15/11/2025
شيخوخة المبيض ....( Ovarian Aging)
مصطلح جديد ابتدأ يظهر ويتم تداوله فى الابحاث و الدوريات العلمية ..معناه انه مخزون المبيض من البويضات غير متناسب مع عمر السيدة ....
يعنى لو واحدة سنها 30 سنة و لقينا انه مخزون المبيض كأنه لسيدة عمرها 40 سنة بنقول ان الست دى عندها ما يسمى ب شيخوخة المبيض ...
ده مختلف عن حالات الضعف الشديد فى مخزون المبيض ( Premature Ovarian Failure) فى ان شيخوخة المبيض غير مصحوبة بأى اعراض وانه بيتم تشخيصها اثناء عمل الفحوصات الخاصة بتأخر الانجاب...
اسبابه الى الان غير معروفة ،، نظريات عن دور الجينات والوراثة ،، او العوامل البيئية و التلوث المحيط بنا او العادات الغذائية الغير صحية ،،
علاجه يتوقف على درجة النقص فى مخزون المبيض ولكن النصيحة الهامة للسيدات المتزوجات اللى تم تشخيصهم بالحالة دى ان يتم الحمل بصورة عاجلة سواء بالطرق العلاجية او بتقنية اطفال الانابيب او على الاقل تجميد البويضات وهى
خطوه فارقه جدا فى مستقبل الأمومه بالنسبه للآنسات
قبل ان تتحول شيخوخة المبيض
( Early Ovarian Ageing).
الى نضوب مبكر فى البويضات
( Premature Ovarian Failure)
