Rooh Therapy

24/08/2025

دورة رحلة التغيير النفسي || المحاضرة الأولى

16/08/2025

رحلة التغيير النفسي رجعت ليك ✨

لو نفسك تبدأ من جديد، وتفهم خطوات التغيير الصح، وتعرف إزاي تدير حياتك بشكل يخليك أقوى وأهدى… يبقى الكورس ده ليك 💪

🗓 المواعيد: 3 محاضرات
كل سبت 16/8، 23/8، 30/8

⏰ الساعة 8 مساءً – أونلاين على تليجرام

⏳ مدة المحاضرة: من ساعة لساعة ونص

📚 المحاور:

👈يعني إيه تغيير نفسي وليه مهم؟
👈مراحل التغيير.
👈ليه التغيير صعب على الإنسان.
👈ازاي تعرف نفسك بجد.
👈مهارات تساعدك تدير التغيير في حياتك.

جهز نفسك… لأن بعد الكورس ده، حياتك ها تتغير لشكل تاني بإذن الله ✨

والمفاجأة كمان شهادة مجاااني معتمدة من جمعية أثر 🤩

اكتب كومنت بسرعه وانتظر لينك الحضور 👏🏼

10/08/2025

" التقليل من المعاناة النفسية "

😔 تخيل إنك غرقان في بحر، وبتصرخ عشان حد ينقذك… لكن كل اللي حواليك بيقولوا:
"المية مش غويطة، إنت بس بتخاف زيادة عن اللزوم."
ده بالظبط إحساس ناس كتير مع الاضطرابات النفسية.

اللي بيعاني من الاكتئاب، يسمع: "إنت بس زهقان، قوم شوف لك حاجة تعملها.
اللي عنده قلق، يسمع: "كبر دماغك، مفيش حاجة تستاهل."
اللي عنده وسواس قهري، يسمع: "إنت بتفكر كتير في حاجات ملهاش لازمة."

المشكلة مش في الكلام نفسه
المشكلة إنك بتحس إن وجعك مش مُعترف بيه، وكأنك مش من حقك تحس اللي بتحسه.
وده بيزود العزلة، ويخلي الألم أعمق.

📌 الحقيقة:
الألم النفسي حقيقي، حتى لو مش ظاهر.
الأعراض النفسية مش "دلع" ولا "مبالغة"، هي مرض محتاج علاج ودعم، مش أحكام وانتقادات.

💚 رسالتنا:
لو حد قال لك إنه بيعاني، صدّقه.
التعاطف مش محتاج تشوف الدليل مجرد وجودك جنبه بيفرق أكتر مما تتخيل.

دُمتم بخير.

04/08/2025

🔥 "مش كسلان... أنا مُستنزَف"🔥

في فرق كبير بين التعب العادي… وبين الاحتراق النفسي.

الاحتراق مش مجرد إرهاق جسدي، هو حالة من الانهيار العاطفي والعقلي بتحصل لما الشخص يفضل يدي من نفسه بدون ما ياخد مساحة للتعبير، الراحة، أو حتى الشعور بالتقدير.

💡 يعني إيه احتراق نفسي؟
هو حالة بيمر بيها الإنسان لما يفضل تحت ضغط مزمن لفترة طويلة بدون دعم كافي.

النتيجة؟
فقدان الحافز تمامًا
إحساس مزمن بالإرهاق
إنكار الذات واحتياجاتها
شعور داخلي بـ"أنا فاشل مهما عملت"
وممكن كمان يتحول لاكتئاب صامت

⚠️ علامات مبكرة:
بتصحى من النوم تعبان أكتر من وأنت نايم
دايمًا عصبي أو منعزل
بتهرب من الناس اللي بتحبك لأنك "مش قادر"
كل حاجة كانت بتحفّزك بقت عبء
بتلوم نفسك دايمًا إنك مش كفاية، حتى لو بتشتغل فوق طاقتك

💬 أصعب حاجة؟
إن الناس حواليك ممكن يشوفوك “كسلان” أو “متغير”، ومش شايفين إنك بتغرق بصمت.

🛠️ العلاج يبدأ من هنا:
اعترف إنك مش بخير، بدون خجل
اسأل نفسك: أنا ليه بدي أكتر من طاقتي؟ بخاف من إيه؟
اسمح لنفسك بـ"اللاشيء"... الاستراحة مش ضعف، دي ضرورة
ابحث عن الدعم المهني (جلسات علاج نفسي تساعدك تحدد الجذر وتفك الضغط)

💚 وأهم حاجة: ما تحاولش تثبت للناس إنك قوي، اثبت لنفسك إنك تستحق تكون مرتاح.

دُمتم بخير.

03/08/2025

هل ده "أنا" ولا ده المرض؟

واحدة من أصعب مشكلات الاضطرابات النفسية إنك أوقات مش بتعرف تفرّق بين نفسك وبين أعراض المرض اللي جواك.

🔸 الشخص اللي عنده اكتئاب، ممكن يفتكر إنه كسول أو مفيش فيه طموح.
🔸 اللي عنده قلق، ممكن يفتكر إنه "ضعيف الشخصية".
🔸 واللي عنده اضطراب الشخصية، ممكن يحس إن تصرفاته "جزء من طبيعته" ومش غلط.

لكن الحقيقة هي:
الاضطراب النفسي مش "أنت"
هو حاجة بتأثر على طريقتك في التفكير والإحساس والتصرف، لكن مش بتمثلك بالكامل.

✅ لما تبدأ تلاحظ إن في حاجة مش طبيعية، أو بتتكرر وتؤذيك أو تؤذي علاقتك باللي حواليك، فده مش معناه إنك شخص سيء
ده معناه إنك محتاج تفهم نفسك أكتر، وتاخد خطوة للعلاج.

🧡 فرق كبير بين الشخص والاضطراب…
والوعي هو أول خطوة في التحرر.

دُمتم بخير.

ُحيي_أرواحنا

02/08/2025

🧠 "ليه معظم الناس مش بتاخد اضطراباتها النفسية بجدية؟"
فيه اضطرابات ومشاكل نفسية بقت منتشرة جدًا حوالينا، لكن للأسف لسه في ناس كتير مش معترفة بيها، أو بتتعامل معاها على إنها "دلع" أو "مبالغة".

📌 زي إيه؟
الاكتئاب = "انت بس زهقان شوية وهتتحسن"
القلق = "كبر دماغك ومتتفكرش كتير"
نوبات الهلع = "تمثيل... إيه يعني قلبك بيرف بسرعة؟"
اضطراب ما بعد الصدمة = "نسي وخلاص!"
الوسواس القهري = "كلنا عندنا شوية OCD"

💥 المشكلة هنا مش بس في التجاهل... لكن في إننا بنمنع ناس كتير من إنها تطلب المساعدة، ونخليهم يحسوا إنهم لوحدهم أو "مجانين".
👈 الحقيقة إن الاضطرابات النفسية مش مزاج، ومش ضعف، ومش عيب.
هي حالة طبية حقيقية، ليها أسباب، وأعراض، وأشكال علاج متعددة... ولو ما اتعالجتش، ممكن تأثر على الصحة الجسدية، العلاقات، الشغل، والدراسة.

📣 مهم نعرف:
✅ الشعور بالتعب النفسي مش حاجة تخجل منها
✅ طلب المساعدة مش ضعف
✅ مفيش عيب في إنك تروح لمعالج نفسي زي ما بتروح لدكتور بطني أو قلب
✋ كفاية وصم وتنمر وسخرية... وخلينا نبدأ نسمع لبعض بجد.

دمتم بخير.
ُحيي_أرواحنا

30/07/2025

"طفلي بيكلم نفسه… هل ده طبيعي؟!"
كتير من الأهالي بيقلقوا أول ما يلاحظوا الطفل بيتكلم لوحده، أو بيخترع حوار بينه وبين العابه.

لكن خليني أقولك حاجة مهمة:
-الحديث الذاتي عند الأطفال مش دايمًا علامة خطر بالعكس، ساعات بيكون علامة ذكاء وتنظيم للمشاعر.

الطفل بيتكلم علشان:
- يفهم اللي بيحصل حواليه
- ينظم أفكاره
- يهدّي نفسه وقت القلق

المهم إننا نلاحظ:
✔ هل الحوار متكرر ولا عابر؟
✔ هل بيأثر على تواصله مع الناس؟
✔ هل فيه خيال ولا هلوسة؟

لما نلاحظ بس، بنفهم… ولما نفهم، بنقدر نساعد بدل ما نقلق.🎈

دُمتم بخير.

ُحيي_أرواحنا

27/07/2025

"ابني بقى عصبي فجأة… وبيزعق على حاجات بسيطة!!"
المشكلة دي مش قليلة، وناس كتير بتسأل:
هو الطفل اتغير؟
ولا إحنا مش واخدين بالنا من اللي جواه؟
احنا مش عارفين نتعامل معاه وبقي صعب جداا.

المشكلة النفسية مش لازم تبان في شكل بكاء طول الوقت أو عزلة…
أوقات بتظهر في صورة عناد، نوبات غضب، أو حتى تصرفات ملهاش تفسير!

المشاعر المكبوتة بتلاقي طرقها في الخروج، حتى لو الطفل مش بيعرف يشرح.

عشان كده مهم:
- نسمعه من غير مقاطعة
- نلاحظ التغيرات الصغيرة
- منخافش نطلب مساعدة لو حاسّين إن في حاجة مش مريحة

مش كل تصرف غريب "دلع"، ومش كل مشكلة نفسية ليها شكل واحد.

⚡ابنك مش صعب… هو بس محتاجك تبقى أقربله قبل ما تحاسبه.
واحتمال بسيط من الفهم… يتغيّر .

ُحيي_أرواحنا

26/07/2025

15/07/2025

تدريب في القياس النفسي 💗

مهتم بمجال القياس النفسي؟ يبقى التدريب ده ليك! 💡
📌 التدريب مخصص لكل طلاب وخريجي كليات التربية والآداب، وأقسام علم النفس والتربية الخاصة ومتنساش تسأل عن اليوم المجاني التعريفي بالورشة

🧠 محاور التدريب:
🔹 مقياس ستانفورد–بينيه للذكاء – الصورة الخامسة
🔹 مقياس جيليام (GARS-3) لتشخيص التوحد
🔹 اختبار فرط الحركة وتشتت الانتباه (ADHD)
🔹 مقياس فايلاند (Vineland) الإصدار الثالث للسلوك التكيفي
🔹 تدريب على تعديل السلوك: ( فنيات – خطة تعديل – تدخلات مناسبة)

✨ مميزات الحضور:
✅يوم مجاني للتعريف بالورشه
✅ شهادة حضور معتمدة
✅ أولوية في التسجيل للتدريب العملي الكامل
✅ فرصة للتوجيه والتواصل مع أخصائيين خبرة في المجال

📍 المكان: جمعية كيان – مكتب بني سويف

13/07/2025

سلسلة بين التوقع والواقع | الحلقة 2
'هتطلع من أول جلسة ومعاك الحل السحري'
في الحلقة دي، هنفكك واحدة من أشهر الخرافات النفسية:
"مشكلتي هتتحل في جلسة!"
هنعرف مع بعض هل فعلاً جلسة واحدة تكفى لحل مشاكلي النفسية؟

سلسلة "بين التوقع والواقع" هتكشف لك الفرق بين اللي الناس بتقوله… واللي الواقع بيقوله.

اكتب لنا: إيه أكتر خرافة نفسية نفسك نفككها؟

دُمتم بخير

07/07/2025

الناس اللي بتسأل على كورس تخاطب 👇

مجال التخاطب من أهم المجالات لخريجي علوم الإعاقة ، خدمة اجتماعية، رياض الأطفال ،المهتمين بمجال التخاطب و التربية الخاصة ..وبيفتح ليكم أبواب شغل كتير

لو عاوز تكون أخصائي تخاطب، وبتدور على مكان يديك خبرة عملية... دلوقتي كيان (فرع بني سويف) بتبدأ دورة إعداد أخصائي تخاطب مع تدريب عملي يومي وتطبيق مباشر على حالات فعلية وشهادة حضور. في التدريب دا هتعرف:

🔸مقدمة عن التخاطب
🔸تطبيق عملي على اختبار اللغة المعرب ( تطبيق , تصحيح , كتابة تقرير )
🔸 اعداد الخطة الفردية وادارة الجلسة
🔸التعامل مع حالات (التوحد، فرط الحركة، الشلل الدماغي، داون، الاعاقة السمعية)
🔸 تقييم وتأهيل أمراض النطق والكلام ( اللدغات – التلعثم )

📌مده التدريب: ٣٠ يوم ( ١٥٠ ساعه)

مستني ايه خد أول خطوة احترافيه في مشوارك كأخصائي تخاطب مع كيان، واحجز مكانك دلوقتي.💁
للحجز والاستفسار :
01003057306/ 01070206539 / 01019237458

مكتب بني سويف:شارع عبد السلام عارف – اعلى فودافون
الحمرايا – شارع الشيماء –فيلا كيان

#كيان #تدريبات