28/12/2023
* تسوس الرضاعه :
التسوس ده بيحصل للاطفال اللي متعودين يناموا وقت الرضاعه سواء كانت طبيعيه أو بزجاجه اللبن او الببرونه 🍼
امهات كتير بتسال ازاي اللبن يعمل تسوس؟!
اللبن بيعمل تسوس لانه بيحتوي علي سكر اللاكتوز و بواقي اللبن لما تفضل في درجة حرارة عاليه زي حرارة الفم بيحصل تعفن و يكون بكتريا
و دي ممكن تدمر اسنان طفلك زي الصوره للاسف وخاصه لو الام بتحب تدلع ابنها عشان يستطعم اللبن فتبدأ تحط عسل او سكر في الببرونه مع اللبن و فاكره انها كده بتغذيه
طبعا ده تدمير للاسنان علي المدي البعيد لان طول الليل و الاسنان منقوعه في محلول سكري بيحللها و يسبب التسوس
النوع ده من التسوس بيبدا يظهر من سن سنه تقريبا و بيكون الطفل اتعود ينام بزجاجه اللبن يوميا .
طيب ازاي نتجنب الموضوع ده؟!
- بلاش تضيفي اي سكر او عسل لللبن و مع الوقت هيتعود علي طعمه كده
- ممنوع طفلك ينام و زجاجه اللبن او العصير في بقه.
- بعد الرضعه لازم تغسلي اسنانه كويس حتي لو بشاش مبلل او فرشاه
- و لو خلاص اتعود يدخل ينام بالببرونه حطي فيها ميه فقط عشان لو نام بيها يبقي مافيش خطر من التسوس.
- الطفل اكبر من سنه بياكل عادي ممكن مثلا قطعة جزر او تفاح تمده بالفيتامينات و تنظف اسنانه لانها غنيه بالالياف الطبيعيه
لو عاوز تعرف معلومات أكتر أبعتلنا علي رسائل الصفحه ☺️🦷✨
