08/07/2025
"هو أنا بنسى كتير ولا ده طبيعي ؟!"
🔹نسيان الحمل🤰🏻مش غريب ومش معناه إن في حاجة غلط ده عرض شائع بيصيب سيدات كتير خصوصاً في الشهور الأخيرة من الحمل🤰🏻
🔸 ليه بتحسي بكده؟
⬅️ التغيرات الهرمونية (زي زيادة البروجسترون والإستروجين) بتأثر على التركيز والذاكرة المؤقتة
⬅️ قلة النوم بسبب تقلبات الحمل أو القلق أو حتى حركة البيبي
⬅️ الضغط النفسي والتفكير المستمر في المسؤوليات والتحضيرات
🔸 هل النسيان ده طبيعي؟
✅طبيعي جداً ومابيأثرش على الذاكرة على المدى الطويل
✅العقل بيميل يركز على الجوانب العاطفية والربط مع الجنين أكتر كأن الجسم بيقولك: "خلي أولويتك دلوقتي للمهمة الأعظم ❤️"
🔸 تقدري تخففي منه إزاي؟
✔️ حاولي تنامي وقت كافي
✔️ اكتبي كل حاجة علشان تفكري أقل
✔️ مارسي رياضة خفيفة (بعد موافقة الطبيب)
✔️ اشربي مياه واهتمي بأكلك
✔️ سيبي مساحة لنفسك وماتضغطيش عليها
نسيانك مش ضعف..
ده مجرد مرحلة مؤقتة جسمك بيمر بيها علشان يحضرك لأجمل رحلة ❤️
