بابا العيال د محمد الملا لطب الأطفال

27/07/2025

إلى كل أم لأول مرة… البوست ده ليكي وبس ❤️

أول أسبوعين في حياة طفلك هما بداية رحلة الأمومة بكل ما فيها من تعب وخوف، لكن كمان بكل حنية وحب. ماتخليش التوتر يغلبك، هنكون معاكي خطوة بخطوة عشان تعدي المرحلة دي بكل هدوء وثقة.

💤 أولًا: نوم الرضيع = نوم متقطع للأم
طفلك الجديد ممكن ينام من 18 لـ 20 ساعة في اليوم، لكن بشكل متقطع جدًا. ده معناه إنه هيصحى كتير عشان يرضع أو يعيّط من غير سبب واضح في الأول. نصيحتي ليكي كأم: نامي لما هو ينام. سيبي كل حاجة حواليكي، المواعين مش هتطير! جسمك محتاج يرتاح ويتلم من تاني بعد الولادة، خصوصًا لو كانت قيصرية. لو فيه حد قريب منك يقدر يساعدك، زي مامتك أو أختك، ماتتكسفيش تطلبي المساعدة. كلمة "النجدة يا طنط!" ممكن تنقذك وتوفرلك وقت للراحة.

🍼 ثانيًا: الرضاعة.. مش بس لبن، دي علاقة حب
في الأيام الأولى، ممكن تحسي بألم في الحلمة وده طبيعي جدًا. السر هنا في استخدام كريم طبيعي أو زيت جوز الهند، والأهم من كده إنك تعرفي أوضاع الرضاعة الصح. ماتتكسفيش تطلبي من طبيبتك أو الممرضة إنهم يساعدوكي ويعلموكي الأوضاع المناسبة. افتكري إن الرضاعة الطبيعية مش بس بتوفر لطفلك الغذاء والمناعة، دي كمان بتبني رابطة حب قوية جدًا بينك وبينه. حاولي ترضعي طفلك كل ساعتين، أو أول ما يطلب الرضاعة. وماتنسيش أهمية متابعة الصفرا، لازم تروحي لطبيب الأطفال بعد ٤٨ ساعة من الولادة للاطمئنان.

🫶 ثالثًا: البيبي مش كائن هش، احمليه براحتك
ماتسمعيش كلام اللي يقولك "بلاش تعوديه على الشيل". طفلك في المرحلة دي محتاج يحس بحضنك وبدقات قلبك، ده اللي بيطمنه وبيحسسه بالأمان. الدراسات أثبتت إن الأطفال اللي بتتشال كتير بينموا أسرع نفسيًا وعاطفيًا. احتضنيه وقربيه منك على قد ما تقدري، ده ليه تأثير إيجابي كبير على تطوره.

⚖️ رابعًا: وزنه قل؟ عادي جدًا!
ممكن تلاحظي إن طفلك خسر حوالي 10% من وزنه في أول أسبوع، وده طبيعي جدًا لأنه بينزل مياه زايدة من جسمه. لكن ماتقلقيش، وزنه بيرجع طبيعي بسرعة مع الرضاعة المنتظمة. أهم حاجة إنك تتابعي وزنه مع الطبيب عشان تطمني على صحته ونموه.

🪢 خامسًا: السُرَّة... مش مرعبة زي ما تفتكري
منطقة السرة بتحتاج اهتمام خاص في الفترة دي. كل ما تغيري لطفلك الحفاضة، رشي كحول طبي على السرة. ماتخافيش، السرة هتقع لوحدها خلال أسبوع لـ 3 أسابيع. المهم إنك تحافظي عليها نظيفة وجافة.

😥 سادسًا: البكاء لغة البيبي الوحيدة
في البداية، هتحسي إنك مش فاهمة طفلك بيعيط ليه. لكن مع الوقت، هتتعلمي تفرقي بين بكاء الجوع، وبكاء المغص، وبكاء "أنا زهقان". جربي تستخدمي الضوضاء البيضاء، أو صوتك وانتي بتغنيله أو تتكلمي معاه بهدوء. صوت الأم له سحر خاص وبيساعد على تهدئة الطفل بشكل كبير.

🛁 سابعًا: الحمام الأول = تجربة مشتركة
قبل ما السرة تقع، مش هينفع طفلك ياخد دش كامل. لكن ممكن تمسحي جسمه باسفنجة مبلولة بمياه دافية. خدي بالك إن السرة ماتتبلش. استخدمي صابون أطفال مخفف جدًا، ولما تنشفيه، طبطبي عليه بمنشفة قطنية ناعمة كأنك بتطبطبي على ملاك.

كل حاجة بتحصل لأول مرة، لكن انتي قدها. انتي مش أم مثالية، انتي أم حقيقية، وده الأهم. خلي قلبك دليلك، واطمني، وكل يوم هيكون أحسن من اللي قبله.

27/07/2025

لو إنت أب وعندك بنت صغيرة .. في حاجات لازم تعملها قبل ما بنتك تكبر وتبعد عن حضنك!
كلام لكل أب حقيقي عايز يسيب أثر في حياة بنته... مش مجرد مصروف وطلبات، لكن حب وأمان واحتواء.

خد دقيقة واقرأ الكلام ده كأنه من قلب بنتك ليك... حتى لو لسه صغيرة ومش بتعرف تعبر، جواها كلام كتير مش بتقوله 👧💔

---

🫶 ١. خلي حضنك أول مكان تحس فيه بالأمان
لأن لو ما لقيتش الأمان في حضنك، هتدور عليه في أماكن تانية، ويمكن تتوجع في الطريق.

🗣️ ٢. اسمعها حتى لو كلامها بسيط.
لما تيجي تحكيلك عن لعبتها أو رسمتها أو صاحبتها، بص في عينيها واسمعها.. علشان تحكيلك بعدين عن اللي وجعها فعلًا.

💖 ٣. قولها "أنا بحبك" كل يوم.
البنت اللي بتسمع الكلمة دي من أبوها، ما بتستناش حب مزيف من أي حد.

🧠 ٤. احترم رأيها وناقشها.
لما تيجي تتكلم او تتناقش معاك علمها إن ليها رأي وحق، وإنك مش بتفرض، لكن بتفهم وبتتناقش.

🛑 ٥. احميها من كل حاجة بتخوفها.
من الخوف، من الصوت العالي، من القسوة، من المقارنات، من الإهمال.. كن حاميها مش سبب في ضعفها.

💪 ٦. كن قدوتها في احترامك لأمها.
لما تشوفك بتحترم أمها، هتتعلم تحترم نفسها وتطلب الاحترام من اللي حواليها.

👨‍👧 ٧. العب معاها، واضحك معاها، كن طفل زيها أحيانًا.
هي مش محتاجة أب جامد طول الوقت.. محتاجة أب بيحب يقضي وقت معاها.

🧭 ٨. وجهها مش بالأوامر.. لكن بالحب والقدوة.
علمها الصح من الغلط، لكن خليك دايمًا قدوة في أفعالك، مش بس في كلامك.

📖 ٩. احكيلها عن ربنا، وعن نفسها، وعن الدين والدنيا
هي مش بس بنتك.. دي إنسانة هتكبر وتواجه الحياة، خليك أول معلم ليها في كل امورها.

🕊️ ١٠. لما تغلط، سامحها واحتويها.
ما تكسّرش نفسها باللوم، علّمها تقوم من غلطها وهي مرفوعة الرأس.. مش مكسورة القلب.

---

👨‍👧 بنتك مش مجرد "بنت صغيرة"
دي مرآتك في الدنيا.. لما تكبر وتقول: "بابا علمني.. بابا حبني.. بابا حماني"،
ساعتها تعرف إنك نجحت فعلًا كـ أب ❤️

ما تخليش الشغل، ولا التعب، ولا الأيام تسرق منك دورك الحقيقي.
فيه بنات كتير اتربوا في بيوت مليانة أكل ولبس.. بس فاضية من الحنان، وكانوا محتاجين بس "بابا" 🥺

27/07/2025

🌸 أول سنة في حياة طفلك...مش مجرد سنه من عمره بيكبر فيها وبس ، دي اهم سنه في حياته كلها وبيتبني عليها كل اللي جاي.
في اللحظة اللي بتشوفي فيها ابنك لأول مرة، بتحسي إن الدنيا كلها اتغيرت... بتحسي إنك اتولدتي من جديد.
لكن في اللحظة دي كمان، بتبدأ رحلة طويلة، رحلة مفيهاش دليل، مفيهاش "كتالوج"، رحلة كلها مشاعر... وتعب... وفرحة... وحيرة.

تعالي نحكي عن أول سنة... بالتفصيل... بكل اللي فيها، من أول يوم لحد ما طفلك يتم سنة.
السنة اللي بتبني فيها الأساس لكل حاجة جاية بعد كده.

👶 من يوم الولادة لحد ٣ شهور:

* طفلك مش بيعيط علشان يزعجك... ده لغته الوحيدة!
بيعيط لما يجوع، ولما يتعب، ولما يحس بالوحدة... ومحتاج حضنك أكتر من أي حاجة.
* ممكن تلاقيه بيصحى كتير بالليل؟ طبيعي جدًا! لأنه لسه مايعرفش الفرق بين الليل والنهار.
* حركته بسيطة، عيونه بتتابعك، صوته بيبدأ يطلع خروشة... وده تطور طبيعي.

☀️ احتياجاته في المرحلة دي:

* الحنان، الحضن، الأمان... صوتك ونبضك جمبه هما كل دنيته.
* الرضاعة، سواء طبيعية أو صناعية، هي الأساس لنموه الجسدي والعقلي.
* وعيك... إنك تفهمي إنه مش "مدلع" ولا "بيتعود على الشيل"، هو محتاج حضنك علشان يعيش.

🍼 من ٣ لـ ٦ شهور:

* يبدأ يضحك بصوت، ويمد إيده لحاجة قدامه، ويمسك شعرك أو وشك... وده تطور مهم جدًا.
* ممكن يبدأ يتقلب على بطنه أو ضهره.
* يبدأ يحاول "يدردش"، يقول "آغو" أو "إيييه"... دي بدايات التواصل.

✨ إزاي تطوري من مهاراته في المرحلة دي ؟

* احكي له... غني له... حتى لو مش فاهم، صوتك بينمي عنده اللغة والطمأنينة.
* هاتيله ألعاب بألوان زاهية عشان يتعلم التواصل البصري
* سيبيه يشوف وشوش الناس ويسمع أصواتهم، ده بيزود إدراكه.

🚼 من ٦ لـ ٩ شهور:

* هنا تبدأ الشقاوة! ممكن يقعد لوحده، يحاول يزحف، يبدأ ياكل .
* ممكن يظهر عليه الخوف من الغرباء، ويبدأ يلازمك أكتر.
* يحاول يقلدك... لما تسقفي، يسقف. لما تضحكي، يضحك.

💡 تعاملك معاه:

* سيبيه يتحرك، يجرب، يتقلب ويزحف... الحركة = تطور.
* خليه يحس بالأمان... متضحكيش على خوفه، طمنيه.
* عرفيه على أطعمة جديدة بهدوء، وكل حاجة بالتدريج.

🚶‍♂️ من ٩ شهور لـ سنة:

* ممكن يحبي، أو يقف ماسك في حاجة، أو حتى يمشي خطوة.
* بيقلدك في حاجات كتير: يسقف، يبوس، يرمي اللعبة ويضحك.
* بيعبر عن رفضه: يرفض الأكل، يبعد إيده، يعيط فجأة... وده طبيعي جدًا.

🎯 أهم سلوكيات ومواقف بتحصل في السن ده:

* ممكن تلاقيه بيعيط لما تسيبيه حتى لحظة واحدة: ده اسمه "قلق الانفصال".
* يرمي المعلقة في الأرض ويضحك: بيختبر رد فعلك، وده جزء من نموه الذهني.
* يزن عشان ياخد اللي في إيدك: مش عناد، ده اكتشاف وتجربة.

❤️ نصائح ذهبية للأم في أول سنة:

* ما تقارنيش ابنك بحد... كل طفل له وقته في النمو.
* ما تعيبيش في ابنك قدام حد... نظرة الأم لنفسها في عيون ابنها بتفضل محفورة.

🌷 رسالة ليكي يا ماما :
أول سنة هي سنة الزرع... مش لازم تشوفي النتايج دلوقتي،
بس كل حضن، كل نظرة حب، كل مرة قمتي فيها بالليل وانتي منهارة...
كل ده بيتسجل جواه، وبيكبر بيه.

لو حسيتي إنك مش عارفة تعملي كل حاجة صح...
اعرفي إن حبك واحتواءك أهم بكتير من أي "صح" في الدنيا.
وإنك مش لوحدك... كل أم بتمر باللي بتمري بيه... بس انتِ اللي بتختاري تكملي وتنجحي.
وده لوحده... كفاية جدًا ❤️

27/07/2025

🥵🥵

26/07/2025

لو عندك بنت قبل 10 سنوات.. لازم تعلميها الحاجات دي "ضروري جدًا" قبل ما يفوت الأوان!🩷
خدي نفس عميق يا ماما، وركزي في كل كلمة جاية.. مش لأنك محتاجة نصايح، لأ.. لأنك بجد بتحبي بنتك وعايزة تربيها صح 💔

بنتك قبل ما تتم ١٠ سنين، بتكون بتحط في قلبها وعقلها كل حاجة بتسمعها وبتشوفها منك، حتى لو ما فهمتهاش دلوقتي.. هتفهمها بعدين، وهتبني بيها نفسها.

وعشان كده.. لازم قبل السن ده، تعلميها حاجات "ما ينفعش" تتأجل:

---

👧 ١. علميها تقول "لأ" على اي حاجه مش مرتاحه ليها
قوليلها إن الرفض مش قلة أدب، وإن جسمها وقراراتها ملكها، وإن اللي يضغط عليها مش بيحبها بجد.

🧠 ٢. علميها تحب عقلها مش شكلها بس.
قوليلها إنها مش جميلة عشان شعرها طويل أو لبسها حلو بس..
لكنها جميلة لأنها ذكية، وفاهمة، وقلبها طيب.

🤍 ٣. علميها تحب نفسها قبل ما تستنى حب من أي حد.
قبل ما تقول "أنا بحبك" لحد.. لازم تقول "أنا بحب نفسي" من غير خجل.

🗣️ ٤. علميها إن رأيها مهم.
اسأليها عن رأيها.. في لبسك، في الأكل، في أي حاجة.. وخليها تحس إن صوتها مسموع، مش مهمَل.

🤲 ٥. علميها تحمد ربنا على كل نعمة، وتعرف إنها مش أقل من حد.
الناس مش متساويين في كل حاجة، لكن كل واحدة فينا عندها حاجة بتلمع.. خليها تكتشفها.

👗 ٦. علميها حدود الحياء مش الخوف.
علميها تستحي لما تغلط، لكن ما تخافش ، ولا تمشي مكسورة الخاطر عشان "الناس هتقول".

🧸 ٧. علميها تبكي من غير ما تتحرج.
قولي لها إن الدموع مش ضعف، الدموع نعمة، وإن البنت القوية هي اللي بتعرف تعبر عن وجعها.

🧕 ٨. علميها تحترم الكبير، لكن ما تسمحش لحد يأذيها حتى لو كبير.

📚 ٩. علميها تقرأ، تسمع، تسأل.. وتتعلم.
عن أمور دينها باستمرار ، دي الأرض الصلبه اللي هتقف عليها

🧩 ١٠. علميها إن الأنوثة مش في شكلها.. لكن في احترامها لنفسها، وثقتها في نفسها.

---

🌸 بنتك أمانة..
أمانة ربنا حطها في حضنك، مش بس عشان تأكليها وتلبسيها، لكن عشان "تبنيها".
خدي بالك منها قبل ما العالم يعلمها بطريقته اللي مش دايمًا رحيم 💔

كل حاجة بتقوليها، كل حضن، كل وقت بتقضيه معاها.. هو استثمار في إنسانة هتكبر تبقى أم قوية، ست محترمة، بنت واعية.

✋ ما تسيبيش الأيام تربيها لوحدها.. لأنك لو ما ربيتهاش بإيدك، هيتولى ده غيرك، ويمكن ما يرحمش.

26/07/2025

🌙 كيف تبرمجي طفلك إيجابيًا أثناء النوم؟
(طريقة فعالة للتأثير في سلوك الطفل بدون توتر ولا صراخ!)

🧠 هل تعلمين ماذا يحدث أثناء نوم الطفل؟
أثناء النوم، العقل الواعي يغيب تمامًا، لكن العقل اللاواعي (أو العقل الباطن) يظل في حالة انتباه واستقبال.
وهنا تأتي الفرصة الذهبية لبرمجة الطفل إيجابيًا، لأن العقل اللاواعي لا يُجادل ولا يفلتر، بل يستقبل ويُخزن مباشرة. 🌟

💡 معلومة علمية:
في أول 7 سنوات من عمر الطفل، يكون دماغه في حالة موجات "ثيتا" (Theta Brainwaves) وهي نفس حالة التنويم الإيحائي، مما يجعل الطفل أكثر قابلية للتأثر بالكلمات والمشاعر المحيطة به.
يعني: اللي بتقولي له وهو نايم، عقله بيخزنه كأنه حقيقة مؤكدة.

---

✅ الطريقة خطوة بخطوة:

1. 🛏️ انتظري حتى يغطّ طفلك في نوم عميق (من 20 إلى 40 دقيقة بعد نومه).

2. 👂اقتربي من أذنه اليمنى بهدوء وهمسي باسمه ثم عبارات إيجابية بلغة بسيطة ومحببة.

3. ⏱️ خصصي 3 دقائق يوميًا لهذا التمرين، وكرريه لمدة 14 يومًا متتالية لرؤية نتائج واضحة.

🟢 أمثلة لعبارات البرمجة:
لو اسم الطفل سُليمان 🤍🫶🏻 👇
– "سولي ولد شاطر"
– "سولي بيحب ماما وبابا"
– "سولي ذكي وبيفهم بسرعة"
– "سولي بيحب المدرسة وبيحب يحفظ قرآن"
– "سولي بيساعد أخوه وبيحبه"

---

🚫 تنبيه مهم جداً:
❌ لا تستخدمي أي جملة فيها نفي مثل:
– "سولي ما بيخافش"
– "سولي مش بيغلط"
العقل اللاواعي يحذف النفي تلقائيًا، فيُصبح المعنى: "سولي بيخاف" أو "بيغلط"!

✔️ استبدليها بـ: – "سولي شجاع وقوي"
– "سولي بيحسن التصرف"
– "سولي هادي ومريح"

---

🎯 حالات يمكن تحسينها بهذه الطريقة:

🔹 التبول اللاإرادي:
"سولي يقدر يصحى للحمام بسهولة، وبيحس قبل ما يحتاج يروح"

🔹 الخوف أو القلق:
"سولي شجاع، وبيحس بالأمان وماما دايمًا معاه"

🔹 الضعف الدراسي:
"سولي ذكي وبيحب الحساب والعربي"
"سولي شاطر في الإنجليزي وبيفهم بسرعة"

🔹 العصبية أو الغضب:
"سولي بيقدر يتحكم في مشاعره، وهادي وبيحب أصحابه"

---

📌 دراسات ونماذج واقعية:
في أحد المستشفيات، طفل تدهورت حالته بعد عملية بسيطة، واكتشف الأطباء أن المشكلة لم تكن جسدية، بل برمجية، حيث سمع الطاقم الطبي يتحدث عن وفاة مريض أثناء تخديره.
ولما أعادوا له نفس العملية بشكل تمثيلي مع كلمات إيجابية وهو تحت تخدير خفيف... تحسّن الطفل فورًا!
🧠 هذا دليل قوي على تأثير الكلمات على العقل الباطن حتى في حالات التخدير.

---

🎯 العمر المثالي للبرمجة:

🔹 من الولادة حتى سن 7 سنوات: أسرع استجابة وتأثير
🔹 من 7 حتى 15 سنة: ما زال العقل الباطن قوي وقابل للتأثر
🔹 بعد ذلك: يحتاج لأساليب أكثر تعقيدًا وجهدًا متواصلًا

---

📝 ملاحظات مهمة:

– إياك تقولي كلام سلبي عن الطفل حتى لو كان نايم أو مش منتبه
– الطفل بيسمع وبيخزن أكتر مما تتخيلي
– التكرار اليومي مفتاح النجاح (حتى لو كنتِ تعبانة، اعتبريها 3 دقايق استثمار في المستقبل)

---

📖 من كتاب "سر الطفل السعيد"
🌱 شاركي المعلومة مع أم تانية، يمكن تساعديها تغير سلوك طفلها للأفضل.

🤲 اللهم اجعل أبناءنا قرة أعين لنا، وبارك فيهم واصلح حالهم.
ولا تنسوني من صالح دعائكم ❤️

26/07/2025

26/07/2025

الطفل اللى مش بيسلم على حد غريب، مش رخم.......
الأب اللى مش بيرضى يجيب لإبنه مصاصة او شيبسى، مش بخيل......
الأم اللى مش عايزة تدى لإبنها مضاد حيوي، مش قاسية وقلبها حجر.....
انك تقول على طفل طالع وحش لمين ده مش هزار، ده لا مؤاخذة قلة أدب.....
وانك تكسر كلمة الأب والام وتدى الطفل الحاجة اللى هما رفضوها دى مش جدعنة ولا طيبة قلب.....
انك تعلم الطفل حاجة عارف انها هتضايق اهله وتضحك، دى مش خفة دم نهائى.....
وانك تحكم على اى حد لمجرد انه بيخالفك فى الرأى، ده ضيق أفق منك.. العيب مش فيه.... 👌

26/07/2025

مساء الخير ستنالين الراحة بعد الاربعين ..
- طب الحمد لله هانت
لأ الاربعين التانيه بتاعت القرص إللى بتتوزع على المقابر دى

26/07/2025

العيل العضاض مابينضربش 😅

ضربك ليه بيرسخ عنده اهمية استخدام الوجع في التعامل مع البشر حواليه، بمعني انضربت اتوجعت فلما اتعامل مع غيري هوجعه بأنني اعضه 🥲

و العض بيبدأ عند الطفل من بداية التسنين و لحد سن ٣ سنين، في البداية بيعتبر سلوك طبيعي لكن طريقة التعامل معاه بتخليه شئ مؤذي زي مثلا اننا نضحك له لما يعض 😏 او نعضه لما يعض 🙄

او نضربه بعنف لما يعض 😑 او نزعقله 💔

طب نعمل ايه ؟!! 🤗

١. تجنبي مواقف المشاجرة مع غيره من الاطفال و اول ما تحسي الخناقة هتبدأ ابعدي الطفل العضاض 👌

٢. تاني خطوة انه لما يعض طفل او اي شخص تاخديه علي الحمام تغسلي له وشه و بقه بشكل كافي ولو بيتدايق من دا عرفيه ان العض بينقل امراض و بيخلينا نعيا و ناخد ادوية كتير و منقدرش نلعب 🤭

٣. افصليه لمدة ٥ دقايق عن اللعب مع الاطفال لسبب انه بيعض و بكل حزم وبدون عنف و في جملة واحدة تقولي له عض لأ، او العض ممنوووووووووع نهائي 🤫

٤. رجعيه للعب او مع الناس تاني بشرط انه ميعضش حد 🤚

٥. اتكلمي مع الكبار حواليكي في انهم ميدولوش الفرصة انه يعضهم او ميسمحوش ليه انه يعمل كدة و يفضلوا يضحكوا او حتي يبينوا مدي وجعهم لإن الطفل بيحب جدا التجربة و بيحب تكرارها لإنها بتأكد له انه قادر يكون فاعل و قادر يشوف تأثير فعله علي غيره او علي الاشياء فطبيعي بيكرره كتير 😉

26/07/2025

التشتت في التربية بيبدأ من هنا ⛔️⛔️

لما الأم تقول "لأ"
والأب أو الجد والجدة يقولوا "ماشي يا حبيبي عادي"..

ساعتها الطفل بيتلخبط!

بيشوف إن مامته "قاسية"، وإن الباقيين هما "الطيبين" اللي بيدلعوه وبيحققوا له كل رغباته..

وبكده بيتضيع هيبة الأم، وبيتلغبط توجيه الطفل من وهو صغير، وشخصيته بتطلع مهزوزة ومش عارف الصح من الغلط ⛔️