دكتورلوجى Doctor-Ology

05/02/2025

ارقام مهمه لازم كل فرد فى الاسره يعرفها و يحفظها عن ظهر قلب
🔴 تحاليل السكر
- تحليل سكر صايم: من ٧٠ ل١٠٠
- تحليل سكر فاطر ( بعد تحليل سكر الصايم بساعتين) : من ٨٠ ل ١٤٠
- تحليل سكر عشوائى: من ٨٠ ل ١٦٠
لو خبطت فال ٢٠٠ او عديدت... لازم اجراء المزيد من الفحوصات للاطمئنان
🔴 تحليل السكر التراكمى
- لو اقل من ٥.٧ انت كدا طبيعى و فالامان
- من ٥.٧ لحد ٦.٤ انت كدا فى مرحلة قبل السكرى
- لو عديت ال ٦.٤ يبقا انت كدا احتمال كبير تكون مريض سكر و الموضوع محتاج كشف و الدكتور يحدد العلاج
و على فكره... مش السكر بس اللى بيرفع السكر
السكريات و النشويات و الدهون بيرفعو السكر عادى 🙂
🔴 ارقام ضغط الدم
الضغط رقمين رقم كبير (الضغط الانقباضى) و رقم صغير (الضغط الانبساطى) بس مش معنى انه انبساطى يبقا ليه علاقه بانبساطك 😏😏😏
لو على هتزعل بجد 😒
هو اسمه كدا ... انبساط عكس انقباض 🙄🙄
و لما نيجى نقول الضغط نقول الرقم الكبير الاول على الرقم الصغير مش العكس
الرقم الكبير بيبقا ١٢٠
و الرقم الصغير بيبقا ٨٠
و ننطقه ١٢٠ على ٨٠
بس مفيش انسان على وجه الارض بيبقا ضغطه ١٢٠ على ٨٠ طول الوقت
طبيعى يزيد او ينقص ١٠ فوق و تحت
و الضغط مبنحكمش عليه من القياس مره واحده
يعنى مش تقيس الضغط تلاقيه ١٥٠ على ١٠٠ تقول انا مريض ضغط و تروح تنام فالسرير و تتوهم المرض
التوهم بالمرض اصعب من المرض نفسه
بنقرر انك مريض ضغط لما بناخد متوسط القرايات على مدار اسبوعين مثلا
و مش بنقيس كل يوم
بنقيس يوم و يوم او كل يومين
- بناخد المتوسط ازاى؟؟!
بعد اسبوعين و بعد ما نجمع القرائات اللى طلعتلنا
نجمع القرايات اللى فوق و نقسمهم على عدد القرايات هيطلعلى متوسط الرقم الكبير
و نجمع القرايات اللى تحت و نقسمهم على عدد المرات هيطلعلى متوسط الرقم الصغير
لو طلع المتوسط اعلى من ١٤٠ على ٩٠ يبقا كدا انت محتاج كشف و تبدأ علاج
لو طلع اقل من ١٠٠ على ٧٠ يبقا برضو محتاج كشف
لو طلع من اول مره ضغطك رقم خزعبلى زى مثلا ١٧٠ على ١١٠ يبقا كدا كشف او مستشفى فورا و متستناش عشان نتجنب المضاعفات
🔴 ارقام تحاليل فيتامين د
- اقل من ١٠ انت كدا فالضياع و هتبقا تعبان و همدان و مصدع و جسمك واجعك و مكسر و مش قادر تركز و وزنك بيزيد و لازم تبدأ علاج
- من ١٠ ل ٢٠ لسه فالضياع
- من ٢٠ ل ٣٠ .... شغال يعنى مش بطال بس محتاجين نزود
- الطبيعى انك متقلش عن ٣٠
يا رب يكون البوست مفيد و عرفت الم بعض المواضيع اللى متعلقه بحياتنا اليوميه 🙂🙂🙂
متنساش تعرف غيرك و تتابعنى و انت بتفطر الطعميه 😉
كان معكم من قلب الصيدليه و علب الحقن و اللبوسات

16/04/2024

لما تبدأي تخففي ملابس طفلك 😂😂

13/04/2024

لو إبنك شرب كلور أو كلوريكس أو فنيك أو بوتاس أو صودا كاوية أو أى منظف في البيت...... تعمل ايه بسرعه لحد ما تروح لأقرب مركز لعلاج السموم⁉️
ركز....الكلمتين الجايين دول = حياة بنى آدم.

⚠️أولا : ممنوع‬ تماما تخليه يرجع غصب عنه .. يعنى ممنوع تشربه ماية بملح أو لبن ببيض أو تدوس على لسانه علشان يرجع او تديه فحم او تعمل له غسيل معده...

طيب ليه⁉️
علشان كده بنعرض المرىء والبلعوم والفم للمادة الكاويه دى تانى يعنى بنضره اكتر ...
وكمان ممكن تدخل الماده الكاوية دى فى مجرى الهوا وتؤدى بعد ذلك الى إلتهاب رئوى شديد.. يعنى زى اللى جه يكحلها عماها.....

⚠️ثانيا : شربه فنجان ‫‏لبن‬ وبس (بدون مياة)

طيب ليه لبن ⁉️ مينفعش ماية⁉️
مينفعش مياه علشان المواد الكاوية دى ممكن تكون حمض "acid" أو قلوى "alkaline" .. وممكن تتفاعل مع المياه داخل المعدة وينتج عن التفاعل ده حرارة عالية تزود المشكلة.. وتدمر انسجة المعده اكثر واكثر ..... يعنى برضه زى اللى جه يكحلها عماها....

وهما شوية اللبن الصغيرين دول هيعملوا ايه بقى⁉️
هيخففوا شوية من تركيز المادة إلى شربها .. ولو فيه حاجة واقفة فى فمه او البلعوم او المرئ هيحركوها للمعدة.

طيب ليه شوية صغيرين مش نصف كيلو لبن مثلا⁉️
علشان ما يحصلش قئ ..وقلنا قبل كده ان احداث قئ فى هذه الحالات خطيررررر جدااااا....

⚠️ثالثا : هو ينفع نعادل الماده اللى شربها الطفل يعنى لو هو شارب حمض أديله قلوى أو العكس علشان أقلل مفعولها⁉️

طبعا غلط لان هينتج عن ده تفاعل كيميائي وده هيسبب حرارة عالية تعمل تدمير للانسجة...يعنى جه يكحلها......ايوة بالظبط كده....

⚠️رابعاً : نقل الطفل للهواء النقى علشان يقدر يتنفس ودى من اهم الخطوات💪👌 ..

⚠️خامسا : لو المادة الكاويه وقعت على هدومة يقلعها ونغسل جسمه كويس ..

⚠️سادساً : لو المادة دى وقعت على عينة نغسلها كويس جدا بالمية لمدة ربع ساعه ويفحصه طبيب رمد .

وبسرعه نجرى لأقرب مركز سموم لسرعة اتخاذ الاجراءات الطبيه الازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها.....
وطبعا لازم تاخد معاك زجاجة المادة التى شرب منها الطفل....للتعرف على المادة وتحديد كيفية العلاج بسرعة..

والله الكلمتين دول = حياة فعلا

شير يمكن غيرك يستفيد

18/02/2024

١٠ مل عسل نحل قبل النوم يساعد بشكل جيد على تخفيف الكحة أثناء الليل وتحسين النوم

18/02/2024

المتابع الصامت 😴
حضرتك عارف انك لما بتلاقى بوست وعجبك وماتفاعلتش معاه حتى ولو بكحة او عطسة .. نظام الفيس هيعتبر ان دى صفحة لاتهمك وبالتالى مش هيظهر بوستات الصفحة ليك تانى ..
رجاء لاتبخل علينا بطلتك ❤️..
فنحن نوليك اهتماما نتمني ان تبادلنا اياه ❤️

16/07/2023

نصائح لأكل البيبى 👇❤️

✅️ عادة بنبدأ بوجبة الفطار...علشان لو فيه علامات تحسس تظهر اثناء اليوم افضل من الليل
بعد اسبوعين مثلا ندخل كمان العشا....طبعا هم لسه وجبات صغيرة مش كامله...مع الوقت نعرض الاكل كمان فى الغدا....المهم على التاسع يبقى الطفل بياكل ٣ وجبات كاملين...حجم الوجبة ١٢٠ مل يعنى ٤ معالق كبار

✅️ اى اكل حتقدميه جديد لازم يتقدم الصبح مش بالليل ونختبره لمدة ٣ ل ٥ ايام ان مفيش حساسية

✅️ من اتمام السادس ابداى دخلى صفار البيض، و الزبادى.. بعدين جربى الفراخ البلدى. بعد شوية كبده الفراخ البلدى.. على التامن مثلا جربى حته لحمه بتلو بدون دهن و افرميها ناعم جدا

✅️ الشوفان بيدخل من اتمام السادس...و جربى القمح قبله لو سمحتى...انواع الشوفان المناسبه سنبلة الفرات و داريا و بعض انواع كويكر و لينو...اقراى المكونات و اتاكدى ان مفيش سكر
او لبن و انه بيدخل النار فى حدود ربع ساعه ع الاقل

✅️ قوام الاكل فى الاول بيبقى شبه قوام الزبادى المتماسك
و بعدين بنبدأ نخشنه...نبشر الفاكهه ناعم بمبشرة الجنزبيل والليمون مثلا....نهرس بالشوكه بدل الخلاط

✅️ فى الاول الطفل بيدوق بس...بيتعلم يدخل الاكل بدل ما لسانه يزقه بره...اصبرى عليه اسبوع او اتنين

✅️ الزبادى بيدخل من اتمام السادس...دى التوصيات الجديدة

✅️ المياه بتدخل لما الطفل ياكل وحبة كامله...يعنى ٤ معالق كبار من الاكل....قبل كده الافضل يكمل بالرضاعه...الرضاعه حتعوض المياه بس فى نفس الوقت حتديله سعرات تزود وزنه

✅️ الممنوعات قبل السنه هى السكر و الملح، و بسكوت الشاى
واللبن البقرى او الجاموسى حتى لو متخفف ممنوع، و العسل الابيض والمقليات

✅️ ممنوع الأكل يبدأ قبل إتمام ١٧ اسبوع...يعنى بعد تطعيم الرابع باسبوع ولازم يكون الطفل ساند راسه لوحده

✅️ الطفل لو اكل قبل ما يسند راسه...لا قدر الله ممكن يشرق و يحصل اختناق ⛔

✅️ الاكل بعد إتمام السادس افضل من الاكل من الرابع...بيفرق جدا مع مناعة الطفل اول ٥ سنين

✅️ لو ام نازله الشغل او طفل بيرضع صناعى، او وزنه ضعيف
وعنده صعوبات رضاعه، او اسباب طبيه اخرى...ممكن الام تبدأ اكل من اتمام الرابع وما تستناش للسادس

✅️ اهم اكل حتركزى عليه الفترة الجايه....اكل يعوض اللى ناقص فى لبنك...يعنى اكل غنى بفيتامين أ و الحديد....

03/07/2023

يا دكتور عندي حموضة وحرقان ساعة ييجي وساعة يروح
وبعد كل وجبة في حرقة لدرجة اني بحس بنار على صدرى 🤦‍♂️🔥

⏪ أي حد عنده ارتجاع مرئ هتلاقيه بـ يشتكي دايمًا من الأعراض اللي فوق دى 👆
بالإضافة لأعراض تانية زي الحموضة بشكل متكرر
وضيق في التنفس ومبيقدرش يبلع غير بصعوبة

⚠️ كل ده بتحس بيه نتيجة ضعف صمام العضلة اللي بين المريء والمعدة
فـ العصارة المعدية بتتسرب للمريء مرة تانية وبتسبب كل ده 👌
ولو تجاهلنا علاج المشكلة دي بمرور الوقت هـ يترتب عليها مضاعفات كبيرة بتبدأ من التهابات في المريء وممكن لمضاعفات اكبر من كده كمان
✅ وعشان درجات الارتجاع مختلفة من شخص للتانى و مش كل الأدوية تناسب مع كل الحالات يبقى لازم استشارة الطبيب للتشخيص الصحيح
علشان كده كل اللى عليك تزور عيادة الدكتور
محمد السايح
طبيب الباطنة والأطفال
🚩 للكشف وعلاج الحالات الاتية :-
⬅️ علاج #جرثومة المعدة
⬅️ علاج التهاب #القولون
⬅️ علاج ارتجاع #المرئ
⬅️ علاج التهاب و #حرقة المعدة
⬅️ علاج حصى #المرارة
⬅️ متابعة فحوصات #الكبد
⬅️ علاج أمراض #الضغط بالدم
⬅️ علاج أمراض #السكر بالدم
⬅️ علاج أمراض الجهاز #الهضمي
⬅️ علاج أمراض الجهاز #التنفسي
⬅️ علاج أمراض #الغده الدرقية و #الانيميا
⬅️ علاج #التهابات الجهاز #البولي
⬅️ معرفة اسباب #الصداع بمختلف انواعه
⬅️ معرفة اسباب #الدوخه بمختلف انواعها
⬅️ ضبط #المعادن بالجسم
🔺الكشف بجهاز الأشعة التلفزيونية ورسم القلب
————— —————
للحجز والاستعلام 01097390275
————— —————
📍العنوان: اولاد عليو دوار ابو ستيت عماره اللواء عمر ابو ستيت بالجمعية الشرعية الدور الاول

Doctor

01/07/2023

👈 الجو حاااار جدا يقوم الطفل يعرق والعرق ميتبخرش كويس من على جلده بسبب الرطوبة العالية .. فيعمل التهاب بالغدد العرقية

👈 الإلتهاب ده يظهر ف صورة حبوب حمرة صغيرة برؤس بيضة حواليها إحمرار وإلتهاب مصحوب بحرقان فى الجلد وهرش
في الرقبة وثنايا الجلد والظهر والبطن وكمان الوجه

ابنك عنده .. مشكلة الصيف وكل صيف

#العلاج

1️⃣ خففى لبس الطفل .. ولبسيه ملابس قطنية خفيفة ولونها فاتح

2️⃣ حميه مرتين يومياً بماية باردة مش فاترة بصابونة جلسرين ومتستخدميش الليفة

3️⃣ التهوية المستمرة جوة البيت .. التكيف الظريف على حرارة ٢٥ او المروحة اللطيفة

4️⃣- العيال اللى بتعرق جامد فوطة او بشكير تحت العيل وهو نايم تمتص العرق هتساعد كتير

5️⃣- دهان مرطب للجلد زى كلامينا أو سولو أو بودى كير لوسيون ٣ مرات يومياً

دمتم بصحة وعافية
منقول من صفحه دكتور Dr.Ashraf kasem د.أشرف قاسم
#دكتورلوجى

27/06/2023

تعمل ايه علشان تخفف اعراض حموضه المعده؟

ركز معايا كويس

🔵 تجنب التدخين نهائيا

🔵 تجنب اكل الشارع والاكل الذى يحتوى على الفلفل الحار

🔵تجنب كثره المنبهات مثل الشاى والقهوة والمشروبات الغازية

🔵 كثره المسكنات والحمضيات والتي يمكن أن تسترخي الصمام بين المريء والمعدة وتجعل من السهل أن يرتفع الحمض

🔵 ارفع رأس سريرك (حوالي 6 بوصات) إذا كنت تعاني من حرقة المعدة ليلاً يسمح هذا للجاذبية بالمساعدة في الحفاظ على محتويات المعدة في المعدة.

🔵 لا تتناول الطعام قرب وقت النوم أو في وقت متأخر من الليل
عندما تكون معدتك ممتلئًه بالطعام أو مشغولًه في هضم الطعام جرب السماح لها بالانتهاء قبل الذهاب إلى الفراش
🔵 اذا زادت الأعراض يجيب عليك فورا مراجعه طبيبك لمعرفه السبب وتحديد العلاج المناسب

#دمتم بصحه وعافيه
#دكتورلوجى

25/06/2023

اااه يادكتور عندي صداع ومناخيري ع طول مقفوله
دكتور انا ع طول في بلغم في زوري وبنف كتير
دكتور انا لما بوطي علشان اصلي عندي صداع والم في اسناني😊😊 دكتور ريحه بقي وحشه ومش حاسس بطعم الاكل
طبعا حوالي نص الناس عندها جيوب انفيه وانا اولهم

ايه هي بقي حكايه الجيوب الانفيه ؟
الجيوب الانفيه دي عباره عن تجاويف ف الراس علشان تخفف من وزنها وماتبقاش تقيله زي البطيخه ع رقبتك 😅
وكمان علشان تحسن من جوده الصوت وسيادتك تعلي صوتك وتزعق براحتك وتصدعنا😂
طيب هو يعني ايه التهاب جيوب انفيه؟
يعني فيه سبب عمل تهيج ف بطانه الجيوب وحصل تورم وانتفاخ او المخاط جوه الجيوب الانفيه وحصل انسداد ف مجري الجهاز التنفسي العلوي ادي لاعراض نشتكي منها .

طبعا فيه نوع حاد الي بيحصل مع ادوار البرد وفيه نوع مزمن اوالchronic وده الي موجود عندنا الي بيفضل مده لاتقل عن12شهر 😊

طيب هو الالتهاب ده او الجيوب الانفيه دي بتحصل ليه؟!

اولا اعوجاج الحاجز الانفي الي بيفصل بين الفتحه اليمين والشمال وده مش شرط يكون عامل اساسي يعني ممكن تلاقيه موجود عند ناس ومش عاملهم مشكله خصوصا الي تلاقي مناخيرها طويله

ثانيا
ادورا البرد المتكرر هتعمل التهاب حاد ف الجيوب الانفيه ومره ف مره يبقي التهاب مزمن

ثالثا
السليله الانفيه اوالnasal polyp دي عباره عن زوايد لحميه تبقي موجوده في المناخير كده من جوه او نازله من قدام غير اللحميه بتاعتنا دي بتبقي وره اسمها adenoid 😊

رابعا
اللحميه وال تليف كيس ودي اكتر ف الاطفال
خامسا
الحساسيه سواء للكل برفام حبوب لقاح ايها حاجه بتعملك حسايه
الناس الي عندها ربو شعبي دول بتكون عندهم مشاكل اصلا ف الجهاز التنفسي من الاول.
سادسا
الناس الي عندها حساسيه لالسبرين والناس الي بتدخن
او مناعتهم قليله خصوصا مرضي الايدز

سابعا
ارتجاع المري
ايه يعم الكلام ده ايش جاب ده لده مهو ارتجاع المرئ يعني الحمض بيوصل احيانا خصوصا وسياتك نايم الي الحنجره والبلعوم من وره زي رزرز كده من الحمض دي بتعمل تهيج ف الجيوب الانفيه وتسبب ليها مشكله ويمكن ده بيكون سبب عند ناس كتير واخدت ادويه كتير لعلاجها
ثامنا
التهابات الاسنان خصوصا الفك العلوي من تسوس او خراج او غيره
وفيه اسباب تاني مش مهم علشان متملوش .

طيب يادكتور اعراضها ايه.
خلي بالك انا بتكلم عن الجيوب الانفيه المزمنه😊
1/افرازات لونها اصفر او اخضر😷وعلي طول المناديل في جيبي وبلغم كتير بيكون في زورك ف الصبح وتبقي عايز ترجع..
2/مناخيرك مقفوله معظم الوقت تفتح ناحيه تلاقي التانيه اتسدت😡ومش عارف تتنفس وعمال تتنفس من بوقك وصوتك مخنفر
3/صداع مقرف خصوصا ف الصبح ويمشي ع الظهريه كده وبيزيد لما تطاطي لقدام او تصلي او تخبط ف رجلك جامد ف الارض 😟 الصداع ده بيكون اكتر حوالين العين او المناخير من فوق ف الجبهه كده💀
4/الم في الفك العلوي بتاع الاسنان او عند الودان
5/قرح ف الزور ودايما زورك محتقن
6/ريحه بقك وحشه ومش حاسس بطعم الاكل
7/عندي دوخه ودايما مرهق ومش مركز
8/كحه ناشفه وبتزيد باليل
9/الم وانتفاخ حوالين عنيه ودايما زخانيق... عنيه محمره

طيب العلاج ايه يادكتور ؟
ودا لازم تزور طبيب طبعا علشان يعرف السبب ويحدد العلاج المناسب
دمتم بصحة وعافية
#دكتورلوجى

17/06/2023

مهم جدا نشرب مياه كتير في الصيف
يفضل من 3 الى 4 لتر يوميا للحفاظ على صحة الكلى والجسم
دمتم بصحة وعافية
#دكتورلوجى

14/06/2023

نسبة كبيرة من الأطفال حديثي الولادة في اليوم التالت أو الرابع من الولادة بتجيلهم الصفرا ⚠️
واللي أعراضها بتظهر من بداية الرأس لحد القدمين و فالعادي بتخلص بعد أسبوع
🔵 الصفرا مش خطر على البيبي هي بس بتحتاج متابعة

🔵🔵 أعراضها
تغير لون البشرة للأصفر وتحول لون البول للون الداكن

🔵 أحيانا الصفرا بتكون مرضية و ده نتيجة اختلاف فصيلة البيبي عن الأم و بتستمر لمدة 4 اسابيع

🔵 لو الصفرا استمرت أكتر من 4 أسابيع فالحاله دي لازم نفحص البيبي لأن ممكن يكون سببها نقص إنزيم كبدي معين عند البيبي
أو خلل في وظائف الكبد أو الغدة الدرقية و كمان عمل أشعة على القنوات المرارية لإستبعاد وجود إنسداد بها
لو كل الفحوصات سليمة ممكن يكون السبب لبن الأم

علشان تعالجي الصفرا وتطمني على البيبي
لازم تستشيري طبيب مختص و قياس نسبة الصفرا في الدم باستمرار
لو عندك استفسار سيبي كومنت وهنرد عليكى

دمتم بصحة وعافية
#دكتورلولوجى
#الصفرا