27/07/2025
تعرفي إن إنتي ومامتك وجدتك في يوم من الايام كنتوا في جسم واحد؟! يعني ايه الكلام دا 🤭
يعني انتي اتخلقتي من بويضة اتكونت داخل مبيض مامتك لما كانت هي لسة جنين ف بطن مامتها 😂 توهتي أكتر؟! تعالي أوضحلك ببساطة 👌
✨ البويضات عند كل بنت بتتكون في جسمها داخل المبيض من وهي جنين زيها زي أي عضو تاني في جسمنا 👈 وبيكون عددها محدد ودا اللي بنسميه مخزون المبيض ⚡
👈 ايه مخزون المبيض؟ وبيفرق ف ايه؟
كل شهر بيحصل تبويض ( يعني أحد المبيضين يخرجوا بويضة) و البويضة اللي محصلهاش اخصاب بتنزل ف البريود وبالتالي عدد البويضات المتبقي ف المبايض بيقل ❣️
👈✨ عندنا بقى تحليل بيقيس مستوى هرمون معين بيعبر عن عدد البويضات المتبقية والنسبة الطبيعية غالبًا بتكون بين 1 و 4 نانوجرام/مل، طيب ازاي قلة المخزون بتأخر الحمل؟
❣️ قلة المخزون ممكن تخلي التبويض مش منتظم وممكن تأثر على جودة البويضات نفسها وبالتالي فرص الحمل بتقل❌
طيب هل الحقن المجهري هو الحل الوحيد لقلة المخزون؟ الاجابة لا مش دايما، دا بيتوقف على كذا عامل … تقدري تعرفيهم لما تنورينا ف العيادة لإن كل حالة لها رحلتها الخاصة اللي متأكدين انها هتكون ممتعة لما تخوضيها مع دكتورة اسلام 🩷🤍
