د. بسمة مدحت للتغذية العلاجية Dr/Basma nutritionist

18/02/2026

رمضان كريم عليكم جميعا 🌙
يا رب شهر مبارك مليان صحة و فرحة و خير 🙏🏻

وأبسط حاجة ممكن تعمل فرق كبير في صحتك خلال الصيام 👌
نصايح صغننة بس مهمة:

💧 المية مش رفاهية
حاول تشرب مية بين الإفطار والسحور على فترات
مش مرة واحدة
وما تنساش إن القهوة والشاي مش بديل للمية ☕❌

🍽️ كل براحة
ابدأ الإفطار خفيف
وادي لجسمك فرصة يفهم إن في أكل داخل
مش لازم نخلص كل حاجة في أول 10 دقايق 😌

🥗 السحور صديقك
وجبة فيها بروتين + ألياف
تساعدك تشبع وتقلل العطش والتعب في الصيام

✨ رمضان مش شهر حرمان
هو شهر توازن وراحة لجسمك قبل أي حاجة .

✅️هكون معاكم خلال الشهر باذن ربنا لأي تساؤلات و استنوا كمان شوية فوازير و نصايح مهمة ✔️

دكتورة بسمة مدحت فؤاد
اخصائية التغذية العلاجية

10/02/2026

🥰الرضاعة الطبيعية من احلي و انقى النعم اللي في حياة أي أم.
✅️لكن لازم نهتم كمان بصحة الام و جودة اللبن صح و منسمعش لكل كلام بيتقالنا غير لما نتأكد منه.

👇دي شوية حاجات كنتي فاكراها صح ✔️عن الرضاعة زي ما قالولنا لكن طلعت ✖️مش صح اوي ❤️

1️⃣ كنتي فاكرة إن… الحلاوة الطحينية بتزوّد اللبن تلقائيًا.
➜ الحقيقة: اللبن يزيد بالرضاعة المتكررة و شرب المياه وتفريغ الثدي… مش بالسكر والسعرات بس.

2️⃣ كنتي فاكرة إن… اللبن بيبوظ بعد ما الأم تزعل أو تتعصب
➜ الحقيقة: اللبن ما “بيبظش”… لكن التوتر ممكن يقلّل اندفاعه مؤقتًا وبيرجع.

3️⃣ كنتي فاكرة إن… لازم تشربي لبن كتير عشان اللبن يزيد
➜ الحقيقة: السوائل عمومًا + رضاعة مستمرة هي الأساس لزيادة اللبن… مش نوع مشروب معين.اللبن بنحبه عشان وجبة فيها كالسيوم و بروتين في صورة سايل كوجبة حلوة لكن بحدود مقبولة.

4️⃣ كنتي فاكرة إن… لو اللبن خفيف لونه فاتح يبقى “مش مغذّي”
➜ الحقيقة: شكل اللبن طبيعي يتغيّر خلال اليوم صبح او ليل و حسب الأكل او عمر الطفل… المهم الكمية و وزن البيبي
مش اللون.

5️⃣ كنت فاكر إن… لو أنا مريضة لازم أوقف الرضاعة
➜ الحقيقة: في أغلب الأمراض تقدري ترضّعي… وغالبًا بيفيد الطفل بمناعة أعلى (إلا أمراض وأدوية معيّنة فقط).

كنتي عارفة الحاجات دي و لا لأ؟
لو حابة تتابعي تغذية سليمة خلال الرضاعة ابعتي علي الصفحة و هيتم التواصل معاكي ❤️

د. بسمة مدحت
اخصائي التغذية العلاجية
#رضاعة #تغذية

04/02/2026

27/01/2026

"أصل أنا حرقي ضعيف يا دكتورة!"
❓ هل الكلام ده صح؟

📌 الحقيقة؟
ضعف الحرق الحقيقي نادر جدًا
وأغلب الناس حرقهم طبيعي… بس في عوامل بتقلله

يعني إيه حرق أصلاً؟
الحرق = كمية الطاقة اللي جسمك بيصرفها
✔️ تنفس
✔️ حركة
✔️ هضم
✔️ وظائف الأعضاء

📍 إمتى فعلاً نقول الحرق قليل؟
🔬 حالات طبية محدودة زي:
قصور الغدة الدرقية الشديد
فقدان عضلي كبير
دايت قاسي جدا لفترات طويلة
(وده أقلية مش الأغلبية)

طب ليه الميزان واقف؟
مش حرق ضعيف… غالبًا:
❌ أكل أقل من اللازم
❌ بروتين قليل
❌ حركة ضعيفة
❌ نوم وحش
❌ توتر عالي (كورتيزول 🔥)

أكتر حاجات بتقتل الحرق
🚫 دايت قاسي
🚫 قعدة طويلة
🚫 خوف من الأكل
🚫 دايمًا “عايزة أخس بسرعة”

طب نزوّد الحرق إزاي؟
✅ زوّدي بروتين
✅ ابني عضل (حتى تمارين بسيطة)
✅ كلي كفاية
✅ اتحركي أكتر خلال اليوم
✅ نامي واهتمي بالتوتر

✔️ الخلاصة
جسمك مش ضدك
الحرق مش عدو
المشكلة غالبًا في العادات… مش في الجسم

💬 كنتي فاكرة إن حرقي ضعيف؟
اكتبيلي في الكومنت 👇
ولو حابة تعرفي تقييم حرقك صح… تابعيني 🤍

22/01/2026

Honored to be with you💪🏻

𝗛𝗲𝗿𝗲 𝘁𝗼 𝗶𝗻𝘀𝗽𝗶𝗿𝗲, 𝗵𝗲𝗿𝗲 𝘁𝗼 𝗲𝗺𝗽𝗼𝘄𝗲𝗿 ✨

We’re honored to welcome 𝗗𝗿. 𝗕𝗮𝘀𝗺𝗮 𝗠𝗲𝗱𝗵𝗮𝘁 𝗮𝘀 𝗼𝘂𝗿 𝗣𝘂𝗯𝗹𝗶𝗰 𝗙𝗶𝗴𝘂𝗿𝗲 at Step On The Way 18

A powerful presence, an inspiring story, and a real impact that goes beyond titles.
Get ready to be inspired by her experience. 💙

14/01/2026

وأخيرًا… هرم غذائي بيفهم جسمنا مش بيعاندنا 🥰
مفيش أكل ولا دهون عدوّ لينا…
لكن فيه اختيارات صحية تناسبنا وطريقة حياة متوازنة.

مش حرمان لكن فهم جسمك واختيارات أذكى بس 💪

دلوقتي القاعدة بقت:
💧 مياه
😴 نوم كويس
🏃‍♀️ حركة
🧠 صحة نفسية من غير توتر و قلق
وبعدها بقى الأكل بتدرّج صح 👌

, new food pyramid , health, nutrition

12/01/2026

✋ بتتمرن او بتتمرني ومش شايفة نتيجة؟

❓ حاسس عضلاتك ضعيفة رغم التمرين؟
❓ عملت InBody وطلّع إن نسبة العضلات قليلة؟
❓ أو بتتعبـي بسرعة ومفيش شدّ في الجسم؟

👉 يبقى المشكلة غالبًا مش في التمرين… المشكلة في البروتين.

علشان العضلات:
تتبني وتشد وتستشفَى بعد التمرين

✔️لازم بروتين كفاية + توزيع صح على اليوم
ومش شرط يكون معقد… شوية ميكسات ذكية تفرق جدًا 👌
و كمان ايه التحاليل المهمة ليك ؟!

⚠️ ملحوظة مهمة
✅️العضلات مش بتتبني في الجيم
👉 بتتبني في المطبخ + أثناء الراحة

لو البروتين قليل:
❌️مفيش شد
❌️مفيش نتيجة
❌️ومفيش استشفاء

✅️لو مش عارف محتاج قد إيه بروتين في يومك
أو نتيجة الـ InBody محتاج تفسير
📩 ابعتلي و نظبطهولك صح.

#بروتين #تمرين

10/01/2026

الليبوديما lipedema مش “سمنة في الرجلين”… ده مرض له مراحل وتشخيص.
كتير بنات بتتعب من شكل رجليها، تعمل دايت وتمارين ومافيش نتيجة… والسبب يكون ليبوديما.
🌸 في الفيديو شرحتلك المراحل من الأولى للرابعة
✔ الأعراض
✔ التشخيص
✔ إمتى لازم تروحي لطبيب
💬 اكتبي في التعليقات:
ليبوديما لو حابة خطة غذائية وتمارين مناسبة 🌿
أو لو شاكة إن عندِك الأعراض وعايزة أساعدك.
🎀 شاركي الفيديو و اعمليلو save لبعدين❤️

#ليبوديما
#سليوليت

04/12/2025

دول ٥ ميكسات يدوك طاقة طول فصل الشتاء🩷🔥
تنفع لكبار و صغيرين🔥
جربوهم✌️
و مكتوب سعراتهم تحتهم ✳️
لازم تبقي ضمن سعراتكم اليومية 👍😎
جربوهم بجد طعمهم حلو اوي و مشبعين لوقت طويل في يومكم.
كلهم من غير اضافة سكر نهائيا 🩷💪🏻

01/12/2025

زي ما قلنا اكلك = صحتك
في البوست ده احلي ٥ اكلات للعناية ببشرتك ❤️
و في الاخر هتلاقوا نصايح مهمة اووووي لبشرتكم ❤️
دمتم حلوين دايما 🥰
د.بسمة مدحت
اخصائية التغذية العلاجية 🥗

27/11/2025

امتي احس ان بشرتي بتقولي فيه مشكلة؟؟!! دايما بنهمل العلامات الاولي اللي بتبان علي صحتنا 💔
زي الفم و اللثة و الاسنان و البشرة و الشعر !!!!
تابعوا البوست و شوفوا الاعراض⬅️
لو اي حد عنده اي سؤال يكتبلي او يبعتلي ❤️

د بسمة مدحت
اخصائية التغذية العلاجية

بشرة_صحية #نضارة #نيوتريشن

25/11/2025

"الأكل قدّام التلفزيون = جوع كدّاب 🎬🍿
الريل ده هيفهمك ليه دماغك بتخدعك وإزاي نكسر العادة دي.
بتأكلوا قدّام التلفزيون؟ قولولي بصراحة 🙈"