30/03/2026
بناء علي طلب حضراتكم شوية معلومات عن حديث الساعة 😀
🧠 الحمى الشوكية ؟؟
📌 اية هي؟
دا التهاب يصيب الأغشية المحيطة بالمخ والنخاع الشوكي، وتسببها بكتيريا أو فيروسات، لكن البكتيرية هي الأخطر والأكثر تسببًا في الوفاة أو المضاعفات.
و اشهر هذا البكتيريا هى المكورات السحائية)Neisseria meningitidis)
و هى خمس انواع
A,B,C,W,Y
👶 من الأكثر عُرضة؟
• الأطفال من سن ٦ شهور حتى ٥ سنوات
• المراهقين
• طلاب المدارس الداخلية أو المسافرين للخارج
• أصحاب المناعة الضعيفة
💉 اشهر أنواع تطعيمات الحمى الشوكية (المكورات السحائية):
): نيمينركس (Nimenrix).1
وقاية من : تطعيم ضد السحائي الرباعي
) فقط A, C, W, Y)
💉 يُعطى بداية من عمر ٦ اسابيع
*الرضع من 6 أسابيع إلى أقل من 6 أشهر: جرعتان بفاصل شهرين ثم يوصى بجرعة معززة عند عمر 12شهرًا.
* الرضع من 6 أشهر إلى أقل من 12 شهرًا: جرعة واحدة ثم يوصى بجرعة معززة عند عمر 12 شهرًا، بفاصل تلت شهور على الأقل بعد الجرعة الأولية.
* الأطفال من 12 شهرًا فما فوق، والمراهقون، والبالغون: جرعة واحدة فقط. قد يحتاج بعض الأشخاص المعرضين لخطر كبير أو مستمر للإصابة بالعدوى إلى جرعات إضافية أو جرعة معززة.
2. بيكسيرو (Bexsero )
وقاية من: ضد المكورات السحائية من النوع B فقط
💉 يمكن إعطاؤه من عمر شهرين
💉 جدول الجرعات:
👈 *من شهرين ل سنتين*
*2+1*
جرعتين بينهم شهرين بالاضافه إلي جرعه تنشيطيه 👌
*موعد الجرعه التنشيطيه*
*الطفل تحت سن سنه* : عند سنه وشهرين من عمر الطفل
*الطفل من عمر سنه لسنتين* : بعد ١٢ شهر من آخر جرعه .
👈 *عمر أكبر من سنتين*
*2 Doses only*
جرعتين بينهم شهرين فقط
🧼 نصائح إضافية للوقاية:
✔️ الالتزام بمواعيد التطعيمات الأساسية و اعطاء الاضافية ان امكن
✔️ النظافة الشخصية
✔️ التهوية الجيدة وعدم التكدس
✔️ الابتعاد عن المصابين و اخذ تطعيمات اضافية ضرورة في حالات التزاحم زي الحج و العمرة
✔️ استشارة الطبيب فور ظهور أعراض (حرارة مرتفعة، صداع، تيبّس رقبة...)
🎯 ملحوظة مهمة للأهالي:
هذه التطعيمات غير متوفرة في التطعيمات الحكومية المجانية، لكن متاحة في الصيدليات الكبري و مركز المصل و اللقاح .
✅ الموجود حاليًا في وزارة الصحة المصرية ضمن التطعيمات الإجبارية المجانية:
تطعيم ضد السحائي A+Cيقي من (النوع القديم
يُعطى للأطفال عند سن سنتين فما اكتر مع دخول المدارس و الحضانات .
وهو تطعيم قديم نسبيًا وغير شامل للأنواع الأخرى من المكورات السحائية.
❌ طيب عشان نجيب الملخص المفيد:
• الحمي الشوكية عدوي خطيرة و موجودة من زمان و مش حاجة جديدة
• عشان الحماية الكاملة من المرض (النوع البكتيري) لازم يتاخد النوعين بتوع التطعيم عشان نغطي كل الانواع بتاعت البكتريا.
• اخيرا بالنسبة للهوجة علي السوشيال ميديا .. مفيش حالات إصابةفي مصر اكتر من المعدلات الطبية.. مفيش جديد يعني :) .
بس الوقاية طبعا مهمة
• بالنسبة لاسعار التطعيمات
** bexsero لسة نازل جديد و سعر الجرعة الواحدة حوالي ٣٥٠٠ تقريبا و
الnimenrix** سعره١٢٥٧ تقريبا .. و دا سعر الجرعة الواحدة
و دي كلها اسعار تقريبية .
• التطعيمات الاضافية اصبحت مهمة جدا و اهمهم زي الروتا و المكورات لا غني عنها .. و في السحائي و الجدري و التهاب كبدي ا ..
اتمني اكون حاولت اجمع مختصر مفيد و مفيش داعي للقلق .. ربنا يحفط اولادكم علي خير...
