Dr. Ahmed Eldeeb

Dr. Ahmed Eldeeb Dr Ahmed Eldeeb
(1)

عين العقل 🤭
16/07/2025

عين العقل 🤭

❤
14/07/2025

❤

من ٢١ سنه تقريباً كنت لسه متخرج و بدأت الفلوس تلعب في ايديا. كنت وقتها في سنة الامتياز و كان مرتبي في الامتياز ٢٧٠ جنيه ...
12/07/2025

من ٢١ سنه تقريباً كنت لسه متخرج و بدأت الفلوس تلعب في ايديا.
كنت وقتها في سنة الامتياز و كان مرتبي في الامتياز ٢٧٠ جنيه و دول كانوا شويه لكن حلوين جداً لانهم اول حاجه اقبضها في حياتي و بعد شهر من بداية الامتياز روحت ادور علي شغل و دورت في كذا مكان في مدينة نصر و مالقتش و بعدين قولت يبقي اجرب في مكان تاني ركبت اتوبيس و نزلت منه بعد ما عدي النيل بشويه لقيت نفسي في الكيتكات و كنت عمري ما روحتها و لا اعرف حتي اسمها قبل اليوم دا و لقيت مستوصف هناك و لقيت فيه شغل … شغل مغري جداً … الشيفت ٨ ساعات ب ٢٠ جنيه و في اليوم ٢٤ ساعه ب ٦٠ جنيه و طبعاً فيه اوضه ابيت فيها و دلع الدلع بقي 😆 و اليوم ب ٦٠ جنيه و الحسابه بتحسب… في الوقت دا فاكر كويس ضربت ٦٠ جنيه * ٣٠ يوم و طلعوا ١٨٠٠ جنيه لكن للاسف كنت مرتبط بالشغل بتاع الامتياز فكان لازم اضحي و اسيب شفتات و اختار الشيفات الليليله في الكيتكات و اروح الصبح علي المستشفي علشان شغل الامتياز….
بعد شهر من شغل الخاص دا بقي معايه فلوس … تخيل واحد كان بياخد زيروا و عليه مصاريف و بعدين بقي بياخد ٢٧٠ جنيه في الشهر و بعديها بشهر بقي بيقفل مبلغ يجي فوق ١٥٠٠ جنيه … دي صدمه كبيره لو تعلمون😆…
بعد شهر واحد من لعب الفلوس في ايديا بالشكل دا قولت لا بقي لازم وقفه مع النفس و لازم اطور من نفسي و اتعلم دلوقتي فيه صحه و وقت بعد شويه يا عالم… مش كل حاجه الفلوس يعني😆 .. قعدت اسأل و ادور في يومين تلاته رسيت اني ادرس لغه جديده و رسيت علي اللغه الفرنسيه و كان المركز الثقافي الفرنسي في المنيره… روحت فورًا واخد الاتوبيس وطالع علي المنيره… واحدة قابلتني و قالتلي Bonjour، قولتلها صباح الفل، عايز اتعلم فرنساوي … طيب حاضر هتعمل اختبار تحديد مستوي … قولتلها مفيش مستوي … انا عمري ما عرفت كلمه واحده بالفرنساوي قبل النهارده…زيروا خالص … يبقي نبدأ من الزيرو
فيه كورسات مكثفه و فيه عادي… المكثف ٤ ايام في الاسبوع، ساعتين و نصف في اليوم و تخلص كل كورس في شهر قولتلها حلو جدا دا
بكام الكورس … قالتلي ٤٦٠ جنيه….. الله بقي… يعني هضيع ٤ ايام من الشغل و كمان اتكلف ٤٦٠ جنيه …. طيب ماشي احجزيلي…
روحت لمستوصف الكيتكات و قولتلهم انا هاخد كورسات و محتاج استاذن تقريبا ٣ ساعات في اليوم ٤ ايام في الاسبوع …و ممكن تخصموهم من يومي انا خلاص حجزت … و وافقوا
كنت مبسوط جداً… و كنت بخلص كل كورس مكثف في شهر لحد ما قرب شهر ٨ و كان اجازه في مركز المنيره … قولتلهم لا ابدا، انا سخن جدا .. قالولي المركز اساسا قافل الشهر دا، قولتلهم برضه عايز اكمل … قالولي خلاص، فيه مركز ثقافي فرنسي في مصر الجديده و دا فاتح في شهر ٨، ممكن تروح الشهر دا هناك….طبعاً مفكرتش و روحت علطول
كنت بركب اتوبيس من الكيتكات للتحرير و من التحرير لمصر الجديده في شهر ٨ في عز الحر و كنت بعمل كدا ٤ ايام في الاسبوع علشان مش قادر اصبر شهر من غير تكملة اللي بتعلمه…
المهم اخدت الشهر دا و رجعت تاني المنيره و كملت لحد اخر سنة الامتياز
مش هطول عليكم علشان القصه طويله جامد لكن المجهود اللي عملته في سنة الامتياز دا هو السبب الاول في كل شيء وصلتله بعد كدا، لاني بعد كدا روحت زمالات في افضل مكان في الدنيا في جراحات العمود الفقري في جامعة مونتريال في كندا و كان عامل مهم فيه اللغه الفرنسيه و كانت جامعة مونتريال بتتكلف ليا ب ١٠٠ الف دولار ( مائة الف دولار) في السنه راتب و رسوم دراسه
يعني اتعلم و اتمرن في اقوي زماله و في افضل مكان في الدنيا و اخد دولارات كمان..
و كانت دي احد خيوط البدايه و ما حدث بعد ذلك شيء عظيم.
د هاني عبد الجواد

بنوته صغيرة عمرها سنة وشهرين كان بيجيلها ضيق تنفس وكحة وتزييق في الصدر لمدة 6 شهور وبتتعالج على أنها حساسية صدر ... جات...
11/07/2025

بنوته صغيرة عمرها سنة وشهرين كان بيجيلها ضيق تنفس وكحة وتزييق في الصدر لمدة 6 شهور وبتتعالج على أنها حساسية صدر ...
جات استقبال مستشفى الأطفال بتنهج جامد ، الدكتور النائب عمل لها أشعة علي الصدر فلقى فيها دبو س طرحة فى الشعبة الهوائية الشمال ... عملنالها منظار عشان نخرج الدبوس ( السهم الأصفر فى الصورة ) فوجئنا إن البنت عندها كمان نص حباية فول سودانى قافلة الشعبة الهوائية اليمين (السهم الأخضر ) ...
الحمد لله خرجنا الدبوس والسودانى والبنت بقت كويسة ...
ودى أول حالة أشوفها شرقانة فى حاجتين مختلفتين ...
و عرضنا الحاله دي فى مؤتمر الجمعية المصرية للشعب الهوائية بالقاهرة.
إحنا فى مصر عندنا مشكلة كبيرة فى توعية الناس بخطورة ترك الأطفال الأقل من 3 سنين وبجانبهم حاجات صغيرة زى اللب والسودانى والدبابيس والخرز ... البنت دي مثلا شرقت فى الدبوس والسودانى فى مرتين مختلفتين ومحدش يعرف أنها شرقت أصلا ، والدبوس كان مصدى طبعا عواقب خطورتها ممي.ته لاقدر الله ..ربنا يحفظ أولادنا

Dr Tarek Eldesoky

لما تنجح ف شغلك ويبان ع وش زباينك 😁
11/07/2025

لما تنجح ف شغلك ويبان ع وش زباينك 😁

🤭
10/07/2025

🤭

في احد الايام في العيادة دخلت واحدة تكشف علي طفل ولافة حولين رقبته الحبل دا وفيه لفه قماش المكلكعه في الصورة زي ما انتم ...
10/07/2025

في احد الايام في العيادة دخلت واحدة تكشف علي طفل ولافة حولين رقبته الحبل دا وفيه لفه قماش المكلكعه في الصورة زي ما انتم شايفين كدا

بسألها إيه دا ؟
قالت دي عملينهاله عشان تشيل الكحه
الفضول قتلني وخدت البتاعه دي فتحتها لقيت فيها خنفسة !!
بقولها إيه دااا يا ماما دي خنفسه !!
قالتلي أيوة لما يكون العيل بيكح نحطله خنفسه صاحية حوالين رقبته لما الخنفسة تموت الكحة تخف
قلتلها الكلام دا بطل من مليون سنه لسه في حد بيعمله !
قالتلي لا الأول كنا نحط حوالين رقبته ش خ ة كلب ناشفه وبعد أسبوع نولع فيها وكان بيخف الحمدلله من الكحه والسخونه
قلتلها طيب لما هو كده جايباه ليا ليه بقي ؟
قالتلي أصل الكحه المره دي مخفتش مع إن الخنفسة ماتت !

شفت منكوا حجات تحير ..عيب عليكوا أنا مش صغير 😂

Dr Taher_Elsalfy

منورة بجد 😂🤭
09/07/2025

منورة بجد 😂🤭

اهلا يا دكتوره ازيك ، أنا احمد اللي كنت عند حضرتك من فترة إزيك يا استاذ أحمد أخبار ضهرك إيه ؟إيه دا هو حضرتك لسه فكراني...
09/07/2025

اهلا يا دكتوره ازيك ، أنا احمد اللي كنت عند حضرتك من فترة

إزيك يا استاذ أحمد أخبار ضهرك إيه ؟

إيه دا هو حضرتك لسه فكراني !

طبعاً يا استاذ أحمد أنا مبنساش حالاتي أبداً

الاسم اللي مسجلة بيه الحالة ع التليفون :

Dr Salma

كبرياء كبسة 😁
09/07/2025

كبرياء كبسة 😁

مريضة جات استقبال المستشفى بشوية تنميل، فشكينا في كام حاجه فطلبنا اشعة مقطعيةفلما الاشعة طلعت لقينا مسمارين داخلين في ال...
08/07/2025

مريضة جات استقبال المستشفى بشوية تنميل، فشكينا في كام حاجه فطلبنا اشعة مقطعية

فلما الاشعة طلعت لقينا مسمارين داخلين في الجمجمة وهي مش عارفة حصل امتى!

بتقول من فترة طويلة عملوا ح.ادثة بالعربية ومش فاكرة إن حصلها حاجة في المخ أو راسها.

العجيب ان المسمارين داخلين بين النصفين المخيين بالظبط
ومش عاملين اي اعراض. والست زي الفل من يومها

Dr Mostafa

احنا شوفنا كتير و قليل في أي عيله بيتولد عندهم طفل جديد - شوفنا اللي مسحوا حولين عنيه بلمونه عشان الحسد - واللي ربطوا بي...
06/07/2025

احنا شوفنا كتير و قليل في أي عيله بيتولد عندهم طفل جديد
- شوفنا اللي مسحوا حولين عنيه بلمونه عشان الحسد
- واللي ربطوا بيضه ورا ضهره عشان ملووح " ممزوق " والطفل يتقلب لحد ما تيجي عند الحته الملووحه و تتفقش
- واللي كحلت بنتها تاني يوم ولاده وحصل إلتهابات في عنيها
- وشوفنا اللي شربوا الطفل بميه بسكر في أول يوم عشان يبقي دمه خفيف ويطهر بطنه وجاله نزله معويه
- واللي بيلحسوا الواد في اول يوم سمنه بلدي عشان ميبقاش ضعيف
- وشوفنا اللي بيحطوه في غربال ويهزوه لحد ما يجيله نزيف في المخ
- والطفل اللي عينه تتطرف يروحوا لواحده بترضع في البلد ويخلوها تفضي في عينه شويه !! ويجي الواد عينه حمرا زي الدم
- واللي بيخزنوا جلده الواد في كيس بعد الطهارة ويحطوها في الشمس٧ أيام عشان يبقي راجل ، مش عارف إيه العلاقه !!

إنما يجي طفله ماسحين جسمها بدم خفاش عشان ميطلعش شعر في جسمها !
أنا مش متفاجئ الحقيقه ما أنا مش هكون شفت دا كله و أجي أتافجئ علي دي ،
أنا مستغرب بس هما جابوا خفاش منين أصلا !؟ 😂🤭

Dr Mosaad

Address

Damanhour

Website

Alerts

Be the first to know and let us send you an email when Dr. Ahmed Eldeeb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category