Nutricure_Dr.Christen Kamal

20/05/2026

في فترة من الفترات…
الأم بتنسى شكلها…
طاقتها…
جسمها…
وأحيانًا بتنسى حتى هي مين.
كل حاجة بتبقى للأولاد…
ولما تيجي تفكر في نفسها…
الذنب يبدأ يتكلم.
"مش دلوقتي…"
"مش مهم…"
"خليهم الأول…"
لكن الحقيقة؟
الأم اللي بترجع لنفسها…
مش بتاخد من أولادها…
هي بتديهم نسخة أحسن منها ☘️
ودي واحدة من أجمل الرحلات اللي عشتها مع أم مرضعة…
−9.5 KG في أقل من شهرين…
بدون حرمان…
وبدون ما جسمها يدفع الثمن.
يمكن الدور عليكي دلوقتي ❤️

15/05/2026

الأكل الصحي غالي؟ 🤔
ولا إحنا بنصرف غلط من غير ما ناخد بالنا؟

في الحلقة دي من مونت كارلو بنفكك الفكرة دي ببساطة 👇
وهنقولك إزاي تاكل أكل صحي بميزانية بسيطة جدًا 💚

لو عايز تسمع الحلقة كاملة
اعمل mention لصفحتنا في الكومنتات
وهيوصلك اللينك فورًا 🔥

Nutricure_Dr.Christen Kamal

14/05/2026

13/05/2026

كم مرة وعدت نفسك: "من بكرة هسيطر على الأكل"...
وبعد كام ساعة لقيت نفسك بتاكل تاني… وبعدها جلد ذات… وإحباط… وتأنيب ضمير؟
ومع الوقت تبدأ تقتنع إن المشكلة فيك…
إن إرادتك ضعيفة…
إنك "ما عندكش كنترول"...
وممكن من كتر الإحباط تدور على أي حل سريع…
حقن… أدوية… كابح شهية… أي حاجة تريحك من الصراع اليومي ده.
بس الحقيقة اللي ناس كتير ما تعرفهاش…
مش كل أكل زيادة سببه ضعف إرادة.
ومش كل شهية مفتوحة معناها إنك محتاج تمنع نفسك أكتر.
لان مش كل شخص بياكل كتير… بيحب الأكل.
ومش كل شهية مفتوحة معناها "أنا إرادتي ضعيفة".
في أوقات كتير… جسمك هو اللي محتاج يتفهم.
ممكن تكون بتاكل أكتر بسبب:
نوم قليل أو نوم مش مريح.
ضغط نفسي مستمر… والأكل بقى وسيلة راحة.
وجبات ما بتشبعش رغم إن حجمها كبير.
بتسيب نفسك ساعات طويلة من غير أكل… وبعدها الجوع يبقى عنيف.
اضطراب في سكر الدم أو Insulin Resistance.
نقص حديد… أو نقص Vitamin B12… أو نقص معادن مهمة.
تغيرات هرمونية.
مشاكل بالغدة زي Hypothyroidism.
دايت قاسي لفترة طويلة خلّى الجسم يقاوم.
أكل عاطفي… بسبب ضغط، زعل، ملل، أو حتى إرهاق.
وأحيانًا… جسمك يكون عطشان، مش جعان

فبدل ما تسأل نفسك: "أنا ليه ما عنديش إرادة؟"
يمكن السؤال الصح يكون: "جسمي بيحاول يقولّي إيه؟"
…

احنا في NutriCure بنساعدك تفهم مشكلتك صح ..عشان تمشي مع جسمك مش ضده و الكنترول يبقي أسهل بمنتهي السلاسه

أكتر حاجة بتخليك تاكل زيادة…؟
① التوتر
② السهر
③ الملل
④ قبل الدورة
⑤ "مش عارف!"
اكتب رقمك في التعليقات 👇
وشوف ايه اكتر نمط بيتكرر عند كل الناس

تجربه مختلفه ☘️

10/05/2026

طفلك عنده مشكله ف النمو ؟
الفيديو ده مهم جدا تسمعيه

08/05/2026

كل طفل عنده مشاكل تغذويه محتاج حد امين يفهم احتياجاته النفسيه و الجسديه عشان يعدي و يكمل نمو بأمان

07/05/2026

“الوزن مش بس أكل… والجسم مش مجرد ميزان”
فيه فكرة منتشرة جدًا عن التخسيس:
إن الموضوع كله = أكل أقل → وزن أقل.
بس اللي بيحصل في الواقع أعمق من كده بكتير.
الجسم مش نظام بسيط
الجسم مش بيتعامل مع الأكل كأنه “سعرات وخلاص”.
هو نظام متكامل فيه:
• هرمونات بتتحكم في الجوع والشبع
• عضلات بتأثر على معدل الحرق
• مخ بيقرر إمتى الجسم “يقاوم” أو “يستجيب”
• وطريقة تنظيم طاقة بتتغير مع الوقت
عشان كده نفس الدايت مش بيشتغل بنفس الشكل عند كل الناس
في حد يستجيب بسرعة…
وفي حد يثبت بعد فترة…
وفي حد يبدأ كويس وبعدين الجسم يعوض ويرجع الوزن.
مش لأن “الإرادة ضعيفة”…
لكن لأن الاستجابة الفسيولوجية نفسها مختلفة.
هنا بييجي الفرق في طريقة التفكير
فيه نوع من التعامل مع الوزن بيشوفه كرقم على ميزان فقط.
وفيه نوع تاني بيبدأ يسأل سؤال أهم:
الجسم بيستجيب ليه بالشكل ده أصلًا؟
في Nutricure بنبدأ من هنا
مش من “إيه النظام اللي هنمشي عليه”.
لكن من:
إزاي الجسم عند كل شخص بيشتغل فعلًا؟
يعني بنبص على:
• نمط الجوع والشبع
• استجابة الجسم للتغيير
• سبب الثبات أو الرجوع
• وطريقة توزيع الطاقة في الجسم
وبناءً عليه بنشتغل… مش بناءً على قالب واحد لكل الناس.
الفكرة ببساطة:
مش الهدف إن الوزن ينزل بسرعة…
لكن إن الجسم يفهم الاستجابة الجديدة ويستمر عليها.
الخلاصة:
لو الموضوع بالنسبة لك كان مجرد “دايت وماشي ومفيش نتيجة”…
فيمكن لأنك كنتِ بتبصي لجزء واحد بس من الصورة.
ولو ده حصل معاك قبل كده…
فإنتِ بتشوفي الموضوع دلوقتي من زاوية مختلفة.

📩 “لو القصه دي حصلت معاك قبل كده اكتب لنا ف
التعليقات ”


تجربه مختلفه ☘️

06/05/2026

90% من الناس فاكرة إنها جعانة… وهي مش جعانة أصلًا.
قبل ما تفتح التلاجة… جاوب بسرعة:
✅ الجوع جه فجأة؟
الجوع الحقيقي غالبًا بيزيد تدريجيًا… مش بيظهر فجأة.
✅ نفسك في حاجة معينة بس؟
(شوكولاتة… عيش… مقرمشات… حاجة مسكرة…)
غالبًا ده craving… مش جوع حقيقي.
✅ شربت مية كفاية النهارده؟
أحيانًا جسمك بيطلب مية… وإنت بتترجمها على إنها جوع.
✅ نمت كويس امبارح؟
قلة النوم ممكن تخليك تحس بالجوع طول اليوم… حتى لو أكلت كويس.
✅ متوتر أو مضغوط اليومين دول؟
التوتر وارتفاع الكورتيزول ممكن يخلوك تدور على السكر والنشويات بدون احتياج حقيقي.
✅ لو قدامك دلوقتي بيض… زبادي… أو أكلة صحية… هتاكل؟
لو الإجابة "لا"… فغالبًا ده مش جوع جسم… ده جوع من نوع تاني.
⚠️ قبل ما تاكل… اشرب كوب مية واستنى 10 دقائق… وبعدها اسأل نفسك تاني.

عشان كده احنا ف نيوتري كيور بنعلمك إزاي تتعامل مع
الإشارات دي عشان تعرف تكمل وحدك بعد ما توقف متابعات

📌 Save للبوست… هتحتاج ترجعله.

📤 في حد جه في بالك دلوقتي؟ ابعتله البوست… ممكن يساعده 🍃

تجربه مختلفه ☘️

05/05/2026

"الحقيقة؟ الركبة مش ميزان."
ومش كل وجع ركبة سببه الوزن…
ومش كل حل هو “خسّي”.
في ناس وزنها طبيعي… وركبها بتتعب.
وفي ناس وزنها أعلى… ومفيش ألم واضح.
ليه ده بيحصل؟
أحيانًا المشكلة مش في الوزن نفسه…
لكن في “طريقة التعامل مع الجسم”:
❌ تخس بطريقة سريعة وغلط → تفقد كتلة عضلية بتحمي الركبة
❌ بروتين قليل → عضلات أضعف = ضغط أكبر على المفاصل
❌ التهاب في الجسم بسبب الأكل أو نمط الحياة → الألم يزيد حتى مع النحافة
❌ ضعف عضلات الفخذ والحوض → الركبة تتحمل الحمل كله
❌ الاعتماد على المسكنات فقط → تهدئة مؤقتة بدون حل حقيقي

ومعلومة مهمة جدًا ناس كتير ما بتفكرش فيها:
حتى زيادة بسيطة في الوزن ممكن تضاعف الحمل على الركبة أثناء الحركة…
لكن ده مش معناه إن الحل دايمًا هو التخسيس فقط.
علشان كده في Nutricure…
إحنا ما بنبصّش على الرقم بس.
إحنا بنقيم الجسم ككل:
العضلات، التغذية، الالتهاب، و الأسباب الجذرية ورا الأعراض.
وغالبًا بنلاحظ إن مع أول شهر أو شهرين من تنظيم التغذية وتحسين نمط الحياة…
الألم نفسه بيبدأ يتحسن تدريجيًا، حتى قبل تغيّر كبير في الوزن.
لأن الهدف مش “رقم أقل”…
الهدف جسم أذكى وأقوى وأهدى من جوّه.

لو الجملة دي لامست تجربة عشتها أو سمعتها…
ابعت البوست ده لحد لسه مقتنع إن الحل الوحيد هو التخسيس ❤️
ولو ليك تجربه مختلفه عن كده …اكتب لي في الكومنت 👇

تجربه مختلفه ☘️

04/05/2026

ركبتك بتوجعك…
طلع السلم بقى مجهود…
النزول أصعب…
وأوقات بتاخدي مسكن… بس عشان تقدري تكملي يومك…
رحتي… وسمعتي الجملة اللي ناس كتير بتسمعها:
"خسي… عشان ركبك تخف."
فبدأتي تقللي أكلك…
تحاولي…
تتعبي…
يمكن جعتي نفسك أكتر من مرة…
يمكن جربتي حاجات ما كانتش مناسبة ليك…
ويمكن الوزن أصلًا ما اتحركش بالشكل اللي كنتِ مستنياه…
ومع كل محاولة…
الألم موجود.
والإحباط بيزيد.
والسؤال جواك بيكبر…
"هو المشكلة فعلًا في وزني… وبس؟"

طيب…
لو الحكاية كلها وزن…
ليه في ستات وزنهم طبيعي جدًا… ومع ذلك ركبتهم
بتوجعهم؟ 🤔

في رأيك… إيه الحاجة اللي ممكن تكون أعمق من مجرد رقم على الميزان؟

اكتبيلي رأيك… أو حتى أول حاجة جت في بالك 💬
و اعملي منشن ل اول حد جه ف بالك لما قريتي البوست
ولو حابة تعرفي التفسير العلمي أول ما ينزل…
اكتبي "knee" ف التعليقات ❤️"


تجربه مختلفه ☘️

02/05/2026

مش كل حاجة تبان مبهرة… تبقى مناسبة.
ومش كل نتيجة سريعة… تبقى نجاح حقيقي.
يمكن دي حاجة اتعلمتها بدري جدًا في رحلتي…
سواء كطبيبة… أو كشخص بيشتغل كل يوم مع بشر عندهم ألم حقيقي… وأسئلة حقيقية… ومخاوف حقيقية.
وعشان أكون صادقة معاكم…
أنا عمري ما كنت الشخص اللي يجري وراء الترند لمجرد إن الكل بيجري.
وعمري ما كنت الشخص اللي يحب “يركب الموجة” لمجرد إن شكلها مغري.
وده مش معناه أبدًا إني ضد الجديد. بالعكس.
اللي يعرفني كويس… يعرف إني بحب التطوير جدًا…
بتعلم…
بجرب…
بتغيّر…
وبدور دايمًا على الأفضل.
لكن فيه فرق كبير…
بين إنك تتطور… وبين إنك تتنازل عن مبادئك.
وفي شغلي… فيه مبادئ عمرها ما بتتغير.
أبدًا.
إن صحة الإنسان مش تجربة.
وإن الجسم مش ساحة نجرب فيها حلول سريعة.
وإن أي نتيجة… لو مش قابلة للاستمرار… فهي مش نجاح حقيقي.
فاكرين لما الدنيا كلها كانت بتتكلم عن Keto في 2018؟
وقتها كان سهل جدًا أتأثر…
وأمشي مع الموجة…
لكن كان جوايا سؤال واحد:
“بعد سنة… وبعد 3 سنين… وبعد 5 سنين… الإنسان ده هيبقى عامل إيه؟”
وده نفس السؤال اللي بسأله النهاردة مع أي ترند جديد… ومنهم “نظام الطيبات”.
هل بيوفر احتياجات الجسم؟
هل ينفع في الحياة الحقيقية؟
هل بيصلح علاقتنا بالأكل؟
هل بيبني جسم أقوى على المدى الطويل؟
لو الإجابة مش واضحة… أنا ما بجريش.
مش خوفًا من الجديد…
لكن احترامًا لجسم الإنسان.
أنا ما بدورش على نتائج مبهرة…
أنا بدور على نتائج حقيقية.
نتائج ما فيهاش مبالغة.
ما فيهاش حرمان.
ما فيهاش حلول مؤقتة.
وما فيهاش اعتماد على حاجة تمشيك وبعدين تسيبك.
نتائج تخليك بعد شهور… وبعد سنين…
أخف… أقوى… أهدى… وأصح.
وده اللي بشوفه كل يوم…
ناس مش بس خسّت…
لكن قالت:
“حرقة المعدة راحت.”
“الإسهال المزمن وقف.”
“الصدفية هديت.”
“التنميل قل.”
“مفاصلي بقت أحسن.”
“أول مرة الأكل يبطل يسيطر على دماغي.”
والحالات اللي هتشوفوها تحت في الكومنتات…
كلها كانت بتاكل أكل طبيعي جدًا—عيش بلدي، فاكهة، خضار، لحوم، فراخ، وبروتينات بشكل عادي—ومع ذلك التحسن ده حصل بشكل واضح.
وده بالنسبة لي بيأكد فكرة واحدة بس:
إن الجسم لما ياخد احتياجاته الحقيقية بشكل متوازن… بيبدأ يصلّح نفسه بنفسه.
ولو عندك سؤال عن “نظام الطيبات”…أو غيره
اكتب سؤالك تحت في الكومنت 👇
هجاوب بكل صدق… وبكل علم… وبعيد تمامًا عن الترند.