10/05/2023
صباح الفل 🌹
غلطة بنات كتير بتعملها ومش واخدين بالهم منها وللأسف بتدمر شعرهم......
❌️ ممنوع تماما تغسلي شعرك بالصابون الخاص بالاستحمام أو صابون اليد لان كل الصابون ده قوى جدا وبيشيل كل الزيوت المغلفه للشعر ويجففه ويخلى الشعر ناشف وهش ويتساقط.
👈الشعر بيتغسل بالشامبو ومش أي شامبو كده وخلاص
طبعا لازم الشامبو يكون مناسب لشعرك...
🔸️لو شعرك بطبيعته جاف وناشف هتستخدمي شامبو يكون مخصص للشعر الجاف علشان يرطبه وينعمه.
🔸️لو شعرك ناعم وفيه دهون ومزيت بزياده تستخدمي شامبو للشعر الدهنى عشان ينضفه م الزيوت الكتيره دى.
🔸️لو شعرك عادى مش جاااف ولا دهني هتستخدمي شامبو للشعر العادى عشان يغذيه ويحافظ عليه.
🔸️لو شعرك فيه قشرة هتستخدمي شامبو خاص بالقشره عشان يعالجها.
❌ ومش معنى ان شامبو معين ناسب صاحبتك وجاب معاها نتيجة كويسة انه هيناسبك انتي كمان لان زي ما قولنا كل شعر وله طبيعة.
👈ولو مش عارفة تحددي طبيعة شعرك ممكن تسألي دكتور جلدية أو دكتور صيدلي هيساعدوكي ويرشحولك الشامبو المناسب لشعرك.
