Dr Maryam Helmi for health & nutrition

15/10/2023

دكطورووره ما تشوفيلي الواد ابني مش بيزيد ليه
يا دكطووووورة 🤣🤣
❌❌

لازم نغير ثقافة المجتمع دي
زيادة الوزن مش معناها ان الطفل تغذيته سليمه وصحته كويسه
ورفعه مش معناه انه عنده سوء تغذيه🤷🏻‍♂️
بالعكس كل ما زاد وزن طفلك كل ما كان معرض اكتر لامراض كثيره من اشهرها السكر من النوع التاني و ارتفاع الكوليسترول وتراكم الدهون على الكبد ومشاكل ف التنفس و الام ف المفاصل.

27/09/2023

اللهم صلِّ وسلم وزد وبارك على نبينا محمد وعلى آله وصحبه أجمعين ♥️

أجازة سعيده 🥰

21/09/2023

21/09/2023

خمسة نصائح لتعزيز صحة الدماغ وتحسين الذاكرة 🖐🏻
1 - ابدأ بالفواكه والخضروات
2 - التركيز على الدهون الصحية
3 - المكسرات كل يوم
4 - تناول البيض
5 - لا تنس تناول الاسماك خصوصا الاسماك الدهنية مثل السلمون والماكريل مرتين اسبوعيا على الاقل

18/09/2023

ناس كتير بتنسى تشرب ميه خصوصا ف الشتاء 😐😐

⛔️⛔️⛔️

اعراض كتير من اللي بنشتكي منها زي الكسل وفقدان الطاقة والدوخه والتعب من اقل مجهود وقلة التركيز والصداع المستمر واحيانا شعور بغثيان وصعوبه ف التنفس

دا حتى تساقط وهيشان الشعر وجفاف البشره والشفايف (( رغم استخدام المرطبات وزبدة الكاكاو )) سببه الاساسي نقص شرب الميه
😳

دا غير الام المفاصل من النقرص و تكون الحصوات
والامساك المستمر اللي كمان سببهم نقص شرب الميه

18/09/2023

اعمل وجبتك بالشكل دا هتدعيلي ☺️
نص الطبق خضار وفاكهه والنص التاني بروتين ونشويات

- صحة جيدة 💪🏻
-وزن مظبوط🧍🏼‍♂️🧍🏻‍♀️
-بشره وشعر صحيين 😌

11/08/2023

هل فعلا القهوة مضرة زي مادايما بنسمع 🤔🤔

الحقيقه ان القهوة ليها فوائد كتيره للجسم ومنها :
١) زيادة نشاط الدماغ وتحفيز الذاكرة، ودا لاحتواء القهوة على مادة الكافيين، اللي تعتبر من المواد المنبهة.
٢) تحمي من الإصابة بمرض السكري من النوع الثاني.
٣) بتقلل احتمالية الإصابة بحصى المرارة، عن طريق شرب 4 أكواب صغيرة من القهوة .
٤) بتقلل خطر الإصابة بالخرف والزهايمر مع تقدم العمر .
٥) بتقلل خطر الإصابة بمرض باركنسون (شلل الرعاش ) .
٦) بتقلل حدوث الدوار اللي بينتج عن هبوط الضغط بعد الوجبات خاصة عند كبار السن.
٧) تحسين المزاج 😍
كلنا عارفين القهوه واغاني فيروز والشتا وارتباطهم ف اذهانا بالمزاج الرايق 😉
٨) بتقلل الشعور بالإكتئاب والتقلبات المزاجية
٩) بتقلل من خطر الإصابة ببعض أنواع السرطان منها سرطان الكبد، وسرطان القولون والمستقيم، وسرطان الكلى، وسرطان الثدي قبل فترة انقطاع الطمث.
١٠) بتقلل خطر الإصابة بالسكتات الدماغية، وبتحمي من أمراض القلب، وتقلل الخطر الناتج عن ارتفاع ضغط الدم لو تم تناولها بشكل معتدل.
١١) وجود الكافيين بيزود من معدل الحرق وبالتالي بتساعد في خسارة الوزن بشكل ملحوظ.

هييجي واحد يقول بس كده القهوة كلها فوايد ازاي ويبلبع فيها ليل نهار ، ماهو بيحمي نفسه م الزهايمر وبيحسن مزاجه بقى😂😂

لازم نقف هنا ⛔️⛔️

الافراط ف اي حاجه بيكون تأثيره سلبي وعشان كده الافراط ف شرب القهوة بيسبب مشاكل منها ⬇️⬇️

١) زيادة القلق والتوتر والعصبيه عند بعض الناس.

٢) زيادة الارق وصعوبة النوم .

٣) تفاقم مشكلة ارتجاع المرئ و قرحة المعدة .

٤) ابطاء التئام الجروح وتقليل قدرة الجلد على انتاج
الكولاجين .

٥) فرط في النشاط وعشان كده ممنوعه على المصابين بمتلازمة ADHD ( اصحاب الحركة المفرطه ) .

٦) بتزود احتماليه الاصابة بحب الشباب والتجاعيد .

٧) بتزود الضغط وتسرع من معدل ضربات القلب .

11/08/2023

ليه الرضاعة الطبيعيه مهمه ؟؟

عشان نهتم بصحة اطفالنا لازم الاهتمام يبدأ من ولادتهم 🤱🏻🤱🏻
حليب الأم هو الغذاء المثالي للرضع⬇️⬇️
لانه آمن ومش محتاج تعقيم وبيحتوي على اجسام مضادة بتساعد في حماية الرضع من العديد من امراض الطفوله الشائعه من ضمنها مشاكل الهضم والامساك والغازات ونقص المناعه اللي بيعرضهم للعدوى المختلفه وكمان بيقلل مخاطر الاصابة بالربو والسكر من النوع الاول 🤦🏻‍♀️😳

ودا لان لبن الأم بيوفر كل الطاقة والمواد الغذائيه اللي بيحتاجها الرضيع في الاشهر السته الاولى من عمره
ونص الاحتياجات او اكتر خلال النص التاني من عامه الاول
وحتى تلت احتياجاته خلال تاني سنه من عمره

- هي الفوايد كلها للبيبي طب واناا؟؟
مين هيعوضني صحتي اللي هتروح مع الرضاعه ‼️

متقلقيش ياست الكل مفيش حاجه الدين قال عليها هتكون مضره ليكي
عارفه ان الرضاعه الطبيعي بتسهل عليكي فقدان الوزن اللي زدتيه في فترة الحمل
( يعني هترجعي فورمه تاني وتلبسي كل لبسك اللي مبقاش يدخل فيكي 😉)
دا كمان بتقلل من خطر الاصابه بسرطان الثدي والمبايض
وبتقلل مخاطر الاصابة بالسكر من النوع التاني
مش بس كده الرضاعه الطبيعيه بتزود من افراز هرمون الاوكسيتوسين اللي بيساعد على انقباض الرحم وتقليل النزيف بعد الولاده

طب انا ببقى في الشغل ، هو ينفع اعبي لبني ف الببرونه ⁉️
-الافضل ان الرضاعة الطبيعيه تتم عن طريق التلامس المباشر بين الرضيع وثدي الأم ( الجلد على الجلد ) لان الرضاعه الطبيعيه مش بس فوايدها جسديه دا كمان التلامس ليه تأثير كبير على نفسية الطفل وبيبني ترابط بين الام وطفلها وبيقلل من المشكلات الاجتماعيه والسلوكية عند الاطفال .