طب الأمهات مع د هاله محمد طلعت

09/09/2025

للتواصل بعيادة طب الامهات
01224809442
0133268388

25/03/2023

السلام عليكم ورحمة الله وبركاته....
كل سنه وحضراتكم واسركم بكل خير يارب.رمضان مبارك علينا جميعا وعيد ام سعيد ..ومناسبات كتير يارب تكون دايما سعيده
بالمناسبه عايزه اقولكم على بعض النقاط لازم كل أم تكون عرفاها عن طفلها اللي لسه مولود:
●●●الولاده في الشهر الكام .ياعني وصلت للشهر التاسع ولا لاء وقضيتي كام يوم في الشهر.
●●●الولاده كانت طبيعيه ولا قيصري ولو قيصري يبقى ليه؟؟مفيش حاجه اسمها قيصري عادي ولا مؤاخذه لازم في سبب
●●●وزن البيبي عند الولاده
●●●اول مره خرج البراز الأسود امتى ؟بعد الولاده علطول ولا طول لمدة ٣ ايام خصوصا لو جايه تشتكي من امساك مزمن للبيبي.
●●●الصفرا ظهرت امتى وقعدت معاه اد ايه واحتاج يتحجز في محضن ولا لاء...
كل المعلومات ده هتفرق في اتجاه التشخيص خصوصا للأطفال في اول سنتين وخصوصا لو عنده اي عرض مرضي بيتكرر عليه..خليكي أم ناصحه 🥰🥰
مواعيد عيادة طب الأمهات من الساعه ١٢ ظهرا.
بنها .تقاطع شارع عطا مع شارع العدلي بجوار اوسكار للأحذيه.
للحجز والتواصل...
٠١٠٩٥٨٦٤١٣٢
٠١٣٣٢٦٨٣٨٨

23/02/2023

مواعيد العياده من ١٢ الى ٣ عصرا يوميا.
يوم الجمعه للطواريء فقط .

15/12/2022

السلام عليكم ورحمة الله وبركاته....
ازيكم جميعا؟يارب تكونوا بخير...عايزه اكلمكم عن موضوع التحزيق عند الاطفال حديثى الولاده، الأمر ده طبيعي جداا في اول تلات شهور بعد الولاده، وده لان عملية الأخراج وهضم اللبن اللي بيرضعه امر جديد على المولود.
هقولكم على الأمور اللي مش طبيعيه،علشان تطمنوا::
**لازم نكون عارفين ان اول براز بيخرج لونه اسود وده طبيعي وبيستمر لمدة ٢٤ الى ٤٨ ساعه بعد الولاده.
××××ماخرجش براز اسود لمدة ٣ ايام بعد الولاده(لازم مراجعة الطبيب).
***بعد اول ٣ ايام البراز بيصفر ،ده طبيعي.
××لأ لونه برتقالي والطفل مصفر (لازم مراجعة الطبيب).
****الطفل بيتحزق جامد ووشه بيحمر وبيفك بعد مابيعمل بيبي.ده طبيعي.
×××الطفل بيفضل يتحزق جامد ويتلوى من الوجع ومش بيعمل بيبي ولا حاجه(لازم مراجعة الطبيب).
***الطفل بيعمل كل ٣ ايام (ده طبيعي،بس لازم نتأكد ان رضاعته كافيه).
×××بيعمل بيبي كل ٥ ايام او مايزيد (لازم مراجعة الطبيب).
💥💥💥بلااااااش نصايح الجيران و أديله لبوس جلسرين علشان يعمل بيبي،انت بدخليه في حاله مزمنه وهيفضل طول الوقت يعمل باللبوس.
واللي قبلنا قالوا اذا عرف السبب بطل العجب.روحوا أكشفوا واعرفوا سبب الامساك من الاساس ايه؟؟

28/11/2022

لازم نلتزم بالحملات ديه يا ماميز،مفيش اي موانع للتطعيم،بس اللي بياخد علاج لأي امراض مزمنه لازم يستشير الطبيب

25/11/2022

انا جايه اثير الجدل واقول مش كل الكحه لازم نعمل لها جلسات استنشاق

14/11/2022

-الكبير هيجيب الدور من المدرسة ،و يعدي اخوه الصغير ..
-اخوه الصغير على ما يخف ..هيكون عدى ماما ..
- و ماما هتعدي بابا .. و بابا في آخر أيام الدور هيعدي الولد الكبير اللي هيروح المدرسة، و يعدي الولد اللي هو خد منه الدور في الأول اساسا و هكذا ..
جمعية و دايرة يابا 😁😁😁

05/11/2022

05/11/2022

السلام عليكم ورحمة الله وبركاته...في دور شديد اووي في الاطفال منتشر اليومين دول سخونيه عاليه وللاسف ساعات بتستمر من ٣ ايام لاربع ايام سواء اخد علاج او لاء..هي كده كده مكمله في طريقها ويصحبها رشح ووجع في الزور وممكن وجع بالبطن او الشعور بالقيء او القيء الفعلي وممكن اسهال (خصوصا في الاطفال اللي اقل من سنتين).
الموضوع صعب على الولاد والاهل طبعا..بس على قدر ما الدور قوي بس ان شاء لله هيعدي على خير ويتم شفاء الولاد كلهم يارب
شوية خطوات لازم نتبعها مع الولاد:
**اكثروا من شرب السوايل بوجه عام حتى لو مايه والسوايل الدافيه بوجه خاص .
***الأكل خفيف ومتقسم على مدار اليوم بلاش نضغط عليهم يكملوا طبقهم ،بس نلاحقهم بالاكل علطول.
***بلاش الاكل المسبك والمشطشط والحراق والمتبل زياده ،علشان مايهيجش صدر الولاد ويزود الكحه
***كمان احنا في الخريف مش الشتا،نلبس بكم وندفي نفسنا وولاد زي بالظبط بيحسوا زينا ،بلاش الجواكت التقيله ،فالعيال تعرق وتسخن اكتر وتبرد اكتر .براحه على الولاد.
***اخيرا لازم تتابعوا مع دكتور للأولاد ،بلاش ادويه على الفاضي وعقبال ما تروح للدكتور تكون خلصت كل علاجات الارض،وناقص بس ندعي للولد بالشفا.

19/10/2022

السلام عليكم ورحمة الله وبركاته.....
عايزه اكلمكم عن انيميا نقص الحديد....تعرفوا ان نسبة انيميا الحديد في الاطفال ٤٠% من اطفال مصر،ياعني كل ١٠٠ طفل في ٤٠ منهم عنده انيميا نقص الحديد وده نسبه عاليه.
ايه اعراضها:
الكسل والخمول.(ابني بيتعب بسرعه)لدرجة في ناس بتلاحظ ان ابنها بينهج وهو قاعد في مكانه
مش مركز في الحصه والشرح وده تقريبا عند كل الولاد☺️☺️
مصدع ،دايخ ،نفسه مسدوده عن الأكل وساعات يشتكي ان عضمه بيوجعه .
تلاقي الولد بهتان وشفايفه وايده مبيضه .
الحل اولا لازم نثبت انها انيميا حديد،لأن انواع الانيميا كتيره .وده بالفحص والتحاليل.
ثانيا نبعد ان اكل الشارع والسوبرماركت وناكل اكل صحي غني بالحديد
ثالثا هنحتاج ادويه كمكملات غذائيه بجرعه علاجيه او وقائيه يحددها الطبيب المعالج.
لااااازم تعرفوا ان انيميا بتأثر على التركيز ونمو الطفل،علشان كده لازم نركز عليها ونعالجها

01/10/2022

كل سنه وحضراتكم جميعا بكل خير.. ان شاء الله عام دراسي سعيد وسنه يسيره يارب.....
ولأن الدنيا غاليه اووي ودخول مدارس ولسه هنجيب السبلايزر والانش بوكس.
قررنا نساهم معاكم ولان هدفنا صحة اولادنا ويبقوا في أحسن صحه يارب.
الكشف طول الاسبوع بإذن الله ب ٢٠ جنيه بس.
العنوان :اول شارع عطا بجوار اوسكار للأحذيه.فوق محل العتيق للبلاستيكات.
المواعيد يوميا من ١_٣ظهرا ،٧_١٠مساء.
للحجز والأستعلام ت؛ ٠١٣٣٢٦٨٣٨٨

.