دكتور جمال عبد الناصر زيدان للنساء والتوليد

  • Home
  • Egypt
  • Benha
  • دكتور جمال عبد الناصر زيدان للنساء والتوليد

دكتور جمال عبد الناصر زيدان للنساء والتوليد بكالوريوس طب القصر العيني ماجستير نساء وتوليد جامعه ع?

حامد أو عبدالباسط لو ولد وعطيات أو جملات لو بنت ده شكل الجنين وهو بيسمع الاسماء اللى أهله بيفكروا فيها ليه #
29/07/2022

حامد أو عبدالباسط لو ولد
وعطيات أو جملات لو بنت
ده شكل الجنين وهو بيسمع الاسماء اللى أهله بيفكروا فيها ليه
#

الراحة ثم الراحة ثم الراحة الالم اللى بيجى مكان جرح القيصرية السابقة وخاصة لو اكتر من قيصرية وخاصة تانى لو القيصرية السا...
23/07/2022

الراحة ثم الراحة ثم الراحة
الالم اللى بيجى مكان جرح القيصرية السابقة وخاصة لو اكتر من قيصرية وخاصة تانى لو القيصرية السابقة ماعداش عليها اكتر من سنتين علاجه الراحة التامة الراحة اهم من المسكنات اللى ينفع ناخدها لأن مع دخولك الشهر التامن هتحسي أن المسكن مش بياثر خالص
والافضل أن احنا من الاول ناخد بالنا كويس وناجل الحمل ٥سنين أو اكتر وخاصة بعد القيصرية التانية
#
#
#

في فترة الحمل ارتفاع مستويات هرمون البروجسترون تبطئ عمل الجهاز الهضمى ، ولسبب ما يمتص الجسم المغذيات الإضافية والسوائل ا...
20/07/2022

في فترة الحمل ارتفاع مستويات هرمون البروجسترون تبطئ عمل الجهاز الهضمى ، ولسبب ما يمتص الجسم المغذيات الإضافية والسوائل التي يحتاجها لولادة طفل سليم، وبالتالى بسبب هذا البطئ يحدث الإمساك في وقت مبكر جدا🥺

في حين أن الإمساك يمكن أن يجعلك تشعر بجميع أنواع الألم ، فإنه من الإمساك النادر يؤدي إلى أي شيء خطير.
قد تؤدي الحالات الشديدة إلى حدوث البواسير والشقوق الشرجية الناتجة عن الضغط على الأوردة حول المستقيم، والتى تؤدى إلى الشعور بالألم وعدم الراحة ولكن لن تضعك أنت أو طفلك في أي خطر.

وعشان تتجنبي الامساك لابد :
- من الاعتماد على نظام غذائي غني بالألياف والكثير من السوائل والنشاط البدني المعتدل💁🏻‍♀️

- شرب 10 أكواب من السوائل يومياً أثناء الحمل ☺️
- بالنسبة للتمارين الرياضية فإن المشي لمدة 20 إلى 30 دقيقة يومياً يمكن أن يكون كافياً لتحفيز الهضم.💪🏻




العياده 🏫
👈مرصفا_امام الموقف يوميا ماعدا الاثنين والخميس
👈بنها_مستشفي زينه الحياه :_يومي الاثنين والخميس والجمعه
تليفونات☎️
📱:_ 01147875092
📱 :_01201152172
قولي لنا حابة تستفسري عن ايه في كومنت والدكتور هيرد عليكي 😊 , ولو محتاجة استشارة مستعجلة تقدري تتصلي علي الدكتور وهيرد علي استفسارك

معلومة صغيرة ممكن تنقذ عيانه من آلام البطن اللي بيسموها فم المعدة وتنقذ الجنين من الموت مش كل ست هتجيلي العيادة او الاس...
16/07/2022

معلومة صغيرة ممكن تنقذ عيانه من آلام البطن اللي بيسموها فم المعدة وتنقذ الجنين من الموت
مش كل ست هتجيلي العيادة او الاستقبال وبتشتكي من وجع شديد بفم المعدة ياريت ساعتها ناخد تاريخ مرضي كويس مش نديها مضاد للحموضة وتقولها ده شعر العيل .
نحط في اعتبارنا ان عادي ممكن يجي للست الحامل جلطه بالقلب او التهاب بالمرارة او فيه حصوات صغيرة بتعدي فى القناة المراريه او قرحة بالمعدة .
فلازم نسأل علي اعراض كل الامراض دي لان كلهم مشتركين في عرض واحد ومانستناش الحالة هي اللي تشتكي من باقي الاعراض علشان هي مش مهتمة غير بالوجع يعني نسأل عن كرشة النفس والمخدات اللي بتنام عليها ونسأل علي لون البول والبراز نسأل عن الهرش في الأطراف السفليه وهل فيه أرق ولا لا وبعد مانستبعد الأمراض دي ممكن ندي مضاد الحموضه والتقلصات ونروحها البيت.
فطبعا لو الدكتور مش عارف اعراض الأمراض دي كلها فممكن بسهولة يشخص غلط باعتبار ان ارتجاع المريء أشهر حاجة في الحمل.
للعلم انا كان معايه حالتين وشكوتهم الأساسية كانت وجع فم المعدة وترجيع وكل ماتسال حد سواء دكتور او غيره يقولها ده طبيعي في الحمل وبطلي دلع فطلبتلهم سونار خارجي وتحليل بيلروبين(صفراء)
واحده طلعت التهابات بالمرارة والتانيه الصفرا عليت جدا عندها والسونار قال ان فييه حصوة في القناة المرارية ومش هينفع نستني ست شهور علي ماتولد واخدت قرار المنظار وغالبا هنعملها بكرة بليل او بعد بكره .

فى فترة الحمل من الحاجات التى تثير القلق لأنه يؤدى إلى مضاعفات صحية حادة على المرأة الحامل وعلى الجنين فى نفس الوقتهنا...
13/07/2022

فى فترة الحمل من الحاجات التى تثير القلق لأنه يؤدى إلى مضاعفات صحية حادة على المرأة الحامل وعلى الجنين فى نفس الوقت
هناك بعض العوامل بتساعد ع ع ارتفاع ضغط الدم

-الحمل لأول مرة وخاصه ف السن المبكر

-تاريخ عائلي من ارتفاع ضغط الدم المرتبط بالحمل.

- تقدم المرأة الحامل فى العمر (أكثر من 40 عاماً)،

🤚مخاطر ارتفاع ضغط الدم:

◀️قد يؤدي ارتفاع ضغط الدم الي نقص تدفق الدم للمشيمة او انفصالها وينتج عن ذلك تأخر نمو الجنين داخل الرحم.
◀️قد يؤدي الي ما يعرف بتسمم الحمل.
◀️وهو أيضا احدي اسباب الولادة المبكرة.

علشان كده الطبيب في كل زيارة لازم يطمن علي استقرار ضغط الدم لان صحتك وصحة جنينك أهم حاجة.
___________________________________________



العياده 🏫
👈مرصفا_امام الموقف يوميا ماعدا الاثنين والخميس
👈بنها_مستشفي زينه الحياه :_يومي الاثنين والخميس والجمعه
تليفونات☎️
📱:_ 01147875092
📱 :_01201152172
قولي لنا حابة تستفسري عن ايه في كومنت والدكتور هيرد عليكي 😊 , ولو محتاجة استشارة مستعجلة تقدري تتصلي علي الدكتور وهيرد علي استفسارك

النزلات المعويه ( الترجيع والاسهال ) موضوع مهم جدا وخطير ناخد بالنا منه ويؤدى الى الوفاه والله فى حالات كتير ،يا جماعه ا...
07/07/2022

النزلات المعويه ( الترجيع والاسهال )

موضوع مهم جدا وخطير ناخد بالنا منه ويؤدى الى الوفاه والله فى حالات كتير ،
يا جماعه الاطفال اقل من سنه خطر جدا لو دخل في جفاف

خدو بالكم بيبقي
اسهال عنيف بيوصل ل ٢٠ مره في اليوم وللأسف بيؤدي الي جفاف

ترجيع لكل حاجه رضاعه وميه ومحلول جفاف حتي العلاج بمعني اصح المعده ما بتقبلش حاجه

وفعلا التعامل مع الحالات دي صعب جدا

رجاءا عدم التأخير في استشاره الدكتور

محلول الجفاف هو العلاج الاهم ولو الطفل مش قابله احنا كده يعتبر ما بنديش علاج
ينفع نعوض مع محلول الجفاف برضاعه كويس وميه انما محلول الجفاف هو الأساس

والطريقه الصحيحه لإعطاء محلول الجفاف
كيس علي ٢٠٠ مل
يعني كوبايه شاي كبيره

وتعويض الطفل بعد كل مره اسهال

لو كان الطفل اقل من سنه نعطيه ربع او نص كوبايه بالفم بعد كل مرة اسهال ببطء شديد خلال ساعه

ولو اكتر من سنه نص او كوبايه كامله

وبلاش نقول الطفل رافض محلول الجفاف نحاول كتير ومنزهأش لان ده هو أساس العلاج
والإسهال بيقعد من ٥-١٠ ايام مافيش خوف طالما الطفل بيتعوض كويس بمحلول الجفاف ومافيش ترجيع مستمر

ولو الطفل فعلا رافض محلول الجفاف نهائي
او عنده ترجيع مستمر ما بيتحسنش علي حقن الترجيع او الاسهال اكتر من ٨ مرات يوميا وسايل وبكميات او الطفل بدأ ينام كتير ووعيه مضطرب ما تستناش لحظه علي طول روح لأقرب دكتور ولو مافيش لأقرب مستشفي.
CPD

القسطرة البولية أثناء القيصرية هل هى ضرورية ولا يمكن الاستغناء عنها بناء على رغبة الحالة ؟ضرورية جدا جدا خاصة مع البنج ا...
25/06/2022

القسطرة البولية أثناء القيصرية
هل هى ضرورية ولا يمكن الاستغناء عنها بناء على رغبة الحالة ؟
ضرورية جدا جدا خاصة مع البنج النصفي
طب ليه يادكتور ؟
علشان تضمن تفريغ المثانة من البول اول باول ؟
طب فيها ايه لو المثانة جمعت بول ساعتين تلاتة مش دى وظيفتها اصلا؟
المثانة لو جمعت بول ممكن تمنع الرحم من الانقباض في الوقت اللى احنا بنتوسل فيه إلى ربنا علشان ينقبض لانه لو ماانقبضش هيحصل نزيف مابعد الولادة
طب ايه الحل يادكتور علشان القسطرة بتوجعنى لمابفوق من البنج؟
انتى مش بتبداءي تحسي برجلك غير بعد ساعتين على الاقل من بعد خروجك من العمليات فممكن نشيلها بعد ساعتين ولا تزعلى نفسك

ودى صورة الآنسة ياسمين تامر خفاجى اللى خالتها ياسمين عملت معايا الحوار ده وهى بتاخد البنج
ياسمين برضو مولودة في ظروف صعبة معايا ايام الكورونا ربنا يبارك فيها ونشوفها عروسة
#
#
#

كل الناس اللى بتقول أن تركيب اللولب أثناء القيصرية لمنع الحمل غلط وممكن يعرض الحالة لنزيف أو يخرج من الرحم اثناء فترة ا...
17/06/2022

كل الناس اللى بتقول أن تركيب اللولب أثناء القيصرية لمنع الحمل غلط وممكن يعرض الحالة لنزيف أو يخرج من الرحم اثناء فترة النفاس بعد الولادة .
كلامكم مش صحيح وان كل الأبحاث الجديدة بتدعوا لتركيبه عادى وده لان تركيب اللولب في الظروف العادية بيبقي متعب للحالات ومكلف وممكن يخترق جدار الرحم ويدخل البطن وممكن يعمل نزيف أو ينزل مع البريود .
يعنى ينفع تركب لولب لكل الحالات يادكتور أثناء القيصرية ؟
لا ياست الكل
ليه يادكتور بتقفلها تانى ؟
اولا لازم موافقة الحالة
ثانيا حالة الرحم بعد خروج الجنين منه هل هينقبض بسرعه ولا هيفضل سايب وهيحتاج مراقبة بعد الولادة
علشان كده الدكتور هو اللى هيحدد
طب ينفع بعد الولاده الطبيعى يادكتور ؟
لا لان عنق الرحم بيبقي مفتوح على الشارع وبالتالى هيخرج على طول بعد الولادة خلال ساعتين تلاته بالكتير .
بعض النظر عن موضوع اللولب
مفيش حد خد باله من الجيم اللى مفحوت فيه بقالى ٤شهور ويقول عاش يادكتور
#
#
#

ايوة ياسيدى الدكاترة دول عاملين على قلبهم اد كده وبيلعبوا بالفلوس لعب احنا مصاصين دماء الشعب واللى مساعدنا على كده هو ال...
12/06/2022

ايوة ياسيدى الدكاترة دول عاملين على قلبهم اد كده وبيلعبوا بالفلوس لعب
احنا مصاصين دماء الشعب
واللى مساعدنا على كده هو الشعب العيان نفسه
عارف ليه ؟؟
علشان بيبقي قدامه الدكتور الكيوت الغلبان اللى بياخد ٥ ويروح سايبه ويجيلي علشان أمص دمه اكتر واخد ١٠
الدكتور الجزار اللى هو انا ماضربتكش على ايدك ولا احتكرت السلعة ولا قولتلك أن غيرى اقل منى ولا قولتلك أن ابو خمسة بدل مابيعالجك بالليزر بيستخسر ويخيط الجرح بخيط شكاير علشان يطلع بسبوبة من وراك .
بس انت اللى بتحب تدفع اكتر وبعد كده تحب تعيش دور المغلوب على أمره
#
#
#
#

وبعد الجواز أهم حاجةالولادة ثم الولادة ثم الولادةوتكون بدون ألم مش مهم طبيعي ولا قيصريوأهم حاجه د جمال اللى يولدنى 😂😂 ...
05/06/2022

وبعد الجواز أهم حاجة
الولادة ثم الولادة ثم الولادة
وتكون بدون ألم مش مهم طبيعي ولا قيصري
وأهم حاجه د جمال اللى يولدنى 😂😂
#
#نساءوتوليد #
#

_بنج كلى ولا نصفي يادكتور ؟نصفي ياست الكل _طب انا بخاف من حقنة الضهر ،ليها حل ؟بتاخد حقنة في الكانيولا وتنامى ومش هتحسي ...
22/05/2022

_بنج كلى ولا نصفي يادكتور ؟
نصفي ياست الكل
_طب انا بخاف من حقنة الضهر ،ليها حل ؟
بتاخد حقنة في الكانيولا وتنامى ومش هتحسي بحاجة
_طب وجع الضهر والصداع ؟ اكتر من حد اعرفه كان بيشتكى.
نسبة قليلة جدا يعنى ممكن حالة من كل ٢٥ حالة .يعنى لو انتى تعرفي ٢٥ واحدة ولدت ببنح نصفي ٥ ممكن يشتكوا وال٢٠ واحدة الباقيين مش هيشتكوا
_ يادكتور انتو بتستسهلوا. النصفي علشان اسهل .
بالعكس يعتبر اصعب
_يبقي اكيد ارخص؟
نفس التكلفة والله
_طب ليه بتفضلوه على الرغم من أنه اصعب ؟
علشان امن على العيان ومش بيعطل التنفس وممكن العيان يفضل صاحى ويتفرج على الولادة ويشوف البيبي اول مايطلع من الرحم ويسمع صوته كمان مفيش نقطة بنج بتوصل للجنين والعيانة مش بتحس بالألم اول ماتفوق ومفيش هلوسة ولا كحة واحتمالية النزيف بتبقي اقل ولسه فيه فوائد كتييييبير
#
#
#
#

موضوع يبان تافه بس للاسف مؤثر فيا شخصيا دون انتقاد لأى زميل .ايه هو الموضوع يادكتور وانا اقتلهولك؟؟تزيين غرف الإقامة بم...
18/05/2022

موضوع يبان تافه بس للاسف مؤثر فيا شخصيا دون انتقاد لأى زميل .
ايه هو الموضوع يادكتور وانا اقتلهولك؟؟
تزيين غرف الإقامة بمراكز النساء البلالين وشغل الافراح .
الناس عاوزة تفرح يادكتور ايه اللى يضايق في كدة ؟!
اولا دى مستشفي مش ملهى ليلي
ثانيا وده الاهم ممكن يكون الاوضة اللى جنبها على طول فيها مريضة عاملة اجهاض أو استئصال ورم
ثالثا تبذير على الفاضي يعنى تبقي الاوضة اللى جنبها هيمسكوا في خناق بعض على ٥٠جنيه يكملوا بيها تمن العلاج وهما مش قادرين يراعوا مشاعر الغير .
رابعا نقدر نستحمل شوية لحد ماتروحوا واعملوا اللى انتم عاوزينه
ولا الناس نسيت مشاعر بعض كده خالص ....
ملحوظة انا كنت بعمل كده وبطلت
#
#نساءوتوليد #
#

Address

مرصفا, الشارع العمومي
Benha

Telephone

+201147875092

Website

Alerts

Be the first to know and let us send you an email when دكتور جمال عبد الناصر زيدان للنساء والتوليد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category