13/08/2022
انت علشان تخس او تمشي على نمط صحي لازم تخلي جسمك يتعاون معاك
بمعني لازم تراضي جسمك انه يعمل 4حاجات اساسية:
1- انه مايوقفش حرق
2-انه ما يخزنش ميه و املاح
3-انه مايخزنش دهون في اماكن تشوه منظر الجسم
4-انه مايبعتش اشارات جوع مستمره للمخ
ودول هما المشاكل اللي بتواجه اي حد في اي دايت
الحل عن طريق 3 حاجات اساسية:
1-اكلك 3 وجبات اساسية بروتين ونشويات والياف لازم ف كل وجبة "الكمية راجعه لنظامك" و 2 سناك سكريات بسيطه ثمرة فاكهه مثلا او دهون صحيه زي كبشه صغيرة مكسرات خام, كده حرق مستمر ويوقف إشارات الجوع
2-الرياضه و البعد عن اي اكل غير صحي مليان دهون متحولة ومشبعة وسكر وملح وزيوت يجبر الجسم انه مايخزنش دهون في اماكن تشوه منظر الجسم ومايوقفش حرق
3- العلاج الرباني المياه, المياه فوق ال3 لتر كده الجسم مايخزنش مياه واملاح ومايبعتش اشارات مستمرة للجوع كاذبة ويجدد خلايا الجلد ويديله مرونة ونضاره
تقصيرك في اي حاجه من دول يبقى في الغالب هاترجع تزيد نفس الوزن اللي فقدته, وحتى لو قرصت على نفسك وماكلتش علشان نزول سريع في الوزن يرضيك لما تقف على الميزان كده انت بتدمر جسمك من جوه ومش هايخدم معاك كتير بنفس الاداء.
والحرق هايقل وهاتخزن دهون واحساس الجوع مستمر
