27/02/2026
دايما الواحدة اللي بتكون حامل وبيحصلها اي حاجة اثناء الحمل الموضوع بيبقى مرعب وبيسبب قلق غير طبيعي للجميع
الحالة دي جاتلي من محافظة تانية تقريبا سوهاج وجاتلي هى وزوجها وكلهم رعب من المنظر اللي وصلتله وانها عمالة تلف بقالها تقريبا شهرين ونص وهى بالمنظر ده بل بالعكس بيزيد🥺🥺
وبعد التشخيص الصحيح ووضع خطة علاج صحيحة اللهم لك الحمد خفت تماما زي ما هتشوفوا في الفديو🥰🥰
الحالة دي انا منزلاها مخصوص علشان اشاركها مع زمايلي دكاترة النسا الافاضل
فحبيت أشارك تذكير بسيط بخصوص الطفح الجلدي أثناء الحمل. بعض الحالات — خصوصًا في الثلث الأخير — قد تحدث أمراض جلدية مرتبطة بالحمل وتحتاج تقييم متخصص لضمان التشخيص الصحيح واختيار علاج آمن للأم والجنين.
لذلك في حال وجود طفح جلدي مصحوب بحكة شديدة، انتشار سريع، أو ظهور فقاعات
يُفضَّل تحويل الحالة لدكتور جلدية للتقييم المشترك بين دكتور النسا ودكتور الجلدية والوصول للتشخيص الصحيح واختيار طريقة العلاج الصحيحة للحفاظ على امان الام والجنين.
وده بيساعدنا اننا نقدم افضل رعاية للمريضة
