المركز الإقليمي لنقل الدم ببنها

22/10/2025

21/10/2025

موعدنا الجمعة القادمة مع اهل قرية قرنفيل بالتعاون مع فريق من احياها وال٠معية الاسلامية بقرية قرنفيل

20/10/2025

الدور علي مين 😄؟!

✨مين البلد اللي دايما خيرها سابق واسمها منور☀️ في محافل حملات التبرع بالدم في محافظة القليوبية؟!

✨اهلنا وناسنا حبايبنا واستاذتنا اجمل القري واحلاها والخير طبع فيها 🌱ما احلاها مش مجرد بلد بتنظم حملة وخلاص

✨ لا دي بلد بتشع الخير منها للي حوليها 🌟

✨هتلف فيها
🌱 هتلاقي قمم واعلام
🌱هتلاقي اكثر من مصب ونهر للخير
🌱هتلاقي جمعيات خيرية كتيرة خيرها فعل مش شو وصورة
🌱هتلاقي فرق خيرية فاعلة وشغالة مش مجرد اسم وخلاص
🌱هتلاقي دكاترة بتخدم ومش محتاجة مقابل لانهم خير الخيرين مش هقول اكتر من ان منها
📌دكتورنا الغالي حسين سمك اسم لوحده له علامات نحسبه من الصادقين ولانزكيه علي الله
📌كفاية اوي منها النائب الخلوق دكتور الغلابة والخير دكتور ابراهيم عويس خدم وبيخدم كل فرد وشبر في المحافظة

🎗️مش هنبعد ومش هقدر نذكر كل الناس ولا هيستعوبهم بوست ولا عشرة
✨ فريق من احياها اللي بدأ معانا الحكاية من اكتر من 8 سنين
📌 ودكتور محمود زينهم الجندي المعلوم للجميع

✨وزادت جمال بمشاركة
📌الجمعية الإسلامية
📌 ومشاركة كل الناس

🌟كل شخص وكل فرد من قرنفيل له فضل ومشاركة قوية في حملات التبرع بالدم🩸

(الاساتذة -الدكاترة- الامهات -الاباء
الشباب- الطلبة -البنات )
📌الشيخ سلامة
📌استاذ علاء
📌 كابتن محمد
📌عم محمود
📌الشيخ هاني
📌 الشيخ رفاعي
📌 الحج محمود
📌الدكتور احمد
📌الدكتورة سارة
📌المس اميرة
📌اخونا ابراهيم
و . و دي مش اسامي وهمية دي ناس منكم يا اهل قرنفيل

✨ يا اهل الخير ميعادنا ان شاءالله الجمعة الجاية لتجديد الخير وتجديد رصيد القرنفيل في المركز الإقليمي لنقل الدم ببنها ♥️

⏳مستنينكم ياشيخ ضياء اوعي تتاخر😄
🎗️ استاذ محمود اوعي تنسي تجيب اخوك د اسامة😃 حبايبك وزمايلك مش محتاجين ناكد عليك

⏳ميعادنا الجمعة 24/10/2025
في نفس اماكنا الخيرة

🌟المسجد القرنفيلي
🌟مركز من احياها
🌟عربية متنقلة

📢اوعي تنسي البطاقة😃

17/10/2025

✨قالوا لدينا المزيد
✨قلنا لهم هل لديكم مزيد؟؟
✨قالوا نعم واكثر

🎗️رسميا وفعليا كفر مروان قرية مساهمة في حملات التبرع بالدم بالمركز الإقليمي لنقل الدم ببنها🩸

🎗️وليست مجرد قرية مساهمة وانما قرية رائدة لحملات التبرع بالدم بالمحافظة ♥️

🎗️شكرا لاهالي كفر مروان والعزب المجاورة♥️ شكرا لكم جميعا وان شاءالله القادم افضل😃♥️

15/10/2025

للخير اذرع وللبر اقدام ♥️

⏳منتظرينكم من كل حدب وصوب
✨ اهالي الخير بقرية كفر مروان اهل الكرم والجود 🌱

✨ولانها ليست وحدها ولان الخير يتقاسمه اهله

⏳في انتظار كل اهالي عزبة السلام اهل الكرم والعطاء🌱

✨ومشاركة اهالي عزبة حسني خيار من خيار واهالي عزبة الحاوي مثلهم في الخير والعطاء🩸

✨ولاننسي ابدا اهلنا واحبابنا من كفر الحاج عيسي
⏳ موعدنا الجمعة 17/10 ⏳

📢اوعوا تنسوا البطاقة

🎗️والاهم نيتك الجميلة لفعل الخير♥️

13/10/2025

✨من الألف إلى الياء ماذا ننتظر يوم الجمعة ان شاء الله⏳

✨ان شاء الله هتكون حملة تبرع بالدم 🩸يوم الجمعة الجاية الموافق 17/10 من صلاة الجمعة مباشرةحتى بعد صلاة العشاء بمضيفة كفر مروان🕌

✨بالتعاون مع جمعية تنمية المجتمع المحلي بكفر مروان

🎗️اتكلمنا كتير عن فوائد الحملة ومفيش مشكلة نذكر بعض تاني😃

1_ التبرع بالدم بيساعد في انقاذ حياة ناس كتير من الموت سواءا
📌اطفال امراض الدم
📌والفشل الكلوي
📌 والحوادث وغيرهم
ولازم دي تكون نيتنا الاول اننا بنعمل ده لله اولا واخرا نسال الله العظيم ان يتقبل منا جميعا🤲

2_ التبرع مفيد جدا لانه بينشط الدورة الدموية وبيجدد الطاقة والحيوية ويقلل من خطر الإصابة بامراض كثيرة🩸🫀

3_ بيتعمل لكل متبرع تحاليل

📌ڤيروسA
📌ڤيروسB
📌ڨيروس c
📌الايدز
📌والزهري
غير انه بيتعملك تحاليل انيميا والفصيلة ولو في اصابة عند حد بيتحول للعلاج مباشرة علي نفقة الدولة😃

4_وجود اتصال وربط بين اهالي البلد وبنك الدم الرئيسى في بنها وده طبعا مفيد جداً👍
- وهيقلل مرمطة الناس في المستشفيات علي الدم ولوحد فينا مر بالتجربة دي اعتقد هيكون عارف قيمتها

🎗️بالنسبة للرد على بعض المخاوف

1_ الدم ده بيتباع؟؟🧐

ردينا علي النقطة دي من قبل
وهنرد تاني من حقك تتأكد ان دمك رايح في المكان الصح المكان التابع للوزارة واللي بالتاكيد مفيش عندها بيع علي خلاف الأماكن الخاصة

🎗️ طب اتأكد ازاي برضه؟🧐

-اتأكد من خلال خط سير السيارة وهوية فريق الحملة

2_ خايف من العدوي وانتوا عارفين؟؟
ـ بص حقك طبعا تخاف😌
ـ بس ده لوفي اي حاجة بتستخدم بينك وبين شخص اخر
ـ يعني اية يعني الحاجة الى بتستخدم لحضرتك مبتستخدمش لاي حد تاني

3_ اه انا خايف من الأنيميا وانا كمان خايفة من الأنيميا؟
ـ مبدئيا قبل التبرع بيكون في كشف طبي ظاهري
ـ بيتاكد فيه الطبيب من عدم وجود بعض الامراض المزمنة
ـ وبيقيس الضغط ونسبة الانيميا ولوفي انيميا مش هيبرعك

4_بصوا انا عندي النية بس انا تعبان؟😥
ـ اعرض نفسك علي طبيب الحملة
ـ لوفي اي سبب يمنع مش هتتبرع وهتكون اخدت ثواب انك بادرت♥️

5_ بصوا انا جاي ان شاء الله ايه المطلوب مني ؟اليوم هيمشي ازاي؟

ـ اول حاجة وان جاي هات معاك بطاقتك
- لية مش انا بتبرع لله؟
-الكيس اللي هتتبرع بيه بيتسجل علي موقع وزارة الصحة عشان
📌محدش يتاجر بيه
📌كمان لو في اي مشكلة تقدر الوزارة تعالجك تمام؟
-تيجي
📌وهتسجل بياناتك
📌وهيتم كشف ظاهري عليك
📌ويتم قياس الضغط
📌 والانيميا
لوكله تمام هتتبرع🩸
-وبعد 10 ايام ان شاء الله هتيجي تحاليل لكل فرد في ظرف مغلق✉️

- ايوة مين بقي هيشوف تحاليلي؟
- محدش لانها في ظرف مغلق✉️
- طب لو حد عنده حاجة بنك الدم هيتواصل معاك في سرية تامة🤐 وهيتم عمل المطلوب👍

🎗️اخيرا في ضمان لكل ده؟؟!

-احنا اتفقنا ان السبب
📌الاول اننا بنتبرع لله اولا واخيرا🤲
📌ثانيا ان التجربة فعلا مطبقة في بلاد كتيرة جنبنا
📌ثالثا معظم الناس المشاركة في الحملة معرفين لينا كلنا

⏳منتظرينك يوم الجمعة الجاية ان شاء الله بعد صلاة الجمعة مباشرة

13/10/2025

موعدنا الجمعة القادمة مع قرية كفر مروان بالتعاون مع جمعية تنمية المجتمع المحلى بكفر مروان وان شاء الله رصيد يضاف لاهل القرية الكرام

09/10/2025

طار الخير سريعا 🕊️🕊️يجوب البلاد وينتشر في كل ربوع المحافظة ♥️

⏳موعدنا غدا الجمعة الموافق
10/1012025 مع حملة التبرع بالدم في قرية العمار 🩸

🎗️مع جمعية اسعي للخير

🎗️انت كمان محتاج تشارك وتسعي في الخير وتنظم حملة تبرع بالدم لقريتك وبلدك♥️

07/10/2025

كيف تحصل على كيس الدم لمريض بحاجة لنقل الدم؟

خدمات نقل الدم القومية تقوم بصرف الدم بالمجان لمرضي التامين الصحي و نفقة الدولة .

تــبـــرعــــك حـــيـــــاة 🤍

واجــبـــك تـــشـــارك 🫶
خدمات نقل الدم القومية مصر

06/10/2025

كن السبــــــب في نبض قلب ❤️ شخص محتاجلك

واجـبـك تـشـارك💝
خدمات نقل الدم القومية مصر