Dr.Sherif Zaglol Dental Clinic

30/06/2025

صباح الخير
هو ينفع نعمل حشو عصب للطفل يا دكتور ؟!
يا دكتور ديه سنان لبنيه هتبدل حشو عصب ايه بس؟!!

الاجابه اصلا هو نادرا ما بنعمل حشو عادي للطفل اصلا😅
طيب ليه ده بس حجم أسنان الطفل الصغيره بالنسبة لحجم أسنان الشخص الكبير، وكمان حجم عصب الطفل كبير جدا في الأطفال بيبقي صعب نعمل حشوات عاديه للطفل.

طيب يا دكتور ما هي هتبدل كده كده نحشيها ليه؟
لأن ببساطه حضرتك أسنان الأطفال ليها مواعيد معينه أنها تتبدل فيها يعني مثلا ضرس الطفل اللبني ممكن يبدل في سن ١٠-١١ سنه
وحضرتك جايلي ب طفل وشه وارم عنده ٦ سنين عاوزين اخلعله ويفضل طول المده ديه بيعاني من مكان فاضي مش عارف يأكل عليه🙂

طبعا الخلع خطه علاج وبتتعمل بس ادام في إمكانية نحافظ على الضرس لحد ما يبدل ليه نبهدل الطفل خصوصا إن الأطفال مش بيعرفوا يعبروا عن الوجع أو أنه مضايق زي الشخص البالغ.

طيب في طريقتين ل علاج عصب الاطفال
Pulpotomy وده أنه بنشيل الجزء الملتهب من العصب ونحط ماده طبيه تعالج الضرس.
Pulpectomy وده أننا بنشيل عصب الضرس كله وبنحشي حشو العصب العادي بتاعنا
ده له استخدامات في حالات وده له استخدامات في حالات حسب الحاله وظروفها.

طبعا بعد علاج عصب الطفل لازم طربوش لأن السنه بتكون ضعيفة جدا مش هتستحمل الضغط اللي بينزل عليها أثناء الأكل

#صحتك تهمنا.

24/04/2025

مساء الخير👋
أسنان طفلك غامقه بالشكل ده
مش شرط تكون تسوس
التصبغات الغامقه عند الاطفال بتعمل قلق جامد اوي عند الاهالي مع أنها في الغالب ممكن تكون مش تسوس ممكن تكون نوع من البكتيريا اسمه (كروموجينيك بكتيريا)وهو بيعمل تصبغات للاسنان او ممكن تكون بسبب (ترسبات الحديد)اللي بتعملها بعض الأدوية
او ممكن تكون (مينا الأسنان ضعيفة).
طيب انا أعرف السبب ازاى انهي واحد من التلاته دول؟
بسيطه لو بياخد أدوية يبقي من الآثار الجانبية من الادويه ديه
طيب لو الحاله التانيه ضعف مينا الأسنان او الكروموجينيك بكتيريا: الحل بسيط خالص شربه لبن لأن اللبن بيحتوي على كالسيوم فوسفيت ودول بيعادلوا الحموضة بتاعه الفم ف بيقللوا الكروموجينيك بكتيريا وبيمنعوا الآثار الجانبية للبكتيريا وهي التصبغات السوداء.
مع استخدام فرشه ومعجون مناسبين للاطفال ونقلل السكريات والالتزام بغسيل الأسنان مرتين يوميا عشان نحافظ على أسنانهم وابتسامتهم الجميلة.
#صحتك تهمنا✨🦷

03/03/2025

رمضان كريم وكل عام وانتم بخير🌙
مواعيد العمل كل يوم ما عدا الجمعه من ٨ـ١١ مساءاً.

العنوان : بطا أمام قاعه افراحنا.
_______
للحجز والاستفسار :01557823663

02/03/2025

كل سنة وحضرتكم طيبين وبخير 🤩

تعالوا اقولكم حاجات تخص صحه أسنانك في رمضان 🦷

-لازم نبقي عارفين إن رمضان يعني جفاف فم طول اليوم وبالتالي ده بيزيد احتمال التسوسات وبيزود احتماليه الإصابة ب أمراض اللثه، ف علشان كده لازم نشرب مايه كتير من بعد الفجر لحد السحور💦

- رمضان يعني حلويات كتير ف بالتالي لازم نغسل أسنانا ونستخدم خيط الأسنان مره بعد الافطار ومره بعد السحور وخاصة في أوقات اللي هتناموا فيها.

-لو هتغسلوا أسنانكم خلال فتره الصيام لازم نستخدم فرشه اسنان ناعمه ونستعملها بطريقة صحيحة بالراحه عشان اللثه بتكون حساسه جدا بسبب الجفاف.

ـ كلنا بنشرب شاي كتير وعصائر حامضيه في رمضان أهم حاجة لما تيجي تغسل أسنانك بعديهم متغسلش مباشره بعد الشرب لازم نتمضمض الاول ب مايه كتير لتجنب حدوث التصبغات.

بس كده وكل عام وحضرتكم بألف صحة وخير 🤩❤️

#صحتك تهمنا✨🦷

28/02/2025

25/02/2025

صباح الخير
جاي انهارده نتكلم عن الاسنان اللي بيحصل ليها (truma )
أو خبطه في السنه لأي سبب كان بيؤدي إلي كسر جزء منها ممكن في الاول نشعر بوجع مع الساقع والسخن ولكن بعد فتره بنلاقي الالم راح تماما بعد أخد مضاد حيوي أو مسكن مثلا.
لكن بعد فتره مثلا نلاقي لون السنه اتغير عن بقيه الاسنان اللي جنبها ف بنسأل هو ايه اللي حصل ليها.

بتروح لدكتور الاسنان يقولك السنه محتاجه حشو عصب 🤒
طيب يا دكتور ازاي ديه كانت بتوجعني واول ما اخدت الدواء الوجع راح أنا جاي بس اعمل تجميل للجزء اللي انكسر .
الحقيقة إني السنه لما اتخبطت عصب السنه انكشف ف كان بديهي تحس بألم ولكن بعد الدواء عصب السنه مات أو أصبح necrotic
وده اللي ادي إن لون السنه يتغير.

طبعا العلاج بسيط حشو عصب وبعدين حشو تجميلي للسنه
وفي حالات بسيطه بتحتاج تبييض داخلي جوه السنه.

#صحتك تهمنا✨🦷

20/02/2025

مساء الخير
تكمله للبوست السابق
حابب اتكلم عن ٤ حاجات مهمين اوي ناس كتير بتفكرهم تسوس لكن الحقيقة هو لأ هنتكلم عن أسبابهم وطريقة علاجهم باذن الله

1-Attrition الجز على الاسنان أو تآكل في طبقه المينا بتاعه الاسنان
قلنا سببه مشكله نفسيه مثلا
طيب طريقه علاجه (night guard) ده حاجه زي طقم شفاف cover يتلبس وقت النوم لتقليل الجز على الاسنان.
طيب تعرف ازاي إن الأسنان حصلها attrition لما الأسنان تكون قصيرة والحواف خشنه.

2-Abfraction: ده بيحصل نتيجة تآكل الأسنان عند منطقة معينه من الضرس أو السنه ده بيحصل تدريجيا نتيجة الجز وده مش تسوس
ده حاجه بنسميها (non carious cervical lesion) بيحصل حساسية الأسنان نتيجة التآكل .
طبعا لازم نعالج السبب عن طريق mouth guard ونعالج الأسنان بالحشو التجميلي أو طربوش للضرس.

3-Erosion: ده نتيجة الأكل أو المشروبات الحمضيه (الليمون أو البرتقال)أو ارتجاع المرئ
بيؤدي برده إلي حساسيه الاسنان نتيجة انكشاف طبقه منها الحساسية بتكون مع الأكل الساقع والسخن
أعرف ازاي حصلها erosion بتكون الأسنان ناعمه جدا بشكل ملحوظ.
طبعا العلاج نقلل الاكل والمشروبات الحمضيه ونعالج الأسنان بالحشو التجميلي أو طربوش.

4-Abrasion: ده نتيجة غسيل الاسنان بشكل عنيف واستخدام نوع فرشه مش مناسب ونوع معجون أسنان مش مناسب وده برده بيقلل كمية الأسنان المتبقيه وبيؤدي لمشاكل كتير
(جماليه مثلا - حساسية الأسنان - cracking/ chipping) أو بيؤدي إلي تغيير اللدغه (اللكنه) بتاعه الكلام

#صحتك تهمنا ✨🦷

20/02/2025

مساء الخير يا دكتور
مساء النور اتفضل

أنا جاي لحضرتك انهارده وانا مش قادر من الصداع وشد فوق الاذن ومن الخد وطرقعه في الفك وانا بفتح بقي ومش قادر استحمل !!

طيب حضرتك غالبا بتجز على أسنانك وأنت نايم.

عاده لما حد بيجي يشتكي من الشكوي ديه بسأله سؤال
انت مضغوط شويه الفتره ديه؟
ايوه يا دكتور شويه 🤔

من غير استغراب بس عاده من أسباب الجز على الاسنان هو الضغط النفسي.

تخيل معايا بتروح الجيم كل يوم تتمرن نفس العضله طبيعي هيجي فيها شد عضلي
ده بالضبط اللي بيحصل لما بتجز على أسنانك طول الوقت
ف العضله المسؤوله عن الفك بتبقي مشدوده ومع الوقت بيتحول لصداع لما تصحي من النوم.

طبعا كتر الجز على الاسنان بيعمل مشكله تانيه وصعبه للاسنان اسمها (Attrition) اللي هي برد الأسنان وكتر الجز علي الاسنان
بيشيل اول طبقه اللي هي حاميه الأسنان (Enamel) المينا وبيكشف طبقه (Dentine)العاج وبالتالي الشعور بالحساسية من الأسنان .

طبعا المشكلة ديه ليها حلول وبعض الطرق اللي بيخليها تقل.
في البوست القادم باذن الله🙌

#صحتك تهمنا✨🦷

15/02/2025

يا دكتور ديه سنه لبنيه ما تخلعها وخلاص وكده كده هيطلع مكانها وريح دماغك؟!

من اكتر الحاجات المدمره اللي ممكن تعملها مع طفل🤯

ببساطة كده ربنا سبحانه وتعالى عمل ميعاد محدد لكل سنه لبنيه تقع فيه.

طيب علاج السنه اللبنيه ديه يا إما حشو عادي أو عصب على حسب حجم التسوس وآه الطفل ممكن يجي له خراج زي الشخص الكبير وينفع يتعمل حشو عصب ليه جدا وطربوش كمان بعده مش خرافه هي الحمدلله 😅

طيب لو معملناش حشو للسنه او الضرس وقررنا نخلع السنه قبل معادها هيحصل مشكله؟
ايوه طبعا السنان ربنا خلقها مرصوصه جمب بعضها عشان يمنعوا الحركه في الفك،اول ما سنه تتخلع السنان بتتحرك وبتقفل الفراغ الموجود بين الأسنان وبعضها مكان اللي اتخلع، أو المكان المسموح للسنه الدايمه تطلع فيها هيكون أصغر ف بالتالي السنه الدايمه هتفضل محبوسه في العضم يا إما هتطلع في مكان غلط خالص،
ساعتها ترتيب الاسنان وشكلها هيتغير تماما ف ساعتها تضطر قدام تعمل تقويم للطفل.

طيب على ايه ما نحافظ على السنه ديه لحد ما الميعاد بتاعها يجي وتقع.
يا إما لو خلاص خلعنا السنه اللبنيه بنحط تركيبه اسمها (حافظ مسافه) وديه بتحفظ مكان السنه الدايمه لحد ما يجي معادها وتطلع.

#صحتك تهمنا ✨ 🦷

13/02/2025

الاطفال وهي بتسنن مبتتعبش ومش بيحصلها اي حاجة!!
ايوه فعلا ديه الحقيقة، المعروف إن الطفل وهو بيسنن بيتعب وبيسخن وبيبقي مقريف بس الحقيقة ده ملوش اي علاقه بأن أسنانه بتطلع🦷
ولكن في أسباب تانيه:
زي إن الطفل اول ما بيبدأ يسنن عند ٦ شهور بيحتاج أنه يعض على أي حاجة ف بياخد اي حاجة من الأرض وبيحطها في بؤه وأكيد برضو إن الحاجة ديه مليانة بكتيريا وفيروسات ف ممكن هي اللي تتعبه.
او إن جاله دور تعب في وقت التسنين ف ربطنا إن الاتنين بيحصلوا مع بعض ف لو طفلك تعبان خده واكشف عليه وبلاش تربط التعب والسخونيه ب إن أسنانه بتطلع.
#صحتك تهمنا ✨🦷

09/02/2025

كل لما تغسل أسنانك أكتر سنانك هتبقي ....؟

ايه انت مفكر أنك هقولك هتبيض
الحقيقة هي لأ
تعالوا نعرف السبب؟
السنه ربنا خلقها بتتكون من حاجتين crown اللي هو طربوش و Root الجذور تعالوا نعرف ال طربوش بيتكون من ايه
الطربوش بيتكون من ٣ طبقات (طبقه المينا enamel - طبقه العاج dentine/ طبقه العصب pulp)
طبقه المينا وهي اللي بتدي shiny اللمعه للاسنان وديه لها دور كبير هي أنها قويه جدا بتحمي السنه من أي ألم ناتج عن حساسية المياه أو الهواء، عشان كده لما جير الأسنان بيكتر ويغطي الطبقه ديه عند إزالته بيحصل ألم بسيط ده ناتج عن حساسية الأسنان.

تاني طبقه هي طبقه العاج(dentine) وديه طبقه اقوي من المينا ولكن لونها أغمق شويه عنها وديه اللي بتحافظ على عصب السنه الطبيعي وديه طبقه شبه عظم الإنسان تحتوي على الأوعية الدموية والأعصاب وطبعا بيكون طبقه حساسه جدا لاي بكتيريا
عشان كده ناس كتير بتيجي تشتكي من ألم مع الساقع أو السخن بس للحظات وبتعتقد أنه ألم عصب ولكن الحقيقة أنه الالم مازال في طبقه العاج كل اللي محتاجه زياره للطبيب حشو كمبوزيت قبل ما نوصل للعصب.

تالت طبقه وهي طبقه العصب وديه آخر طبقه من طبقات ال طربوش واللي لما التسوس بيحصل فيها بنضطر نعمل تنضيف للبكتيريا وحشو ماده العصب، وده الالم فيها بيكون طويل ولا يحتمل مهما اخدنا ادويه اللي بعد كده بتعمل abscess أو خراج تحت السنه او الضرس.

طيب اجابه سؤال أنا بغسل أسناني كتير هيحصل ليها ايه؟
للاسف كتر الغسيل الخاطئ مع نوع الفرشه الخطأ بيؤدي إلي أنه بيحصل تآكل في طبقه المينا وبتنكشف وبتظهر الطبقة اللي تحتها وهي طبقه الأغمق وهي dentine.
ف لازم نغسل أسنانا بفرشه soft(ناعمه) من ٢-٣ مرات يوميا بالطريقه الصحيحه كما في الفيديو.

#صحتك تهمنا ✨🦷

07/02/2025

دكتور؟ ايه الفرق بين حشو الكمبوزيت (الليزر/الحشو الابيض) وحشو Amalgam (بلاتنيوم)؟

طيب في البداية خلينا متفقين إن أي تسوس في السنه او الضرس ولو بسيط جدا لازم يتعالج حتي لو احنا مهتمين بالنظافة اليوميه للاسنان.
طيب في تسوس روحت للدكتور عاوز تعمل حشو فيه نوعين من الحشو:
١-بلاتين ده له مميزات وعيوب
من مميزاته حشوه قويه جدا مفيش فيها أي نوع من الحساسية ممكن تقعد مع العيان ١٠ أو ١٥ سنه بس مشروطة ب حاجة وهي أنها لازم تتعمل بطريقة صح (مهم) في اي ضرس للعيان،ببساطه لانه لو متعملش بطريقة صح بيكسر الضرس وممكن نضطر نخلعه للاسف.
عيوب حشو البلاتين: أولا لونه مش مناسب مع ناس كتير بيستعمل فقط في الضروس الخلفيه مينفعش في الأسنان الاماميه
عيب كمان أنه له طريقه تحضير معينه بمعنى إني بشيل اجزاء مش مسوسه عشان اهيأ له مكان عشان اعرف احطه في الضرس لانه بيوضع mechanical وده عيب كبير برضو .
عيب كمان خطير جدا أنه بيحتوي على ماده الزئبق وده ابحاث كتير اتعملت عليه أنه ماده سامه جدا لازم تتشال في وجود ال Rubber dam اكتشاف العصر زي ما بنقول (العازل المطاطي).
طيب أنا دلوقتي عامل حشوه بلاتين من زمان وخايف هتروح للدكتور يشوفها لو معموله بطريقة صح هيسبها لو مش كويسه هنبدلها بحشو الكمبوزيت.

٢- حشو الكمبوزيت (الليزر)
مميزاته : أنه بقدر استعمله في الأسنان والضروس مع بعض
لونه كويس جدا نفس لون الاسنان
لازم استخدام معاه ال rubber dam
مش محتاج أشيل اجزاء زيادة من الضرس أو السنه لانه بيوضع chemical مش mechanical.
عيوبه لو مستخدمناش rubber dam أثناء الحشو بيعمل مشاكل زي حساسية أو لو موضعش بطريقة صحيحة بيعمل Gap(فراغ) بين السنه والضرس يؤدي إلى ألم عند المضغ.
بس لو اتعمل بطريقة صحيحة في وجود العازل حشوه قويه جدا لونها مناسب للون الاسنان مع المحافظة تقدر تعيش فتره كويسه جدا.

اخيرا اللي بنستخدمه حاليا والافضل هو الكمبوزيت شرط عزل كويس للاسنان واتباع بروتوكول المناسب للعلاج.

#صحتك تهمنا✨🦷