Karma Kids Clinic الدكتور أحمد العربي

18/01/2026

🤝ازيكم بقالنا كتير معملناش توعيه وتثقيف للامهات والأطفال 🤌كنت مستني اعمل حاجه تليق بيكم
عازمكم عندي ف العياده يوم الثلاثاء القادم ٢٠ يناير الساعه ٣ العصر على محاضره صغيره ربع ساعه وشرح عملي لأمراض الحساسية الصدريه والجيوب الانفيه وكمان في هدايا للاطفال🎡🎢 🍰🍩حلوه اللي هييجي يكتب كومنت ويعمل لايك
مستنيكم
برعايه شركه opella Sanofi ❤️

13/01/2026

10/01/2026

ألطاف الله ورحمة الله تلاحقك وانت لا تدري
مامت عمر من المنصورة جت بنها تزور صاحبتها قبل ما ترجع المنصوره بالليل لاحظت ان عمر ابنها همدان ووشه شاحب قالت لصاحبتها في دكتور أطفال اكشف عنده قبل ما اروح قالتلها روحي لدكتور احمد العربي عمر جالي العياده بعد ما فحصته طلبت تحليل صوره دم كامله وتحاليل تانيه ولقيت الهيموجلوبين (5 gm/dl) انتوا متخيلين😲 وتكسير عنيف في الدم
حجزته في المستشفى اتنقله دم واتلحق
والحمد لله بقاله سنتين زي الفل عمر اول ما دخلي العياده شكيت انه انيميا الفول وطلع كده فعلا
سبحان الله. حكمة ربنا كل شيء مخطط ليه بدقه من المنصوره ويتلحق في بنها متخيلين كان ممكن يحصل ايه لو تأخرنا عنه شويه كمان
البوست ده بكتبه لاني افتكرت عمر لما شخصت من يومين حالتين انيميا الفول

02/01/2026

الطفل المريض مش ملك لطبيب، والأم جاية تدور على الطمأنينة قبل الدواء.
لما تجيلك أم تقولك بتابع عند دكتور فلان، ردّ الفعل الصح مش تحسس ولا هجوم، بل:
ترحيب واحترام
احتواء للأم وقلقها
كشف مهني وتعاون لا تنافس

إنك تقلل من زميلك قدّام الام:
ده بيهز ثقة الأم في الأطباء كلهم
و يزيد توترها وخوفها
و يعطي صورة سيئة عن المهنة
والطبيب الكبير يُعرف بإحترامه لزمايله ولمرضاه ، مش بعدد متابعيه

23/12/2025

ربنا يسامح ويهدي كل اصحاب صفحات طب الأطفال اللي ع الفيس اللي بتقدم محتوي غير هادف

اللي يقولك علشان خاطري بلاش مضادات حيوية

واللي بينزل روشتات كامله لمرض بدون فحص أصلا للحاله

واللي بييقولك تمارين الوثب

بتيجي الحالات بسبب هؤلاء متبهدله فعليا

ومش بتلاقي أماكن ليها في المستشفى أو العنايه

ناهيك عن كمية المناهده مع الامهات

المفروض النقابة يكون ليها دور

19/12/2025

منظمة الصحة العالمية بتنصح أننا ناخد شربة ديدان مره واحده كل سنه لكل الاطفال وقاية من أمراض النزيف الخفي في الأمعاء و الانيميا والتهابات القولون وعسر الهضم و سوء التغذية

Albendazol 400mg للاطفال اكبر من سنتين
Albendazol 200 mg للاطفال من سنه لسنتين

10/12/2025

مع نزول المطر وابواب السماء مفتوحه يارب اشف أطفالنا ومرضانا جميعا واحفظهم

09/12/2025

معلومتين مهمين عن البروفين ماده Ibuprofen ناس كتير متعرفهمش
اولا: امن للرضع من عمر ٤ شهور
ثانيا : مسموح بيه في حالات حساسيه الصدر والأنف ولا يسبب اي مشاكل

08/12/2025

♣️ لو إبنك عنده حساسية أنف وماشى على بخاخ ومش جايب نتيجه دة لإنك بتسخدميه غلط❌️

✅️الطريقة الصح لإستخدم البخاخ فى ٥ خطوات

1️⃣تجهيز البخاخ🧴والطفل

نرجّ البخاخ لمدة من ٥ لــ ١٠ ثوانى قبل الإستخدام
ونشيل الغطا
لو أول مرة تستخدمته او بقاله اسبوعين أو أكتر من أخر مرة إستعمال نعمل بخّتين في الهوا لتهيئة البخاخ

تجهيز الطفل: لازم تغسلى أنف الطفل ببخاخ ماء البحر قبل البخاخ أو على الأقل حطى نقط للأنف زى اوترفين اطفال( بنستخدمها ٥ ايام فقط) وطفلك ينف بعدها وبعدين نحط البخاخ لأن مناخير طفلك لو مليانة مخاط البخاخ اصلا مش هيوصل لأغشية الأنف عشان المخاط هيمنع دة وبالتالى الفاعلية هتقل جداً

2️⃣ وضع الراس
رأسه متنية لقدّام شوية (مش لورا)
يقعد أو يقف عادي

3️⃣ قفل فتحة الأنف التانية👃
بإيدك التانية إضغطى على فتحة الأنف اللى مش هتحطى فيها البخاخ

4️⃣ اتجاه البخاخ مهم جداً
دخلى طرف البخاخ (بس)جوه الفتحة بس مش لجوه جامد
وجهى البخاخ ناحية برّة (جانب الأنف) مش ناحيه الحاجز الأنفيّ

5️⃣ بخّة واحدة أو بختين حسب ما الدكتور يحدد➕️شهيق خفيف

08/12/2025

مواعيد العياده اليوم من الساعه ٣ ل ٩

07/12/2025

مساج الصدر أو العلاج الطبيعي للصدر هو طريقة فعالة لإخراج البلغم من صدر الطفل. إليك الخطوات:

1. *وضع الطفل*: اجلس الطفل على رجل الأم أو على سطح مستو، مع جعل رأسه أعلى قليلاً من جسمه.
2. *وضع اليد*: ضع يدك في شكل متقعر على صدر الطفل أو ظهره.
3. *الطرقات*: قم بعمل طرقات خفيفة سريعة ومتتالية على أجزاء الظهر والصدر.
4. *التكرار*: كرر العملية من 1 إلى 5 دقائق، ثم خذ استراحة قصيرة.
5. *المدة*: استمر في المساج لمدة 20 دقيقة، 1-4 مرات في اليوم.

*نصائح إضافية:*

- افعل المساج قبل الوجبات أو عندما يكون الطفل جائعًا.
- تجنب عمل المساج بعد الأكل مباشرة.
- استخدم زيت أو كريم مرطب على جلد الطفل لتسهيل الحركة.
- كن لطيفًا ومرتاحًا مع الطفل.

*متى يجب عمل المساج:*

- عند وجود بلغم أو كحة شديدة.
- عند وجود صعوبة في التنفس.
- عند وجود إلتهابات رئوية أو نزلات شُعَبية حادة.

تأكد من استشارة الطبيب قبل البدء في عمل مساج الصدر للطفل.

06/12/2025

وسائل ، تساعد في التخلص من البلغم وتهدي من الكحة وده طبعا تحت إشراف طبي لاستبعاد اي سبب مرضي

♣️ترطيب الأنف بمحلول الملح

وصفات سهلة و طبيع محلول الأنف الملحي هو عبارة عن بخاخات أنفية متوفرة في الصيدليات، وتعمل على تليين البلغم للمساعدة في إزالته.
جلسات بخار محلول ملح من الطرق الرائعة

♣️ترطيب هوا الغرفة 🌬️

تُعتبر أجهزة ترطيب الهواء طريقةً رائعةً للحفاظ على رطوبة الهواء في غرفة نوم طفلك؛ فرطوبة الهواء تمنع مجرى الهواء من الجفاف، وتخفف البلغم؛ ما يخفف من السعال والاحتقان. يفضَل استخدام مرطبات الهواء الباردة، وتشغيلها طوال الليل في غرفة الطفل.

♣️الإكثار من الماء والسوائل الدافئة☕

إذا كان الطفل رضيعاً، حاولي إرضاع أكثر من المعتاد.
أما الأطفال الأكبر سناً، يجب تشجيعهم على الإكثار من شرب الماء والسوائل الدافئة والعصائر الطبيعية والشوربات.

♣️ عسل النحل 🍯

ملعقةً صغيرةً من العسل يومياً للطفل بعد سن سنة ، ويمكن أيضاً خلط العسل مع الماء الدافئ ليَسهل على طفلك تناول العسل.

♣️ فيتامين سي 🍊

فهو يقوي جهاز مناعة الطفل ويساعده على محاربة العدوى المسببة للبلغم بشكل أسرع؛ لذلك قدمي لطفلك برتقالة أو عصير البرتقال أو جوافة طبيعي.. مرتين يومياً حتى تتحسن الأعراض.
دا حمد العربي استشاري الأطفال