د. داليا يحيى إبراهيم ''دليلك للرضاعة الطبيعية وتغذية الطفل''

07/05/2026

⚠️ الببرونة ممكن تكون السبب الرئيسي لرفض طفلك للث*ي

حالة اليوم 👶🍼

طفل عمره شهرين، ومن يوم ولادته رافض الرضاعة من الث*ي، وبدأ يعتمد على الببرونة… ومن هنا بدأت المشكلة تزيد.

بصراحة، كل التقدير لأي أم صبورة بتحاول ترجع طفلها للرضاعة الطبيعية، لأن النجاح في الحالات دي بيكون:
👩‍⚕️ دور الطبيب
ثم
🤱 دور الأم… ثم الأم… ثم الأم

✅ أول خطوة واهم خطوه:
إيقاف الببرونة وكل الحلمات الصناعية تمامًا

ونبدأ نوفر بدائل للرضاعة:
كوب – سرنجة – spoon feeding(حسب كل حالة)

📌 كل حالة ليها خطة مختلفة، مع باقي التعليمات والمتابعة المستمرة

والحمد لله 🙏
خلال 10 أيام فقط الطفل قدر يرضع من مامته 💙

💡 حالات التباس الحلمات بقت منتشرة جدًا
لكن الأهم إن الرجوع للث*ي “مش مستحيل”

✔️ الوقاية دايمًا أفضل من العلاج
والببرونة في أغلب الأحيان هي اساس المشكلة

لذلك يُفضَّل تجنبها تمامًا،
خاصه فى اول ٦ اسابيع اللى طفل والام لسه بيبداوا اولى خطوات الرضاعه

للحجز :
ت: 0133268388
للتواصل واتس : 01060547504

📍 العنوان:
بنها اول شارع عطا من اتجاه شارع العدلي
بجوار اوسكار للاحذيه

🕓 المواعيد:
📅السبت والاثنين والاربعاء
⏰ من ٥ مساءً حتى ٨ مساءً

02/05/2026

✨ اختلفت الآراء… واحتار الناس!

هل بعض أنواع الغذاء تسبب أمراض؟
✔️ نعم

الأكل غير الصحي بيأثر بالسلب على جسم الإنسان، زي مثلًا:

* الإفراط في المقليات
* الإكثار من الدقيق الأبيض
* الأطعمة الغنية بالمواد الحافظة
* اللحوم المصنعة

(وده على سبيل المثال وليس الحصر)

⸻

🥗 هل الامتناع عن بعض الأطعمة ممكن يشفي؟

✔️ نعم… لكن بشرط

لو المرض له علاقة مباشرة بالغذاء:

* حساسية الألبان → نمنع الألبان
* حساسية الجلوتين → نمنع الجلوتين
* أمراض التمثيل الغذائي → النظام الغذائي هو الأساس

👉 وفي حالات كتير، المريض يعيش حياة طبيعية جدًا بمجرد الالتزام بنظامه الغذائي

⸻

💊 هل في أطعمة تقلل شدة الأمراض؟

✔️ نعم… لكن مش لوحدها لازم جنبا الى جمب مع العلاج الطبى المناسب

الغذاء:

* ✔️ يساعد
* ✔️ يخفف الأعراض
* ❌ لكنه لا يغني عن العلاج الطبي

زي:

* مريض السكر
* مريض الكلى
* مريض القلب
* مريض السرطان

كلهم محتاجين نظام غذائي + علاج طبي

⸻

⚖️ هل في نظام غذائي واحد ينفع لكل الناس؟

❌ لا

* جسمك غير جسمي
* الطفل غير الكبير
* السليم غير المريض

👉 كل حالة لها نظام مختلف تمامًا

⸻

💧 هل تقليل الماء مفيد؟

﴿وَجَعَلْنَا مِنَ الْمَاءِ كُلَّ شَيْءٍ حَيٍّ﴾
﴿وَهُوَ الَّذِي أَنزَلَ مِنَ السَّمَاءِ مَاءً ۖ لَّكُم مِّنْهُ شَرَابٌ وَمِنْهُ شَجَرٌ فِيهِ تُسِيمُونَ﴾

﴿اللَّهُ أَنزَلَ مِنَ السَّمَاءِ مَاءً فَأَحْيَا بِهِ الْأَرْضَ بَعْدَ مَوْتِهَا﴾
﴿أَفَرَأَيْتُمُ الْمَاءَ الَّذِي تَشْرَبُونَ (68) أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ (69) لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ﴾

👉 الماء أساس الحياة، وليس شيئًا يُخاف منه أو يُقلل بلا سبب طبي.

⸻

هل شرب اللبن مضر؟

﴿وَإِنَّ لَكُمْ فِي الْأَنْعَامِ لَعِبْرَةً ۖ نُسْقِيكُمْ مِمَّا فِي بُطُونِهِۦ مِنۢ بَيْنِ فَرْثٍۢ وَدَمٍ لَّبَنًا خَالِصًا سَائِغًا لِّلشَّٰرِبِينَ

َإِنَّ لَكُمْ فِي الْأَنْعَامِ لَعِبْرَةً ۖ نُّسْقِيكُم مِّمَّا فِي بُطُونِهَا وَلَكُمْ فِيهَا مَنَافِعُ كَثِيرَةٌ

عن النبي ﷺ أنه قال:

«أتيتُ بإناءين: أحدهما فيه خمر والآخر فيه لبن، فاخترت اللبن، فقال لي جبريل: اخترت الفطرة»
📚 (صحيح البخاري ومسلم)

«عليكم باللبن فإنه يُنبت اللحم ويشد العظم»
📚 (رواه الترمذي – حسن)

⸻

🍎 هل بعض الفواكه أو الخضار مضرة؟

﴿فَلْيَنظُرِ الْإِنسَانُ إِلَىٰ طَعَامِهِ * أَنَّا صَبَبْنَا الْمَاءَ صَبًّا * ثُمَّ شَقَقْنَا الْأَرْضَ شَقًّا * فَأَنبَتْنَا فِيهَا حَبًّا * وَعِنَبًا وَقَضْبًا * وَزَيْتُونًا وَنَخْلًا * وَحَدَائِقَ غُلْبًا * وَفَاكِهَةً وَأَبًّا﴾

﴿وَهُوَ الَّذِي أَنزَلَ مِنَ السَّمَاءِ مَاءً فَأَخْرَجْنَا بِهِ نَبَاتَ كُلِّ شَيْءٍ فَأَخْرَجْنَا مِنْهُ خَضِرًا نُّخْرِجُ مِنْهُ حَبًّا مُّتَرَاكِبًا وَمِنَ النَّخْلِ مِن طَلْعِهَا قِنْوَانٌ دَانِيَةٌ وَجَنَّاتٍ مِّنْ أَعْنَابٍ وَالزَّيْتُونَ وَالرُّمَّانَ مُشْتَبِهًا وَغَيْرَ مُتَشَابِهٍ ۗ انظُرُوا إِلَىٰ ثَمَرِهِ إِذَا أَثْمَرَ وَيَنْعِهِ ۚ إِنَّ فِي ذَٰلِكُمْ لَآيَاتٍ لِّقَوْمٍ يُؤْمِنُونَ﴾

👉 الأصل في النبات أنه نعمة، والضرر يكون في حالات خاصة أو أمراض معينة.

⸻

🥬 هل البقوليات ممنوعة؟

﴿وَإِذْ قُلْتُمْ يَا مُوسَىٰ لَن نَّصْبِرَ عَلَىٰ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الْأَرْضُ مِن بَقْلِهَا وَقِثَّائِهَا وَفُومِهَا وَعَدَسِهَا وَبَصَلِهَا﴾

👉 البعض يفسر هذه الآية خطأ
لكن المعنى ليس ذم هذه الأطعمة، بل ذم التذمر من النعمة واستبدال الأفضل بالأدنى.

⸻

🐔 هل الدواجن ممنوعة؟

﴿وَلَحْمِ طَيْرٍ مِّمَّا يَشْتَهُونَ﴾

👉 دليل على أن الطير (ومنها الدواجن) من المباح.

🎯 الخلاصة المهمة:

🔹 لو أنت إنسان سليم:
👉 أنت طبيب نفسك
👉 الأكل اللي يتعبك حتى لو مفيد… قلل منه او امنعه على حسب تقبل جسمك له

🔹 مفيش قاعدة تقول:
❌ “ان طعام اوجده ربنا بدون تصنيع وبدون مواد حافظه يمنع البشر من تناوله

🔹 ولو عندك مرض:
❌ مفيش أكل هيشفيك
✔️ لكن في نظام غذائي هيحسن حالتك بشكل كبير

👉 وكل مرض له نظام مختلف تمامًا

⸻

💬 الرسالة الأهم:

كل ما خلقه الله طبيعيًا (بدون تصنيع مفرط)
👉 الأصل فيه النفع
👉 والضرر يكون في:

* الإفراط
* أو الاستخدام الخاطئ
* أو وجود مرض

⸻

28/04/2026

وجود التهابات فى الثدى لا تساوى ايقاف الرضاعه
وجود خراج بالثدى لا يساوى ايقاف الرضاعه

استكمال الرضاعة = جزء من العلاج ✅

✨ التشخيص الصح + التدخل المبكر = شفاء أسرع ودعم أفضل للرضاعة

📍 د/ داليا يحيى
استشاري دولي الرضاعة الطبيعية

📍 العنوان:
بنها اول شارع عطا من اتجاه شارع العدلي
بجوار اوسكار للاحذيه

🕓 المواعيد:
📅السبت والاثنين والاربعاء
⏰ من ٥ مساءً حتى ٨ مساءً

للحجز :
برجاء التواصل على رقم 0133268388
للتواصل واتس : 01060547504

*ي

23/04/2026

مدرّات اللبن مش روتين ❌
مش كل أم لسه والدة لازم تاخدها… أيًا كان اسمها التجاري

بتتاخد بس لما يكون في داعي حقيقي وتحت إشراف

لأن ببساطة 👇
لو لبنك كافي أصلاً… وزوّدناه زيادة عن احتياج طفلك
هنبدأ ندخل في مشاكل:
⚠️ احتقان شديد في الث*ي
⚠️ التهابات
⚠️ وممكن توصل لخراج
كل حالة مختلفة… استشيري مختص قبل أي علاج”


#

19/04/2026

كنا زمان بنرضّع…
نحط الطفل على الث*ي وخلاص يرضع
ما كناش بنسمع عن المشاكل دي

جملة قالتها جدة بيبي…
والحقيقة إنها عندها حق 👌

بس خلّينا نسأل نفسنا:
إيه اللي وصلنا لكده؟
وليه مشاكل الرضاعة الطبيعية بقت منتشرة بالشكل ده؟

⸻

الحقيقة 👇

السبب الرئيسي هو:
البُعد عن الطبيعية

ونبدأ من أول نقطة:
نوع الولادة

بعدنا عن الطبيعي اللي ربنا أوجده
وبقى معظم الحالات — إن لم يكن كلها — قيصري
بسبب أو بدون سبب

وطبعًا القيصرية مهمة جدًا 👍
لكن للحالات اللي تستدعيها طبيًا

إنما اللي بنشوفه دلوقتي:
القيصري بقى هو الطبيعي!
والولادة الطبيعية اختفت تقريبًا

⸻

طيب إيه علاقة ده بالرضاعة؟

1️⃣ التخدير

لو الأم أخدت تخدير كلي
جزء منه بيوصل للبيبي

➡️ البيبي بيتولد نايم
➡️ ما بيرضعش كويس
➡️ صعب يفوق بسرعة

❌ كده خسرنا الساعة الذهبية الأولى
(والأم كمان بتكون تعبانة)

والساعة دي مهمة جدًا:
✔️ بتساعد على زيادة اللبن بسرعة

💡 بالمناسبة:
اللبن بيكون موجود فعلًا…
بس اللي بيحصل هو زيادة الإنتاج مش نزوله

➡️ وبالتالي يتأخر زيادة اللبن
ودي أول مشكلة

➡️ وبعدها الطفل بينام
فنقعد بالساعات من غير رضاعة

⸻

2️⃣ عدم المرور بقناة الولادة

الطفل في الولادة الطبيعية
بيتعصر حرفيًا 👶

وده مهم جدًا لأنه:
✔️ يتولد نشيط
✔️ يعيط
✔️ مستعد للرضاعة

لكن في القيصري:
➡️ ما بذلش مجهود
➡️ يخرج هادي/نايم
➡️ مش عنده طاقة يجرب

⸻

3️⃣ مسكنات ما بعد الولادة (PCA)

بتنفع 👍 وبتضر 👎

✔️ تنفع: لأنها بتقلل الألم وتساعد الأم ترضع
❌ تضر: لو زادت
➡️ بتنيم الطفل
➡️ تقلل قدرته على الرضاعة

⚠️ الاستخدام المبالغ فيه
بيضر أكتر ما بينفع

⸻

سؤال مهم 👇

ليه البيبي بياخد الببرونة بسهولة
لكن يرفض الث*ي؟

لأن ببساطة:
الببرونة أسهل ومش محتاجة مجهود

وعندنا أصلًا 3 أسباب
مخلّين الطفل كسلان شوية

فنقوم إحنا كمان:
➡️ نزوده كسل
➡️ نحط الببرونة في بقه
➡️ ونقوله: ما تتعبش نفسك!

⸻

ودي من أكبر الأخطاء ❌

زمان:
ما كانش فيه طفل بيتولد وفي بقه ببرونة

الأم كانت بتحاول مرة واتنين وتلاتة
لحد ما يمسك… وبيمسك ويرضع

لكن دلوقتي للأسف:
أغلب الحالات — إن ما كانش كلهم —
داخلين يولدوا والببرونة في الشنطة 🙈

نجرب مرة واتنين
ولو ما نفعش…
والأم تعبانة أصلًا من القيصري
يبقى الحل السريع: الببرونة

➡️ وده بيدخلنا في مشكلة كبيرة:
التباس الحلمات

واستجابة كل طفل بتختلف
وفي أطفال بمجرد ما يمسكوا الببرونة
بينسوا الطبيعي تمامًا

⸻

الخلاصة 👇

الجدة لما قالت الكلام ده… كانت عندها حق ❤️

الحل:
✔️ نرجع لطبيعتنا
✔️ القيصري للحالات اللي محتاجاه طبيًا فقط
✔️ الطفل يتولد يتحط على ث*ي أمه مباشرة بدون ببرونة

ولو فيه مشكلة:
➡️ نتوجه لمتخصص رضاعة طبيعية من أول وقت
علشان اول مشكله لو اتحلت غلط بتدخلنا فى مشاكل تانيه كنا فى غنى عنها

26/02/2026

عمرك سمعت إن حد قال: “ممنوع نرضّع الطفل طبيعي عشان تشغيله اللبن فيها مشكلة”؟!
ولا عمرك هتسمع…

لأن الرضاعة الطبيعية مش “تشغيلة مصنع”.
مش منتج قابل للسحب من السوق.

الرضاعة الطبيعية هي الأصل…
اللي ربنا خلقه مناسب لتكوين طفلك، لمناعته، لهضمه، واحتياجاته المتغيرة يوم بيوم وساعة بساعة.

كل ما بنبعد عن الطبيعي…
ونستبدل اللى ربنا اوجده بمنتج صناعي…
تبدأ تظهر المشاكل، ونسمع عن تشغيلات، وسحب منتجات، وتحذيرات.

حاليا مشاكل في تشغيلات ببيلاك،
وقبلها منتجات من شركات عالمية زي نستله.

…
الحقيقة الواضحة:
مفيش حاجة صنعها بشر تقدر تعوض أو تتقارن بحاجة خلقها ربنا.

الرضاعة الطبيعية مش رفاهية.
ومش اختيار ثانوي.
دي القاعدة الأساسية… والباقي بدائل عند الضرورة فقط.

23/02/2026

الناس بقت واخده attitude
ان اللبن الصناعى ميه المحياه🙃🙃

17/02/2026

🌙 مواعيدنا في شهر رمضان المبارك 🌙

يسعدنا استقبالكم يومي:
📅 الاثنين والأربعاء
⏰ من الساعة 1 ظهرًا إلى 3 عصرًا

🎉 وخلال شهر رمضان:
✨ خصم 10% على الكشف طوال الشهر الكريم
🤍 الكشف مجاني لأي حالة غير مقتدرة — لأن رسالتنا دايمًا إن الدعم يوصل لكل أم وطفل محتاجين مساندة.

نسأل الله أن يبلغنا وإياكم رمضان لا فاقدين ولا مفقودين 🤲
وكل عام وحضراتكم بخير 🌙💛

—
د. داليا يحيى
#استشاري دولي معتمد في الرضاعة الطبيعية
#أخصائي تغذيه علاجية أطفال
#أخصائي أطفال وحديثى الولاده

03/02/2026