What are the opening hours?

Monday 4pm - 9pm Tuesday 3pm - 7pm Wednesday 4pm - 9pm Thursday 5pm - 7pm Saturday 4pm - 9pm Sunday 5pm - 7pm

https://www.facebook.com/541216399702434/

د. إيناس الزيات

Home
Egypt
Benha
د. إيناس الزيات

د. ايناس الزيات
استشاري النساء و التوليد

20/02/2026

لو قررتي تصومي في رمضان البوست دا ليكي

رمضان شهر الرحمة والبركة…
وشهر نهتم فيه بصحتنا 💙
👶 نصايح سريعة لصحة النونو في رمضان:
▪️ اهتمي بوجبات متوازنة بين الإفطار والسحور
▪️ الإكثار من شرب المياه
▪️ تجنب الحلويات بكثرة
▪️ تنظيم مواعيد النوم
▪️ متابعة أي أعراض إرهاق أو جفاف
صحة جنينك أمانة 🤍
وإحنا دايما معاكم خطوة بخطوة ولو حسيتي بأي عرض غريب اتواصلي مع الدكتور مباشرة.

🌟 كل سنة وأنتم طيبين وبخير 🌟

18/02/2026

من الرسايل الجميله الي بتخلي بدايه اليوم حلوه😘😘يمنى القمر شكرا علي كلامك الجميل

17/02/2026

كل سنة و انتوا طيبين و رمضان كريم عليكم كلكم حبايبي حالاتي و اخواتي و اصحابي ♥️♥️
ربنا يجعل شهر رمضان شهر بركة و خير و رزق ليكم جميعا ♥️♥️♥️
بحبكم في الله ♥️♥️♥️

15/02/2026

مواعيد العيادة في رمضان
كل عام وانتم بخير ♥️
رمضان كريم و كل سنة و انتوا طيبين ♥️

15/02/2026

بطلة "العملية القيصرية" حمد لله على سلامتك قد ايه انت قوية ♥️🙏🏻

الولادة القيصرية مش "الطريق السهل" زي ما البعض فاكر، دي عملية جراحية وجسمك محتاج وقت ودلع وصبر عشان يرجع لطبيعته.
لو لسه والدة قيصري أو قربت، البوست ده ليكي وللي حواليكي:

نصايح ليكي (عشان تقومي بالسلامة):

الحركة هي السر: أول ما الدكتور يسمح لك، حاولي تتمشي في الطرقة خطوات بطيئة . الحركة بتمنع التجلطات وبتحرك الأمعاء وبتقلل الانتفاخ اللي بيبقى غلس جدا بعد القيصري.

اسندي جرحك: وأنتي بتكحي، بتعطسي، أو حتى بتضحكي ممكن تحطي مخدة على بطنك واسندي بيها مكان الجرح، ده هيقلل الوجع .

الأكل : ركزي على الألياف (خضار، فاكهة، شوفان) والماية كتير جدا عشان تتجنبي الإمساك، لأن الحزق هو عدو جرح القيصرية الأول.

نظافة الجرح: حافظي على مكان الجرح جاف ونظيف تماما اسمعي تعليمات دكتورك في تغيير اللزقة أو غسيل الجرح، وأول ما تلاحظي أي احمرار زيادة أو سخونية، كلميه فورا.

رسالة للي حوالين الأم الوالدة قيصري:
بلاش ضحك وهزار تقيل: الضحك الكتير بيشد عضلات البطن وبيوجع الجرح جدا. خفوا خفة دم شوية أول أسبوع! 😂

المساعدة في شيل البيبي: الأم مش المفروض تشيل أي حاجة أتقل من وزن النونو. يا ريت لو حد يطلعهولها من السرير ويديهولها في حضنها وقت الرضاعة.

التوطية ممنوعة: بلاش تطلبي منها تجيب حاجة من الأرض أو ترتب حاجة واطية

الطبطبة النفسية: بلاش جملة انتي ولدتي قيصري يعني متعبتيش دي عملية كبيرة وتعبها ومسؤوليتها محتاجة تقدير كبير.

💡 معلومة تهمك:
ألم الكتف اللي بيجي بعد القيصري غالبا بيكون بسبب غازات العملية، ده طبيعي وبيروح مع المشي والمشروبات الدافية زي اليانسون.

إيه أكتر نصيحة فرقت معاكم في أول أسبوع بعد الولادة؟ شاركونا تجربتكم!

15/02/2026

رمضان مبارك
كل عام وأنتم بخير
العياده مغلقه اول يوم رمضان باذن الله
الحجز بالتواجد خلال شهر رمضان في العيادات

07/02/2026

طلبت من Ai يعملي صورة بناء علي شغلي و كانت دي النتيجه 😂♥️♥️
حتي Ai عارف ان بحب أشيل البيبي أووي و بقولكم دايما خلوا بالكوا من الفيتامينات و الفوليك أسيد 😂♥️

07/02/2026

حامل و بتتوحمي 😂🫣

07/02/2026

ازاى تصحي من النوم صح خلال الحمل ؟

07/02/2026

خلي بالك يا ماما ♥️

30/01/2026

جمعة مباركة عليكم جميعاً ❤️
كل أم و كل حامل و كل بنت ربنا يجعل كل أيامها مليانة بركة و خير ❤️
من وقت للتاني بحب أقولكم أنكم أبطال كل حامل بتعدي بكل ألم خلال الحمل و كل تغير في جسمها و بتحتسبه عند ربنا و كل أم ولدت طبيعي أو قيصري و تحملت أعباء الولادة و الآلام الصعبة للولادة و صبرت عليها و تحملها لتربية الطفل 🙏🏻
أول شهور من حياة الطفل مع الطفل بتكون صعبة علي الأم يمكن توصل أنها تعيط مع عياطه و لكنك حقيقي بطلة و عديتي دا و اللي لسة في الفترة دي ف هي قوية كفاية و هتعدي بالاستعانة بالله ❤️
كل أم اتحملت تعب الرضاعة الطبيعية أو عناء تحضير الببرونة في الرضاعة الصناعي كل أم و قصتها و تحدياتها حقيقي أنت بطلة قصتك 🙏🏻❤️
احتسبي الأجر عند الله و ربنا مش هيضيعك أبدا
كل زوجة ربنا لسة مكتبلهاش الحمل و محاولاتها و كشف و دكتور و عمليات ربنا هيراضيكي و هيرزقك أفضل مما تتخيلي في الوقت المناسب ربنا يرزقك يا بطلة ادعي الله كتير و صل علي رسول الله
ربنا يقر أعينكم جميعا بالذرية الصالحة ❤️
بحبكم في الله ❤️
و نصيحتي الدايمة لكل أم أخت زوجة أنت أساس البيت فمتنسيش نفسك من الاهتمام انت تستاهلي الاهتمام زي ما بتهتمي بكل فرد في العيلة ❤️

29/01/2026

ده أكتر سؤال بيبدأ يتردد في العيادة أول ما ريحة رمضان تبدأ تهل

وبما إننا داخلين على الأيام المباركة، حبينا نجاوبك بوضوح عشان ترتبي نفسك:
✅ الإجابة مش آه أو لأ مطلقة.. هي بتعتمد على حالتك أنت

الشرع والدين ادوا رخصة للحامل إنها تفطر لو خافت على نفسها أو جنينها، ومن الناحية الطبية، إحنا بنقسم الحالات لـ 3 أنواع:

لو أنتي في أول 3 شهور: غالبا الصيام بيكون صعب بسبب الغثيان وهبوط الضغط.
الجسم في الفترة دي بيحتاج سوائل وتغذية مستمرة عشان تكوين الجنين.

لو أنتي في الشهور الوسطى (الرابع للسادس): دي أكتر فترة "آمنة" نسبيا للصيام، بشرط إن صحتك العامة كويسة، مفيش أنيميا، ولا سكر حمل، ونمو البيبي ماشي تمام.

لو أنتي في الشهور الأخيرة: الصيام ممكن يكون مرهق بسبب ثقل الحمل، واحتياج الجنين لغذاء مستمر عشان زيادة الوزن.

⚠️ حالات "ممنوع" فيها الصيام طبيا:
فيه حالات الدكتور بيقولك فيها افطري فورا حفاظا على الأمانة اللي شايلاها:
✓ سكر الحمل أو ضغط الدم غير المنتظم.
✓ مشاكل في الكلى أو أملاح عالية.
✓ لو فيه احتمالية ولادة مبكرة.
✓ نقص في كمية السوائل حول الجنين (مية الرأس).

💡 الخلاصة:
الصيام قرار فردي جدا. لازم طبيبك المتابع هو اللي يقرر بعد ما يشوف آخر سونار وتحاليل ليكي.

أهم حاجة تفتكريها: إن ربنا بيحب أن تؤتى رخصه كما يحب أن تؤتى عزائمه، وصحتك وصحة ابنك هي الأولوية القصوى. ❤️

قوليلنا يا بطلة.. أنتي في الشهر الكام دلوقتي؟ وهل دي أول تجربة ليكي مع الصيام وأنتي حامل؟ 👇

Address

أتريب ش نصار فوق سوبرماركت الأندلس
Benha
13111

Opening Hours

Monday	4pm - 9pm
Tuesday	3pm - 7pm
Wednesday	4pm - 9pm
Thursday	5pm - 7pm
Saturday	4pm - 9pm
Sunday	5pm - 7pm

Telephone

201095651401

Website

facebook.com

Alerts

Be the first to know and let us send you an email when د. إيناس الزيات posts news and promotions. Your email address will not be used for any other purpose, and you can unsubscribe at any time.