الصفراء الوظيفية بتتحسن مع الرضاعة الطبيعية بس. بما إنها مش رقم عالى خالص ومحتاج حضانه والحمد لله مادتنيش منشطات للكبد ولا حطتنى تحت لمبة نيون ولا حتى فى الشمس عشان تحرقنى 🙊
ماما دى واعية مش زى أى أم

ماما نمبر ون 💪
عشان مش بتسمع الخرافات وبتقتنع بكلام الدكتور بس وكانت بتابع قياس الصفراء بالجهاز عن طريق الجلد عند الدكتور صابر مجاناً من غير ما أروح المعمل واتشكشك كتير وتجيلى عدوى ونستنى التحاليل بالساعات وكمان بتوفر فى الفلوس عشان تجبلى بيهم بامبرز 😂😂

ماما دى نمبر ون 💪
عشان كانت بترضعنى طبيعى بس ولا أعشاب ولا حلبه ولا أى حاجه ومش بتسمع كلام حد لانها عارفه أهمية الرضاعة الطبيعية وأنها بتقوى المناعة بتاعتى وبتحمينى من النزلات المعويه والإلتهابات الرئوية وإلتهاب الاذن الوسطى وكمان بتقلل نسبه أمراض الحساسية والمناعة والسكر .

ماما نمبر ون 💪
عشان كانت بتحافظ على مواعيد تطعيمات الصحة بتاعتى وكانت بتسأل على التطعيمات الإضافية وكنت باخدهم عشان مهمين جداً لصحتى بعد كده .

ماما نمبر ون 💪
عشان كانت بتدينى بس فيتامين د من أول يوم لحد سنه ونص والحديد نقط من الشهر الخامس زى ما الدكتور صابر قالها ومش بتدينى كالسيوم خالص عشان ما يترسبش على الكلى بتاعتى ويعملى مشاكل .

ماما نمبر ون 💪
عشان بدأت تأكلنى صح زى ما الدكتور قالها وما أخدتش لبن بقرى قبل سنه عشان كده الحمدلله ماعنديش حساسية ولا أمراض مناعة ولا سكر ولا عدم تحمل للطعام .

ماما نمبر ون 💪
ماما مش بتخلينى أشترى حاجه من السوبر ماركت عشان عارفه أنه بيأثر على المناعة بتاعتى وبيعملى سوء أمتصاص بسبب المواد الحافظة وبيعملى إمساك كمان .

ماما نمبر ون 💪
عشان مش بتخلينى أشترى شيبسى وكمان بتعملى طعميه وشيبسى وكل حاجه بحبها فى البيت عشان عارفه لما الزيت بيتقلى كتير بيقلب بسرطان على المدى البعيد .

ماما نمبر ون 💪
عشان كانت بتنوع فى الأكل وبتقنعنى بالأكل بطرق كتيرة وصبرت عليا لحد ما اتعلمت الأكل رغم إن جبتلها الضغط والسكر والمرارة 😂

ماما نمبر ون 💪
عشان بتعملنا كل الاكل الصحى فى البيت وعلمتنى آكل السلطه والخضروات والفاكهة كتير وبشرب لبن الصبح عليه تمر وعسل نحل عشان عارفه الشاى باللبن بيمنع إمتصاص الحديد والكالسيوم فكأنى بشرب ميه .

ماما نمبر ون 💪
عشان بتخلينى أنام بدرى عشان هرمون النمو بيكون أحسن بالليل وكمان بتصحينى بدرى عشان افطر بدرى والعب فى شمس الضحى عشان تقوى المناعة بتاعتى وتزود فيتامين د

ماما نمبر ون 💪
عشان بتخلينى ألعب مع أصحابى وبتجبلى ألعاب ذكاء ومش بتخلينى ألعب على التليفون أو الكمبيوتر عشان عارفه أنه بيجيب سمات توحد وجفاف فى العين وبيأثر على الذكاء والقلب والتركيز .

ماما نمبر ون 💪
عشان كانت بتبعد عنى كل حاجه خطر وأنا صغير كانت بتحط الأدوية فى مكان عالى ما أعرفش أوصله كمان كانت بتبعد عنى الكلور والمواد الكاوية كلها وبتأمن حاجات المطبخ عشان ما وقعش على نفسى زيت ولا ميه مغلية ولا أمسك سكينه ولا حاجه خطر .

ماما دى نمبر ون بجد 💪
كانت وأنا صغير مش بتخلينى آكل لب خالص ولا أى حبوب سليمة صغيرة عشان ممكن أشرق فيهم وينزلوا فى الرئه
كمان كانت بتبعد عنى العملات المعدنية وحجر البطارية وكمان كانت بتجبلى ألعاب حجمها كبير عشان ماينفعش أبلعها خالص ماما دى مافيش فى ذكائها خالص 😳🙄😳

ماما نمبر ون 💪
عشان هى عارفه أنه المضاد الحيوى بيأثر على مناعتى لو مش محتاجه ولو الجرعة كانت مش مظبوطه ومش بتدهولى من نفسها ومن غير داعى ولا بتتخانق مع الدكتور عشان يكتبه ليا .

ماما نمبر ون 💪
عشان عارفه أنه الدواء الشراب بيجيب نتيجه خلال يومين فكانت بتصبر على الحرارة وكانت بتعملى كمادات بالرغم إنى كنت بغلبها خالص فى الدواء بس عشان هى شطورة ما أخدتش ولا حقنه لحد دلوقتى 💪💪💪

ماما نمبر ون 💪
عشان عمرها ما أخدتنى الصيدلية وأخد حقن ومضادات حيوية من غير وزن ولا جرعة صح ومن غير ما تعرف أنا محتاجه أصلا ولا لأ 🤔
وعارفه إيه الصح وإيه الغلط عشان تحافظ عليا .

ماما نمبر ون 💪
عشان عارفه أنه دور البرد بياخد وقته وبيتحسن بالتدريج
ومش بيحتاج مضاد حيوى خالص .

ماما نمبر ون 💪
عشان عارفه أنه الحرارة بتاخد وقتها فى المتوسط ثلاث ايام
فمش بتتوتر وتقلق وتروح تعلق لى محاليل ولا تعطينى حقنه كورتيزون ولا فولتارين .

ماما نمبر ون 💪
عشان عارفه أنه الفولتارين والدولفين غلط عليا وبيعمل فشل كلوى وعارف أنه ممنوع خالص وماينفعش أخده مع البروفين أو الكاتفلاى أو الكيتوفان

ماما نمبر ون 💪
عشان مش بتخلى بابا يشرب سجائر فى البيت خالص عشان عارفه أنه هايعملى حساسية صدر مكتسبه تفضل معايا طول العمر .

ماما دى نمبر ون 💪
عشان بتوفر من وقتها كتير وبتعلمنى حاجات حلوة وبتحكيلى قصص وتنصحنى إزاى اتعامل مع صحابى وبتنقلى خبراتها فى الحياة مش بتسيبنى للفيس واليوتيوب والتك توك عشان يربى ابنها .

ماما نمبر ون 💪
عشان عمرها ما ضربتنى ولا أهانتنى قدام حد كانت بتتعامل معايا باسلوب الاقناع والثواب والعقاب عن طريق الحرمان والبعد لحد ما أعتذر وأفهم الصح وأبعد عن الغلط .

ماما نمبر ون 💪
ماما دى ملاك مش هلاقى حد بيحبنى كده وبيخاف عليا كده وبيضيع وقته وعمره عشانى ماما دى مافيش ماما

ماما نمبر ون 💪
عشان هاتعمل لايك للبوست وتعمل شير مرة من نفسها وتعمل دعوه للاصدقاء . 😂 وتعرف الجميع إنه العيادة اتنقلت أمام بوابه العيادات الخارجية لمستشفى بدر العام 👌

اتمنى الاستفادة وأكون جمعت أكبر قدر من المعلومات بطريقة شيقه 🫣

دكتور صابر عبد الجواد
استشارى طب الأطفال وحديثى الولادة

24/04/2026

🕙 مواعيد العيادة فى التوقيت الصيفى🌞🌞
يومياً ⬅️ من ١٠ صباحاً حتى ٣ عصراً ⬅️ من ٥ مساءاً حتى ١٠ مساءاً 🕌 الجمعة 🕌 دكتور (حسين على ) من ٣ عصراً حتى ٩ مساءاً 📲رقم العيادة للإستعلام 01018114333

قالوا قديما ⁦⁩👌رضعية لبن الغنم ولا ترضعيه لبن الزعل👌الشكوى متكررة جدادكتور أنا خلاص بنهار الولد مش بينام خالص وطول الوقت...
23/04/2026

قالوا قديما ⁦⁩👌رضعية لبن الغنم ولا ترضعيه لبن الزعل👌

الشكوى متكررة جدا
دكتور أنا خلاص بنهار الولد مش بينام خالص وطول الوقت صاحى وبيعيط وبيزن أنا زهقت خلاص 😭😭

⁦✍️⁩⁦ طبعا زى ما قولنا المثل القديم ده تحذيرا من الزعل وسوء الحالة النفسية للأم المرضعة وتأثيرها على طفلك حيث أن هرمون الكورتيزول بينزل بكميات عاليه جدا فى اللبن فى حاله الزعل مما يسبب للطفل المغص والعياط والتوتر والخوف والغضب وقله النوم

⁦✍️⁩وكذلك الحالة النفسية تؤثر على الغدة النخامية مما يقلل إفراز هرمون البرولاكتين والاوكسيتوسين مما يقلل كمية الرضاعة الطبيعية

⁦✍️⁩الصورة دى أم أرسلتها لأحد الأطباء وبتقول إنها كل ما تزعل اللبن لونه بيغير كده وبيبقى فيه دم كتير .

👌 عرفتوا أنتوا السبب وفى الآخر تيجوا تعيطوا 🙈🙈

👌 عرفت أنت مش عارف تنام ليه ظبط الحالة النفسية لزوجتك والولد هينام على طول هاتنكد عليها هاينكد هو عليك ⁦😂😂
وقد أعذر من أنذر 😠😠
🙏 شير ومنشن ودعوة للاعجاب بالصفحة خلى الزعلانين يتصالحوا 🙏
د/ صابر عبد الجواد

22/04/2026

⬅️ يقولون عنها الألف يوم الذهبى فى حياة طفلك(The Golden 1000 Days) وهى أول ثلاث سنوات حيث أن نمو المخ يكتمل فيها فوجود أنيما أو سوء تغذيه خلال هذه الفترة يحدث تأخر ذهنى وعقلى لايمكن إصلاحه لاحقا 💔💔 فلابد من متابعة وزن وتطور طفلك وعمل التحاليل اللازمه وأخذ الأدوية المناسبة للحفاظ على مستقبله💪👌

📢📢 السلام عليكم طبعا مادة ال ارجينين مهمه جداً لمساعده هرمون النمو لزيادة الطول متوفرة فى ثلاثة منتجات1️⃣ تشيكس جروى 2️⃣...
21/04/2026

📢📢 السلام عليكم
طبعا مادة ال ارجينين مهمه جداً لمساعده هرمون النمو لزيادة الطول متوفرة فى ثلاثة منتجات1️⃣ تشيكس جروى 2️⃣كانتريزون شراب 3️⃣ أرجى ون شراب

⬅️ طبعاً يفضل أخذ الجرعة مساءاً

⬅️حيث انه هرمون النمو يفرز بعد العاشرة مساءاً حتى الفجر فلابد أنه الطفل ينام بدرى

⬅️السبب الرئيسي لقصر القامة هو سوء التغذية وليس هرمون النمو أو الغده الدرقيه او الوراثه كما يعتقد الكثير

⬅️لابد من التغذية السليمة أولا ونمنع جميع منتجات السوبر ماركت وعمل تحليل صورة دم وتحليل براز وبول كمتابعة وقد يحتاج الطبيب لتحاليل اخرى حسب حاله كل طفل
مش الدواء ده فقط هو اللى هايخليه يطول وهو اصلا عنده سوء تغذية وعايش فى السوبر ماركت
ولا تنسوا دائما العقل السليم في الجسم السليم

دكتور/صابر عبد الجواد
استشارى طب الاطفال وحديثى الولادة
دبلومه التغذية ج القاهرة
عضو الجمعيه العربية للتغذية الإكلينيكية للاطفال

✍️ للأسف الشديد معظم الشباب اللى كان زواجهم غير ناجح غالبا تربوا بدون أب ✍️ معظم الأبحاث تشير أن معظم من تعرضوا للادمان ...
20/04/2026

✍️ للأسف الشديد معظم الشباب اللى كان زواجهم غير ناجح غالبا تربوا بدون أب
✍️ معظم الأبحاث تشير أن معظم من تعرضوا للادمان او الانتحار أو الفشل فى حياتهم كانوا بدون أب

👌الطلاق دمار نفسى لطفك مهما كانت المشاكل لابد من التفكير وإيجاد حدود لها وجود الأب والأم واستقرار الأسرة يخرج جيل ناضج أدبياً وعلمياً وأخلاقيا ونفسياً

أشهد الله عن كم حالات الأطفال التى أراها فى العيادة وتعانى من أمراض نفسية بسبب إنفصال الأب والأم والمشاكل المستمرة

إلى كل أب وأم ⬇️⬇️

⬅️ تذكرى مع كل مشكله زوجك هذا أيام الخطوبه حينما كنتى تنتظرين رنه هاتفه بجنون 💔

⬅️ تذكر حينما كنت تتمنى فقط أن تأخذ رقمها وتكلمها أو تجلس معها لدقائق محدوده فى بيت والدها او تخرج معك حتى باب البيت ويكأنك ملكت الدنيا بأسرها والآن أصبحت لا تطيق أن تسمع صوتها ولا رن هاتفها وأصبحت أبغض الناس إليك هذه الملكه التى كنت تتمنى رضاها وأن تظفر بها أصبحت كل النساء أفضل منها وهى العدوة التى تتنازع معها فى المحاكم 😡🤕😢

⬅️ أيها الاباء وأيتها الأمهات من بعد الزواج أصبحت حياتنا ملكا لأولادنا وهم الهدف والغاية ولابد من تجاوز الصعاب لأجلهم يعنى لازم تستحملى وهو لازم يستحمل عشان نعيش فى استقرار وبيت ينتج ذريه صالحه تفخروا بها وليس شاب بلطجى أو مريض نفسي او مدمن أو فتاه مدمره نفسياً تقع فريسه لاى هوى😭💔😭

⬅️ قال تعالى ( ولا تنسوا الفضل بينكم)
متنساش إنى دى كانت حبيبتك وهو حبيبك متنساش تعبها فى حملها وتربيتها لاولادك متنساش خدمتها ليك واهتممها بلبسك وبيتك واولادك👌👍

⬅️ متنسيش تعبه وشقاه عشان يعيشك ويجبلك كل اللى بتتمنيه قدر استطاعته.

⬅️ لا تهدموا كل شىء جميل بغلطه واحده بظروف استثنائية قد تتغير مستقبلاً وتصبحوا أسعد اسرة فى الدنيا .

⬅️ فقط علينا بالدعاء لنا ولازواجنا

⬅️ تشغيل قرآن باستمرار في البيت

⬅️ مافيش حد يعرف معلومه واحده عن اسرار بيتك

⬅️ نحل مشاكلنا مع بعض ونسمع من بعض وماندخلش حد بينا خالص

⬅️ ماينفعش الأولاد يشوفونا فى خناقه كل يوم
صوتنا مايعلاش فى البيت أبدا

⬅️ قال تعالى ( وهو الذى جعل لكم من انفسكم ازواجا لتسكنوا إليه )
فزوجك وزوجتك وبيتكم ده المفروض يكون هو السكن والراحه والطمأنينة أحنا متزوجين عشان نسعد بعض ونكون سبب فى سعادة أولادنا مش عشان ننكد على نفسنا وندمر مستقبل أولادنا ونخليهم متشردين ومتشتتين بينا

ياريت كل أب وأم بينهم مشاكل يقرأوا الكلام ده بقلبهم ويفوقوا من وساوس الشيطان وخصوصاً شياطين الإنس والله ماحد هايخسر غيركم أنتم اولادكم هاتجتمع الأسرة وتطلقوا وكل واحد فيهم هايروح لزوجته وأولاده
يارب نفوق 🤔👌

👌حالات أطفال كتير جداً تعانى من الاكتئاب وفقدان الرغبه فى الدراسة والأكل وكثرة الشكوى وعدم الثقه بالنفس والله بكون حزين جداً عشانهم
ربنا يحفظ أولادنا جميعاً ويهدينا ويذهب عنا كيد الشيطان

👌عليكم بالدعاء والذكر وقراءه القرآن

👌أجلعوا راديو فى صاله البيت على إذاعة القرآن الكريم

👌ولنقول جميعاً
( ربنا هب لنا من أزواجنا وذرياتنا قرة أعين واجعلنا للمتقين إماما)🤲🤲

دكتور صابر عبد الجواد
استشارى طب الأطفال وحديثى الولادة

🙏رجاءا شير للبوست لعلك تكون سبب فى إنقاذ أسرة من التفكك والدمار وتنقذ طفل من الضياع 🙏

هذا البوست فقط للامهات اللى عاوزه تفهم 🧠🧠 انما بتوع الحلبه غلط🫣 واللمبه النيون بتعالج الصفراء يركنوا على جنب 😂⬅️⬅️⬅️ تعا...
19/04/2026

هذا البوست فقط للامهات اللى عاوزه تفهم 🧠🧠
انما بتوع الحلبه غلط🫣 واللمبه النيون بتعالج الصفراء يركنوا على جنب 😂

⬅️⬅️⬅️ تعالوا نفهم ⬅️ الصورة دى شكل كرات الدم الحمراء ⬅️ كرات الدم الحمراء بتموت كل ١٢٠ يوم وعند حديثى الولاده كل ٩٠ يوم ⬅️ نتيجه ذلك بيتكون الbilirubin اللى مسؤل عن تكوين الصفراء ⬅️ فتقوم الكبد بالتخلص منه وينزل فى الأمعاء كجزء من العصارة الصفراوية 😳

⬅️انا كحد كبير الكبد بتنضف اللى بيتكون أول بأول فالطبيعى المفروض الصفراء عندى اقل من واحد 💪 الطفل حديثى الولاده الكبد لسه بتلين زى العربيه الجديده فبتنضف جزء بسيط فتتراكم الصفراء وتبدأ تظهر على اليوم الثالث او الرابع وتنشط الكبد بالتدريج فى خلال أسبوع أو عشرة أيام وتستطيع تنضيف مايتكون يومياً ويبدأ المتراكم يقل بالتدريج حتى ثلاثة أشهر 😳دون قلق أو رعب👌 الأهم الطفل بيرضع كويس وبيزيد فى الوزن
وبنتابع قياس الصفراء والارقام بسيطه👌

⬅️⬅️⬅️ إذا الصفراء تتكون داخل الأوعية الدموية ولها علاقه بالكبد إذا إيه علاقتها بالحلبه😂 او المبه الصفراء 😂أو اللبس الأصفر 😂 او الحيطه الصفراء😂

⬅️⬅️⬅️ زى ماقولنا الكبد لسه بتلين إذا ممنوع إعطاء منشطات أو أدويه للكبد زى (هيباتكم او اورسويجول وغيرهم )

⬅️⬅️⬅️ الصفراء الوظيفيه اللى بتظهر فى اليوم الثالث أو الرابع ليس لها علاج👌فقط رضاعة طبيعية كويس مع متابعة قياس الصفراء👌

د صابر عبد الجواد
استشارى طب الأطفال وحديثى الولادة

📢📢يوجد فى العيادة جهاز قياس الصفراء عن طريق الجلد مجاناً بدون شكشكه وبهدله للطفل👌

17/04/2026

📢📢 السادة الأعزاء تتشرف عيادة د صابر عبد الجواد بتواجد د (حسين على) ( أخصائى طب الأطفال وحديثى الولادة بمستشفى الشهداء - ماجستير طب الأطفال طب شبين ) 🕌 يوم الجمعة 🕚 من ٣ عصراً حتى ٩ مساءاً 🕚 ⬅️ مركز بدر- أمام بوابة عيادات مستشفى بدر العام 📱رقم السكرتاريه للتواصل01018114333

اخفف واصيف ولا لأ طيب الحرارة بتنزل تانى بالليل😭😂وهاتنزل عشر درجات السبتالافضل نخفف قطعه واحده وممنوع النص كم حالياً 👌👌
16/04/2026

اخفف واصيف ولا لأ
طيب الحرارة بتنزل تانى بالليل😭
😂وهاتنزل عشر درجات السبت
الافضل نخفف قطعه واحده وممنوع النص كم حالياً 👌👌

السلام عليكمحالتين فى يوم واحد فى العيادة طفل شرب سائل ريد للناموسوأخر شرب الشامبو 😭😭عشان كده لازم نركز على توفير البيئة...
15/04/2026

السلام عليكم
حالتين فى يوم واحد فى العيادة طفل شرب سائل ريد للناموس
وأخر شرب الشامبو 😭😭

عشان كده لازم نركز على توفير البيئة الآمنه لطفلك طوال الوقت 👌👌

⬅️ممنوع النوم على سرير مرتفع للرضيع فوق ٧ أشهر👌

⬅️ ممنوع النوم على الارض فى مكان يلعب فيه إخوته الاكبر 👍

⬅️ الالعاب صغيرة الحجم والتى يمكن إبتلاعها ( حجر البطاريه ودى حالات كتير & العملات المعدنية & الدبابيس & الإبر وغيرها )

⬅️ المكواه &السكاكين (بنوته وضعت المكواه سخنه على خدها كأنها تليفون 😭😭)

⬅️ المنظفات بجميع أنواعها (حالات كتير شربت كلور وأثر على المرء وتم عمل عمليات توسيع كتير كذلك زرع القولون بدلا للمرء الذى حدث له كى)

⬅️ الادوية بكافه أشكالها ( وخصوصا أدوية المخ والاعصاب والقلب والعظام والسكر ودى حالات كتير جداً )

⬅️ حالات التسمم ودى كتير جداً من المبيدات الحشرية وسم الغله وبودرة النمل وغيرها

⬅️ البلكونات وكوارثها ( طفل وقع من الدور التانى من فترة والحمد لله كسر بسيط فى الجمجمة )

⬅️ اللب والسودانى والقشر بتاعهم والمكسرات ( حالات شرقان كتير وقد تحتاج لإخراجها بواسطه المنظار )

⬅️ الأكل وخصوصاً الأسماك

⬅️ الغيرة ودى موجوده فى كل بيت 😭 الأكبر بيحاول إيذاء الرضيع نتيجه الغيره اللى ممكن نكون إحنا السبب فيها .

وزى ما فى الصورة فقط مشكله بسيطه فى المصفاة سببت ضرر الطفل ⬇️⬇️

شير ومنشن خلى الجميع يستفيد 🙏🙏

😂😂 وديت الشعب فين يا حازم🙄🙄الشوارع فاضيه والعيادة فاضيه فمعلومه للجميع العيادة أخرها اليوم صلاة العشاء يعنى الساعة ٨ بال...
13/04/2026

😂😂 وديت الشعب فين يا حازم
🙄🙄الشوارع فاضيه والعيادة فاضيه
فمعلومه للجميع العيادة أخرها اليوم صلاة العشاء يعنى الساعة ٨ بالظبط 👌 إنما تأكلوا بيض وفسيخ براحتكم طول النهار وتيجوا بالليل براحكتم لأ😡
⬅️واللى يأكل فسيخ يحط عليه لميون كتير عشان يطهره
ولو جاله تسمم أو شلل بسببه فغالباً الليمون مضروب😂😂

Address

Badr

Opening Hours

Monday 10am - 2pm
4pm - 9pm
Tuesday 10am - 2pm
4pm - 9pm
Wednesday 10am - 2pm
4pm - 9pm
Thursday 10am - 4pm
4pm - 9pm
Friday 1pm - 8pm
Saturday 10am - 2pm
4pm - 9pm
Sunday 10am - 2pm
4pm - 9pm

Telephone

+201018114333

Website

Alerts

Be the first to know and let us send you an email when دكتور/ صابر عبد الجواد ــ أبناؤكم فى أيدي أمينة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتور/ صابر عبد الجواد ــ أبناؤكم فى أيدي أمينة:

Shortcuts

Share

Category